موسم فسخ الخطوبات

[ehabpopo]

لك مني كل تحيه وتقدير وكل من شاركوا في الموضوع وفعلا كلام حضرتك انا اول مره اخد بالي منه والاسلام فعلا ماسبش حاجه غير واتكلم فيها علي العموم هو كلمني من شويه وكلم اهلها وكل شئ انتهي الحمد الله وربنا يرزقه باحسن منها

افضل حاجة عملها ... لانة لو ماعملش كده هايشك فيها بعد الجواز فى كل حاجة ... والشك بيقتل صاحبة ... ربنا يوفقة ويرزقة افضل منها ... ويهديها *

[Esam Mosaad]

والله كلام جميل والواحد بيستفاد منوا كتير

كان ليه حاجه حابب انى اقولها وياريت انى اسمع اراء الناس

انا كنت خاطب ونظرا لسوء معملتى ليها مع الوقت طلبت اننا نسيب بعض
كان فى بينا مشاكل كتير وعدم تفاهم بس الجانب الاكبر كان من نحيتى انا
مكنتش مقدر بصراحه غير انى مكنتش قد المسؤليه

وبعد سنه من الندم رجعت من تانى وكان ليه امل كبير عند ربنا وصلى صوم ان الموضوع يتم
وتم بشروط جديده وكلام جديد وواقفت لحبى ليها
وابتدى مشوارى فى توضيب شقتى وعفشى ومعاها ابتدت مشاكل برضوا بس كنت باجى على نفسى
وبعدى وبقول معلش وبقت طلبتها لازم تنفذ واكيد مكنش غصب عنى بس فى حجات كنت ممكن اجى فيها على نفسى عشنها

ولكن برضوا للاسف الموضوع متمش وحصل فسخ فى الخطوبه طيب ايه الاسباب
الاسباب لحد امبارح ان هيا مبتقدرش ولا واقفه جمبى من تصرفتها وافعلها ومع اول مشكله طلبت اننا نسيب بعض وانا كنت متمسك وانى عملت الى عليه
بس الموضوع حقيقه مش كدا

البنت كانت الاول بتحبنى وكانت بتيجى على نفسها وبتحاول انها تصلح منى وتفهمنى وانا الى كنت رافض وكنت ديما بكبر دماغى لحد محصل فسخ وبعدها عرفت قمتها
ولما جبيت ارجعلها كانت تعتبر قدرت تنسانى بس واحد جى يتقدملها وشاريها وطلبتها هتنفذ وهيا كانت تعرفه ووعدها بالتغيير
فقالت اشوف بس اى واحد مننا اعتقد لو قابله الموقف ده لاما هيرفض لاما هيرجع بس مش هيكون زى الاول يعنى الحب والتضحيه انتهوا لا ارديا يمكن يكون فى ناس العكس
فكنها بعد كل حاجه عملتها مقدرش فمش معناه انها انسانه مش كويسه بس جايز انها مش قادره تكون معايا
ديه نقطه
النقطه التانيه انى لما كنت عاوزها كنت مقرب من ربنا وصلى وصوم وغيره لكن بعد مرجعت يوم اه وعشره لا
يعنى لما كنت محتاج حاجه كنت مقرب ولما اخذتها خلاص

الخلاصه

ياريت كل واحد يقدر الحاجه الى فى ايده انا عارف ان طول مالحاجه فى ادينا مش بنحس بقمتها الا لما تروح ياريت يا جماعه تخدوا بالكوا

واهم حاجه القرب من ربنا وتجنب المعاصى عشان ربنا يكرمكوا ديما

[reda elgohary]

والله يا باشا أنا لى رأي مختلف تمام ولى تجربة واقعية ،،وأرجو أن تبلغها لصديقك ،،كان لى صديق خاطب وكان بيكلم بنات كتير فترة الآجازة من اجيش هو ضابط ف الجيش ومرة خطيبته قدرت تدخل حسابه وأكتشفت البلاوي اللى عليه وطبعا انهارت وطلبت انهاء الخطوبة ،بس هو وعدها أنها نزوة وغلطة ألخ والحمد لله معاهم بنت زي العسل عندها سنتين وعايشين زي الفل .

[reda elgohary]

المهم أننا نسامح لآننا كلنا ذو خطأ ،،وهى غلطت بس أكيد ندمانة والله أعلم هل هى صادقة ولا بتتمسكن ،،وأري أنه يسامحها ويبدأمعاها من جديد .

