عنوان في طنطا

[walidmhafeez]

لو حد يا جماعة يعرف يوصفلي ازاي اروح لمستشفي سرطان الاطفال 57357 في طنطا اللي لسه بتتني اكون شاكر جدا
اللي قالوهولي انها جنب مستشفي الهلال, بصراحة دورت علي الخريطة ملقيتهمش
انا علي العموم هابقي جاي من مصر اسكندرية الزراعي, انزل انها مخرج؟

[AHMED_DINAMO]

دى مستشفى الهلال الاحمر بطنطا
مستشفى الهلال الاحمر, طنطا, الغربية, مصر | مستشفيات ومراكز طبية | Yellow.com.eg | ش عثمان محمد

ده عنوانها

ش عثمان محمد, امام مركز طنطا, طنطا, الغربية

[walidmhafeez]

الف شكر علي المساعدة و ربنا يسهل و اعرف اوصل ان شاء الله

[AHMED_DINAMO]

الف شكر علي المساعدة و ربنا يسهل و اعرف اوصل ان شاء الله

ان شاء الله يا باشا توصل بالسلامه

[misry]

جاي مواصلات وللا عربية ..؟

نصيحة لو تقدر تيجي بالقطار يكون افضل مليون مرة لأنها قريبة جدا من المحطة , بتمشي في شارع المديرية وتدخل شارع عثمان محمد الى آخره وهي هناك حواي 10 دقايق مشي بالكتير.


لو مواصلات انزل سوق الجملة واركب تاكسي وهيوصلك بسهولة


لو معاك عربية هتدوخ شوية ::: هتدخل من المدخل الجنوبي وهتمشي في شارع الجلاء وبعدين شارع البحر , وتلف

U-turn وتدخل شارع احمد ماهر وبعدين عند ميدان الساعة تدخل يمين في شارع سينما مث=صر الى آخره هتلاقي المستشفى على شمالك


بالتوفيق ...

[walidmhafeez]

لأ انا جاي بعربية ان شاء الله, بس من الخريطة كدة الاسهل ان انا مدخلش من شارع الجلاء انما اكمل علي طريق مصر اسكندرية الزراعي لحد الكوبري اللي في شارع الجيش (البحر) و ادخل من جنب الكوبري يمين و الف uturn و ارجع اطلع الكوبري لحد قرب اخر الشارع و ادخل شارع احمد ماهر يمين لحد ميدان الساعة و بعدين اول او تاني شارع يمين اللي اسمه شارع عثمان محمد
هل الكلام دة كد صح و لا غلط؟
للأسف مش هينفع اجي مواصلات خالص لان رايح المستشفي في شغل و هيبقي معايا حاجات و هاروح صد رد في نفس اليوم و معايا عربية الشغل

[misry]

انت كده هتمشي كتير قوي وبلا سبب , ادخل من الجلاء أفضل وهتكسب نص المسافة تقريبا


عموما , بالتوفيق ولو عاوز أي حاجة قول لي ...

[walidmhafeez]

شكرا يا باشا, خلاص هدخل من الدخلة الاولانية بتاعة طريق المحلة- طنطا ان شاء الله
و شكرا مرة تانية علي المساعدة