مساعدة فى شراء كاميرا بروفيشنال

[Amr.Fathy]

الميزانية 6000 جنيه

فكرت فى canon 650d + lens 18-55

وايه الفرق بين lens 18-55 و 135-18

انا عملت الموضوع هنا لان قسم هواة التصوير الفوتوغرافي مفيش حد بيخشوا

[marsguy]

الميزانية 6000 جنيه

فكرت فى canon 650d + lens 18-55

وايه الفرق بين lens 18-55 و 135-18

انا عملت الموضوع هنا لان قسم هواة التصوير الفوتوغرافي مفيش حد بيخشوا

الفرق بين 18/55 و 18/135 هو فرق في الزوم

كل ما الرقم اللي فوق يعلى يبقى العدسه دية تقدر تصور حاجات أبعد

وكل مل الرقم الصغير يقل يبقى العدسه دية تقدر تصور حاجات من قريب وده مهم جداً لما تيجي تصور جوه البيت مثلاً أو لما تحب تصور صوره وعاوزها تكون عريضه.

أهم سؤال حضرتك لازم تجاوبه لنفسك أولاً: هاتجيب كاميرا نيكون ولا كاانون؟

لو سألتني أنهو أحسن هاقولك الفرق بينهم زي الفرق بين المرسيدس والبي إم, كل عربيه فيهم هاتلاقي ناس مقتنعه إنها أحسن من التانيه بس هم في الآخر عربيتين جامدين جداً.

أنا شخصياً بانصح الناس تجيب كانون عشان بس عدساتها أرخص, لكن أنا شخصياً باحب نيكون جداُ وصعب جداً أجيب كانون.

نصيحه من الآخر: روح إمسك الكاميرتين في إيدك وشوف إنت مستريح لأنهو أكتر وبعد كده شوف إيه في الكاميرتين مناسب لفلوسك.

وحاول تجيبها من الخليج أو أمريكا هاتقف أرخص غالباً

شكراً

[youssef_u]

يا جدعان حد يقولي رأيه في دي ضروري ، سعرها هنا ٦٦٠٠ بس هجيبها من بره طبعا

Jarir Bookstore ...not just a bookstore

[hany63]

بص انا من مستعملي النيكون كان معايا d5100 وبعتها و جبت d7000
و اقول لك بكل ثقه هات الكانون امكانياتها اعلى من النيكون في الفئه السعريه دي و لو متمسك بالنيكون عشان صورتها احلى ما تجيبش اقل من d7000 هتعمل 8500 جنيه و لو فيه امكانيات تجيب الاحدث d7100 هتعمل 12500 جنيه بس من الاخر
و لو جبت الكانون خليك في العدسه ال 18-135 هتوقر عليك شراء عدسه زووم اضافيه و فك و تركيب و وجع قلب كل شويه

[hany63]

بالمناسبه ما تجيبش من بره هاتها من الكينج في وسط البلد اسعاره ارخص و ده رقمه 23925140

[mohammedabdallh]

السعر بره اقل من مصر
وطبعا هات 18- 135

[hany63]

السعر بره اقل من مصر
وطبعا هات 18- 135

لا معلش المحل ده بيستورد من حتت رخيصه انا شاري حاجات فوق ال 20 الف و بعدين هيخسر ايه ما يتكلم في التليفون و يقارن و لو حد هيجيبها من بره معاه احتمال وبرضه ممكن مش الفرق اللي في دماغك ثم يبقى ايه الموقف لو استوردها و اكتشف فيها عيب ساعتها يغني ظلموه

[hany63]

بالمناسبه عشان أأكد كلامي كنت جبت النيكون ال 5100 من السعوديه ب 4060 جنيه و حد جابها معاه و هوا راجع و جمايل و كده و هوب لقيتها هنا ب 3600 جنيه

[mohammedabdallh]

لا معلش المحل ده بيستورد من حتت رخيصه انا شاري حاجات فوق ال 20 الف و بعدين هيخسر ايه ما يتكلم في التليفون و يقارن و لو حد هيجيبها من بره معاه احتمال وبرضه ممكن مش الفرق اللي في دماغك ثم يبقى ايه الموقف لو استوردها و اكتشف فيها عيب ساعتها يغني ظلموه

ولا تزعل نفسك
هاتها من هنا يا كبير

وانا مش بتكلم عن السعوديه
قارن بين فرنسا وامريكا ومصر
وحد يكون جاى علشان متكلمنيش فى جمارك وشحن
وفى برده شركات بتعمل عروض على الشحن والجمارك يعنى ممكن تجبها فى الاوقات دى

[hany63]

ولا تزعل نفسك
هاتها من هنا يا كبير

وانا مش بتكلم عن السعوديه
قارن بين فرنسا وامريكا ومصر
وحد يكون جاى علشان متكلمنيش فى جمارك وشحن
وفى برده شركات بتعمل عروض على الشحن والجمارك يعنى ممكن تجبها فى الاوقات دى

طب مثلا الكاميرا بتاعتي لسه شاريها من تلات اسابيع ب 8000 جنيه و هيا على امازون ب 997 دولار
لو حضرتك عايز واحده تجيبها منين؟

[mohammedabdallh]

طب مثلا الكاميرا بتاعتي لسه شاريها من تلات اسابيع ب 8000 جنيه و هيا على امازون ب 997 دولار
لو حضرتك عايز واحده تجيبها منين؟

ومين قالك انى اجيب كميرا ب 8000

لا طبعا من هنا
بس امازون معرف عنه انه افضل سيت شراء على النت ولكن فى اماكن تانيه فى امريكا ارخص
متسالنيش عن اسماء علشان انا مش عايش هناك

بس طبعا عن سوالك من هنا

[mohammedabdallh]

يعنى يوم ما كنت بجيب كمرتى
كانت على امازون غاليه
اتصلت بواحد فى فرنسا صاحبى لقيتها رخيصه عن اماوزن بفرق السعر المصرى طبعا فى فرنسا يورو وامازون دولار
فا السعر مش ثابت فى اماكن واماكن
وفى نفس الاسبوع كان فى تخفيضات فى فرنسا بتبدء فى شهر 6 تقريبا
نزل عليها عرض كمان بقت ارخص بكتير من امازون