إعـــــــلان

Collapse

.

,
See more
See less

صفحة حوادث نايل موتورز - شعارنا الدم للركب

Collapse
X
Collapse
 
  • Page of 6
  • Filter
  • الوقت
  • Show
Clear All
new posts
السابق 1 2 3 4 5 6 template التالي
  • #1

    صفحة حوادث نايل موتورز - شعارنا الدم للركب

    السلام عليكم ورحمة الله وبركاته

    قبل اي حاجه تحية كبيرة جداااااااااا للاخ سبعاوي الي بيثبتلي كل يوم .. عن مدى إجباره لاحترام الآخرين له ..
    يا جماعة بالله عليكوا .. بالله عليكوا ..
    أسعار نار .. ظروف ما يعلم بيها إلا ربنا .. قانون مرور جديد .. ضرايب زيادة .. الخ الخ الخ
    وبعد كل ده نحكي على دم .. وحادثة .. ومش عارف ايه ..
    احنا الي فينا مكفينا بجدددددددددد ..
    طبعاً ناس هتقولي دي حرية شخصية .. وناس تانية هتقولي والله لو حضرتك مضايق متدخلش الموضوع .. وطبعا معاكوا حق
    بس لي سؤال صغير .. بس
    هنستفيد ايه لما نشوف حادثة وناس مقطعة .. هنقول منجريش يا جماعة ؟؟ يعني محدش عارف اساسا ان المفروض منجريش بتهور إلا لما شاف ناس مقلوبة بعربية؟؟
    وهنستفيد إيه لما نسمع قصة عن واحد نص بني آدم في جمب الطريق ؟؟ هنعرف ان مصر مفيهاش أمان ؟؟
    مفاجأة تصوروا اول مرة أعرف ..
    يا جماعة الله يخليكوا .. احنا بنجي هنا عشان نهرب من واقع مرير .. ليه تيجوا لحد عندنا باللي أمر منه ..
    اساسا المنتدى بقاله فترة فيه حاجات مش مظبوطة ويمكن قلت ده قبل كده ومحدش علق (( كالعادة))..
    بنلاقي موضوع المفروض الغرض منه المناقشة .. يقلب بخناقة ..
    والي راكب شاهين تبقي هي احلى عربية
    والي راكب بيجو ..يقول لأ هي أحسن ..
    بالرغم من ان ممكن يكون الحوار كله على عربيات مفيهمش لا الشاهين ولا البيجو ولا التقنية الي هي لب الموضوع
    فطبعا بنطلع بأهم نتيجة ألا وهي القرد في عين أمه غزال وبعيدا تماما عن هدف الموضوع ..
    بالاضافة إلى إن واحد ممكن يكون أول مرة يكتب على منتدى .. واجتهد وحاول يجيب موضوع ..
    مش قضية انه ترجمه غلط من جوجل ..
    مش قضية بردو إنه مش عارف يوضحه كويس .. لأ
    المهم نتريق عليه
    ونقول إنجليزي ده يا مرسي
    ونقول حد فهم حاجه
    وبردو أخيراً وليس آخراً .. موضوع الردود الانجليزي ..
    احنا في منتدى سيارات مصري ((عربي))
    يعني المفروض كل المناقشات تكون كده .. بالعربي
    لان ممكن اي زائر ملوش في النت اوى يدخل يلاقي موضوع عايز يستفيد منه ويلاقي رد من عينة
    peace ya man gr8 , thx 4 care , wb
    وعينة الكلام الكول ده
    او حد مش بيتكلم انجليزي عادي يعني مهو بني آدم بردو
    يلاقي مناقشة بالانجليزي فيهربببببببببببببب ده صح ؟؟
    اعتقد ان اي حد لو ربنا كرمه وتعليمه انجليزي والعربي بتاعه مكسر ممكن ييجي على نفسه شوية ويترجمه غلط
    حتى لو ترجمه من جوجل زي الاخ الي اتريق عليه بعض الناس ... هنفهم لان اللغة العربية مفرداتها جميلة

