windows 8

[mostafa mahmod]

السلام عليكم
انا عمى كان فى قطر و جابلى لاب توب من هناك و كان نازل عليه ويندوز 8 اوريجنال
بس للاسف كان الهارد كله معمول بارتيشن واحد و ده مينفعش معايا لانى هشتغل فى مشاريع و برامج و لو حصل حلجه لا قدر الله هضطر افرمت الدنيا كلها
فواحد ابن حلال نصحنى اشيل الويندوز و اقسم الهارد و اسطب ويندوز 7 عادى
و انا عملت كده بصراحه و ندمت انى شيلت الويندوز
المهم بقى بعت ميلات كتير لشركه ديل و قالولى روح لاى توكيل هنا فى مصر و هما ينزلولى ويندوز على الجهاز فبعتت لشركتى بدل و كويست ولا حد رد عليا هههههههههههههههه
طبعا مصر بقى و كده
.
السوال بقى هل انا ممكن انزل نسخه من عالنت و برقم التاج بتاعى اخش أاكتفه او ممكن انزل نسخه من مايكروسوفت نفسها ولا اعمل ايه .
يا ريت يا جماعه اللى عنده خبره فى الليله دى يفيدنى
و شكرا

[مزمار وحيد]

بسم الله الرحمن الرحيم

مبروك اولا على اللاب وبالتاكيد انت غلط أنك فرمت ووكمان نزلت سفن على العموم بيكون موجود أسفل الجهاز مفتاح الويندوز الخاص بالجهاز وطبعا لازم تحافظ عليه علشان محدش يستخدمه غيرك

حاول تنزل نسخة أصليه خام بدون أى تعديل نفس النسخة الى كانت على الجهاز وتحاول تفعيلها

بس المفروض أن كل شركة بتكون منزله النسخة ببرامج دعم لها واحيانا بتكون نسخة خاصة بالشركة يعني ويندوز 8 خاص لاجهزة ديل

أم أفضل حل طبعا أنك تروح على التوكيل بنفسك وتطلب النسخة ببرامج الدعم وممكن يكون ده بفلوس بس أنا أفضل أنك تعمل كده

وطبعا تحافظ على برتشين الريكيفرى بعد تظبيط الجهاز وكمان تعمل صورة من النسخة وبرتيشن ريكفري علشان الطوارى

على العموم محدش بيتعلم ببلاش وأكيد الموضوع حيكون مفيد فى حاجات كتير

[AlGazar2]

المفروض بيبقى فى ريكفرى للويندوز على اسطوانات

لو مفيش ممكن تنزل 8 عادى و تجرب تعمله اكتفيشن بالكود الى بيبقى على اللاب توب

[mostafa mahmod]

طيب لو انا ممكن انزله من عالنت
ممكن مثلا لينكات او موقع انزل منه
.
و بالنسبه لمفتاح الويندوز ده موجود فين

[SAMEH_FOUAD]

وانت لية اصلا شيلت النسخة ياباشا

ماكنت تنزل برنامج partition magi تقدر من خلال تعمل ( creat partition- resize partition ) وحاجات تانية كتيييييير وبرنامج ممتاز , ومتاح منة دلوقتى ل windows 8

عموما قدر الله وماشاء فعل , انزل عند مول السخاوى فية هناك ناس عندهم النسخ الاوريجينال هيسطبهالك تقريبا ب 50-75 جنية

[besso]

المفاتيح هتلاقيها على النت

انا كنت مسطب ويندوز 8 كنت جايبها من واحد صاحبى وكانت من غير كود هى اصليه

لفيت لفه على النت كده لحد ما لقيت كراك بتفعله بيديك 90 يوم فرى مش عارف بقى بعد كده ايه بس انا ناوى اكركها تانى بحيث اجدد ال90 يوم تانى(انا بعمل كده فى الانتى فيرس من سنتين هو فرى 30 يوم وكل ما يخلصوا اشيله واسطبه تانى ههههههههههههههههه)


والصراحه بعد تجربه ويندوز 7 قبلها لقيت وينوز 8 برقبتها واخف واسهل بكتييييييييييييييييييييييييير خصوصا ان جهازى امكانياته ضعيفه قده

[mostafa mahmod]

مهو انا بسال و هبعت للشركه و ممكن اجيب اكتيفيشن للنسخه من خلال رقم النسخه اللى كان متسطب عندى

[besso]

لا معرفش الصراحه

بس انت ممكن تبعت لمايكروسوف وشوف هايردو بأيه

[mando800]

النسخ اللي بتتسطب على الاجهزه دي اسمها نسخ ويندوز oem
غير النسخ اللي بتتباع
لو يهمك انك تشتغل بويندوز مرخص يبقى الافضل تشتري اسطوانه

[c3a]

بص ياباشا ان عملت نفس غلطتك دى بس شلت ويندوز سفن وحطيت اكس بى ورجعت ندمت وسطبت تانى سفن بس نفس النسخة الى كانت جاية معاة الى هى oem تقدر تدور على النسخة دى على مواقع التورنت وبعد كدة اعمل activation هتشتغل عادى بس لازم نفس النسخة الى كانت جاية معاة

[Mahmoud Nagieb]

بص ياباشا انا مش عارف اقولك ايه
بس انت غلطت باللى انت عملته ده

وكمان ويندوز 8 مبقاش ليه مفتاح بيتحط تحت الاب زى زمان , بقى بيتحط جوة البايوس بتاع اللاب

وكمان هتقابلك مشكلة وانت بتنزل الويندوز من على فلاشة او اسطوانة انه هياخد السريال من البايوس اوتوماتيك

وفى الحالة ده هيلاقيه مش متوافق وهيديك ايرور ومش هتعرف تنزله

لان 99% من النسخ اللى على النت كلها Retails مش OEM

بص انت جرب وروح شوف اى مول هينزلك ويندوز ازاى , بس من غير ما يلعب فى البايوس

لو معرفش او لاقيته هيلعب فى البايوس

نزل نسخة ويندوز 7 كويسة , وبعدين اعمل ابجريت بويندوز 8 , ومش هيحصل معاك مشاكل ان شاء الله

تحياتى

[chicobon]

انا جيبت مودم فودافون فلاشه و مش شغال علي ويندوز 8 كلمت الدعم الفني قالي امسح 8 و نزل 7 مش عارف اعمل ايه

[Mahmoud Nagieb]

انا جيبت مودم فودافون فلاشه و مش شغال علي ويندوز 8 كلمت الدعم الفني قالي امسح 8 و نزل 7 مش عارف اعمل ايه

قبل ما تنزل تعريف الفلاشة

دوس كليك يمين وادخل على properties وبعدين compatibility
وعلم على compatibility mode
واختار windows 7
ودوس اوكيه

وبعدين نزل التعريف