عاوز أدرس الطب انتساب

[kar!m]

السلام عليكم و رحمة الله

معلش هو عنوان الموضوع غريب شوية .. بس أنا فعلا بحب دراسة الطب .. بس نظرا لمجموعي في الثانوية العامة دخلت هندسه و اتخرجت الحمد لله سنة 2002 .. و شغال و ناجح في شغلي الحمد لله .. غير اني بحب المجال اللي شغال فيه.

الفكرة ان ناس كتير من أسرتي و عيلتي دارسين طب وأخواته (صيدلة .. بيطري .. علاج طبيعي) .. و المجال ده أنا بحبه أصلا .. فلك أن تتخيل ان لما بيكون في تجمع أسري ولا حاجه و يتكلموا بالمصطلحات الطبية بكون عامل ازاي .. غير ان نفسي فعلا أفهم الطب .. أكيد مش كل حاجه .. بس عاوز افهم التشريح و الدم و الفيسيولوجي و الباثولوجي .. بحيث اني فى الاخر مش هشتغل طبيب .. بس أكون فاهم ايه اللي بيحصل.


اللي شجعني اني لقيت ان حاليا في ناس كتير بتدرس حاجات غير تخصصاتها .. زي اللي بيدرس كورسات كمبيوتر مع انه خريج تانية خالص .. أو اللي بيدرس بيزنس مع انه طبيب أو مهندس أو محامي او صيدلي .. فده شجعني اني أفكر اني ادرس الطب بنفس الطريقة.


و في الاخر برضه اخد شهاده بدراستي دي .. حد يعرف حد عمل كده؟ و هل الموضوع ده ينفع في السن ده؟

[SHNORY]

هو فيه كليات عمليه انتساب ؟؟؟(:
الانتساب في الكليات النظريه بس علي ما اعتقد
وبيكون علي حسب المجموع اللي الكليه كانت بتاخده في السنه اللي خلصت فيها ثانويه عامه
علي ما اظن ممكن تذاكر ثانويه عامه ولو جيبت مجموع طب تدخلها
او شوف الكليات الخاصه
والله اعلم

[aboomar22]

ممكن تعتمد على الكتب المبسطة اولا واظن ممكن تكون فيه دورات تدريبة او تثقيفية فى الطب زى مثلا الاسعافات الاولية التعامل مع مصاب الحوادث الامراض والوقاية الجودة فى المنشأت الطبية وهكذا

[h_shahin]

ممكن تدور علي النت
بكلمات زي simple medicine
او medicine fundmentals
او understanding anatomy
و هكذا

Sent from my MZ601 using Forum Runner

[MTAK]

, و الله يا باشمهندس كريم على ما اعتقد ان مفيش طبعا طب انتساب

لان دراسه الطب تستلزم بعدها ان يكون لك ترخيص مزازله مهنه و تكون مسئولا عن انفس بشريه

و برضه مفسش حد بيدرس الطب نزاهه :)

يبقى قدامك حل من اتنين

1- تبتدى تقرأ فى الطب و مفيش اكتر من الكتب

2- تنتظم فى دراسه اون لاين و هتلاقى جامعات بمصاريف تعطى مثل تلك الكورسات

على العموم دا لينك جميل اوى لمواضيع كتريه جدا للدراسه

الجميل فيه ان محاضراته مصصمه له و ليست تصوير محاضرات من كليه و خلاص

و فى امتحانات و شهاده فى الاخر

و دا اللينك الخاص بدراسه الدكتره :)

https://www.coursera.org/courses?ord...&cats=medicine

و بعدين سن ايه و انت خريج 2002

انت لسه فى شرخ الشباب , امال جيلنا يقول ايه بقى

حسستنى بالعجز بدرى :)

[dr.hazem]

مش عايز احبطك لكن اللي انت عايزه شئ صعب جدا....
ممكن تبتدي تجيب شرايط الدروس من عالنت وتجيب الكتب وتعيش بقا....
هههههه
تحياتي

Sent from my LT18i using Forum Runner

[A7MED_PHARMA]

لوعاوز تكون طبيب
يبقا هتمتحن ثانوية عامة من تاني
وتجيب مجموع طب
يعني بتاع 10-12سنة

عندك استعداد تذاكر تاني الــ12سنة دول؟

عاوز تفهم طب
انزل مكتبات طب القصر العيني
دور على مذكرات د.ناجي فايق..أو د.أدوارد
مذكرات فسيولوجي
وتجيب كتب التشريح بتاعت اولى وتانيه طب

لما تخلصهم وتحس انك فاهم
انزل هات كتب الفارما والباثولوجي
وبعدين الرمد والباطنة..وخلافه

[adelghanem]