    وعايز اقول حاجه معلش ..
    فيه جانب تاني ممتاز وجميل ..
    مثلاً مواضيع علا .. فيها حس فكاهي جميل .. وبيعيد ذكريات اكثر من رائعة
    زي مثلا موضوع الاعلانات القديمة وغيرها وغيرها ..
    زي مواضيع بعض الزملاء المفيدة .. زي مواضيع شنطة الاسعاف وغيرها
    انا كلامي السابق مش عام ..
    انا بتناقش معاكوا لان المفروض ميجيش حد من برا المنتدى يشوف المنظر أو الشكل ده
    ومش عيب لما نصلح سلبياتنا


    عارف اني طولت وأنا اسف
    وعارف كمان ان كلامي هيزعل ناس كتير مني
    بس انا اعذروني انا مكلمتش من فترة وساكت مع اني اصبت باحباط من المواضيع
    والي خلاني اتكلم الراجل المحترم أ/ خالد الي كلنا بلا شك نكن له بكل احترام الي حسيت ان المنتدى جابله حالة من الحزن والغم
    اسمحلي يا استاذ خالد اتاسفلك واهدي المنتدى الجميل بعض كلمات ممكن توصل انا عايز اقول ايه

    أتراني لا تكفيني آهاتي ...
    إذاً ..
    زدني هماً على همي ..

    وانظر نظرةً لحياتي ..
    وستعرف ..
    ما هو مصدر غمِ ..

    اروى لي بعض الرواياتِ..
    عن أحبائي..
    صديق.. زوجة .. ربما عمي..

    من جُرح ... ومن أُصيب ..
    ما الفارق ..
    سيفور بالخبر دمي ..

    أعدك يا صديقي.. إذا ما افتقدت المآسي ..
    سأطلبك ..
    كي تزيد هماً على .. همي

    اتمنى محدش يزعل ..
    والمنتدى المفروض انه بيتنا ..
    وانا تحريت في كلامي الدقة عشان الادارة .. فياريت لو تم حذف اي حاجه اعرف ليه ولو ع الخاص ..
    تحياتي


    تم النقل للاجتماعي
    مشرف العـــــــــــام
    [SIZE=3][CENTER][rmade]http://www6.0zz0.com/2009/07/09/11/723881507.jpg[/rmade]
    [FONT=Arial Black][SIZE=3][B][COLOR=DarkSlateBlue]
    [/COLOR][/B][/SIZE][/FONT][justify]...
    [/justify]
    [/CENTER]
    [/SIZE]
    الكلمات الدلالية (Tags): 20, 40, font, good, nile, passat, أحسن, أسعار, أفلام, إنجليزي, احنا, اطار, الحل, اللي, النترا, الي, بدون, بيع, تويوتا, تويوتا ياريس, تيجو, تيجوا, جماعة, جين 2, حادث, حادثة, حادثه, حلول, حوادث, خاص, دى, رائع, سرعة, سيارات, سيارات مصر, سيريون, شاهين, شعارنا, شنطة, صفحة, صور, طريقة, عايز, عدة, عربية, عرض, عن, غبور, غيار, في, فيات, قطع, قطع غيار, قطعة, قلب, كبوت, كل, لادا, لانسر, للركب, مرور, مشاركات, مشاكل, مصر, مع, من, مواضيع, موتور, موتورز, نار, نايل, نايل موتورز, نيسان, هجوم, هنا, هي, وصف, ياريس
  • #2
    يا باشا انت كلامك صح هو في حاجه غلط اليومين دول
    [FONT=Garamond][COLOR=blue]سبحان الله وبحمده سبحان الله العظيم[/COLOR][/FONT]

    اخوكم : محمد عماد الدين
    الوظيفه : محاسب
    [CENTER][FONT=Times New Roman][SIZE=5][COLOR=blue][B]سبحانك اللهم وبحمدك ، أشهد أن لا إله إلا أنت أستغفرك وأتوب إليك [/B][/COLOR][/SIZE][/FONT][/CENTER]

    Comment

    • #3
      شكرا لسرعة ردك يا حميدو
      اصل بصراحه حاسس ان المنتدى هيتملى مواضيع من العينة دي ..
      ومرة واحده مش هنلاقي مجال نتنفس من غير دم او حادثة أو مأساه
      يا ريت نوصل لنتيجة بسرعه

