بتعمل ايه لما تكون متضايق ؟

[Eng_Doaa]

السلام عليكم ورحمة الله وبركاته

أكيد كلنا هذا الرجل بييجى علينا وقت مش طايقين نفسنا و مش عاوزين نتكلم مع حد و لا حتى نفسنا ...

طيب النتيجة ؟؟

أكيد هتاخد جنب لوحدك .. تقعد لوحدك فى غرفتك ... هتبقى كئيب ؟؟؟

طيب لما تدخل فى الموود ده تفكر تخرج منه إزاى ؟

أولا :: فكر أخر ذنب عملته ايه ؟؟ مثلا قصرت فى الصلاة ... ضايقت أحد والديك ..
ضايقت أى حد فى أى مكان ..

ثانيا : استغفر ربنا فى سرك و أنوى التوبة من الذنب ده و قول يارب ساعدنى أتوب من أى شىء يغضبك عنى .

ثالثا : أبدأ أعمل خير . خد ثواب فى أى حد . تصدق .. طلع ملابسك القديمة و بلاش تكون قديمة قوى أديها لحد فقير أو محتاج ..

لو عندك علم تصدق بيه و علم اللى مش عارفة سواء على فى الدين أو الدنيا .

لما تحس إن فى حد حياته أتغيرت على أيدك هتحس إن الدنيا دى كلها مش مقضياك من فرحتك

و أفتكر أن الدنيا عموما دار إبتلاء . لو كانت صفيت لأحد كانت صفيت لحبيبك عليه الصلاة و السلام .

بس كده :)

و أسألكم الدعاء إذا وجدتم الموضوع مفيد :)

[Khaled Seif]

[mark=#55ff00]<><><><><><><><><>[/mark]

موضوع مفيد جدا , جزاك الله خيرا

أسأل الله العظيم , رب العرش العظيم أن ييسر لكِ الخيرَ حيثما كنتِ , وأن يشرح صدركِ , وأن ينير قلبكِ بنور الإيمان

اللهم اشف مرضانا وارحم موتانا وعافِ مبتلانا واهد الضال منّا وردنا إلى دينك ردا جميلا

اللهم صل وسلم وبارك على البشير النذير السراج المنير محمد بن عبد الله وءاله اجمعين

[mark=#55ff00]<><><><><><><><><>[/mark]

[Eng_Doaa]

جزاكم الله خيرا شيخ خالد
و تقبل الله عز و جل منك الدعاء

[ياسر مصطفي]

جزاكِ الله خيراً أختي

[shaddadfalcon1]

اولا طبعا الأستعانه بالله
ثانيا دي تختلف من واحد للتاني ومن راجل للست

يعني الراجل مثلا بيحب يلجأ لصندوق اللاشيء بتاعه وينعزل عن الناس وميكلمش حد
قد يكون صندوق اللاشيء ده عباره عن سواقه في الشارع - قاعده في كافيتريا - خروجه لوحده - تليفزيون - كمبيوتر او احتي ينام

اما الست فمعظم الستات لما بتتضايق لازم تتكلم ولازم تلاقي حد تفضفصله ويسمع منها كل حاجه

[S O P H O S]

ذكر الله يهون اكبر الاحزان
ربنا يبعد عنكم جميعا اي شر او زعل ..

[Eng_Doaa]

للتذكرة :

التوبة من الذنوب يكون ليلا و نهارا فالنبى كان يتوب فى المجلس الواحد سبعين مرة أو مائه مرة

و الذنب ينكت فى القلب نكتة سوداء إلا أن يتوب .

و ليس للموضوع رجل أو إمرأة

فالذنوب هى السبب الأول فى كل ضيق و إبتلاء . و الصبر يكون على قدر المشقة .

و كما قال الحديث : أشد الناس بلاءا الأمثل فالأمثل .


" قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ "

[د.أبونضال]

باكل لب سوري أفش غلي فيه وأقعد أقزقز أقزقز لغاية ما انسى أنا كنت متضايق من إيه