لايوجد كليات علميه بها نظام الانتساب .الانتساب يوجد فقط فى الكليات النظريه ,لانه من الشروط الاساسيه فى الكليات العمليه هو الحضور حيث ان كل مواد الطب لابد من اجراءها يدويا ! مثلا فى سنه اولى وسنه ثانيه نفس المواد حيث ان السنتين مكملتين لبعضهما فلا تكفى سنه واحده لدراسه التشريح وعلم وظائف الاعضاء (الفسيولوجى) وعلم الكيمياء الحيويه وعلم الانسجه وخذ مثلا التشريح كيف تقوم به فى المنزل وانت لاتحضر المشرحه ليقوم الدكتور بالتشريح امامك ثم تقوم به انت.وحضور معمل الكيمياء لاجراء التجارب ومتابعة شرائح الانسجه تحت الميكروسكوبات و...وهكذا..ثم سنه ثالثه وفيها علم الانسجه المريضه (الباثولوجى) .وعلم الادويه والميكروبات والطفيليات ثم تنتقل الى السنوات النهاثيه وهى سنه رابعه وخامسه وسادسه وهى المواد التى تسمع عنها وهى ماتسمى بالمواد الاكلنيكيه وهى العيون(الرمد) والانف والاذن والحنجره والطب الشرعى والنساء والتوليد والجراحه والباطنه والاطفال وكل ذللك لاينفع نظريا بل عمليا . لم اقل كل هذا الكلام لكى اعقدك ولكن لكى تعلم ان الموضوع كبير ....ووجهة نظرى لو لك الرغبه فى هذا المشوار الطويل فعلى بركة الله وان كنت لاانصح به .لان الطب له رونقه ظاهريا فقط اما باطنيا فهو غير ذلك !!!!انما نصيحتى لك هو قراءة معلومات عامه عن الطب والامراض وطلب شرح مبسط من الدكاتره اقرباءك ومعرفة بعض المصطلحات التى يتكلمون به حيث انها سهله عند العلم بها وليست معضله كما تظن واستفد منهم فى بعض الاسعافات الاوليه وتصحيح بعض المعتقدات الخاطئه المنتشره ومعرفة كيف الحفاظ على صحتك وصحة من تهتم لامرهم .وهذه وجهة نظرى والله اعلم

[kar!m]

هو فيه كليات عمليه انتساب ؟؟؟(:
الانتساب في الكليات النظريه بس علي ما اعتقد
وبيكون علي حسب المجموع اللي الكليه كانت بتاخده في السنه اللي خلصت فيها ثانويه عامه
علي ما اظن ممكن تذاكر ثانويه عامه ولو جيبت مجموع طب تدخلها
او شوف الكليات الخاصه
والله اعلم

مش لازم في الطب بتاعة الحكومة

ممكن حاجه خاصة .. و مقصدش انتساب اني ماروحش .. قصدي أروح بعد الشغل

ممكن تدور علي النت
بكلمات زي simple medicine
او medicine fundmentals
او understanding anatomy
و هكذا

sent from my mz601 using forum runner

الفكرة ان أنا عاوز شهادة .. زي ال mba كده

, و الله يا باشمهندس كريم على ما اعتقد ان مفيش طبعا طب انتساب

لان دراسه الطب تستلزم بعدها ان يكون لك ترخيص مزازله مهنه و تكون مسئولا عن انفس بشريه

و برضه مفسش حد بيدرس الطب نزاهه :)

يبقى قدامك حل من اتنين

1- تبتدى تقرأ فى الطب و مفيش اكتر من الكتب

2- تنتظم فى دراسه اون لاين و هتلاقى جامعات بمصاريف تعطى مثل تلك الكورسات

على العموم دا لينك جميل اوى لمواضيع كتريه جدا للدراسه

الجميل فيه ان محاضراته مصصمه له و ليست تصوير محاضرات من كليه و خلاص

و فى امتحانات و شهاده فى الاخر

و دا اللينك الخاص بدراسه الدكتره :)

https://www.coursera.org/courses?orderby=upcoming&cats=medicine

و بعدين سن ايه و انت خريج 2002

انت لسه فى شرخ الشباب , امال جيلنا يقول ايه بقى

حسستنى بالعجز بدرى :)

ربنا يكرمك .. اللينك شكله ظريف فعلا .. بس أنا عاوز حاجه اخد منها شهادة.

مش عايز احبطك لكن اللي انت عايزه شئ صعب جدا....
ممكن تبتدي تجيب شرايط الدروس من عالنت وتجيب الكتب وتعيش بقا....
هههههه
تحياتي

sent from my lt18i using forum runner

للأسف جربت الموضوع ده قبل كده و منفعش .. لازم تكون مرتبط مع مجموعة و عندك امتحانات عشان تذاكر بجد.

[kar!m]

ممكن تعتمد على الكتب المبسطة اولا واظن ممكن تكون فيه دورات تدريبة او تثقيفية فى الطب زى مثلا الاسعافات الاولية التعامل مع مصاب الحوادث الامراض والوقاية الجودة فى المنشأت الطبية وهكذا

الموضوع أكبر بكتير من اسعافات أوليه و كده .. الموضوع تشريح و انزيمات و بكتريا و فيروسات .. موضوع كبير كبير كبير.

