رصيد في البنك

[أبو صلاح]

زى ماقال ابو صلاح لو مبلغ بسيط حطة فى البوسطة دى احسن فايدة ولو مبلغ متجمد حطة فى البنك
البلغ لو حضرتك سوف تحتاجة بعد فترة بسيطة يبقى الافضل البوسطة لانها دايما بتعطى اعل عائد و طبعا ممكن تسحب فى اى و قت و تودع فى اى وقت
البنك شهادات 3 سنوات افضل فايدة فى بنك مصر او الاهلى او القاهرة تقريبا و الفائدة كل 3 شهور بس خذ لبالك من حاجة مهمة انك لو احتجت المبلغ قبل نهاية المدة سوف تخسر جدا
الوديعة هى حساب متغير الفائدة و لا انصحك بة بس ممكن تسحب و تودع و قت ماتحب زى البوسطة و لكن البوسطة افضل
اتمنى انى اكون افدتك على قدر معلوماتى
تحياتى

الراجل ده قال المفيد عن البريد المصري
بالمناسبة اكبر تجار العتبة حاليا بيتعاملوا مع البريد المصري وبقى نظامه زي البنوك وكروت atm وشيكات وبقى شغل عالي قوي

شكراااااااا على الافادة يارجالة
والبوسطة دي مميزاتها ايه؟
يعني بتدي الفوايد كل اد ايه؟
ونظام السحب والايداع عليه رسوم؟؟وفين البوسطة دي اساسا؟؟
فروعها بيبقا اسمها ايه؟

البوسطة مفيش اي رسوم نهائيا لا شهري ولا سنوي ولا ايداع ولا سحب
الفائدة بتنزل على حسابك كل 6 شهور على اقل رصيد خلال نفس الفترة

البريد المصري هتلاقيه جنب البيت عندك اسال اي حد بيصرف معاشات غالبا بيصرف من البوسطة

البوسطه الى هى البريد المصرى و مفيش اى مكان بيبقى فيه مصاريف على السحب و الايداع

ممكن بقى استفسار هل دفتر التوفير ليه حدود؟؟يعنى اكبر مبلغ ممكن اسيبه فى دفتر توفير كام؟

اقصى حد ليه مليون جنيه

[maka]

رأيي خليك في البنوك الإسلامية وأبعد عن الربا لأن إثمها عظيم
بنك فيصل الإسلامي
بنك البركة مصر
البنك الوطني للتنمية (بالتعاون مع بنك أبو ظبي الإسلامي)

طيب البنوك الاسلامية
البركة..وفيصل..والبنك الوطني
بيدو أرباح؟
ولا نظامهم ايه؟


لو حد يعرف يعرفني

البركة بيقبل تعاملات اسلامية و غير اسلامية فلذلك هو منهى عنه , و اظن كذلك الوطنى للتنمية

فيصل حاليا البنك الوحيد اللى شغال فى مصر بنظام المرابحة الاسلامية

فيصل حساب الاستثمار فيه بيدى ربحية متغيرة بتتوزع كل 3 شهور مش سنة

واقل مبلغ لفتح الحساب فيه 1000 جنية +60 جنية مصاريف فتح الحساب و الفيزا

[ابو لؤى]

بص ياباشا انت تدينى الفلوس دى احوشهملك وابعد عن الشبهات فى موضوع حلال وحرام هههههههههههههههههههه لا نصيحتى ليك البوسطه ممتازه جدااا بس عيبها انها خنيقه فى الزحمه وكمان بتعمل فيزا من عندهم تسحب بيها