[sas5]

والله يا باشا أنا لى رأي مختلف تمام ولى تجربة واقعية ،،وأرجو أن تبلغها لصديقك ،،كان لى صديق خاطب وكان بيكلم بنات كتير فترة الآجازة من اجيش هو ضابط ف الجيش ومرة خطيبته قدرت تدخل حسابه وأكتشفت البلاوي اللى عليه وطبعا انهارت وطلبت انهاء الخطوبة ،بس هو وعدها أنها نزوة وغلطة ألخ والحمد لله معاهم بنت زي العسل عندها سنتين وعايشين زي الفل .

اخى العزيز
فى المجتمعات الحلوه مثل مجتمعنا كل شى مباح للرجل وبما فيها الصفح والغفران ونسيان كل اخطاءه.
وعدم تقبل اى خطا من المراه .
اكرر مره اخرى كل فعل لابد ان يكون مشاركه بين طرفين

[aboamr]

للاسف ياجماعه الكلام ماكنش في حدود الصداقه تعدي ذلك كلام حب يعني

وانت لسه صاحبه ........اكيد بيهرج ......لو ماخلعش منها ......انت تخلع منه ......ودا ينفع صاحب ......ياراجل لازم يكون فيه شوية رجوله فى تصرفاته

[mshmshm3]

قوله يخلع احسن بنات الناس المحترمين كتير

[D . a .\ AYMAN]

والله طالما انا واثق فيها وهيا مصرحاني بكل معارفها من البداية وقيلالي اني فلان وفلان دول اصحابي من زمان وانا اعرفهم شخصيا واعرف حدود كلامهم معاها ايه ..هزعل من ايه ...انما لو بتكلم ناس من ورايا ومخبية عليا لأ اكيد انا هشك في طبيعة العلاقة اللي ما بينهم ...هتقولي طيب ما انت بتكلمهم من ورا رجالتهم هقولك ايوا بس ده عشان هما عقليتهم مش قادرة تفهم يعني واحد يبقي ليه واحدة صديقة واني مراتي بتكلم واحد يالهوي ياخرابي دي بتخوني بتخوني يا عمو حسام...

والله انا شايف انها وجهات نظر ...ثانيا طالما كل طرف عارف انه مبيعملش حاجة غلط فا انا شايف انه مفيش مشكلة من الأساس

أخي الفاضل .. أنا شايف إن حضرتك مناقض بالفعل لنفسك فكيف تقول إنها لو كانت امرأتك تحدث غيرك من الرجال بشرط معرفتك لهذا الأمر وبشرط معرفتك لهؤلاء الرجال ومن أنهم لا يتخطون حدودهم فلا بأس

وفي نفس الوقت تبيح لنفسك محادثة الأخريات رغم علمك بأنها تحادثك من وراء زوجها أو خطيبها الذي يرفض ذلك وذلك بحجة أنك لا تتعد الحدود معها ... وماذا عن نيتها هي في التحدث إليك ... ولا يمكن اعتبار رفض زوجها لذلك أنه "مخه معقد" ...ولكنه العهد الذي تم الاتفاق عليه بينه وبينها حال زواجهما

واسمح لي ... هي ليست بوجهات نظر .. ولكنها أمور معلومة من الدين بالضرورة ... فالمرأة التي لاتطيع زوجها وتحافظ على عرضه الذي هو أمانة في عنقها ... وتقوم بالتحدث إلى من يكره وبصفة خاصة دون علمه فهي بذلك خائنة للعهد


ولا أتحدث هنا عن الحوارات العامة بين مرتادي المواقع الاختماعية سواء كانوا من الإناث أو الذكور .. فالكلام هنا مباح على عمومه ما لم يقصد به نية سيئة ... والنوايا لايعلمها إلا الله ... ولذلك فالزوج الذي يكتشف فجأة أن زوجته تحادث غيره ممن لا يعلمه .. له كل الحق أن يكون مصدوما وأن يشك في سائر تصرفاتها ولأبعد الحدود ... والسؤال هنا إذا ما وضعت نفسك موضع الزوج المتفاجئ فهل ستكون راضياً عن زوجتك

وإجابتك عن هذا السؤال ليست لي ولكنها لنفسك

هدانا الله أجمعين وحفظنا

[احمد المصرى]

حسبى الله ونعم الوكيل فى بعض البنات الخاينه

[mesaharaty]

بص ياريس انا مع الرأي اللي بيقولك ع حسب الكلام اذا كان الكلام في حدود حتي وان كان فيه تهريج بس يظل في حدود الصداقة او الزمالة ومزادش عن كده يبقي يوبخها بس ويقولها انا مينفعنيش الكلام ده وخلاص ع كده ...انما لو لقي الكلام معدي الحدود دي يبقي يفسخ طبعا ويفضحها

ع فكرة انا بقلك الرأي ده وانا بكلم بنات مخطوبة ومتجوزة بس بكلمهم كأصدقاء بس والكلام مبيعديش الحدود دي هو اينعم من ورا رجالتهم بس تظل العلاقة في حدود الأحترام حتي وان شابها تهريج او شوية ضحك بس ده لا يعني انهم خاينين او بيخونوا اللي مرتبطين بيهم ...

