سكان هضبة الهرم محتاج مساعدتكم

[masterzmind]

شوفو يا جماعة انا من الاخر كدة بدور على شقة تكون قريبا من الهرم ومش بعيدة زى اكتوبر او التجمع روحت شوفت كمبوندات عشان انا نفسى اسكن فى مكان نضيف نظاراً لما اعانيه من ديلارات حشيش وشباب لا يوجد عندها اخلاق وخلافات ومشاكل وكل يوم خناقة على ركنة .... الخ روحت على كموندات بعد هيبر ورحت كموندات جولف فى طريق الفيوم بعد دخلة اكتوبر كلها غالية شقق 160 متر 500 الف بدون تشطيب المهم من يومين كدة شوفت شقه على شارع الجيش تفتح البلكونه مفيش حد جرحك الشقة حلوة جداا مساحة 230 بالتشطيب والمطبخ 550 الف كاش وبعداد , خايف بعد كام سنة شارع الجيش دة يبقى سوق يتقلب قهاوى ويبقى شارع عامل زى شارع فيصل .. سؤال تانى هل الهضبة مكان كويس الواحد يسكن فى انا بحب الهدوء .. يا ريت يا جماعة الناس تتجاوب معايا ولو حد عنده مكان احسن من دة يقول

[koshary]

بص ياباشا متاخدش فى شارع رئيسى خد فى شارع جانبى واسع ارشحلك منطقه ( و ) او منطقه (ز) على الضغط العالى او اخر منطقه ( ز ) من ناحية طريق الجيش علفكره طريق الجيش ليه تكمله بعد المحجر المنطقه دى هاديه جدا ومافيهاش محلات ووصلة طريق الجيش دى كلها فلل بص يباشا هتاخد الضغط العالى لحد اخره وادخل اخر 3-4 شوارع لحد اخرهم هيعجبوك اوى هاديين ومافيش محلات والاسعار كويسه وخد شقه وشطب انت حاجه على مزاجك عندك مثال شارع الثروه شارع البوابه التانيه شارع الجيش من اوله شارع جاردينيا كل دى شوارع رئيسيه اتملت محلات وهتبقا زحمه المنطقه كويسه بس شوف مكان هادى وكدا كدا المواصلات فى المدينه كلها والعربيه هى ايدك ورجلك فى المنطقه للعلم انا ساكن فى ز ويشرفنى انك تكون جارنا ان شاء الله ولو احتاجت اى شىء انا تحت امرك .. ..

[ابو لؤى]

باشا بس دى مش منطقه هاديه دى منطقه مهجوره مجرد رأى

[masterzmind]

يعنى بلاش شارع الجيش ولا ايه

[koshary]

باشا بس دى مش منطقه هاديه دى منطقه مهجوره مجرد رأى

اخر 3 شوارع على الضغط العالى مهجورين ؟؟؟؟؟ اول مره اسمع عنها دى

[shiko85]

في كام كومبوند فظهر الحي السابع ( الشمس و فاميلي لاند و الريهام و طيبه جاردنز ) هتلاقى حاجات كويسه بس هي قدمها شويه علشان تعرف تسكن فيها

[Hacker5]

مشكلة حدائق الاهرام فى انقطاع المياه كتير هناك و معظم التليفونات هناك فايبر مش نحاس عشان لو عايز تدخل نت

[sas5]

مشكلة حدائق الاهرام فى انقطاع المياه كتير هناك و معظم التليفونات هناك فايبر مش نحاس عشان لو عايز تدخل نت

السلام عليكم ورحمه الله
ومين قال لك ان النت مش شغاله على الفيبر فى الهضبه.
شغاله مع تى داتا بدون مشاكل

[ابو لؤى]

اخر 3 شوارع على الضغط العالى مهجورين ؟؟؟؟؟ اول مره اسمع عنها دى

بصراحه انا معرفش المنطقه اللى انتو تقصدوها بس هضبه الهرم عمتا بحس انها مهجوره لمه كنت بخلص ورق الجيش علشان اجيب فطار ماكنش فى مطاعم خالص ولا اى حاجه

[Abo Yasso]

بص من الاخر وعشان ترتاح
شارع جانبى عشان الهدوء
فى اول البوابه عشان عفشه عربيتك
العماره تكون بجراج وعداد عشان تكون مرتاح
متشتريش غير عماره متشطبه وخلاصانه ومتستعجلش الشقق اللى فى الهضبه المعروض للبيع اكتر من اللى ساكن
اهم حاجه لف كتير جدا
يعنى انت اعمل حسابك على 50 مره تنزل فيها تلف كل مره ب 20 شقه
صدقنى هتتعب جدا بس هترتاح جدا بعد كده يعنى من الاخر اتعب عشان ترتاح

[bluemagic11]