      تحياتي
      [SIZE=3][CENTER][rmade]http://www6.0zz0.com/2009/07/09/11/723881507.jpg[/rmade]
      [FONT=Arial Black][SIZE=3][B][COLOR=DarkSlateBlue]
      [/COLOR][/B][/SIZE][/FONT][justify]...
      [/justify]
      [/CENTER]
      [/SIZE]

      Comment

      • #4
        انا هرد عليك بس من غير زعل لانك كتبت وقلت برضوا من غير زعل


        حضرتك خلطت الاوراق بين المنتديات المتخصصه وبين الباقى لان فيه منتدى مخصص لكل نوع من السيارات واعتقد مفيهوش اى كلام خارج عن الانواع المخصص لها
        اللى تقصده حضرتك اغلبه فى المنتدى الاجتماعى وده مكان مخصص متنفس للاعضاء انا معاك فيه موضوعات عاديه لكن فيه موضوعات جيده

        ولو انت بتهرب من واقع مرير من المجتمع بره وداخل النت تستخبى من الواقع اسمحلى ده مشكلتك
        كلنا من المجتمع وكلنا بنمر بنفس الوضع لكن هتكلم عن نفسى لعل موضوع كتبه احد الاعضاء عادى او تافهه بالنسبه لكثير ولكن يكون فيه عظه وعبره لشخص ثانى

        انا اتعلمت من المنتدى كثيـــــــــــــــــــــــر جدا وخدت عبر من اصحاب خبره فى مواقف مرت عليهم ولولا انهم كتبوها مكنتش هعرف اتصرف صح لو مرت على نفس المواقف

        انا بتفق معاك جدا فى موضوع الكتابه بالانجليزى دى بتخنقنى صراحه واى مشاركه بشوفها بالانجليزى بعديها على طول ولا بفكر ابص عليها مش لجاهلى باللغه لكن لانه لو اتكتبت بالعربى افضل
        وخصوصا المشاركات اللى بالفرانكو ارب

        مع احترامى للاخ سبعاوى انا مش عارفه انت ليه حددت الاخ سبعاوى فى المشاركه دى خصوصا
        والي خلاني اتكلم الراجل المحترم أ/ خالد الي كلنا بلا شك نكن له بكل احترام الي حسيت ان المنتدى جابله حالة من الحزن والغم
        اسمحلي يا استاذ خالد اتاسفلك
        ولو فيه حاجه زعلت الاخ خالد ياريت تعرفنا
        [CENTER][SIGPIC][SIZE=3][B]لا اله الا انت سبحانك انى كنت من الظالمين[/B][/SIZE][/SIGPIC][/CENTER]

        Comment

        • #5
          انا شايف ان عنوان موضوعك ده احسن عنوان للصفحه دى يعنى اللى عنده حادثه عايز يعرضها يعرضها فى الصفحه دى و الناس اللى مش بتحب تشوف الحاجات دى ماتدخلش عليها و خلاص
          [CENTER][SIZE=5][COLOR=gray][COLOR=#000000][SIZE=5][FONT=Times New Roman][B][SIZE=6][COLOR=blue]سبحان الله و بحمده سبحان الله العظيم[/COLOR][/SIZE][/B][/FONT][/SIZE][/COLOR][/COLOR][/SIZE][SIZE=5][COLOR=gray][COLOR=#000000][SIZE=5][/CENTER]
          [CENTER][CENTER][FONT=Times New Roman][B][SIZE=6][COLOR=blue][/COLOR][/SIZE][/B][/FONT][/CENTER]
          [/SIZE][/COLOR][/COLOR][/SIZE][/CENTER]

          Comment

          • #6
            المشاركة الأصلية كتبت بواسطة دموع الثلج مشاهدة المشاركة
            انا هرد عليك بس من غير زعل لانك كتبت وقلت برضوا من غير زعل
            طبعا من غير زعل كلنا اخوات هنا في نايل موتورز وده الي خلاني اتكلم


            حضرتك خلطت الاوراق بين المنتديات المتخصصه وبين الباقى لان فيه منتدى مخصص لكل نوع من السيارات واعتقد مفيهوش اى كلام خارج عن الانواع المخصص لها
            اللى تقصده حضرتك اغلبه فى المنتدى الاجتماعى وده مكان مخصص متنفس للاعضاء انا معاك فيه موضوعات عاديه لكن فيه موضوعات جيده
            مبدئياً انا بتكلم عن كيان عن المنتدى عموما
            انا مقلتش حد كتب موضوع في قسم غلط .. انا بتكلم عن نوعية مواضيع
            وبالمناسبة .. فيه مواضيع عن مقارنات واو استطلاعات وفي القسم الصح .. والمناقشة فيها بتخرج عن لب الموضوع يعني انا مقلتش حاجه غلط ..