أنا قد أختلف مع حضرتك
فغرف الشات دى عاملة زى ما تكون غرفة مغلقة على شاب وفتاة أو رجل وإمراة ... ومن أدراك إن بداية الحديث تكون محترمة ثم تتطرق لتكون غير ذلك مع التعود على الكلام يوميا وبحرية متدرجة .
سيدى الفاضل هناك من البشر سواء رجل أو إمرأة من يجيد فن الإيقاع بالآخر ... ناهيك عما يترتب على ذلك من مشكلات عائلية لا قدر الله ربما تصل إلى الطلاق .
وكما قال الرسول الكريم عليه الصلاة والسلام : ( إنما تأكل الذئب من الغنم القاصية) أى البعيدة عن الجمع ... وفى مثالنا هذا فإن البعد يتمثل فى إنفراد شخصين فى غرفة شات مغلقة . صح .؟
وعلى ذلك لا يرضى الله على عبده أن يكون ديوثا أو يكون عارف إن خطيبته بتكلم حد غيره ويوافق .
أرجوك لا تقل لى كلام باحترام وفى حدود وما شابه ذلك .
وسأسأل سؤال وهو : فرضنا إن اللى كانت بتعمل كده هى زوجة وليست خطيبة فما الموقف حينئذ ؟
يضربها - يطلقها - يمنحها فرصة تانية - يفوت ويطنش ... ولا يعمل إيه ؟؟

[Dr.Mostafa Anwar]

إنا لله وإنا إليه راجعون

والله الموضوع ده لازم ناخد فيه العزاء

العزاء في الرجولة

العزاء في الكرامة

العزاء في الدين

العزاء في الأخلاق

العزاء في المجتمع

والله محتاجين مصيبة كبيرة تفوق الشعب ده من الغفلة اللي هوا فيها ... ده إحنا غلبنا أيام الجاهلية في التفكير والأخلاق والله ... ولا حول ولا قوة إلا بالله

[subhimust]

شوف يا اخي ديل الكلب عمره ما يتعدل وانا جايبلك قصة من فتكات الموقع الحصري للنساء المصري

(((((
مش عايزة اخونه تاني - العضوة المحتااااااااره هي صاحبة المشاركة
باختصار انا كنت متجوزة راجل بكل معنى الكلمة و بيحبني و بيطلبلي الرضا بس كان بيشتغل بره و انا ماستحملتش الوحدة و خنته و كانت مرة وحدة بس من سوء حظي عرف و تعب جدا وقتها و دخل المستشفى و طلقني و اتجوز و يوم فرحه حسيت اني منهارة و مش قادرة اتخيله في حضن وحدة غيري و اول ما رجع من شهر العسل رحتله البيت و عملت حاجات مش ممكن تتخيلوها عشان يرجعني و ده اللي حصل و لما سافر خلى اهله يراقبوني و اول ما ظروفه سمحت بعتلي عشان اسافرله و ساب مراته هنا عشان حامل و لازم حد ياخد باله منها.
انا كنت هموت من الفرحة في الاول بس لقيت وقت فراغ رهيب و لما بقعد لوحدي بقعد افكر في الخيانة و بس مش قادرة افكر في حاجة تانية خالص و حاسة بتانيب فظيع بس مش عارفة ليه الفكرة متملكاني و بفرح اوي لما جوزي يرجع و انا لسه ما كلمتش حد او فتحت الشات.
نفسي حد يساعدني و يقولي انا دماغي كده ليه ده انا بحب جوزي موت انا مش عارفة اتحكم في افكاري خالص خايفة اغلط و انا مش عايزة اخون جوزي انا ماعنديش عيال و حاطة اللولب حاليا عشان لسه بيختبرني و عايز يديلي الامان قبل ما يخلف مني
)))

وده كان رد اخت عليها

((تصدقى انتى معندكيش دم ازاى واحده تخون جوزها انا لسه مصدومه فى واحده صاحبتى عمله عملتك المهببه دى جوزها مش وهى جابت صاحبه معاها الشقه وقفلت الباب عليهم جه جوزها على غفله لاقى الهانم مخبياه فى البلكونه وهو جوزها ملاك كل حاجه نعم وحاضر بيعمله كل حاجه حلوه والغبى لسه باقى عليه ازاى ازاى دمه ميه فهمونى انا هاتجنن ده انا جوزى ميشنى فى اهمال ما بد اهمال حرام ليكم
))

