إعـــــــلان

Collapse

.

,
See more
See less

المالية: تحصيل ضريبة دخل لمن يزيد راتبه على ألف جنيه شهريا فى يوليو

Collapse
X
 
  • Filter
  • الوقت
  • Show
Clear All
new posts

  • المالية: تحصيل ضريبة دخل لمن يزيد راتبه على ألف جنيه شهريا فى يوليو

    المالية: تحصيل ضريبة دخل لمن يزيد راتبه على ألف جنيه شهريا فى يوليو

    الثلاثاء، 14 مايو 2013 - 13:32
    فياض عبد المنعم- وزير المالية
    كتبت منى ضياء

    أعلن الدكتور فياض عبد المنعم، وزير المالية، أن الشرائح الجديدة لضرائب الدخل، والتى أقرها مجلس الشورى أمس، ستسرى بدءا من رواتب شهر يونيو المقبل.

    وقال الوزير، فى بيان له اليوم "الثلاثاء"، إن مجلس الشورى عدّل شرائح ضريبة الدخل لتصبح 5 شرائح، تبدأ بعد خصم أول 7 آلاف جنيه من الدخل السنوى مقابل الأعباء العائلية، بالإضافة إلى الشريحة الأولى المعفاة تماما من الضريبة حتى 5 آلاف جنيه، ليصل إجمالى الدخل المعفى من ضريبة المرتبات إلى 12 ألف جنيه سنويا، ثم الشريحة الثانية أكثر من 5 آلاف جنيه وحتى 30 ألف جنيه تدفع ضريبة 10%، والشريحة الثالثة أكثر من 30 ألف وحتى 45 ألفا تدفع 15%، والشريحة الرابعة أكثر من 45 ألفا وحتى 250 ألف جنيه تدفع 20%، ثم الشريحة الخامسة والأخيرة أكثر من 250 ألف جنيه تدفع 25%، وهو الحد الأقصى للضريبة يطبق على الأفراد الطبيعيين، ليتساوى مع سعر الضريبة على الأشخاص الاعتبارية.

    وأضاف الوزير أن الحكومة ومجلس الشورى حرصا على عدم تعديل فئة الحد الأقصى للضريبة واستمرارها، كما هى 25% على الجميع، أفرادا وشركات، تأكيدا لاستقرار النظام الضريبى لمصر، وأنه بغض النظر عن الظروف والصعوبات المالية التى نعانى منها لن يكون الحل هو زيادة فئة الضريبة، وإنما التمسك بالسياسات المالية والاقتصادية، وما تقدمه من تيسيرات ومزايا للمستثمرين، وهو ما يحقق العدالة بين الممولين دون أن يكون عائقا لمزاولة الأعمال أو مشجعا على التهرب الضريبى إذا حدثت مبالغة فى أسعار الضريبة.

    وقال الوزير إنه تم عرض الشرائح المقترحة على عدد كبير من خبراء الضرائب ومناقشتها، من خلال عدة حوارات مجتمعيه لاستطلاع رأى المجتمع، وقد اتفقت معظم الآراء على ضرورة المحافظة على المسافة بين الشرائح الأولى للأشخاص الطبيعيين بفئة 10% عن الشريحة أكثر من 5 آلاف جنيه وحتى 30 ألف جنيه، و15% عن الشريحة أكثر من 30 ألف جنيه وحتى 45 ألف جنيه، وهما أكثر شريحتين تمسان محدودى الدخل، وتمثل القاعدة العريضة من الممولين من الأشخاص الطبيعيين، سواء بالنسبة لممولى الأرباح التجارية والصناعية، أو بالنسبة لممولى ضريبة المرتبات.


    [url=http://www1.youm7.com/News.asp?NewsID=1064855&SecID=24&IssueID=0]
    [mshosh2]http://www.gtspirit.com/2012/02/24/official-bertone-nuccio-concept-revealed/?pid=45463&gallery=4010#tp[/mshosh2]

  • #2
    ماهو كده كده في ضرايب بس الناس بتتهرب منها

    Comment


    • #3
      المشاركة الأصلية كتبت بواسطة shaddadfalcon1 مشاهدة المشاركة
      ماهو كده كده في ضرايب بس الناس بتتهرب منها
      الناس الوحيدة الي بتدفع الي عليها الناس الي بتقبض من شركات او من الحكومة
      عشان الضريبة بتتخصم منهم قبل ما ياخدوها
      لكن غير كدا نادر لما تلاقي حد بيدفع النسبة الي علي حجم ارباحه الحقيقية

      Comment


      • #4
        ربنا يستر هو اساسا الواحد عارف يعيش من اللى بياخده علشان ينقص

        Comment


        • #5
          أخونا " فياض "
          أرجوك لا تفيض علينا اكتر من كده ...