شوفو يا جماعة انا من الاخر كدة بدور على شقة تكون قريبا من الهرم ومش بعيدة زى اكتوبر او التجمع روحت شوفت كمبوندات عشان انا نفسى اسكن فى مكان نضيف نظاراً لما اعانيه من ديلارات حشيش وشباب لا يوجد عندها اخلاق وخلافات ومشاكل وكل يوم خناقة على ركنة .... الخ روحت على كموندات بعد هيبر ورحت كموندات جولف فى طريق الفيوم بعد دخلة اكتوبر كلها غالية شقق 160 متر 500 الف بدون تشطيب المهم من يومين كدة شوفت شقه على شارع الجيش تفتح البلكونه مفيش حد جرحك الشقة حلوة جداا مساحة 230 بالتشطيب والمطبخ 550 الف كاش وبعداد , خايف بعد كام سنة شارع الجيش دة يبقى سوق يتقلب قهاوى ويبقى شارع عامل زى شارع فيصل .. سؤال تانى هل الهضبة مكان كويس الواحد يسكن فى انا بحب الهدوء .. يا ريت يا جماعة الناس تتجاوب معايا ولو حد عنده مكان احسن من دة يقول

ايه ده ياباشا ... 550 الف فى شقه فى حدائق الاهرام !! حتى لو على الشارع ولو كاش غاليه جدا جدا جدا ده كده حاسب المتر اكتر من 2000 جنيه .. متوسط اسعار المتر هناك 1500 و 1600 تقسيط على 4 و خمس سنين .. انا عايز اقولك انت ممكن تاخد فيلا بسعر اقل من اللى حضرتك كاتبه ده .. انا من سكان الحدئق البوابه الرابعه ساكن فى الشارع اللى فيه خير زمان .. المنطقه هاديه جدا .. خلينى اخش فى العيوب على طول و من غير ما اجامل .

1) الميه بتقطع كتير وساعات بتبقى ضعيفه
2) النور بيقطع كل يومين او تلاته لمده نص ساعه
3) التكاتك ( بس عندنا فى الرابعه مش كتير زى الاولى والتانيه ولا زى اى شارع رئيسى )
4) البناء المخالف من الناس اللى حوليك .. يعنى انا عمرتى ماشيه على الرخصه بالظبط 4 ادوار و جراج .. تلاقى عماره قدامك 5 و 6 ادوار طبعا منظر مش كويس ويا سلام لو عندك رووف زى حلاتى .. هتبقى واقف فى الروف والناس اللى ساكنه فى الدور الخامس فى العماره اللى جنبك معاك :)))
5) حرق الزباله من قبل الغفراء .. قمه الجهل بقى تلاقى الغفير يجمع زباله العماره كلها ويحرقها فى اى ارض فاضيه .. خناقات للصبح لان الدخان بيخش الشقق .
6) الكهرباء والعدادات .. بتاخد وقت على ما تركب .

معظم العيوب دى ممكن التغاطى عنها وكل واحد و مقدرته .. بس نصيحه منى لو هتاخد فى الحدايق خد فى الرابعه وخدلك فى شارع جانبى و لازم يبقى فيها جراج علشان الركنه بتبقى صعبه . و فاااصل على قد ما تقدر فى السعر .. انت راجل رايح تدفع كاش يعنى لقطه بالنسبه لصاحب العماره .

لو احتجت حاجه انا تحت امرك :)

[masterzmind]

بص ياباشا الشقه بعداد وجراج بس البكيه 25 الف وفى الدور الرابع وبعداد وانت مش اخر دور يعنى العمارة 5 ادواى والعدداد باسم صاحب الشقة هى المشكلة مش فى الهضبة المشكله فى شارع الجيش الشارع دة كلوا محلات ولما تمشى شويه كدة بتلاقى كافيه اسموة تيتو عامل امامه الناحية التانية كراسى وقاعدة وشيشة وقهوة فى الحتة دى ويبقى الشارع قلب قهاوى وكفيهات زى شارع الهرم وفيصل ويبقى انا معملتش حاجة عزلت من الهرم روحت للهرم

[masterzmind]

ايه ده ياباشا ... 550 الف فى شقه فى حدائق الاهرام !! حتى لو على الشارع ولو كاش غاليه جدا جدا جدا ده كده حاسب المتر اكتر من 2000 جنيه .. متوسط اسعار المتر هناك 1500 و 1600 تقسيط على 4 و خمس سنين .. انا عايز اقولك انت ممكن تاخد فيلا بسعر اقل من اللى حضرتك كاتبه ده .. انا من سكان الحدئق البوابه الرابعه ساكن فى الشارع اللى فيه خير زمان .. المنطقه هاديه جدا .. خلينى اخش فى العيوب على طول و من غير ما اجامل .

