حل نهائى و قاطع لمشكلة الكهرباء فى مصر لماذا لم ينفذ ؟؟؟

[مصراوى]

كثير من الدول التى تعانى من مشاكل الكهرباء قامت على الفور بأستبدال جميع لمبات الشوارع و المصالح الحكومية بها الى لمبات (LED)
و لمن لا يعرف الليد هى فهو عبارة عن مكون الكترونى صغير يسمى دايود ضوئى يمرر التيار الكهربائى فى اتجاه واحد
و قد استغل علماء الالكترونيات وجود اضائة داخله ناتجة عن مرور التيار و قاموا بتحويله كلمبات بيات لجميع الاجهزة
و كمرسل مضىء للاشاعة تحت الحمراء فى جميع اجهزة الريموت كونترول التى نستخدمها و التى تدوم سنين و تستهلك اقل طاقة
بمعنى ان 3 ليد يستهلك 1 وات كل منهم و يعمل على 1 فولت الى 3 فولت فقط و بشكل معين ممكن يعطى اضائة لمبة 60 وات عادية




و هذا الكلام اصبح يباع فى السوق المصرى بالفعل و الاغرب من هذا انه فى 2009 تم تحويل الاضائة الخلفية لجامعة القاهرة الى ليدات
و تحويل اضائة عدد من المساجد الشهيرة الى ليدات عن طريق شركة مصر للصوت و الضوء
اى اننا كنا على طريق الحل بالفعل فماذا حدث و لماذا توقف هذا الامر

و لماذا تحولت الحكومة الى مناشدة المواطنيين لبس الاقطان و تحمل انقطاع الكهرباء و الحل موجود اساسا!!!
ان عامود نور واحد به لمبة لا تقل عن 400 وات ممكن يتحول الى 60 وات فقط و 12 فولت فقط و بكفائة اعلى و عمر افتراضى كبير جدا
فتخيل مدى التوفير الهائل للطاقة اذا تم تحولت كل اعمدة الاضائة الى ليد و المصالح الحكومية و محطات المترو و القطار و المطار و غيره !!!!



فماذا ننتظر ؟؟؟

[eslamrace]

المفروض ان الثوره قامت علشان الافكار دى متترميش فى الادراج بس ايه اللى حصل الله اعلم

[rotanamasoud]

يعنى لو عندنا مليون عمود نور بيستهلكو 400 مليون واط لو استبدلو حيستهلكو 60 مليون واط الليدات غاليه بس حتحل مشكله فورا وفرق الفلوس حيتعوض بسرعه رهيبه

[benmatar]

كلام جميل ورائع
العالم كله بيستخدم تقنية led
بس إزاااااي واحنا لسة بنور نور الشوارع الظهر وبنطفيه بالليل!!!!

[horas3000]

هما بس يقفلوها الصبح و ربنا هيكرم

[youssef_u]

لو الحكومة تنفذ بس والله هيوفروا كتير بس يلا خلينا على قطونيل

[besso]

سيبك من الحكومه ونبدا بنفسنا اللمبات دى بتتباع فين وبكام علشان انا من سنتين دورت عليها
وكل اما اسأل فى محل البياع يبصلى باستغراب كده كأنى بدور على كائن فضائى

[HeMa_LanCeR]

انا جايب لمبات الشقة كلها موفرة
حتي لمبة النجفة الشمعة جبتها موفرة شمعة

[aly_hosny]

هتركب على العواميد ازاي ؟؟؟
كهربة العواميد متشغلهاش بالاضافة الى ان اضائتها لا تقارن بالموجودة حاليا

[م/مصطفى محمود]

الموضوع مش بالبساطة دي

تخيل مثلا إن اللمبة ال 30 وات LED ب 800 جنية تقريبا ، اه هي هتدي نفس شدة إضاءة لمبة 150 وات هالوجين مثلا ، بس طبعا السعر الإبتدائي لا يقارن

إحنا بنستخدمها بالفعل مع انظمة الطاقة الشمسية بس ده علشان نقلل التكلفة المبدأية للطاقة الشمسية ، لكن صعب تتعمم سريعا لإنها هتحتاج ميزانية كبيرة

وعلى فكرة كل دول العالم لسة معتمدة على الهالوجين والميتال هاليد مش ال LED علشان زي ما بقول التكلفة المبدأية

ولو حد عايز يسأل عن أسعار ال LED فشركة 3 brother بقت بتصنع ليد فى مصر ، ممكن تشوفوهم ، وفي شركة تانية اسمها فيوتشر تقريبا

[م/مصطفى محمود]

هتركب على العواميد ازاي ؟؟؟
كهربة العواميد متشغلهاش بالاضافة الى ان اضائتها لا تقارن بالموجودة حاليا

حضرتك أغلب مصنعين ال led بيصنعوها ac حاليا ، علشان تتوافق مع الأنظمة الموجودة ، فهتشتغل عادي جدا

[smartchoice]

المشكلة فعلاً إن تكلفة لمبات الليد عالية و لو جيت تشتريها من أى محل هتلاقى فرق السعر واضع

[Habd]

احنا ممكن نبدا بنفسنا بان احنا نغير لمض بيوتنا بلمض موفرة الفرق ف الاستهلاك يستاهل برضه

[مصراوى]

الموضوع مش بالبساطة دي

تخيل مثلا إن اللمبة ال 30 وات led ب 800 جنية تقريبا ، اه هي هتدي نفس شدة إضاءة لمبة 150 وات هالوجين مثلا ، بس طبعا السعر الإبتدائي لا يقارن

إحنا بنستخدمها بالفعل مع انظمة الطاقة الشمسية بس ده علشان نقلل التكلفة المبدأية للطاقة الشمسية ، لكن صعب تتعمم سريعا لإنها هتحتاج ميزانية كبيرة

وعلى فكرة كل دول العالم لسة معتمدة على الهالوجين والميتال هاليد مش ال led علشان زي ما بقول التكلفة المبدأية

ولو حد عايز يسأل عن أسعار ال led فشركة 3 brother بقت بتصنع ليد فى مصر ، ممكن تشوفوهم ، وفي شركة تانية اسمها فيوتشر تقريبا

اللمبات الليد سعرها بيرخص كل يوم لانها بدات تنتشر فى العالم
و الصينى هو الارخص من المصرى و ممتاز و اشكال لا حصر لها
و فى مصر الان مثلا اللمبة البلحة الليد الصينى بتستهلك 3 وات فقط و تعادل اللمبة 40 وات العادية
و ثمنها 20 جنية و المقابل رائع فعلا لان اللمبة معمرة جدا و لا يوجد لها عمر افتراضى و لا حرارة و وفر كبير جدا فى استهلاك الكهرباء و اذا وقعت على الارض لا تتلف و حتى ان تم كسر الباغ الشفاف الذى يحيط بالليدات
و يوجد بالفعل فى مصر محلات فى سوق الكهرباء بالعتبة تبيع مصابيح اعمدة ليد

[مصراوى]

هتركب على العواميد ازاي ؟؟؟
كهربة العواميد متشغلهاش بالاضافة الى ان اضائتها لا تقارن بالموجودة حاليا

هذه بعض اشكال كشفات الليد لاعمدة الانارة و هى صينية الصنع
عمر افتراضى يصل الى سنين و استهلاك كهرباء لا يزيد عن 60 وات فقط