Tweet
كانت فعلا أمتع حاجة في رمضان أيام الطفولة هي تعليق الزينة في الشوارع.. كنا بنقعد نحضرلها من بدري و كله بيشتغل مع بعضه.. ولاد العمارة الواحدة و الشارع الواحد.. المفروض ان ده اسمه عمل جماعي، بس طباع ماكناش عارفين، كنا بنتهري قص و لزق و يوم تعليق الزينة ده كان بيقى زي الفرح بالظبط و كل حد يبص لحتة زينة متعلقة يقول أهي دي انا اللي قاصصها بالشكل ده. تصوروا ان دلوقتي في المدارس الانترناشيونال بيعلموا القيم و المهارات دي للأولاد بس أولياء الأمور بيدفعوا قصادها عشرات الآلاف من الجنيهات، زمان كنا بنعملها بالفطرة كده، سبحان الله.
-
-
1- يوم الزينة (بتاعنا مش بتاع فرعون موسى :))، إكرامي وشريف ومحمد وكانوا أكبر مني سناً (بالنسبة لي كانوا بيعرفوا كل حاجة) يطرقون الباب بأدب جم (مش من عوايدهم) ليطلبوا من رب المنزل نصف جنيه نظير تجهيز الزينة، وكنت أصر على المشاركة بالمجهود معهم، وأنزل لأجد كل أطفال الشارع معنا .. فأجدهم وقد جهزوا اوراق الجلاد الملون وقصقصوه بأشكال مختلفة، ويقومون باستئذان الأسطى "حسين" الأستورجي ليعيرهم حوامل معدنية لتجهيز الزينة. وعلى الرغم من طباع الأسطى حسين العنيفة (كان نرفوز ولا يطيق لعب الأطفال) إلا أنه كان يوافق بأريحية وطبيعية مذهلة !! كان يوم مبهج حقاً كثيراً ما أفتقده.
2- "عمو فؤاد" ويذكر لي والدي أن من أوائل كلماتي "داهوميييييييييييييييي" وهي الكلمة التي يتغنى بها عمو فؤاد في مقدمة "الفيديو بلاد"
3- المسحراتي "سيد مكاوي" وكلماته الساحرة وصوته الرخيم "السعي إلى الصوم خيرُ من النوم .. الليالي السمحة نجومها سبحة .. اصحى يا نايم وحد الرزاق .. رمضاااااااااان كريييييييييييييم" :)
4- "بوجي وطمطم"[SIZE=3]تامر حسين[/SIZE]Comment
-
1- يوم الزينة (بتاعنا مش بتاع فرعون موسى :))، إكرامي وشريف ومحمد وكانوا أكبر مني سناً (بالنسبة لي كانوا بيعرفوا كل حاجة) يطرقون الباب بأدب جم (مش من عوايدهم) ليطلبوا من رب المنزل نصف جنيه نظير تجهيز الزينة، وكنت أصر على المشاركة بالمجهود معهم، وأنزل لأجد كل أطفال الشارع معنا .. فأجدهم وقد جهزوا اوراق الجلاد الملون وقصقصوه بأشكال مختلفة، ويقومون باستئذان الأسطى "حسين" الأستورجي ليعيرهم حوامل معدنية لتجهيز الزينة. وعلى الرغم من طباع الأسطى حسين العنيفة (كان نرفوز ولا يطيق لعب الأطفال) إلا أنه كان يوافق بأريحية وطبيعية مذهلة !! كان يوم مبهج حقاً كثيراً ما أفتقده.
2- "عمو فؤاد" ويذكر لي والدي أن من أوائل كلماتي "داهوميييييييييييييييي" وهي الكلمة التي يتغنى بها عمو فؤاد في مقدمة "الفيديو بلاد"
3- المسحراتي "سيد مكاوي" وكلماته الساحرة وصوته الرخيم "السعي إلى الصوم خيرُ من النوم .. الليالي السمحة نجومها سبحة .. اصحى يا نايم وحد الرزاق .. رمضاااااااااان كريييييييييييييم" :)
4- "بوجي وطمطم"[SIZE=3]تامر حسين[/SIZE]Comment
-
أيوه كده فكرنا بزمان و أيام زمان :)المشاركة الأصلية كتبت بواسطة TaoTao مشاهدة المشاركة
عايزين تفاصيل أكتر يا جماعة.. عيشونا في رمضان زمان كده شوية :)Comment
-
بعد الفطار طبعا فوازير نيللي.. أول حاجة ممكن افتكرها ليها كانت الفزورة بتاعة التمبوكة و امشي يا صفة امشي يا صفة امشي يا صفة.. و محفورة في ذاكرتي المنظر و هي بتسقف و تفتح إيدها يقوم جدها ظاهر على إيدها.. طبعا كنت صغيرة خالص لا أتجاوز الرابعة بأي حال من الأحوال بس فاكرة المنظر ده كويس. و بعدها بسنة تقريبا كانت فوازير الشخصيات النسائية.. برضه مش فاكرة غير لما هي بتقول يا م س ا ء الفوازييييييييييييير :smile:
السنة اللي بعدها كانت فوازير عروستي و دي بأه كانت سنة 1980، ساعتها كنت كبرة شوية، كان عندي 5 سنين و نص
فاكرة كويس تفاصيل المقدمة و النهاية.. كنت باقعد اتنح قدام الفزورة من دول و احفظ و لحد دلوقتي حافظة مقدمة الفزروة كاملة
و بعدها بسنة كانت الخاطبة.. إبداع و الله اللي كان بيحصل ده.. الشخصيات الكارتونية التلاتة و تفاعلهم مع نيللي كان فكرة و تنفيذ عبقري و كلمات صلاح جاهين في النمر اللي بتتقدم (كان اسمها نمرة عشان نيللي كانت بتقول للعروسة بعد ما تجعر ب"باحبه يا بابا أأأأأأأأأأأهههههههههههههه" كانت بتقول لها ما تجعريش و استني شوية هاتعرفيه من النمرة الجاية
بعدها جت سلسلة فوازير فطوطة.. دي برضه كنت باتنح قدامها منبهرة باللي بيحصل و برضه حافظة مقدمة و نهاية أول فزورة لفطوطة صمممممممم.