          [SIGPIC][/SIGPIC]
          https://www.facebook.com/groups/SWIFTCLUBINEGYPT/

          Comment


          • #6
            المشاركة الأصلية كتبت بواسطة ehab مشاهدة المشاركة
            الناس الوحيدة الي بتدفع الي عليها الناس الي بتقبض من شركات او من الحكومة
            عشان الضريبة بتتخصم منهم قبل ما ياخدوها
            لكن غير كدا نادر لما تلاقي حد بيدفع النسبة الي علي حجم ارباحه الحقيقية
            فعلا عندك حق وده اكبر غلط

            انا اصلا ببص علي Payslip لقيت بيتخصم مني حوالي 24% ضرايب يعني مضحوك عليا يعني القرار ده هيروقني مش هيزعلني :)

            في امريكا وكندا الناس بتدفع مبالغ غبيه علي الضرايب

            وياريت فعلا يطبق بس الفلوس دي يتعمل بيها خدمات لان الشعب هنا خلاص اتعود علي البلطجة ومبدأ اعمل الأول وبعدين ابقي ادفع

            Comment


            • #7
              بصوا يا جماعة هى مش ضرائب جديدة مفروضة هى اصلا الضرائب كانت بتفرض بعد حد اعفاء 9 الاف جنيه سنويا يعنى لو انت مرتبك 15 الف جنيه سنويا كان بيخصم منه حجد الاعفاء ال9 الاف وبتدفع ضرائب على ال6 الاف الاخرى ضريبة دخل طبعا مقسمة على 12 شهر الان بعد التعديل بقى حد الاعفاء 12 الف يعنى لو مرتبك 15 الف بتدفع على ال 3الاف فقط مش ال6 الاف قبل التعديل طبعا احنا مش بتكلم عن عدل الضريبة او مدى عدم ملائمتها للموظف المصرى انا بس بوضح التعديل اللى حصل يعنى ده مش قانون جديد

              Comment


              • #8
                المشاركة الأصلية كتبت بواسطة shaddadfalcon1 مشاهدة المشاركة
                فعلا عندك حق وده اكبر غلط

                انا اصلا ببص علي payslip لقيت بيتخصم مني حوالي 24% ضرايب يعني مضحوك عليا يعني القرار ده هيروقني مش هيزعلني :)

                في امريكا وكندا الناس بتدفع مبالغ غبيه علي الضرايب

                وياريت فعلا يطبق بس الفلوس دي يتعمل بيها خدمات لان الشعب هنا خلاص اتعود علي البلطجة ومبدأ اعمل الأول وبعدين ابقي ادفع
                الفكرة ان معظم الناس بتدفع اقل من نص الضريبة الي المفروض تدفعها و يمكن ربعها و دا كلام محاسبين
                عارف لو كل واحد في البلد دفع الضريبة علي ربحه الحقيقي في خلال 5 سنين ممكن الديون الداخلية كلها تخلص
                دا غير الناس الي مش بتدفع ضريبة من الاساس
                بس برده لازم زي انا عايز الناس تدفع الضريبة يبقي لازم شغلهم يعرفوا يخلصوا من غير ما يضطروا يدفعوا مجاملات زي ما بنشوف في المرور كدا او في اي مصلحة

                Comment


                • #9
                  المشاركة الأصلية كتبت بواسطة shaddadfalcon1 مشاهدة المشاركة
                  فعلا عندك حق وده اكبر غلط

                  انا اصلا ببص علي payslip لقيت بيتخصم مني حوالي 24% ضرايب يعني مضحوك عليا يعني القرار ده هيروقني مش هيزعلني :)

                  في امريكا وكندا الناس بتدفع مبالغ غبيه علي الضرايب

                  وياريت فعلا يطبق بس الفلوس دي يتعمل بيها خدمات لان الشعب هنا خلاص اتعود علي البلطجة ومبدأ اعمل الأول وبعدين ابقي ادفع
                  الحد الاقصي للضرائب 20% ماينفعش تلاقيهم خاصميين 24% مافيش حاجه اسمها كدة

                  Comment


                  • #10
                    المشاركة الأصلية كتبت بواسطة kh_fawzy مشاهدة المشاركة
                    الحد الاقصي للضرائب 20% ماينفعش تلاقيهم خاصميين 24% مافيش حاجه اسمها كدة
                    كمان اصلا الـ20% دي تحتيها اكتر من شريحه فا لازم اجمالي الحسبه اقل من 20% بس غالبا هو معتبر التأمينات الاجتماعيه ضمن الضرايب
                    [CENTER][SIZE=5][COLOR=#4169e1]نختلف .. نتحاور و نتناقش , لكن نتبادل الاتهامات ... ده امر مرفوض نهائيــــــــــــــــــــــــاً [/COLOR][/SIZE][/CENTER]
                    [CENTER][COLOR=#4169e1]حكمه من مهاب سعيد[/COLOR] [/CENTER]
                    [RIGHT]TheEgyption سابقا
                    [/RIGHT]