            ولو انت بتهرب من واقع مرير من المجتمع بره وداخل النت تستخبى من الواقع اسمحلى ده مشكلتك
            كلنا من المجتمع وكلنا بنمر بنفس الوضع لكن هتكلم عن نفسى لعل موضوع كتبه احد الاعضاء عادى او تافهه بالنسبه لكثير ولكن يكون فيه عظه وعبره لشخص ثانى
            حضرتك محدش بيقدر يهرب من الواقع .. بس انا اقصد ان كل واحد بييجي هنا اعتقد -ع الاقل انا- بييجي عشان يخرج من زحمة الحياة شوية ويتناقش مع اصدقاءه .. مش يزيد همومه - طبعا الموضوع مختلف لو حد بيحكي عن حاجه شخصية-


            انا اتعلمت من المنتدى كثيـــــــــــــــــــــــر جدا وخدت عبر من اصحاب خبره فى مواقف مرت عليهم ولولا انهم كتبوها مكنتش هعرف اتصرف صح لو مرت على نفس المواقف
            كلنا اتعلمنا م المنتدى .. والا مكنش فضلنا هنا .. اكيد كلنا بنأثر في بعض .. واكيد الحكمة والموعظة حلوة ..
            وبتبقى أحلى لما توصل بطريقة غير دموية .. ومتجرحش احساس حد
            ومحدش يقولي ده موقف .. لان ببساطة المهم العبرة او الحكمة مش التفاصيل الي مش هتفيد غير بزيادة الالم وبس
            يعني اقول لفلان فلان مات -لاقدر الله- يقولي مات خالص ؟؟ :)


            انا بتفق معاك جدا فى موضوع الكتابه بالانجليزى دى بتخنقنى صراحه واى مشاركه بشوفها بالانجليزى بعديها على طول ولا بفكر ابص عليها مش لجاهلى باللغه لكن لانه لو اتكتبت بالعربى افضل
            وخصوصا المشاركات اللى بالفرانكو ارب
            جميل ادينا وصلنا لنتيجة ان المفروض نتكتب عربي ..
            يعني ده مش رأي فردي بعد الآن ..

            مع احترامى للاخ سبعاوى انا مش عارفه انت ليه حددت الاخ سبعاوى فى المشاركه دى خصوصا

            ولو فيه حاجه زعلت الاخ خالد ياريت تعرفنا
            لو كلفنا نفسنا وبصينا على توقيعه وردوده كنا لمسنا حالة الشجن الي سببهاله المنتدى .. -يا رب اكون غلطان- عشان انا اتمناله كل خير- ..
            واكيد لو انا حسيت صح .. هيكون زعلان لانه منوه في كل موضوع بتوقيعه الي نصه بالظبط :

            ممتنع عن تصفح المنتدى بسبب كمية الحوادث والجثث الممزقة والأشلاء التى ملأت موضوعات المنتدى، وكأن الحياه ينقصها المزيد من النكد،وكأن كل الجثث والأشلاء الفلسطينية والعراقية التى نفطر بها صباح كل يوم على صفحات الأنترنت لا تكفى لاشباعنا
            انا موجود فى الورشة وساحات نيسان وفيات فقط، ولو حد جاب جثث هناك هسيب المنتدى وامشى