بعد الفوازير بأه ييجي اللعب.. كنت باشوف آخر حتة من تتر نهاية الفزروة و انا على باب الشقة و أننننننننننطلق بأه مع صحباتي نعلب في مداخل البيوت أو في الشارع. شارعنا كان ونس و أمان و الدنيا صيف و العيال اللي بالعب معاهم كلهم ولاد ناس و أكتر أذى كان بيحصل لي اني كنت باقع كتير في الشارع لما ركبتي اتلمت تعاوير.
عودة بعد قليل لبرنامج بعد الفطار ان شاء الله :)
Comment
-
بصراحة نشكرك يا علا علي مواضيعك اللي بتقلب ذكرياتنا دي
اكتر حاجة فاكرها في رمضان زمان هي تعليق ورق الزينة كنا بنستخدم نشا و مية و نلزق ورق الزينة
وفي التلفزيون اكتر حاجة كنت باحبها زمان هي حلقات ( عمو فؤاد ) بالذات حلقات ( العمدة الالي ) ......... كانت ايام حلوة بجد
وفاكر برضه الاطفال الصغيرين اللي كانوا بيلفوا علي البيوت بالفوانيس و يقولوا ( حالو يا حالو ........ لرمضان كريم يا حالو ,,,,,,,, فكوا الكيس و ادونا بقشيش لنروح ما نجيش يا حالو )[B][SIZE=4][COLOR=navy]م/ شادي محمد[/COLOR][/SIZE][/B]
[B][SIZE=4][COLOR=navy]مهندس صيانة اجهزة وتحكم[/COLOR][/SIZE][/B]Comment
-
مدينة نصر فى السبعينات و الثمانينات ....مدينة نصر أصلا ما كتنش فيها قهاوى أو مظاهر شعبية زى دلوقتى ... وفجأة تلاقى فى إختراع بيتعمل فى الجنينة تحت العمارة ... دايرة كبيرة من الطوب و عليها صينية وواحد راجل ماسك كباية و فيها مادة بيضاء سائلة ... يلف بها على الصينية .... تطلع ...كنافة .....ياه.... إختراع
يافطة الله أكبر اللى فوق الفيلا اللى جنبنا تنور فى الليل طول شهر رمضان....
أغنية أهلا رمضان باللحن المميز و صوت عبد المطلب .....
المسلسل الدينى زمان فى أوائل السبعينات ... و لاحقا أصبح بصوت ياسمين الخيام
الدنيا هدوء جميل جدا جدا جدا ... و بابا بيقرا القرآن قبل الآذان
مسلسل فؤاد المهندس و شويكار قبل الفطار .... ما كنتش لسة فاهم حاجة بس بضحك ...
بوووووووم ....المدفع ... وصوت آذان جميل جدا جدا و مميز ساعة الفطار .... صوت الشيخ محمد رفعت ...
فوازير سمير و جورج ...أوين أوين ... فاكرها طشاش .... و بعدها بسنين نيللى ...
التجهيز للكحك و الغريبة فى آخر رمضان .... ماما مع طنط بديعة جارتنا مع الجيران
الوقفة فى البلكونة قبل الفطار ساعة الغروب... ندعى ربنا إننا ننجح فى المدرسة علشان الهدية ... كانت الدنيا جميلة .... شكل الشجر و ريحة الورود و النسيم و حركة الناس القليلة اللى بتمر فى الشووارع الواسعة ....لسة فى ذاكرتى
دلوقتى ... بأروح أقف فى نفس البلكونة أدور على الذكريات والريحة وشكل و هدوء زمان ... لكن فين... الزحمة و التلوث و الخنقة، حتى الشجر توحش و غطى البلكونة ...خسارة أيام زمان... قول للزمان إرجع يا زمان ....
شكرا أ/علا على أحلى الذكريات .....:party:Comment
Comment