مغامرة

[canner]

بسم الله الرحمن الرحيم

بصراحة دى اول مرة اعمل موضوع فى المنتدى الاجتماعى كنت برد بس و اقول رأيى فى الموضوعات المطروحة بس المرة دى عندى سؤال و عاوز عليه اقتراحات

الواحد لو حب يعمل مغامرة مدتها مثلا يوم او يومين علشان ينسى اللى بيحصل و الهموم اللى الواحد فيها زى مثلا سفرية او زيارة او صلاة او قراءة قرآن يعنى كل واحد يقترح لى انا ممكن اعمل ايه

تحياتى

[malibuchevy]

عايز مغامره من نوع ايه بالظبط

خطر واكشن مثلا

بسيطه خش بالعربيه وطلع ايدك وامسك ورقه ب 200 في ايدك وانزل عزبة ابو قرن ولا الهجانه

ولا اقولك خش في معاميع الزاوية الحمرا

وقول لو في دكر في المنطقه يقدر

ينزلي وياخد ال 200 جنيه بالعافيه ينزل وانا اوريه

ههههههههههههههههههههههههههههه

وابقى قولنا حصل ايه

ده لو عرفت تطلع
------------------------------

مغامره تجاريه

روح اشتري اي بضاعه ادوات مطبخ ولا ملابس وافرش وبيع ههههههههههههههههههههه

----------------------------------



بالنسبه للسفر في مناطق سياحية كتير برا القاهره ممكن تزورها

او تروحلك يومين شرم ولا الساحل او السخنه

------------------------------

لو ديني

روح الجوامع الاثريه في القاهره صلي واقرا قرأن واتفرج على التصميمات الرائعه

وفيه جامع محمد علي تصميم رائع بردوا ,, وجامع عمر

او لو الكاش متوفر سيبك من ده كله وروح اعمل عمره وتعالى

----------------------------

لو فاضي اوي لمدة كام يوم او بعد الشغل

انزل اتبرع بوقتك مع جمعية خيريه وليكن رساله في مشروعات بيعملوها

زي تركيب سقف توصيل مياه اهو منها تشغل وقتك و تكسب ثواب

--------------------------

[canner]

شكرا على الرد بس هو انا كان قصدى حاجة متجربة يعنى حد عمل حاجة و خرجته من المود اللى هو فيه حاجة متجربة فقط

[malibuchevy]

جرب موضوع رساله انا مجربه وعجبني جدا

منها تكسب ثواب وتشغل وقتك وتحس بالنعمه الي انت فيها

وحتلاقي ناس بتدعيلك كتير

[مصطفى-حسن]

طيب
انا مش قصدى دعاية ولا حاجة
بس شوف الموضوع دة كدة

http://www.nilemotors.net/Nile/354967-a.html

[Imhotep]

رجعتنى بالذكريات لحوالى 20 سنة فاتت. . . احلى 10 ايام فى حياتى. . . رحلة عملتها لوحدى من البلينا فى سوهاج الى جزيرة فيلة فى اسوان. . . بنظام الاجانب شنطة ضهر و كاب و نظارة شمس و مواصلات و بيات فى بيوت شباب او احيانا عند ناس اتعرفت عليهم او فنادق رخيصة و زيارة للمعالم السياحية بتاعة خط الصعيد كله و القراءة عنها من كتاب دليل سياحى . . . كانت اجرأ مغامرة عملتها فى حياتى. . .و امتع مغامرة

[marsguy]

إطلع سانت كاترين وتكون لابس جزمه تستحمل المشي في الجبل

وروح لفندق شيخ سينا SHEIKH SINA Bedouin Treks وخليهم ينظمولك رحلة هايكنج في الجبال اللي هناك.

[A7MED_PHARMA]

روح لأي هرم من أصحابك
قولي طلعني مغامرة

[S O P H O S]

رأي رحلة فالبحر طويلة
لان البحر قادر علي صفاء الفكر

[canner]

جرب موضوع رساله انا مجربه وعجبني جدا

منها تكسب ثواب وتشغل وقتك وتحس بالنعمه الي انت فيها

وحتلاقي ناس بتدعيلك كتير

الف شكر على الاقتراح بس انا كنت عاوز حاجة لمدة يوم او اتنين و خصوصا الجمعة و السبت دول علشان الواحد حاسس ان مابقاش قادر يتحكم فى اعصابه

[canner]

طيب
انا مش قصدى دعاية ولا حاجة
بس شوف الموضوع دة كدة
http://www.nilemotors.net/nile/354967-a.html

الف شكر على الاقتراح بس ليه الصور مش بتظهر؟

[canner]

رجعتنى بالذكريات لحوالى 20 سنة فاتت. . . احلى 10 ايام فى حياتى. . . رحلة عملتها لوحدى من البلينا فى سوهاج الى جزيرة فيلة فى اسوان. . . بنظام الاجانب شنطة ضهر و كاب و نظارة شمس و مواصلات و بيات فى بيوت شباب او احيانا عند ناس اتعرفت عليهم او فنادق رخيصة و زيارة للمعالم السياحية بتاعة خط الصعيد كله و القراءة عنها من كتاب دليل سياحى . . . كانت اجرأ مغامرة عملتها فى حياتى. . .و امتع مغامرة

اهو انا نفسى فى حاجة زى كده مكان انسى فيه كل حاجة و ابعد عن اى اتصال و مافيس حد يقدر يوصلى
الف شكر على الاقتراح بس اسوان دلوقتى ح تبقى حر جدا

[canner]

إطلع سانت كاترين وتكون لابس جزمه تستحمل المشي في الجبل

وروح لفندق شيخ سينا sheikh sina bedouin treks وخليهم ينظمولك رحلة هايكنج في الجبال اللي هناك.

عملتها قبل كده الساعة اتنين باليل طلعنا على جبل موسى علشان نحضر شروق الشمس من فوقيه كانت مغامرة جامدة لا اعتقد انى ح اعملها تانى و الف شكر على الاقتراح

[canner]

روح لأي هرم من أصحابك
قولي طلعني مغامرة

كله يا مشغول يا مشغول يا مشغول الف شكر على الاقتراح

[MohssenRashed]

لو مستعد تدفع 7000 جنية و اجازة 10 ايام يبقى اكيد Cross Egypt Challenge

Cross Egypt Challenge, a cross-country scooter rally throughout Egypt