            فيه حاجه صريحة أكتر من كده ؟؟

            في النهاية شكرا للاهتمام
            ومستني المناقشة عشان نوصل لنتيجة
            ومبدئياً اتفقنا كعضوين على موضوع الانجليزي ده .. واتمنى يتم عمل تصويت لاضافة اللغة لشروط المنتدى
            في انهاية
            الاختلاف في الرأي لا يفسد للود قضية
            تحياتي للجميع
            [SIZE=3][CENTER][rmade]http://www6.0zz0.com/2009/07/09/11/723881507.jpg[/rmade]
            [FONT=Arial Black][SIZE=3][B][COLOR=DarkSlateBlue]
            [/COLOR][/B][/SIZE][/FONT][justify]...
            [/justify]
            [/CENTER]
            [/SIZE]

            Comment

            • #7
              المشاركة الأصلية كتبت بواسطة ahmedcar مشاهدة المشاركة
              انا شايف ان عنوان موضوعك ده احسن عنوان للصفحه دى يعنى اللى عنده حادثه عايز يعرضها يعرضها فى الصفحه دى و الناس اللى مش بتحب تشوف الحاجات دى ماتدخلش عليها و خلاص
              يا أحمد باشا الموضوع مش موضوع مكان عرض
              الموضوع موضوع محتوى ومضمون
              حضرتك هتستفاد ايه لما تشوف ناس متعورة
              قولي الحكمة ؟
              هتقولي سرعة كلنا عارفين المفروض ايه يحصل والسرعه متكونش عالية ..
              عوامل أمان ..
              ممكن نكتب عربية كذا اتقلبت ونناقش الاسباب .. مش لازم صور ناس ودم وكده
              انا مش ضد الفايدة .. انا ضد الكآبة والمناظر المؤثرة .. كلامي واصل ؟
              اتمنى اكون قادر اعبر انا بتكلم عن ايه
              في نتظار ردود الجميع
              لو انا غلطان او على حق
              [SIZE=3][CENTER][rmade]http://www6.0zz0.com/2009/07/09/11/723881507.jpg[/rmade]
              [FONT=Arial Black][SIZE=3][B][COLOR=DarkSlateBlue]
              [/COLOR][/B][/SIZE][/FONT][justify]...
              [/justify]
              [/CENTER]
              [/SIZE]

              Comment

              • #8
                المشاركة الأصلية كتبت بواسطة bee مشاهدة المشاركة
                لو كلفنا نفسنا وبصينا على توقيعه وردوده كنا لمسنا حالة الشجن الي سببهاله المنتدى .. -يا رب اكون غلطان- عشان انا اتمناله كل خير- ..
                واكيد لو انا حسيت صح .. هيكون زعلان لانه منوه في كل موضوع بتوقيعه الي نصه بالظبط :

                ممتنع عن تصفح المنتدى بسبب كمية الحوادث والجثث الممزقة والأشلاء التى ملأت موضوعات المنتدى، وكأن الحياه ينقصها المزيد من النكد،وكأن كل الجثث والأشلاء الفلسطينية والعراقية التى نفطر بها صباح كل يوم على صفحات الأنترنت لا تكفى لاشباعنا
                انا موجود فى الورشة وساحات نيسان وفيات فقط، ولو حد جاب جثث هناك هسيب المنتدى وامشى

                فيه حاجه صريحة أكتر من كده ؟؟

                في النهاية شكرا للاهتمام
                ومستني المناقشة عشان نوصل لنتيجة
                ومبدئياً اتفقنا كعضوين على موضوع الانجليزي ده .. واتمنى يتم عمل تصويت لاضافة اللغة لشروط المنتدى
                في انهاية
                الاختلاف في الرأي لا يفسد للود قضية
                تحياتي للجميع
                انا الحقيقه مشفتش توقيع الاخ سبعاوى ومعرفش انه كاتب الكلام ده لكن تقدر تتعامل مع الموضوع بسطحيه موضوع هضايقك نفسيا متدخلهوش دى اول خطوه
                الخطوه الثانيه تقدر تبعت للاداره بطلب قفل الموضوع او حذفه وتذكر اسبابك
                والخطوه الثالثه الاداره تتفضل مشكوره بعمل فلتره للمواضيع وذكر اسباب حذف محتواه عشان محدش يزعل
                وفيه طرق اكثر من كده يعنى المشكله بسيطه وسهل السيطره عليها والحل
                كلنا تحت ضغط نفسى وعصبى سيئ من اوضاع المجتمع كله ومن سلوكنا كافراد يمكن بنتصرف غلط ومقتنعين اننا احنا اللى صح وغيرنا اللى غلط