                    Comment


                    • #11
                      المشاركة الأصلية كتبت بواسطة aboomar22 مشاهدة المشاركة
                      بصوا يا جماعة هى مش ضرائب جديدة مفروضة هى اصلا الضرائب كانت بتفرض بعد حد اعفاء 9 الاف جنيه سنويا يعنى لو انت مرتبك 15 الف جنيه سنويا كان بيخصم منه حجد الاعفاء ال9 الاف وبتدفع ضرائب على ال6 الاف الاخرى ضريبة دخل طبعا مقسمة على 12 شهر الان بعد التعديل بقى حد الاعفاء 12 الف يعنى لو مرتبك 15 الف بتدفع على ال 3الاف فقط مش ال6 الاف قبل التعديل طبعا احنا مش بتكلم عن عدل الضريبة او مدى عدم ملائمتها للموظف المصرى انا بس بوضح التعديل اللى حصل يعنى ده مش قانون جديد
                      الكوميدي في القانون الجديد انهم زودوا حد الاعفاء ل12 ألف لموظفين الحكومة بس. القطاع الخاص قللوا فيه الاعفاء ل5000 جنيه. يعني اللي بياخد 400 جنيه في الشهر حيخصموا منه 10% ضرايب. ده غير ان التفرقة دي تخليه غير دستوري وش. تهرييييييييييييييييييييج رسمي. ده بدل ما يزودوا الضرايب على الارباح الرأسمالية بتاعت الشركات اللي يدوب حتبقى 25% زي أي موظف مرتبه كبير شوية!!!

                      Comment


                      • #12
                        المشاركة الأصلية كتبت بواسطة hh مشاهدة المشاركة
                        الكوميدي في القانون الجديد انهم زودوا حد الاعفاء ل12 ألف لموظفين الحكومة بس. القطاع الخاص قللوا فيه الاعفاء ل5000 جنيه. يعني اللي بياخد 400 جنيه في الشهر حيخصموا منه 10% ضرايب. ده غير ان التفرقة دي تخليه غير دستوري وش. تهرييييييييييييييييييييج رسمي. ده بدل ما يزودوا الضرايب على الارباح الرأسمالية بتاعت الشركات اللي يدوب حتبقى 25% زي أي موظف مرتبه كبير شوية!!!
                        هو حضرتك جبت منين ان موضوع القطاع الخاص و الحكومى دة ؟؟
                        الاعفاء زى ماهو لا زاد ولا نقص اللى اتعدل هو الاعباء العائليه بقت 7000 بدل 4000 +5000 الاعفاء فابكدة اصبح حد الاعفاء سنويا 12000 ( 7000+5000) الاول كان كان 9000 سنويا (4000+3000) ياعنى الاول اللى كان بياخد فوق 750 جنيه كانت الزيادة دى بتخضع للضرائب دلوقتى بقت الضرائب فوق 1000 جنيه شهريا

                        Comment


                        • #13
                          المشاركة الأصلية كتبت بواسطة kh_fawzy مشاهدة المشاركة
                          الحد الاقصي للضرائب 20% ماينفعش تلاقيهم خاصميين 24% مافيش حاجه اسمها كدة
                          المشاركة الأصلية كتبت بواسطة Ahmed.Ali مشاهدة المشاركة
                          كمان اصلا الـ20% دي تحتيها اكتر من شريحه فا لازم اجمالي الحسبه اقل من 20% بس غالبا هو معتبر التأمينات الاجتماعيه ضمن الضرايب
                          انا بيجيلي المرتب الكلي Gross وبيقولي الضريبه قد كده والتامين الأجتماعي قد كده

                          لما حسبتها كضريبه علي التوتال كانت 25%
                          لما حسبتها كضريبه علي (توتال - التامين) بقت 23%

                          Comment


                          • #14
                            فكل مكان هندفع فلوس !

                            Comment


                            • #15
                              المشاركة الأصلية كتبت بواسطة shaddadfalcon1 مشاهدة المشاركة
                              انا بيجيلي المرتب الكلي Gross وبيقولي الضريبه قد كده والتامين الأجتماعي قد كده

                              لما حسبتها كضريبه علي التوتال كانت 25%
                              لما حسبتها كضريبه علي (توتال - التامين) بقت 23%
                              انت غالبا بتتكلم على Deduction ودة بيبقى شامل الضرائب وحصتك فى التامينات و لو فى تامين صحى غير كدة يبقى فيه حاجه غلط

                              Comment

                              Working...
                              X