انا زهقت

[KemozTanta]

انا زمان فكرت زييك كدا وكنت فترة خلاص مش مستحمل وقررت اني اهرب واسيب البيت ! تخيل .. اخواتي واخدين فلوس زي ماهما عايزين وانا ولا باخد حاجة ولا بيجيلي لبس وحسيت في وقت اني مش ابنهم اساسا !!
ومكنش معايا ولا مليم ولميت هدومي وكنت همشي خلاص ومش عارف هروح فين وبقول لنفسي انزل اشتغل واعيش في اى مكنه وخلاص
بس الحمد لله محصلش وكملت مع اهلي واستحملت هبل كتير و خلصت دراستي علي خير ودلوقتي مبقاش في حد في البيت غيري انا ووالدي ووالدتي وانا اللي مراعيهم في كل حاجة والدنيا فل
بلاش تسود الدنيا في وشك عشان اى ظروف استثنائية مسيرها تعدي وتخلص
فكر بشكل ايجابي وخللي عندك طوله بال وصبر ويوم ماتقفل خلاص وتبقي الحياة مستحيلة فلوسك معاك
اعملها شهادة في البنك وعيش منها
اوعي ترمي فلوسك في شقة تمليك وانت متعرفش بكرة في ايه !
شقة ب27 الف يعني حاجة في مساكن اللي اعلم بالمنطقة كمان ويعني لا قدر الله لو وقعت لا ليك ارض ولا نصيب في حاجة

[ابو لؤى]

افرض عليهم شخصيتك بيهرجو هرج معاهم واقعد مع والدك وقوله انا مش بحب انك تعاملنى بأسلوب كذا وبعدين اعتبر اهلك صحابك يعنى لمه صحابك بيهرجو عليك مثلا مش هتكلمهم تانى ؟

[M.ABDOU]

اعتقد انك محتاج تصاحب حد كبير ومن رايى فكر انك تروح لدكتور نفسى محترم يسمعك ويديلك نصيحه عن خبره ومش عيب والله يا ابنى كلنا محتاجين استشارات نفسيه بدرجات متفاوته والله

انا عن نفسى بفكر اروح ههههههههههه

[beshomilan]

مش عارف اقولك ايه..انا متعاطف معاك اوى

انت حد مينفعش تعيش هنا فى مصر بجد وانا للاسف زيك

معلش يا اخوتى انا ليا اعتراض بسيط على كلامكم

انا متفق معاكم ان هو رد فعله كان قوى جدا واكبر من كل المواقف

بس هو ليه التهريج فى مصر انى امسك الحد اللى فحاله وافضل اتريق عليه سواء كان ابنى او اخى او صديقى او ايا كان؟؟
ياترى كده الناس ارتاحت لما الراجل تعب كده وحصله كل اللى حصله ده؟؟
متقنعونيش انه مبيبانش عليه الضيق قدامهم انهم بيتريقوا عليه..ورغم ذلك بيكملوا عشان كل واحد يرضى غرور نقائص شخصيته فى انه يبان قوى الشخصيه على حد كويس ومش بيعرف يرد عليهم؟؟هى دى بقت التسليه؟؟وربنا يرضى بكده؟؟
بس للاسف هو ده حال البلد لو دخلت اى مكان وانا بنى ادم عادى اتعامل معامله سيئه
انما لو داخل ببدله ميرى ولا مفاتيح المرسيدس فأيدى كله يقف ويحترمنى

هو حد فحاله وعايز يعيش ومش عايز حاجه من حد ويمكن عنده بعض الانطوائيه بس مش معنى كده يبقى الناس تتريق عليه أكمنه مبيتكلمش وده مش ضعف منه..بالعكس هو احسن منهم كلهم لانه مبيردش الاساءه بالاساءه

اخى العزيز..
فيه ناس كتير فحالهم زيك وانا منهم وياما الناس بتتريق عليهم وبيتبهدلوا كتير ومتحزنش ابدا لان دايما الطيب فى بلدنا دى بيتعامل كده واكتر من كده صدقنى
خليك واثق انك احسن من كل الناس واوعى تبص لاى اهانه وحاول تتجنبهم طالما الاحساس بينعدم احيانا
وخليك زى ما انت فبيتك واوعى تسيبه
اتمنى تكون بخير دلوقتى
لو فى القاهره اتمنى اشوفك واتكلم معاك

[S O P H O S]

اسمحلي كده تصرف مش سليم والوحدة والعزلة مش شئ حلو
لو استحملته يوم مش هتستحمله التاني
قبل ما تصرف فلوسك اصبر وفكر كويس

[A7MED_PHARMA]

بماإنك ماردتش عليا على الخاص
إلبس وش الغرور والامبالاه على كل الي حواليك
لو حد اتريق عليك..بصله بقرف (لوغريب)وبـلامبالاه وتكبير دماغ وتسكت ولاكأنه موجود(لو حد يهمك او قريبك)...شوية وهيعرفو انك اتغيرت فعلا
وانك مش قابل منهم كلام بأفوره