                وعموما انا بشكرك على النقاش ده لان الغرض منه اكيد الوصول الى الافضل بالنسبه للمنتدى
                واكيد هيكون فيه خطوه للافضل
                [CENTER][SIGPIC][SIZE=3][B]لا اله الا انت سبحانك انى كنت من الظالمين[/B][/SIZE][/SIGPIC][/CENTER]

                Comment

                • #9
                  المشاركة الأصلية كتبت بواسطة bee مشاهدة المشاركة
                  يا أحمد باشا الموضوع مش موضوع مكان عرض
                  الموضوع موضوع محتوى ومضمون
                  حضرتك هتستفاد ايه لما تشوف ناس متعورة
                  قولي الحكمة ؟
                  هتقولي سرعة كلنا عارفين المفروض ايه يحصل والسرعه متكونش عالية ..
                  عوامل أمان ..
                  ممكن نكتب عربية كذا اتقلبت ونناقش الاسباب .. مش لازم صور ناس ودم وكده
                  انا مش ضد الفايدة .. انا ضد الكآبة والمناظر المؤثرة .. كلامي واصل ؟
                  اتمنى اكون قادر اعبر انا بتكلم عن ايه
                  في نتظار ردود الجميع
                  لو انا غلطان او على حق
                  انا لحد دلوقتى ماشوفتش ولا صوره فيها دم او حاجه زى كده كله كلام بيقول عربيه اتقلبت او واحد متهور بسرعته ادى الى مقتل كذا و كذا لكن صور مافيش هو موضوع الاوكتفيا بس هو اللى فيه صوره واحد ممكن نحط صور العربيات اللى متدمره اوك لكن صور الناس لا

                  متشكر على سعه صدر حضرتك
                  [CENTER][SIZE=5][COLOR=gray][COLOR=#000000][SIZE=5][FONT=Times New Roman][B][SIZE=6][COLOR=blue]سبحان الله و بحمده سبحان الله العظيم[/COLOR][/SIZE][/B][/FONT][/SIZE][/COLOR][/COLOR][/SIZE][SIZE=5][COLOR=gray][COLOR=#000000][SIZE=5][/CENTER]
                  [CENTER][CENTER][FONT=Times New Roman][B][SIZE=6][COLOR=blue][/COLOR][/SIZE][/B][/FONT][/CENTER]
                  [/SIZE][/COLOR][/COLOR][/SIZE][/CENTER]

                  Comment

                  • #10
                    المشاركة الأصلية كتبت بواسطة bee مشاهدة المشاركة
                    ومبدئياً اتفقنا كعضوين على موضوع الانجليزي ده .. واتمنى يتم عمل تصويت لاضافة اللغة لشروط المنتدى
                    في انهاية
                    سؤال بعد اذنك, اسم عضويتك و نوع العربية مكتوب بلغة اية ؟.....شكرا :).
                    [SIZE=5][COLOR=Red]VTEC[/COLOR]: All of the lag...none of the BOOST :biggrin:[COLOR=White]l[/COLOR][/SIZE]

                    Comment

                    • #11
                      والله جميل جدا فتح الموضوع ده وانا ملاحظ مواضيع مشابهة منها المنتدى بيغرق وحاجات كده بدأت تظهر يا رب تنفع بس ,, انا برغم مشاركاتى القليلة الا انى كنت ببقى سعيد جدا وانا بتصفح المنتدى يوميا ,, دلوقتى ومع كامل احترامى للجميع الا انى بقيت بدور على بعض المشاركات لناس معينة على سبيل المثال لا الحصر مع حفظ الالقاب سبعاوى وكريم منير وابو عبد الله وكان زمان حد اسمه هانى شهير ببايو معرفش عنه حاجة دلوقتى وكده وباقى الاسماء الذاكرة مش جايباهم معذرة..... كان الواحد بيستفيد جدا من اراءهم اما الان فبدور وبتعب جدا على ما الاقيهم او الاقى مشاركة تستحق القراءة يا رب اكون قدرت اوصل رؤيتى للمنتدى اللى نفسى يرجع زى الاول انا عايز اقول بس ان فيه حاجة غلط

                      Comment

                      • #12
                        طبعا ماختلفناش على ان الوصف التفصيلي للحوادث و منظر الجثث المتقطعة بيبقى صادم للمشاعر و ده بيتفاوت من شخص لآخر.. يعني فيه ناس ممكن فعلا مشاعرها تتأذي من تخيل منظر زي ده و ما تنامش بالليل، و ناس تانية تتأثر بس، انما بعد كده بتنسى و تكمل يومها عادي.