1) الميه بتقطع كتير وساعات بتبقى ضعيفه
2) النور بيقطع كل يومين او تلاته لمده نص ساعه
3) التكاتك ( بس عندنا فى الرابعه مش كتير زى الاولى والتانيه ولا زى اى شارع رئيسى )
4) البناء المخالف من الناس اللى حوليك .. يعنى انا عمرتى ماشيه على الرخصه بالظبط 4 ادوار و جراج .. تلاقى عماره قدامك 5 و 6 ادوار طبعا منظر مش كويس ويا سلام لو عندك رووف زى حلاتى .. هتبقى واقف فى الروف والناس اللى ساكنه فى الدور الخامس فى العماره اللى جنبك معاك :)))
5) حرق الزباله من قبل الغفراء .. قمه الجهل بقى تلاقى الغفير يجمع زباله العماره كلها ويحرقها فى اى ارض فاضيه .. خناقات للصبح لان الدخان بيخش الشقق .
6) الكهرباء والعدادات .. بتاخد وقت على ما تركب .

معظم العيوب دى ممكن التغاطى عنها وكل واحد و مقدرته .. بس نصيحه منى لو هتاخد فى الحدايق خد فى الرابعه وخدلك فى شارع جانبى و لازم يبقى فيها جراج علشان الركنه بتبقى صعبه . و فاااصل على قد ما تقدر فى السعر .. انت راجل رايح تدفع كاش يعنى لقطه بالنسبه لصاحب العماره .

لو احتجت حاجه انا تحت امرك :)

ربنا يكرمك يا رب كل الى انت اكلمت فى دة صح عشان اختى تعانى من نفس المشكله بس انا عاوز اقولك حاجة الشقه 230 متر متشطبة تشطيب نضيف حمامات duravit and ideal standard وسيراميك الجوهرة الراجل دة ساكن فيها بقالوا 10 تشهر وعاوز يعزل مكان جنب الشغل بتاعه تمام انا هاخد الشقه ب المطبخ بالدهان بكل الحاجات دى بالباب الشقه والكلام دة عشان كدة غاليه يعنى لو حسبت المتر فى شارع الجيش 1700 يبقى الشقة ب 391 الف وتشطيب 110 يعنى هية غاليه شويه بس انا هفاصل لسه معاه شويه عموما انا لسه هتكلم معاه فى 515

[masterzmind]

على العموم انا كنت عاوز اخد رائيك فى شارع الجيش نفسه والعك الى فيه والكافيهات والشغلانه دى

[bluemagic11]

ربنا يكرمك يا رب كل الى انت اكلمت فى دة صح عشان اختى تعانى من نفس المشكله بس انا عاوز اقولك حاجة الشقه 230 متر متشطبة تشطيب نضيف حمامات duravit and ideal standard وسيراميك الجوهرة الراجل دة ساكن فيها بقالوا 10 تشهر وعاوز يعزل مكان جنب الشغل بتاعه تمام انا هاخد الشقه ب المطبخ بالدهان بكل الحاجات دى بالباب الشقه والكلام دة عشان كدة غاليه يعنى لو حسبت المتر فى شارع الجيش 1700 يبقى الشقة ب 391 الف وتشطيب 110 يعنى هية غاليه شويه بس انا هفاصل لسه معاه شويه عموما انا لسه هتكلم معاه فى 515

اممم طالما انت شايف انها مناسبه يبقى خلاص .. انا مثلا عندى ادفع 130 الف تشطيب مش 110 بس بذوقى وعلى مزاجى اوى .. فى الاول والاخر دى حاجه ترجعلك وعلى حسب تفكيرك .

نصيحه بخصوص مساحه الشقه .. 230 دول صافى ولا بالبروز و المناور .. الحدايق مشهوره بالمساحات المتاكل منها .. انا مثلا الشقه 145 وده اللى مكتوب فى العقد .. بس فى الحقيقه هيا 130 :) وده ابدااع لانى دخلت شقق والله 150 صافى 120 و 110 !!

نيجى للجيش .. لو عايز فى الجيس ابعد عن تيتو .. كلاسيك .. و وسوبر ماركت الحذيفى و المحلات اللى جنبه اطلع فوووق .. طول ما انت طالع فوق الارض بتعلى معاك والدنيا اهدا واهدا .. لو مشيت شويه فى الشاره هتلاقى فيلا وخده ناصيه لونها رمادى فى احمر دى بتاعت رياض الخولى العماير اللى جنبيها كويسه والدنيا هاديه اوى هناك .. لو كملت لقدام كمان هتخش على الملكى و هتبقى قريب من المول .. فيها نسبه ازعاج و تكاتك كتير .

خليك فى بعد تيتو لفيلا رياض الخولى وبعد رياض الخولى بشويه دور و بص فى المنطقه دى .. انت مقولتش صحيح هيا الشقه فين من الشارع ؟