استغلال الصيف الأمثل لأطفالك

[mohamedmostafa]

كل عام وأنتم بخير بدأت الأجازة الصيفية عند البعض أو على وشك أن تبدأ وأرجو من أعضاء نايل موتورز المحترمين أن نشترك معا فى تبادل الآراء والخبرات فى كيفية استغلال فترة االأجازة الصيفية استغلالا أمثل يعود بالنفع على أطفالنا سواء مهاريا أو رياضيا أو دينيا أو غير ذلك ﻷن معظمنا يتكاسل فى هذا الأمر المهم للغاية وأنا أولهم ولكنى أرغب فى هذه الأجازة تعويض أطفالى ما فقدوه فى الأجازات الماضية مع خالص تمنياتى لكم وﻷسركم الكريمة بأجازة ممتعة ونافعة ان شاء الله

أبدأ بعرض أفكارى فى هذا الموضوع فقد سمعت عن وجود مراكز للأطفال يقضى فيها الطفل اليوم كاملا تقوم بالآتى :
- محادثات لغة انجليزية
- تحفيظ قرآن
- تنمية بشرية لبناء شخصية الطفل

هذا بخلاف الناحية الرياضية سواء المشتركين منا بنوادى رياضية أو المتعاملين مع مراكز خارجية

أيضا ما يخص بلغة العصر الكمبيوتر وهل توجد مراكز للأطفال وما العمر الذى يمكن للطفل البدء فيه بدراسة برامج الكمبيوتر

وطبعا لا ننسى حق الطفل فى الترفيه والتمتع بالأجازة وبالتالى أرى أن نرشح لبعضنا البعض أماكن للسفر أو التصييف أو حتى الخروج وذكر النفع الذى من الممكن أن يعود على الطفل منها

فى انتظار مشاركاتكم الكريمة

[sayed911]

اخي الفاضل ربنا يخليلك الأولاد طبعا في الأول وفي الأخر ولكن انا شاب صغير لسة في السن :) (23 سنة )
ها اقول لحضرتك على شوية حاجات انا فعليا بشكر والدي على انه علمهالي وانا صغير فعليا :)
- رياضة ثم رياضة ثم رياضة ! حتى لما ترجع المدرسة علم ولادك الرياضة وياريت تدور على رياضة تكون فيه مجهود كبير عشان تساعدهم على تفريغ طاقات :) حتى لما يكبروا ان شاء الله صدقني الجسم اللي متعود على انه رياضي بيبعد عن اي شئ من انواع التدخين :) هيا نظرة مبعدية حبتين بس صدقني ليها نتيجة :)
- لا مانع من ممارسة هواية في البيت زي الرسم او غيرهم
- تحفيظ القرآن اساسي
-حاول تاخدهم يوم انتا وهمة بس وتقضوا يوم في السيرك ها ينبسطوا جدا
فيه ريفيو عن قرا العين السخنة هنا في المنتدى الإجتماعي برضوا ها يبقى شئ لطيف جدا
- حاول تشغلهم وقتهم بالكامل عشان ميحسوش بالفراغ يعني من الأخر لما ينامو بليل يناموا من كتر التعب :)
- بالنسبة لموضوع الكمبيوتر صدقني صدقني انا بنصح انه حضرتك بنفسك اللي تاخد من وقتك وتقعد تعلمهم بنفسك :) محدش ها يعلم ولاد حد احسن من الأب

[mohamedmostafa]

الأخ الكريم ا سيد شكرا جزيلا لردك السريع والرائع وأنا بالفعل ابنى بيمارس الرياضة هو عنده 8 سنوات واخته 4 سنوات وهتبدأ الصيف ده ان شاء الله وسبحان الله موضوع السيرك ده أول الاقتراحات ﻷنه بالمناسبة موجود دلوقت سيرك ايطالى فى التجمع الخامس بجانب الجامعة الأمريكية ومستمر لنهاية الأسبوع تحديدا يوم 17 مايو وبالنسبة للموضوع بتاع العين السخنة أنا فعلا دخلت اتفرجت عليه وقريته كله بجد موضوع ممتاز وفتح نفسى وان شاء الله قريبا أنزل صورى مع الولاد فى نفس الشاطئ اللى اتكلم عنه الأخ صاحب الموضوع اسمه مصطفى على ما أذكر وأرجو منك متابعة الموضوع وعرض مزيد من الأفكار خاصة انك رياضى فممكن تفيدنا بنوع رياضتك وكيف أثرت فى حياتك وشخصيتك وجزاك الله خيرا على المشاركة