                        بس برضه بالتأكيد احنا متفقين على ان اللي بيكتب موضوع بيوصف فيه حادثة شافها مش بيكون متعمد انه يأذي مشاعر الناس و لا انه ما ينيمهمش الليل.. كل موضوع من دول ليه مبرراته، خصوصا الموضوع بتاع نص إنسان.. و وجهة نظري في الموضوع ده انا شرحته في رد سابق لية على سبعاوي اللي كلنا بنكن ليه كل مودة و احترام :)

                        مش عايزين يا جماعة الموضوع ياخد أكبر من حجمه و مش عايزين نقيد نفسنا بقواعد اكتر من اللي موجودة بالفعل.. يعني صعب كمان أحكم على الناس انهم يشوفوااللي يشوفوه برة و ييجوا هنا ما يقدروش يفتحوا بقهم و لا يفضفضوا باللي جواهم.. و بعدين احنا في منتدى سيارات و الحوادث في مصر مافيش أكتر منها.. يعني بأت حاجة شبه يومية للأسف.. فصعب ان ماحدش يتكلم عن الحوادث خالص في المنتدى.

                        يمكن المطلوب من اللي يكتب موضوع فيه حادثة انه على أد ما يقدر ما يغرقش أوي في وصف الجثث المتقطعة و الأشلاء و الدم الخ الخ الخ. و في نفس الوقت ممكن اللي بيتأثر اوي من قراية الحوادث ما يدخلش المواضيع اللي بتحمل عنوان حادثة او ما شابه.. و برضه باكرر تاني مع عدم الإغراق في التفاصيل و الحفاظ على مشاعر الناس.

                        متهيألي كده ممكن نوصل لحل وسط في الموضوع ده.

                        Comment

                        • #13
                          المشاركة الأصلية كتبت بواسطة دموع الثلج مشاهدة المشاركة
                          انا الحقيقه مشفتش توقيع الاخ سبعاوى ومعرفش انه كاتب الكلام ده لكن تقدر تتعامل مع الموضوع بسطحيه موضوع هضايقك نفسيا متدخلهوش دى اول خطوه

                          ماشي اوضح تاني .. مش المفروض نعرض حاجه تضايق حد بشكل أو بآخر ..
                          ولو بتعامل مع حاجه هنا بسطحية يبقى انا في شغل مش في منتدى بعتبره بيت ليا ولاصدقائي


                          الخطوه الثانيه تقدر تبعت للاداره بطلب قفل الموضوع او حذفه وتذكر اسبابك
                          انا مش المهم ان الموضوع يتحذف
                          بالعكس انا هدفي نوصل للفايده من ورا الموضوع لكن بطريقة تراعي احساس الاخرين ..
                          انا هستفيد ايه لما موضوع يتحذف ؟؟
                          ناخد الحكمة بطريقة تراعي مشاعر الاعضاء

                          والخطوه الثالثه الاداره تتفضل مشكوره بعمل فلتره للمواضيع وذكر اسباب حذف محتواه عشان محدش يزعل
                          نفس الرد السابق .. مش الهدف الحذف .. الهدف الوصول لنتيجة مرضية والاستفاده في نفس الوقت

                          وفيه طرق اكثر من كده يعنى المشكله بسيطه وسهل السيطره عليها والحل
                          اتمنى تكون بسيطة انا بنوه عشان الي مش آخد باله .. انا مش بتخانق :) احنا اخوات