أخوك في الله أحمد فارما
كان طيب بالشكل بتاعك ده..كنت في حالي اوي,وناس كتير كانت بتيجي عليا
ياإما أصحابي ياخدو فلوس..وعارفين ان احمد طيب ومش هيطلبها
او ناس تيجي تستلف فلوس او هدوم..وعارفين ان احمد طيب ومش هيكسفهم
حد يعلق على حاجة فيا..وهو عارف اني بنكسف ومابردش
حد ياخد شكك..وهو عارف ان د.أحمد غلبان ومش بيتكلم

صدقني
كل ده اتغير في يوم واحد
يوم واحد صحيت..لقيت نفسي بعرف أقول (لأ)للناس
لقيت نفسي بعرف أكون رخم
لقيت نفسي بعرف أطلب فلوسي الي عند الناس..بأدب وبقلة أدب أحيانا
ماتتخيلش قبل كده..انا كنت بكره سلبيتي أد إيه
لكني أنفجرت زيك..بس إنفجار صامت
ماسبتش البيت..وماعملتش حاجة غير اني قلبت على الوش التاني
وش تاني خالص
تناكة وغرور (مع الي يستاهلهم)..وبجاحة وتعالي وسخرية(مع الي يستاهلها)...

ارجع لبيتك
ووريهم الوش التاني
اختار اي وش ..وإلبسه للي يستحقه

[SaSa.FireBlade]

انا مشكور جدن لكل الى ردو انا كلمت والدى وقلتلوا انى هقعد برة البيت شوية قالى عنك ما جيت مش عايز اشوف وشك تانى اية راى حضراتكوا بقى فى الموضوع دة ؟ انا خلاص اتاكدت 100 % 100 ان مفيشحد باقى علية ولا بيحبنى ولا ليا معزة عند حد دة حتا مسالنيش انتا فين انا خت القرار خلاص ومش هشترى الشقة لانها فعلن طلعت تعبانى انا شوفت شقة فى حدايق القبة صغيرة بس عجبتنى اوى ايجار جديد بمبلغ مناسب اوى وحياتى مش هتفرق كتير انا كدة كدة البيت بلنسبالى كان نوم بس مش اكتر بفطر واتغدا واتعشا برة البيت فلشغل وبصرف على نفسى دايمن فا مش هتفرق كتير انا من انهرضة لزمن يكون عندى كرامة بجد انا ادركت ان الى بيستمر فى السماح فى اى حاجة وطيب معا الناس بتبقا دى اخرتو

[hugan]

طب وهاتعرف تسحب فلوسك وانت لم تبلغ سن الرشد
21
مش 20

[SaSa.FireBlade]

عادى انا بسحب بلفيزا برحتى اى مبلغ انا عايزو دة حساب بتاعى انا

[hugan]

عادى انا بسحب بلفيزا برحتى اى مبلغ انا عايزو دة حساب بتاعى انا

بلفيزا بتاعتك
معلش فاتتني

[youssef_u]

متعملش زي اللي حرق بيته عشان حشرة

[hazoom2006]

ازاى عندك 19 سنة وهتعرف تسحب فلوس من البنك اصلا ؟؟ لازم يكون عندك 21 سنة

[reda elgohary]

ربنا يهديك ويصلح حالك ،،وكلنا عدي علينا المشكلة بتاعتك ،،ولما ترتبط وتعيش حياتك هتكون طبيعى والموضوع ده مش هتفكر فيه ،،بس نصيحتى لا تترك منزلك الذي تربيت فيه ،،وربنا يهدي انفوس .

[aboamr]

دايما كل واحد بيفكر فى مشكلته من وجهة نظره فقط ودايما بيحاول يكون هو الصح والاخرين خطاء ..........اكيد والدك وجهة نظره مختلفه وكل انسان فيه عيوب .......لازم تقعد مع نفسك وتفكر بهدؤ وتشوف ايه اللى ناقصك ......ونقط ضعفك وتحاول تتغلب عليها .......لازم ترجع لاهلك وفكر فى حالة والدك ووالدتك ومهما فكرت مش ممكن تتخيل قلب والديك وخوفهم عليك ازاى .....اعرف ان والديك اكتر ناس بتحبك فى الدنيا واكتر ناس تخاف عليك .........اتصل يشخص كبير تثق فيه ويكون صديق لوالدك واشرح له سبب زعلك وخليه يتكلم مع والدك ويوضح له سبب زعلك ولازم دايما تكون علاقتى بوالدك كويسه وحاول تشكى له سبب زعلك .....اكيد حيقف جنبك ......طمن اهلك وارجع بيتك .......شكلك انسان محترم بس لسه خبرتك فى الحياه قليله

[ابو لؤى]

ارجع بيت والدك وبوس رجله النهارده هو معاك الله اعلم بكره هيكون فى ايه هو بيكلمك بأسلوب حاد علشان يخفى اللى جوا انما هو تلاقى زعلان جداا جدااا ارجع واتكلم معاهم وعاتبهم الهروب مش هيجل المشكله اهلك يعنى سندك سيبك من الفلوس افرض ضاعت منك او اتسرقت لاقدر الله