يا شيخة انتو الاتنين تستاهلوا بعض جوزك دة مش راجل علشان ردك لعصمتة تاني و يستاهل الخيانة لانة ديوث منكم لله
الله يعين مراتة و يصبرها علي الابتلاء


بصراحة أنا حاسة ان جالي صداع لما قرأت الموضوع والله العظيم،،، ربنا يهديكي يا بنتي انتي عندك زوجك غيرك مش لاقية جواز اصلا وعمرها مافكرت في اللي انتي بتقولي عليه،، ربنا يسامحك،، وياريت تخليكي لابسة اللوب لغاية ما تتأكدي انك توبتي عشان حرام عليكي تجيبي ولاد وانتي مش واثقة في نفسك


اه والله هما التنين يستاهلو بعض ده انا صاحبتى جوزها ولاى اكن ظبطها مع صاحبه وبيخرجها ويفسحها ولا اكن حصل شى


يالاهوي عليا وعلي سنيني
هي الرجالة جرالها اية
اية القرف دة

يا بنات اتقو ربنا في نفسكو جوز اية وطلاق اية وحب اية
ربنا شايفنا
ربنا مطلع علينا
مفيش خجل
مفيش حياء

دي الواحدة شايلة هم انها هتبقي في يوم من الايام في حضن جوزها حلالها
تقومو انتو تبقو في حضن راجل تاني غير زوجك
دة زنا زنا زنا


انا مش فاهمة ازاى يرجع واحدة زك تاني ويتجوزك تنى على الشريفة العفيفة

انتى حدك الرجم حتى الموت

ام الارف مليتوا البلد


تصدقي بالله انا منا عارفه اقول عليكي ايه يعني الراجل متغرب وطافح الدم في بلاد الناس والغربه وما ادراكي ما الغربه انا مجربها علشان يجبلك طلباتك ويأمنلك مستقبلك
وانتي مدورها في غيابه علشان مش قادره تستحملي تصبري علي غريزتك زي الحيونات ما بتقدرش تتحكم في غريزتها يا ختي مش قادره يا تسافري معاه يا تطلقي وتتجوزي واحد تاني اتقي الله في نفسك وفي يوم محدش هيبقي جاملك فيه توبي لله واستغفري
اما جوزك ده بقي والله ما عارفه اوصفه بأيه غير انه ميستاهلش غير واحده زيك علشان واحده امنتله علي حياتها ووافقه تكمل عمرها معاه وشايله ابنه يغدر بيها كده منك لله يا شيخه انتي وهو


جوزك اصلا مش راجل لانه رجعك
زنبها ايه مراته اللى اتجوزته
رماها عند اهلها بحجه
ده راجل ده
وانتى عايزه تخونيه تانى من الواضح الخيانه فى دمك
تخيلى نفسك ملك الموت قبض روحك وانتى بتزنى
هتقولى للى خلق ايه
ايه القرف ده حاجه تحرق الدم صحيح


اشمعنى لو الراجل خان بممكن نغفرله والست لو خانت نعلقلها المشنقه
زى ماهنسامح ده هانساكح ده ولا ربنا فرق في الخيانه قال الراجل مش حرام يخون والست حرام تخون
لسه عندنا الثقافه الذكوريه في المجتمع
ربنا يهديها لنفسها

))



ده تعليقي انا بقى
............................* علة الرجولة

[buddha]

إفعل يا إبن آدم ما شئت فكما تدين تُدآن

بالمختصر لو انت خاين اكيد ال معاك هتخونك
لو انت بتبص على بنات الناس فى الشارع اكيد ال معاك هتبص على الرجالة فى الشارع

"لكل فعل رد فعل مساوى لة فى المقدار"

[subhimust]

طب انا ليه سؤال عادي كده
هو ازاي ((راجل)) مراته او خطيبته تخون شرفه و يبقى عادي
ازاي ازاي ازايي ازاي ازاي ازاي
حد يفهمني يا جماعة احسن انا تعبت والله

الحمد الله الذي عافانا مما ابتلى به كتيرا من خلقه وفضلنا على كتير من خلقه تفضيلا

[eslamrace]

أ...... ولا بلاش احسن انا عمرى متوقفت ومش ناوى الصراحه
بس انا من موقعى هذا اطالب انى اشوف رد شنورى فى هذا الموضوع