إعـــــــلان

Collapse

.

,
See more
See less

ورق جرايد-كراكيب قديمة-اعمل بيها عمل خيري وخد منها ثواب

Collapse
X
 
  • Filter
  • الوقت
  • Show
Clear All
new posts

  • ورق جرايد-كراكيب قديمة-اعمل بيها عمل خيري وخد منها ثواب

    [b]السلام عليكم ورحمه الله
    ده نص رسالة المهندسة منار عقل مديرة جروب المنار بتطلب طلب بسيط جدا واللي يقدر ينفذة يساعد بيه ناس محتاجة عمل
    وورق الجرايد او الورق القديم هايكون نواة لمشروعها زي ما هاتشرحلوكم
    واللي عايز يودي الورق هايودي علي عنوان المخزن اللي موجود في الرسالة ويمكن يتاكدة من تليفون استاذ محمد عزت المذكور في الرسالتين السابقتين
    واي حد عندة استفسار
    انا تليفوني
    0101263030
    او يسال هنا

    كريم منير

    نص الرسالـــــــــــة :


    انا عايزة ورق جرائد فيها حاجة دي ؟

    السلام عليكم و رحمة الله و بركاته

    ازيكوا يا جماعة

    طالبه طلب صغير و بسيط و سهل و ببلاش ممكن ؟


    عايزة الجرائد اللي مركونه في بيوتكوا ......ليه


    عشان نفسي أعمل دورة جديده من مشروع و من أحياها الذي بدأت زميلتنا المهندسه إيناس طه للدعوة له من سنتين لخدمة المطلقات و الأرامل و اليتيمات و شباب الخريجين اللي مش لاقيين لسّه فرص عمل

    و كنّا من سنتين بنعمله لصالح بعض الجمعيات الخيريه من خلال جروب الخير مدريتور تحت رعاية و تنسيق زميلنا المهندس محمد عاشور مدريتور جروب الخير مدريتور

    و كنت أنا شريكه في المشروع بفكرتي اللى بعرضها على حضراتكو من خلال رسالتى دي

    و بستأذنهم أستلف إسم المشروع عشان نكمّل المسيره و نعمله لصالح جمعيات خيريه جديده

    و للى أول مرة منكم يشوف الموضوع ده و يسمع عنه
    نقول كمان

    انا بقى عايزة اعلّمهم يعملوا منتج من عجينة ورق الجرائد منتج ينفع انا و حضرتكٍ و حضرته نشتريه و نحطه في بيتنا عشان شكله حيكون شيك و جميل و كمان سعره حيكون رخيص و ميزته انه حيكون مصري 100% المنتج ده ممكن يكون تحفة فنيّه
    و ممكن يكون فازة مليئة بالزهور الجميلة و ممكن يكون مج للشاي و ممكن يكون حاجات كتير على حسب الخامة المضافة للعجينه و مدى صلاحيتها للإستعمال بعد المعالجة

    المهم ان في لسّه مشوار طويل من الخامات و المصاريف و التدريب اظن ميرضيكوش كمان انه نبتدي الغرامات بشراء الجرائد و هي مرمية في بيوت حضراتكوا بتقول يا مين ياخدني

    انا بقى سمعت الجرائد و هي بتشتكي من ركنتها نفسها تشارك في الثواب و تكون مفيدة حتى بعد قرايتها و استجابة لندائها بطلب من حضراتكوا تحرروها و تبعتوها لي قوام عشان تعيش مرحلة جديدة من حياتها كعجينه تتشكل بين ايادي الشرافاء المحتاجين للعمل و المادة بشدة
    لتصنع اشكالاً جميلة

    ادوها فرصة تكون سبب في الخير ادوا لنفسكوا فرصة انكوا تكسبوا ثواب الصدقة الجارية ان شاء الله

    و بالنسبة للناس اللي فعلاً بتشارك بالجرائد مع جمعيات خيرية بتشتغل في تجميع الورق انا حقوللهم خليكوا زي ما انتوا و يا ريت الجمعيات اللي انتوا بتبعتوا لها تساهم معانا بكيلو واحد جرائد او 2 كيلو من الأطنان اللي اكيد لازم حضراتكوا تجمعوها عشان تشتغلوا في مشروع زي ده

