عيد زواجي الثالث ومش عارف اجيب هدية ايه ؟؟

[فرفوش]

ضره من سوريا

هههههههههههههههههههههههههههههههههههه

ده احسن اقتراح شفته حتى الان للهدية بس معتقدش لو شافت الهدية دي هلحق اوريها باقى المفاجآت

[فرفوش]

كل سنة وانتم على خير وسعادة
والهدية حسب نوعية مراتك وحسب الميزانية
يعني فيه زوجة رومانسية ، وفيه زوجة عملية ، وفي زوجة إجتماعية ، وفيه زوجة ست بيت ، وفيه زوجة عاملة ، وفي زوجة مادية
انت حدد نوعية زوجتك واختار لها الهدية المناسبة على آد إمكانياتك ، وأهم من الهدية طريقة التقديم ولفة الهدية
ودي شوية هدايا اختار منها اللي يناسبها ويناسبك:
Cd *أغاني رومانسية ، ودي هدية مش مكلفة .
*هدية فضة : ودي برضوا هدية قيمة ومش مكلفة ، ولو معاك فلوس أعلى شوية يبقى هدية ذهب ( خاتم / حلق / ... )
*اكسسوارات ، وفيه محلات كتير دلوقتي وفي كل المولات .
*محفظة جلد طبيعي أنيقة وشبابية
*طرحة لو محجبة أو اسكارف أو كوفية لو مش محجبة
*طاقم فُرش للشعر و طاقم فُرش للماكياج وبعض أدوات الماكياج
*بيبي ليس للشعر
*إزازة بيرفيوم من اللي بتحبه
*شوية شمع رومانسي مطبوع عليه بعض كلمات الحب والغزل مع بعض الشيكولاتة قلوب
*علبة مجوهرات أنيقة لتحفظ فيه اكسسواراتها والحاجات اللي بتهمها
*سهرة في مكان رومانسي أو حضور حفلة أو نزهه بالمركب في النيل ، ولو عندكم أطفال يا ريت تسيبه يومها مع والدتك أو والدتها .
وأوعى تسمع كلام أ / JapRuleZ ، وأيه كم الأعضاء اللي عاملين له لايك دول ، أنتوا كابسين على أنفسنا حتى في عروض هدايكم
كل سنة وانتم طيبين

شكرا ليكي واقتراحتك فعلا كويسة ومن كتر ما هي كويسة محتار اختار منها
الف شكر ليكي

[shaddadfalcon1]

اعمل نفسك ميت :)

[MTAK]

شوف
انت مش هتقدر تجيب هديه كل سنه

و مع الوقت و المشاغل و التكرار , الكلام دا بيبقى فى ذهننا راحت ايامه

و ساعتها لن يكون سوى


الكلمه الحلوه

فأنت السنه دى قولها انا نفسى نفضل مع بعض على طول و علشان كده انا فكرت هاجيبلك ايه فى عيد جوازنا

الـ 25 , بس يا سيدى و قوم قلها كل سنه و انت طيبه

و السنه اللى بعدها تجيبلها هديع عيد الجواز الـ26 و تقولها صباح شريف او صباح الخير

هكذا , ايه رأيكم فكره حلوه مش كده :)

-------------
واحد نسى عيد جوازه من اكتر من 7 سنوات

[فرفوش]

شوف
انت مش هتقدر تجيب هديه كل سنه

و مع الوقت و المشاغل و التكرار , الكلام دا بيبقى فى ذهننا راحت ايامه

و ساعتها لن يكون سوى


الكلمه الحلوه

فأنت السنه دى قولها انا نفسى نفضل مع بعض على طول و علشان كده انا فكرت هاجيبلك ايه فى عيد جوازنا

الـ 25 , بس يا سيدى و قوم قلها كل سنه و انت طيبه

و السنه اللى بعدها تجيبلها هديع عيد الجواز الـ26 و تقولها صباح شريف او صباح الخير

هكذا , ايه رأيكم فكره حلوه مش كده :)

-------------
واحد نسى عيد جوازه من اكتر من 7 سنوات

هههههه بحب انا الافكار الموفرة دي واهه كل سنة اغير
مرة اقول صباح الخير ومرة صباح شريف

[Abo Yasso]

انا فى راى بوكيه الورد دا اساسى.....وعلى حسب بقى ممكن برفان اصلى , ساعه شيك ...اللى شايفه مناسب ليها او هى محتجاة.
وبردوا على حسب الامكانيات ممكن تخرج تتعشوا بره فى حتة شيك او انك تجيب تورتايه حلوه كدا فى البيت ويسلام لو عليها صورة من فرحكوا .
وعقبال كل سنه ان شاء الله.

+111111111

[bluemagic11]

فى اجازه الاسبوع اطلع السخنه او اى مكان فيه بحر و هدوء جمعه وارجع اليبت بليل .. انت وهى بس .

[فرفوش]

فى اجازه الاسبوع اطلع السخنه او اى مكان فيه بحر و هدوء جمعه وارجع اليبت بليل .. انت وهى بس .

والله فكرة حلوة جدا هدورها في دماغي بس

[hossam_elwani]

ضره من سوريا

جاااامده هههههههههههههههه