عايز بدله محترمه منين فى اسكندريه يا اهل اسكندريه والخبره

[hossam_elwani]

عايز بدله محترمه منين فى اسكندريه يااهل اسكندريه والخبره

وايه الخامه الى تصحو بيها

معلش اخوكم مش خبير فى البدل وعلى قده

[aw2100]

ممكن تروح ستيا او فستيا فى سموحة عند عزبة سعد عندهم شوية بدل تحفة والميزة انهم ممكن يظبطوا المقاس عليك او روح لشاسا فى محطة الرمل كويس بس ستيا الخامة افضل ومبروك مقدما !!

[hossam_elwani]

ممكن تروح ستيا او فستيا فى سموحة عند عزبة سعد عندهم شوية بدل تحفة والميزة انهم ممكن يظبطوا المقاس عليك او روح لشاسا فى محطة الرمل كويس بس ستيا الخامة افضل ومبروك مقدما !!

انا اشتريت قبل كده فعلا من قستيا وكانت بدله ممتازه

بس من باب معرفة اماكن اكتر واحدث التفصيلات

[mohamed2002]

لا أنصحك بشاسا لكن عندك قدام مديرية الامن شركة ستيا في جاهز وفي تفصيل وخصم للنقابات (تجاريين او معلمين او محامين او اطباء...)

[Ahmed_Farouk]

شوف لورينزو في سان ستيفانو عنده بدل خامات ممتازة و اسعاره معقولة

[tamerosman]

ماركو فيرى فى جرين بلازا .جنب الشامى بتاع الشاورما . او تروح المنطقة الصناعية فى 6 اكتوبر فى مول بتاع عرفة بيبيع بواقى تصدير باسعار معقولة

[dodyam]

محل شيك فى سعد زغلول الفرع الجديد مش القديم وهناك عندهم هيساعدوك فى الاختيار يا حسام

وحتى لو ناوى تفصل روح شوف الجاهز الاول و جرب و قيس و شوف شكل البدلة عليك

لان شكل الياقة بيختلف و فتحة الجيب العلوى وطول الجاكت و وفتحة و لا فتحتين فى الضهر وكام زرار وشكل الغرزة كل ده بيفرق فى الشكل

وعاوزها شتوى و لا صيفى و لا ديمى سيزون وبصديرى و لا لأ

وأنا رأيى لو انت ملكش فى البدل أوى اشترى جاهز من محل محترم أفضل علشان يبقى على عينك يا تاجر بتدفع و تشيل البضاعة اللى عاينتها

تفاديا لان التفصيل ما يطلعش زى ما انت متخيل

والمحل ممكن يظبطلك المقاس لو البنطلون طويل مثلا

وخليك فى الألوان المنتشرة اللى بتليق مع أى كرافتة أو مناسبة زى الأسود و الرمادى و البنى

[omar-saad]

فيستسا ادام مديرية الامن
او لو ليك فى الغالى يبقى سرار فى ستى سنتر
او زارا اسعاره معقولة بس اغلب بدله سلم

[hossam_elwani]

شكرا للجميع على المعلومات المفيده دى

تحياتى وتقديرى