خناقات على الركنات فى جراج العمارة

[salodas]

صباح الخيرات
الحمد لله جراح العمارة خلص من حوالى شهر .
عاوز أعرف ازاى بتتحدد ركنات السكان وتحديد مكان لكل واحد .
مع العلم انه على المشاع بين السكان ولا يوجد تخصيص داخل العقد .
ارجو الكل يقول رأية .

[Mohamed said]

فى الحالات اللى زى دى بتبقى بالاتفاق مع بعض و توصلوا لحل يرضى جميع الاطراف.

[Mostafa.Mahran]

حاولو تقعدو مع بعض و تتفقو و تراعو حجم عربية كل واحد و مواعيد الشغل

[حاتم سليم]

salodas بك

سنفرض ان الجراج يسع 8 عربيات و العماره بها 10 عربيات
الحل بسيط
ثمانية عربيات محدده و متفق عليها ستستخدم الجراج لمدة شهر
و السيارتان الباقيتين ستركنا امام العماره و لن تدخل الجراج فى هذا الشهر
و فى الشهر التالى ستخرج سيارتان من الجراج لمدة شهر
و السيارتان التى كانت خارج الجراج ستدخل الجراج فى هذا الشهر

و بهذا ستجد انك فى مسافة سنه ستستخدم الجراج لمدة 10 شهور
و شهرين بالخارج ( على سبيل المثال )

و هذا سينطبق على كل السكان بمبدأ " زيى زيك "

أما اذا كان أحد السكان متقمص دور البلطجى
فلن يفلح اى نظام

و الله المستعان ...

[salodas]

يا سلام عليك حاتم باشا ..
والله فكرة ممتازة ....
أشكركم جميعا .
طيب لو عرفتو ان الخناق على الركنات المميزة يعنى مثلا فيه اتنين عاوزين نفس الماكن نعمل أيه ..... أنا اقترحت ان الى يلاقى مكان فاضى يركن وخلاص مش مشكلة .... ولكن رأى الأغلبية ان يتم تخصيص الأماكن وبصراحة مش عارف نعملها ازاى دى (قرعة مثلا )

[د.أبونضال]

يا سلام عليك حاتم باشا ..
والله فكرة ممتازة ....
أشكركم جميعا .
طيب لو عرفتو ان الخناق على الركنات المميزة يعنى مثلا فيه اتنين عاوزين نفس الماكن نعمل أيه ..... أنا اقترحت ان الى يلاقى مكان فاضى يركن وخلاص مش مشكلة .... ولكن رأى الأغلبية ان يتم تخصيص الأماكن وبصراحة مش عارف نعملها ازاى دى (قرعة مثلا )

اعملوا مزاد على الأماكن المميزة لصالح تأمين الجراج مثلا شراء كاميرات مراقبة أو بوابات مؤمنة .... واللي عايز مكان معين يدفع أكثر في التأمين.

[S O P H O S]

تتجمعوا وتتفقوا ده افضل شئ

[Land_Cruiser]

يا سلام عليك حاتم باشا ..
والله فكرة ممتازة ....
أشكركم جميعا .
طيب لو عرفتو ان الخناق على الركنات المميزة يعنى مثلا فيه اتنين عاوزين نفس الماكن نعمل أيه ..... أنا اقترحت ان الى يلاقى مكان فاضى يركن وخلاص مش مشكلة .... ولكن رأى الأغلبية ان يتم تخصيص الأماكن وبصراحة مش عارف نعملها ازاى دى (قرعة مثلا )

ممكن تعملوا rotation للأماكن كمان بطريقه بسيطه يعني مثلا لو انتم ١٠ يبقي كل واحد يركن شهر في مكان و الشهر اللي بعده يتقدم مكان و يبقي في ورقه متعلقه بالأماكن و اتجاه دوران الادوار. الموضوع ده هيحل مشكله تخصيص الأماكن و كمان فيه عداله و هتحافظ علي فكره ان الأماكن ملكيه للجميع زي الواقع .

موضوع تخصيص الأماكن ده مشكلته في منطق طريقه التوزيع إلا إذا عملتوها بالقرعه و ان كنت هتلاقي اعتراض برضه من بعض السكان و لذلك افضل طريقه ال rotation للأماكن و ممكن تعملوا حاجات بسيطه زي تخطيط الأماكن و تعليق ورقه بالاماكن مع الشهر في صوره جدول محدد مسبقا بحيث كل واحد يبقي عارف هيركن فين كل شهر و لمده سنه قدام كمان و لما يبقي منطق التوزيع معلوم للجميع و هناك عداله ان شاء الله مش هيبقي فيه اي مشاكل او خناقات

[Batman372]

افضل حل انكم تعينوا سايس خبره متفرغ + مساعد له ان امكن بمرتب شهرى ثابت تتقاسموه بينكم ...
كل ما عليكم انكم تعطوه المفتاح و هو الذى سوف يركن العربيات فى الجراج حسب حجم كل سياره و مواعيد خروج صحابها و عودتهم و هكذا ... و ممكن قبل الخروج ب 10 دقائق مكالمته على المحمول لتطليع و تجهييز السياره لك ... كذلك لتنظيف/غسيل السيارات ...
تحياتى ...

[salodas]

الله يكرمك ويبارك فيكم جميعا
كل الآراء رائعة ومانعة للمشاكل ...


شكرا لكم

[smartchoice]

قرعة و ريح نفسك