    كيلوا واحد مش حينقصك اي حاجة انت اصلاً مش حتحس بيه و كمان هو برده حيروح للي انت بتعمل كل ده عشانه برده حيروح لربنا يعني انت فعلاً مخسرتش اي حاجة و برده حتاخد الثواب بالضبط زي نا كنت حتبيعه و تاخد ثمنه و تساعد بيه محتاج

    انا كمان حنتهز الفرصة و اقول لحضراتكوا على كل اللي محتاجاه لجانب التدريب الفني في المشروع يمكن ميكونش عندكوا جرائد بس عندكوا الحاجات دي

    و هي مشابك الغسيل المكسورة - اللمبات المحروقة - اي تابلوهات او

    تحف قديمة مركونه او مكسورة او بايظة - او حقائب او ملابس لا تصلح

    للإستخدام و تكون عليها مشغولات بالخرز او الترتر او اي خامه - الأطباق

    الزجاية المكسورة او الصيني او الكوبايات - البرطمنات الزجاجية الفارغة

    بتاعة المربى او النسكافيه او الصلصة - بقايا الخيوط و الخرز و خرج النجف

    بنبونيرات السبوع و العقيقة و التل المستخدم للف هذه البنبونيرات و

    العرائس الصغيرة التي تستخدم ايضاً لهذا الغرض - شرائط الكاسيت

    القديمة التي لا تصلح للإستخادم و العلب البلاستيكية التي توضع فيها

    هذه الشرائط - اي اكسسوارات او حلّي تكون بايظة في

    البيت او مكسورة او قديمة و لن تستخدم

    بإختصار اي حاجة في كل حاجة متنفعكش في حاجة حتنفع يتعمل بيها عندنا مرة تانية اجمل و انفع و افيدحاجة ان شاء الله

    طبعاً بالإضافه برده لتشغيل نفس الحاجات دي زي باقي الجمعيات يعني تجميعها و بيعها بالكيلو هذا في حالة إنها لا تصلح لعمل عجينه لو جرايد أو لعمل تحفه فنيه لو إكسسوارات

    يعني متقلقوش حاجتكوا مهما كانت قديمه أو مكسرة حيتعمل بيها خير يعني حيتعمل

    بالذوق بالعافيه حيتعمل

    فيها حاجة دي ؟

    لو الطلب سهل و بسيط و ممكن تساعدنا في تنفيذه ؟

    عايزين كده شنطة مكلبظة تحط لنا شوية جرايد حلوين مع حبة حاجات من اللي كتبتهم فوق و تبعتها لنا قوام


    مكان التجميع ( جمعية المقسطين

    مدينة نصر - الحى الثامن - أمام مدرسة المنهل - 85 مساكن العاونيات

    حضراتكو بس حتدوا الحاجات دي لحارس العقار لو لاقيتوا الجمعيه مقفوله و تقولوا له الحاجات دي للمهندسه منار و تطلبوا منه يدخلها الجمعيه او تدخولها الجمعيه لو مفتوحه و برده تقولا لهم إن الحاجات دي تخص مشروع المنار الخيري

    اللى مش حيعرف يروح العنوان لوحده ممكن يتصل بزميلنا

    المهندس احمد عبد السلام عشان يساعده في الوصول على رقم

    0123079792

    أمّا اللى عايز يستفسر عن أى شئ بخصوص المشروع ممكن يسألني عن طريق الميل و إن شاء الله أجاوبه


