حد جرب يشترى اكونتات بريميوم فى اى موقع رفع ؟

[mido_soliman]

بفكر فى الموضوع دة جديا حاليا لانى زهقت من حوار اللينكات المجانية والتحميل بيبقى فيها زى الزفت وبيبقى قافل السرعة
فكرت اشترى اكونت بريميوم بس عايز حد يرشحلى موقع لانهم كتير جدا
اى اقتراحات او خبرات فى الموضوع دة يا شباب ؟
واماكن شراء الاكونتات دى منين ؟

تم نقلة لمنتدى الاجتماعى .

[mostafaenany]

انت عايز موقع عشان الابلود ولا الداونلود؟
لو ابلود بس عندك mediafire.com كويس جداا
لو داونلود هتشوف الحاجات اللى انت عايزها على موقع اية دة اللى بيحدد

[mido_soliman]

انا عايز للداونلود وغالبا للافلام وبيبقوا مرفوعين على اكتر من سيرفر وانا عايز اختار واحد فيهم يكون كويس وسريع
فى مثلا ليتل بيت وتربو بيت ورابيد شير وفايل فاكتورى
انا عايز حد مجرب اشترى منين واشترى اية
واية احسنهم وهكذا
وشكرا لردك

[koshakindnes]

انا كنت بشترى رابيد شير وكانت سرعتى 512

محستش بفرق خالص فى السرعة وملوش لازمة انك تشترية لان غالبا بيبقى عامل 60 فى الشهر ومش عارف بقى بكام دلوقتى

انما لو مش عايز تقف وعايز تحمل ورا بعض على طول فا ماشى اشتريه

بس بلاش نصيحة ممكن اكون غلطان فيها :d

[rahmanboud]

متابع

[hamaka]

متابع

[Zeldan]

خد السايت دا و وفر فلوسك .. خليها ف حاجة اهم

Rapid8.Com | Free Premium Link Generator. Fast Direct Download 2013

[mido_soliman]

خد السايت دا و وفر فلوسك .. خليها ف حاجة اهم

rapid8.com | free premium link generator. Fast direct download 2013

السايت مش شغال :(
عايز تجارب محدش جرب ؟؟

[DreAmO]

الرابيد شير والميديا فاير ومعظم المواقع الكبيره المعروفه دي .. غيرت نظامها

يعني مابقتش تبيع بريميم علشان تحمل بسرعه وكدة

لا البريميم بتاعها بقى موجه للتخزين السحابي .. يعني اللي رفع الملف هو اللي يحمله بسرعه وزي ماهو عايز

وهو اللي يحدد اذا كان حد يحمله غيره ولا لأ .. وحجات كتير وله باندويتث محدد في الشهر ومساحه .. الخ


شيل الفكره من دماغك .. مش هتفيدك خالص .. لأن المواقع اللي بيترفع عليها الافلام غالبا بتتغير كل فتره ومش ثابته .. واللينكات كمان بتتحذف .. الخ

على كل حال في مواقع حلوه للافلام تقدر تحمل منها مباشر وعلى سيرفرات نضيفه فعلا وسهله وسريعه

وتقدر تشوف الافلام اون لاين كمان بجوده حلوه جداً

بس انت دور وحاول تشوف المواقع اللي انت ماتعودتش تبص عليها

كل الناس مركزه على ماي ايجي واخواته .. مع ان في مواقع تانيه افضل بكتير في كل حاجه

وفي مواقع سيئه جداً .. فأنت لف حبه كدة عليهم وانت هتعرف الحلو من الوحش

[Salamonti]

انا زمان كنت باشتري الأكونتات دي لما كانت مواقع الرفع قليلة..

انما النهاردة لما بقوا كتير أوي وصحب تحصرهم أصبح كل واحد بيرفع حاجته على موقع غير التاني..

هاتيجي حضرتك تفتح موضوع تلاقيه الملف فيه مرفوع على عشر سيرفرات لكن السيرفر اللي انت مشترك فيه مش من ضمنهم ساعتها قلبك هايوجعك على فلوسك !!

بصراحة انا اتعاملت مع الحجات دي كتير وكان الاكونت بينفعني في عدم انتظار وقت التحميل + امكانية الاستكمال لو النت فصل..
بالنسبة لوقت التحميل فده شيء مقدور عليه مفيش مشكلة لما نستنى 30 ثانية ولا حتى دقيقة قبل بداية التحميل
أما الحاجة التانية وهي امكانية الاستكمال فدي فيه مواقع رفع كتير بتوفرها للزائر المجاني عادي،
ومع تجربة المواقع المختلفة هاتلاقي نفسك تلقائي لما تشوف عشر سيرفرات تروح تختار أحسن سيرفر للتحميل..
أمثلة عالمواقع الكويسة : ميديا فاير - فور شيرد - زد شير - تيربو بيت - وفيه غيرهم كتير هاتعرفم لما تجرب :)

[Mahmoud Nagieb]

ياباشا الفكرة مش مجدية دلوقتى

وبعدين مالوا التورنت ؟

هو فيه ملف فى الدنيا ملهوش تورنت ؟؟