اكثر نوع سيارات يتم سرقته هذه الايام

[M.ABDOU]

السلام عليكم

بلاحظ ان الايام دى اكثر نوع عربيه منتشره سرقتها الايام دى هيا الالنترا

سواء الالنترا القديمه اللى موديل 2007 لحد 2010 او الالنترا الشكل الجديد

كان فى فيديو على اليوتيوب بيسجل سرقه النترا الجديده الحرامى تقريبا فى اقل 120 ثانيه كانت العربيه بيتتحرك وطلع بيها!!!!!!!!!!!

وده طبعا لان عم غبور اساسى فى كل عربياته مفيش ايمبوليزر

هل بقى العربيات المحترمه زى تيوتا كرولا او نيسان تيدا او ما شابه حد سمع ان فى عربيه منهم اتسرقت من غير مفتاحها

يعنى الايموبليزر معملش فرق يعنى؟؟؟؟؟

او بطريقه تانيه حد سمع ان فى عربيات فيها ايموبليزر واتسرقت برضه رغم ذلك ( طبعا لا اقصد اتسرق مفتاحها او اتشالت بونش )

[M.ABDOU]

يعنى تقريبا 45 مشاهده ومحدش رد خااالص على الموضوع

ايه هوا السرقه اللى بتحصل قدامنا وبنسمعها كل يوم دى فى بلد تانيه غير اللى عايشيين فيها ولا ايه!!!!

وعجبى

[ELBEH]

الالنترا الجديدة 2012 اكثر عربيات بتتسرق الايام دى و بالخصوص من عندنا من التجمع . و انا شخصيا جارى اللى اودامى فى العماره اتسرقت عربيته من تحت البيت عندنا من حوالى شهر و كانت الالنترا نبيتى موديل 2012 عاملة 13000 كم و كان فى اليوم ده راكن ورايا و كمان انا كنت صاحى لحد الساعة 3 الفجر و العربيه كانت موجوده. و متاخد من التجمع اكتر من 15 عربية النترا 2012 و الكلام ده من القسم و احنا بنعمل محضر علشان عربية جارى. و ربنا يستر علينا جميعا و انا من يومها مش عايز اقولك مبنمشى بالليل كويس كل شويه داخل خارج على البلكونه بشوف العربيه و ربنا يستر.

[M.ABDOU]

الالنترا الجديدة 2012 اكثر عربيات بتتسرق الايام دى و بالخصوص من عندنا من التجمع . و انا شخصيا جارى اللى اودامى فى العماره اتسرقت عربيته من تحت البيت عندنا من حوالى شهر و كانت الالنترا نبيتى موديل 2012 عاملة 13000 كم و كان فى اليوم ده راكن ورايا و كمان انا كنت صاحى لحد الساعة 3 الفجر و العربيه كانت موجوده. و متاخد من التجمع اكتر من 15 عربية النترا 2012 و الكلام ده من القسم و احنا بنعمل محضر علشان عربية جارى. و ربنا يستر علينا جميعا و انا من يومها مش عايز اقولك مبنمشى بالليل كويس كل شويه داخل خارج على البلكونه بشوف العربيه و ربنا يستر.

طيب هل حضرتك شوفت او سمعت ان فى عربيه فيها ايموبليز اتسرقت قبل كده اى كان نوع العربيه تيوتا نيسان رينو اى ماركه يعنى؟؟؟؟؟؟؟؟؟؟؟؟؟؟؟؟

[emad_2020]

فى الوقت الحالى مبقتش تفرق علشان الحرامى بيجى جنب العربية ويعمل كل حاجة برحتو ومش خايف من حاجة ولا حد ماشى بيتكلم كل واحد يقول وانا مالى علشان كدا مبقتش تفرق امان او غيره
ربنا يسترها علينا كلنا

[kok3]

أخبار الانسر إيه ؟

[S O P H O S]

الي اعرفه ان الاوروبي فقط هو الاقل سرقة بكثير
اما الباقي فيحصل بسهولة
والله اعلم ..

[canner]

هى العربيات اللى مافيش ايموبلايزر هى بس اللى بتتسرق و لا كله؟

[prof2013]

ربنا يستر على عربياتنا

[Ahmedezz2000]

كيا سيراتو بجانب النترا
وربنا يستر علينا يارب

[Dr.M_baz]

للأسف فعلا السيراتو و اللإلنترا أعلى سرقات.