    اللهم اجعلني خيراً مما يظنون و اغفر لي ما لا يعلمون و ارحمني يوم
    يبعثون


    منار عقل

    جروب ورشة نايل موتورز علي الفيس بوك


    صفحة ورشة نايل موتورز على الفيس بوك


  • #2
    و عليكم السلام يا أخ كريم , شكرا لك على مجهودك ووقتك فى عرض هذا الموضوع الطيب , رجاء تثبيت هذا الموضوع للرجوع اليه و نقل البيانات أو قرائته مرة أخرى علشان العنوان و أرقام التليفونات , و جزاكم الله كلكم خيرا , حاجة فعلا كبيرة الله أكبر عليكى يا مصر ! انا فخور جدا بالناس الجميلة اللى فى هذا المنتدى بارك الله فيكم وفخور جدا بأنى مصرى!
    [CENTER][SIZE=4][COLOR=blue]قال الله تعالى: [COLOR=blue][IMG]http://www.kalemat.org/gfx/braket_r.gif[/IMG][/COLOR] وَلَنَبلُوَنّكُم بِشَىءٍ مِنَ الخَوفِ وَالجُوعِ وَنَقصٍ مِنَ الأموَالِ وَالأَنفُسِ وَالثّمَراتِ وَبَشِرِ الصّابِرينَ [IMG]http://www.kalemat.org/gfx/braket_l.gif[/IMG][/COLOR][/SIZE][/CENTER]
    [CENTER][SIZE=4][COLOR=blue][البقرة:155] ويكون هذا الصبر بحبس اللسان عن الشكوى إلى غير الله تعالى، والقلب عن التسخط والجزع. [/COLOR][/SIZE][/CENTER]
    [CENTER][SIGPIC][/SIGPIC][/CENTER]
    [CENTER]
    [/CENTER]

    Comment


    • #3
      جزاك الله كل خير يا استاذ اسلام
      اخجلتم تواضعنا والله
      الموضوع محطوط كاعلان يعني زي المثبت
      وان شاء الله هايثبت عشان الناس كلها تشارك قوي
      دا احنا مش بنطلب فلوس
      ده انا بطلب كراكيب وورق جرايد
      واللي مش لاقي وقت يجيبها يقولنا واي حد مننا يعدي علية ياخدها
      وياريت اي حد هايجي المقابلة يدور في دواليبة وفي كراكيبة ويطلع ويساعد بيها غير
      وانا هاخدهم منه في المقابلة واوديها مقر الجمعية باذن الله

      اللهم اجعلني خيراً مما يظنون و اغفر لي ما لا يعلمون و ارحمني يوم
      يبعثون

      جروب ورشة نايل موتورز علي الفيس بوك


      صفحة ورشة نايل موتورز على الفيس بوك

      Comment


      • #4
        ان شاء الله أنا مسافر بكره الفجر و ان شاء الله راجع بعد أسبوع , و سوف أهتم بهذا الموضوع وربنا يسهل لنا كلنا لعمل الخير ابتغاء لوجه الله تعالى. و شكرا على ردك الجميل المتواضع يا أستاذ كريم عاشت الأسامى.
        [CENTER][SIZE=4][COLOR=blue]قال الله تعالى: [COLOR=blue][IMG]http://www.kalemat.org/gfx/braket_r.gif[/IMG][/COLOR] وَلَنَبلُوَنّكُم بِشَىءٍ مِنَ الخَوفِ وَالجُوعِ وَنَقصٍ مِنَ الأموَالِ وَالأَنفُسِ وَالثّمَراتِ وَبَشِرِ الصّابِرينَ [IMG]http://www.kalemat.org/gfx/braket_l.gif[/IMG][/COLOR][/SIZE][/CENTER]
        [CENTER][SIZE=4][COLOR=blue][البقرة:155] ويكون هذا الصبر بحبس اللسان عن الشكوى إلى غير الله تعالى، والقلب عن التسخط والجزع. [/COLOR][/SIZE][/CENTER]
        [CENTER][SIGPIC][/SIGPIC][/CENTER]
        [CENTER]
        [/CENTER]

        Comment


        • #5
          تروح وترجع بالف سلامة وشكرا لذوقك
          وفقنا الله واياكم الي ما يحبة ويرضاه

          جروب ورشة نايل موتورز علي الفيس بوك


          صفحة ورشة نايل موتورز على الفيس بوك

          Comment


          • #6
            كيمو قولى ايه النظام فى الاسكندريه ؟
            د. ايهاب بدر
            اسرانزاوى رقم 7[b][/b]
            [img]http://www4.0zz0.com/2007/05/30/20/59862206.jpg[/img]

            Comment


            • #7
              والله يا ايهاب باشا انا مش عارف ايه النظام في اسكدرية
              بس هابعتلك نمرة شخص في اسكندرية لو عندك حاجة تقدر تبعتها ابعتها علية

              جروب ورشة نايل موتورز علي الفيس بوك


              صفحة ورشة نايل موتورز على الفيس بوك

              Comment


              • #8
                والله يا كيمو فكره جميله جدا

                و بعد أذنك أنا دعيت الناس في المقابله إللي جايه أنهم يجيبوا معاهم الجرايد القديمه
                أضغط هنا للأطلاع على الموضوع

                Comment

                Working...
                X