لوعاوز تكون طبيب
يبقا هتمتحن ثانوية عامة من تاني
وتجيب مجموع طب
يعني بتاع 10-12سنة

عندك استعداد تذاكر تاني الــ12سنة دول؟

عاوز تفهم طب
انزل مكتبات طب القصر العيني
دور على مذكرات د.ناجي فايق..أو د.أدوارد
مذكرات فسيولوجي
وتجيب كتب التشريح بتاعت اولى وتانيه طب

لما تخلصهم وتحس انك فاهم
انزل هات كتب الفارما والباثولوجي
وبعدين الرمد والباطنة..وخلافه

انت عارف يا أحمد ان موضوع ان الواحد يذاكر مع نفسه ده صعب .. و بعدين أنا عاوز شهادة .. عاوز حاجه Part time study.

[MTAK]

معلش يا كريم

يعنى ايه عاوز شهاده

عاوز شهاده تثبت انك ذاكرت كذا و امتحنت فيه

و لا شهادة تؤهلك لمزاوله المهنه ( اعتقد ان دا تفكير بعيد عن ذهنك ان لم اكن مخطئا )

لو على الحاله الاولى

الكورسات اللى فى اللينك بتاع coursera فيها المحاضرات لمده 8 اسابيع

و كل اسبوع بينزلوا المحاضرات الجديده

و مع كل اسبوع هناك كويز و له درجات

و فى النهايه حسب كل كورس هيعطيك ورقه

Will I get a Statement of Accomplishment after completing this class?
Yes. Students who successfully complete the class will receive a Statement of Accomplishment signed by the instructor.



Will I get a certificate after completing this class?
Yes. Students who successfully complete the class will receive a certificate signed by the instructor.

[dr.hazem]

الفكرة ان أنا عاوز شهادة .. زي ال mba كده

ربنا يكرمك .. اللينك شكله ظريف فعلا .. بس أنا عاوز حاجه اخد منها شهادة.

مفيش حاجة كده ياغالي متتعبش نفسك....
تحياتي

Sent from my LT18i using Forum Runner

[kar!m]

معلش يا كريم

يعنى ايه عاوز شهاده

عاوز شهاده تثبت انك ذاكرت كذا و امتحنت فيه

و لا شهادة تؤهلك لمزاوله المهنه ( اعتقد ان دا تفكير بعيد عن ذهنك ان لم اكن مخطئا )

لو على الحاله الاولى

الكورسات اللى فى اللينك بتاع coursera فيها المحاضرات لمده 8 اسابيع

و كل اسبوع بينزلوا المحاضرات الجديده

و مع كل اسبوع هناك كويز و له درجات

و فى النهايه حسب كل كورس هيعطيك ورقه

will i get a statement of accomplishment after completing this class?
Yes. Students who successfully complete the class will receive a statement of accomplishment signed by the instructor.



Will i get a certificate after completing this class?
Yes. Students who successfully complete the class will receive a certificate signed by the instructor.

اه عاوز حاجه تثبت اني ذاكرت و امتحنت .. بس انت عارف ان الطب بالذات العملي فيه مهم جدا.

لو في دراسه مش أونلاين يبقى أفضل كتير.

[forti]

بص بما انى فى طب اقدر اقولك لو عايز تذاكر و تفهم و كله و حابب الموضوع ممكن تنزل تسجيلات الدروس بتاعتنا ( القصر العينى مثلا ) و تيجى الكلية تجيب الكتب بتاعة سنة اولى و تبدأ و عايز اقولك احنا اصلا مبقناش نحضر سكاشن و لا محاضرات الا لو فى غياب .. يعنى انا مثلا بنزل تسجيلات الدروس بدل ما اروح ادفع و احضرها و بعدين بسمعها و الكتاب معايا ( طبعا الموضوع هيحتاج 6 سنين و نص على الاقل ) الى هماا سنين الدراسة فى الكلية .. لكن موضوع الشهادة ده بقى مقدرش افيدك فيه لكن انا بكلمك لو انت حابب الموضوع و هاويه اوى .. , معرفش انتا حابه اوى كده ليه الصراحة انا مثلا كان نفسى ادخل هندسة :d

[ديمو]

انا طبيب بشرى وبلعت سلسافيل اليوم اللى دخلت فية كلية الطب

وجرب تشتغل فى مستشفى الان وتاخد نباطشيات سهر طوال الاسبوع ولا حد يعبرك بتقدير ولو بكلمة حلوة

وجرب تخبر اهل مرييض ان المريض توفى ووشوف اللى هيتعمل فيك

وجرب تاخد 1300 جنية فى الشهر زيك زى الزبال بس على الاقل الزبال متعبش فى الدراسة واتهان فى الشفوى زى الطبيب

وجرب تحر دراسات عليا وشوف الذل اللى عمرك ما هتشوفة عشان تاخد ماجتسير التخصص

واخيرا جرب تذاكر مادة واحدة اسمها الباطنة عبارة عن 16 كتاب وبعدها اوعدك وعد شخصى انك تسجد لله شكرا ان ربنا عفاك مما ابتلى بة الاخرون

وهتركز فى شغلك وهتبعد عن الاوهام الكبيرة اللى دماغك وترتاح للابد وتقتنع من جواك ان الاطباء بيحسدوا السواقين التاكس