                          كلنا تحت ضغط نفسى وعصبى سيئ من اوضاع المجتمع كله ومن سلوكنا كافراد يمكن بنتصرف غلط ومقتنعين اننا احنا اللى صح وغيرنا اللى غلط
                          انا بردو مش بوجه حد عشان كلامي ميتفهمش غلط .. انا بصفتي اخ للاعضاء بوضح حاجه ممكن منكنش شايفينها خصوصا ان معظم الي حصل منهم كده ناس محترمه -ودي عادة الاعضاء هنا- وده سبب ادعى اننا كلنا نكون مراية لبعض :)


                          وعموما انا بشكرك على النقاش ده لان الغرض منه اكيد الوصول الى الافضل بالنسبه للمنتدى
                          واكيد هيكون فيه خطوه للافضل
                          أكيد .. واتكنى دوام التواصل .. وربنا يزيد من روح المحبة بين الاعضاء

                          تحياتي
                          [SIZE=3][CENTER][rmade]http://www6.0zz0.com/2009/07/09/11/723881507.jpg[/rmade]
                          [FONT=Arial Black][SIZE=3][B][COLOR=DarkSlateBlue]
                          [/COLOR][/B][/SIZE][/FONT][justify]...
                          [/justify]
                          [/CENTER]
                          [/SIZE]

                          Comment

                          • #14
                            المشاركة الأصلية كتبت بواسطة ahmedcar مشاهدة المشاركة
                            انا لحد دلوقتى ماشوفتش ولا صوره فيها دم او حاجه زى كده كله كلام بيقول عربيه اتقلبت او واحد متهور بسرعته ادى الى مقتل كذا و كذا لكن صور مافيش هو موضوع الاوكتفيا بس هو اللى فيه صوره واحد ممكن نحط صور العربيات اللى متدمره اوك لكن صور الناس لا

                            متشكر على سعه صدر حضرتك
                            باشا لا فيه صور
                            ومش عايز اقولك مدى المرارة الي حستها
                            وكمان فيه تشبيهات بليغة ..
                            مش موضعنا دلوقتي المهم هل حضرتك متفق في مبدأ عرض المواضيع بطريقة تعم بها الفايدة بعيدا عن العرض التفصيلي للحوادث ؟
                            يعني حضرتك حدد وجهة نظرك تجاه النقاط الي اثرتها وبردو موضوع الرد بالانجليزي ده
                            شكرا لاهتمامك
                            [SIZE=3][CENTER][rmade]http://www6.0zz0.com/2009/07/09/11/723881507.jpg[/rmade]
                            [FONT=Arial Black][SIZE=3][B][COLOR=DarkSlateBlue]
                            [/COLOR][/B][/SIZE][/FONT][justify]...
                            [/justify]
                            [/CENTER]
                            [/SIZE]

                            Comment

                            • #15
                              المشاركة الأصلية كتبت بواسطة Mohamed_SlvrLan99 مشاهدة المشاركة
                              سؤال بعد اذنك, اسم عضويتك و نوع العربية مكتوب بلغة اية ؟.....شكرا :).
                              يا باشا ..
                              ال nick name حاجه والنقاش في موضوع ده حاجه تانيه خالص
                              يعني مش عيب يكون ليا اسم بالانجليزي والي غالبا هيكون اسمي ع الايميل وفي كل مكان
                              غير اني اناقش موضوع في منتدى بالانجليزي ؟؟
                              وبعدين حضرتك بتتكلم في ايه ؟
                              هو لما يكون اسمي بالانجليزي ده هيأثر على المناقشة في موضوع ؟؟
                              ولما اكون كاتب الحوار بالانجليزي ده مش هيأثر على المناقشة في الموضوع ؟؟

                              تحياتي للنقطة الوجيهة الي حضرتك أثرتها يا باشا
                              اتمنى تعقب على النقط السابقة الي هنستفاد منها ..
                              :)
                              [SIZE=3][CENTER][rmade]http://www6.0zz0.com/2009/07/09/11/723881507.jpg[/rmade]
                              [FONT=Arial Black][SIZE=3][B][COLOR=DarkSlateBlue]
                              [/COLOR][/B][/SIZE][/FONT][justify]...
                              [/justify]
                              [/CENTER]
                              [/SIZE]

                              Comment

                              السابق 1 2 3 4 5 6 template التالي
                              Working...
                              X