ركن السيارات امام المحلات التجارية

[SaSa.FireBlade]

يا جماعة عايز كل واحد يقول راية فى موضوع ركن السيارات امام المحلات التجارية وهل دة يصح؟

[dr.hazem]

بالنسبالي شايف انه شئ عادي
لكن اصحاب المحلات نفسيات
في منهم مؤمن ان رزقه مكتوبله مهما كان ومبيفرقش معاه
وفي اللي فاهم انا كده بنقطع رزقه!!

ايا كان
انا بركن ولو حد اعترض بمشي لاني مش فايق لوجع الدماغ...


تحياتي

[eslamrace]

تركن زى مانت عايز بس لو صاحب المحل شايف انه بلاش بيعتبر انه ده مكان لعربيته الشخصيه وتكبر دماغك افضل
بس اهم اهم شئ بلاش الركنه قدام الصيدليات لان بيكون فى ناس محتاجه تدخل الصيدليه وبتكون محتاجه مكان تتطلع منه فبصراحه اى حد بيركن قدام صيدليه او عياده حتى ولو صاحب الصيدليه موافق انا ببقى متغاظ جدا

[SeiffoZ]

المحل يمتلك ملكيته فى العقار فقط ... مش بيملك الشارع اللى قدامه .. فى رصيف موجود

[nona_yaris]

الكلام ده مقبول لو المحل ده مثلا كهربائي او بتاع كاوتش او ميكانيكي او مغسلة
يعني لو لازم العربيات تركن قدامة علشان يشتغل فيها
لكن محل عادي يبقي مش من حقه
ده المنطق والذوق
لكن الامر الواقع
للأسف
كل واحد يعمل اللي يقدر عليه

[S O P H O S]

مدام مش بيشتغل قدام المحل او بيجي ليه عربيات للعمل فيها
يبقي امر عادي

[تامر.محمد]

يصح في حال ان نشاط المحل ما بيحتاجش يشتغل في عربيات واقفة قدامه , لكن احنا ما شاء الله علينا نفسياتنا زي الفل

[fares_311]

المحل يمتلك ملكيته فى العقار فقط ... مش بيملك الشارع اللى قدامه .. فى رصيف موجود

ده الصح من الاخر وهو اللي ماشي في كل الدنيا

[SaSa.FireBlade]

طيب لو السيارة قافلة باب المحل كلوا يعنى بلعربى مش مبينة المحل من اساسو هل دة ينفع ؟

[mr_green]

ده إختراع مصرى أصيل
فى دول تانيه يتدى ركنات معينه لنشاط معين بالترخيص و بيتعمل يافطة أمام الركنه و مكتوب قيمة المخالفة
على سبيل المثال - مكان مخصص لعملاء كذا - غرامة ما غير ذلك كذا

هاتقولى هايعرفوا منين إن إللى راكن مش فى عميل فى البنك ده أو كده - عشان لو ركن أكثر من نص ساعة مثلا يبقى مش عميل للمكان ده و تقع عليه المخالفة

إحنا كل حاجة عندنا بتمشى بالمقلوب - على سبيل المثال كنت فى دبى - المولات كلها بتعمل الباركينج بدون فلوس أيام العطلات و الأعياد و الويك إند و باقى الإسبوع بفلوس فى حدود 10-20 درهم فى الساعة - وده عشان المول مفتوح للناس و يمنع الموظفين إللى شغالين فى أماكن قريبه إنه يرمى عربيته فى بارك المول و يروح شغله

[raedegypt]

لازم جراجات تحت العمارات تفتح ومحدش يشترى شقه من حد الا مايضمن حقه فى جراج العماره . اصحاب العمارات يقوموا بسلب حقك وحقى بتاجير الجراج كمخازن وهذة المشكله اصبحت متفشيه فى المجتمع بسبب المالك والمستاجر ولى صديق بالنزهه الجديده علشان اركن سياره مستحيل عمارات 12 دور على شوارع ضيقه لثلاث سيارات بالعرض وجراجات مؤجرة للتجار دة غير الحديد والسلاسل فى الارض يعنى تخيلوا الاجرام وصل الى اين؟؟؟؟ انا علشان ازور صاحبى كان لازم ادخل شارع طه حسين فقمت بالدخول له من شارع ابو السعود من الرئيسى جوزيف تيتو تخيلوا وجدت فى اول الشارع وعلى مدخله حديد مطروق بجوار محل اثاث اسمه البيسى والله لولا انى كنت داخل بسرعه شويه كنت لبست فى الحديد السؤال هنا لماذا نسمح للناس بالعبث فى الطرق بهذا الشكل والله لو قانون يغرم اصحاب السيارات او المحلات ماكان يحدث . صاحب العقار او المقاول لما يسحب ترخيصه لو قام ببيع الجراج او تاجيرة كمخزن ما كان دة يحدث . ضعف الدوله وغياب القانون ودور المواطن والتخاذل فى حقوقه هم اطراف المشكله التى نعيشها الان . وبخصوص الركن امام المحل اقول الشوارع ليست جراجات وانما نهر طريق لحركه السيارات ودة اكل عيش محلات وزبائن وحركه البيع تعتمد على حركه الزبائن

[SaSa.FireBlade]

يا جماعةطيب لو زى ما بتقولو كدة ممنوع لية فى وسط البلد لو تفتكروا كدة قبل الثورة مكنش فى حد يستجرا يقف قدام محل فى وسط البلد علشان الحكومة كانت بتكلبش السيارات الى بتقف دى بتبقا عملة اشغال فى الشارع وفى نفس الوقت لو العربيات كلها ركنت الناس مش هتعرف تخش فى المحلات يعنى عايز عقل كدة يقولى ان تبقا عربية واقفة قدام محل مش مبيناة خالص لان المحل بتعنا فى وباقى المحلات الى جنبية بيتنزلها بى 3 سلالم وقفة مخبية المحل وتقولوى عادى ازاى حد يفهمنى ؟

[Survival]

انا معظم وقتى مسافر تخيلوا انهم حلوا المشكلة دى من زمان جدا و احنا لسه مش بنفكر فى حل عملى ليها.
ابعاد المشكلة تتخلص فى شيء واحد فقط و هو سوء التخطيط و غياب الضمير
هاتلى كده اجدع مصرى منفسن و خليه يركن صف تانى فى دبي!!!!!
اللى حصل فى مصر ان الامور اوكلت لغير العالمين بيها ففسدت حياتنا.