إعـــــــلان

Collapse

.

,
See more
See less

نائب رئيس المصرية للاتصالات: انطلاق شبكة المحمول الرابعة خلال 3 شهور

Collapse
X
 
  • Filter
  • الوقت
  • Show
Clear All
new posts

  • نائب رئيس المصرية للاتصالات: انطلاق شبكة المحمول الرابعة خلال 3 شهور

    أعلن المهندس رفعت جنيدى نائب رئيس الشركة المصرية للاتصالات للمناطق، عن انطلاق شبكة الشركة المصرية للمحمول وبدء الخدمة خلال ثلاثة أشهر على أقصى تقدير، وذلك مع اقتراب من الانتهاء من البنية التحتية للشبكة.

    وأكد جنيدى أنها ستكون من شركات المحمول المنافسة فى السوق المصرى، وبها إمكانيات ومميزات عديدة ويسمح للمشترك أن يكون رقمة المحمول بالشركة هو نفسه رقم المنزل أو المكتب، وإضافة رقم 155 فقط.
    منقول
    يا ترى هتغير شكركتك الحالية ولو غيرت هتاخد نفس رقم بيتك او مكتبك؟

  • #2
    !!!

    Comment


    • #3
      انا اول مرة اشوف الخبر ده صراحه
      ولو اجتمعوا على ان يضروك بشيء لن يضروك الا بشيء قد كتبه الله لك

      Comment


      • #4
        شريحتي الحالية يمكن معايا اكثر من 7 سنين وعمري ما غيرتها خلاف انها رقم مميز ، هرميها و انا مغمض.
        وان شاء الله هشتري شريحة من المصرية للاتصالات ، وتحيا مصر!
        [CENTER][B]لا إله إلا أنت سبحانك ، إنى كنت من الظالمين[/B]
        اللهم إغفر للمؤمنين و المؤمنات الأحياء منهم و الأموات
        لا إاله إلا الله عدد ما كان وعدد ما يكون وعدد الحركات والسكون
        [/CENTER]

        Comment


        • #5
          أحسن حاجه في الموضوع ده حتى للي مش هيحول عليها ان دخول شركه جديده السوق معناه سعر أرخص للدقيقه في كل الشبكات.
          مصر أنت أغلى دره ... فــوق جبين الدهـر غرَّة

          يا بلادي عيشي حره ... واسلـمي رغـم الأعــادي

          Comment


          • #6
            يعنى النت اخباره ايه يكونش هيرخص ولا لسه شويتييييين

            Comment


            • #7
              هما شغالين دلوقتي علشان تشتغل شبكتهم على رمضان و هيكون فيه عروض خاصة مابين الارضي و الموبايل زى يكون رقمك زى رقم بيتك مع زيادة كود الشبكة و هي شغالة دلوقتى بشكل تجريبي و مهندسين الشركة بيجربوها

              Comment


              • #8
                كان نفسى اشارككم تفاؤلكم. . . بس فعليا اللى هيحصل ان المشرحة مش ناقصة قتلى. . . اللى مستريح مع تجاربه مع التليفون الارضى يشترى محمول منهم. . . لانهم مش هيضربوا الارض تطلع خدمة عملاء محترمة او خدمة جيدة. . . بل العكس- و هو المعتاد منهم- هو المتوقع. . . هم فى ايديهم لسه كنز سايبينه يتآكل و يضمحل بالبطئ و رايحين يتحنجلوا عشان يدخلوا سوق المحمول المتشبعة اصلا و اللى شركاتها بتخسر. . . حتى فى دى نظرتهم للمستقبل غبية

                Comment


                • #9
                  فعلاً فيه تجارب عالشبكه بقالها فتره

                  والنت عالموبايل هيكون عن طريق te data التابعه للمصريه للإتصالات

                  لكن موضوع نفس رقم المنزل مع إضافة الكود لمن يرغب .. دي مش عارف هينظموها ازاي

                  نفترض اني اخدت شريحه عاديه برقم عادي .. وتصادف ان الرقم بعد الكود هو رقم منزل لشخص اخر

                  وجاء الشخص الاخر وعايز الرقم زي بيته .. او او .. الخ

                  هي ميزه مش حلوه .. لان رقم المنزل برايفت محدش بيحب يخلط بينه وبين الموبايل


                  وعلى فكرة .. قريب كل شركات الإتصالاات تقدر تقدم جميع الخدمات بما فيها التليفون الارضي

                  يعني فودافون على سبيل المثال تقدر تقدم نت وموبايل وارضي .. واي خدمه تستجد في الإتصالات
                  [CENTER]سبحانك ربي .. لا اله الا انت[/CENTER]

                  Comment


                  • #10
                    المشاركة الأصلية كتبت بواسطة imhotep مشاهدة المشاركة
                    كان نفسى اشارككم تفاؤلكم. . . بس فعليا اللى هيحصل ان المشرحة مش ناقصة قتلى. . . اللى مستريح مع تجاربه مع التليفون الارضى يشترى محمول منهم. . . لانهم مش هيضربوا الارض تطلع خدمة عملاء محترمة او خدمة جيدة. . . بل العكس- و هو المعتاد منهم- هو المتوقع. . . هم فى ايديهم لسه كنز سايبينه يتآكل و يضمحل بالبطئ و رايحين يتحنجلوا عشان يدخلوا سوق المحمول المتشبعة اصلا و اللى شركاتها بتخسر. . . حتى فى دى نظرتهم للمستقبل غبية
                    المصريه للاتصالات بالفعل تمتلك معظم البنيه التحتيه للاتصالات وخصوصا جزء الانترنت منها وبالرسوم اللي بتحصلها من الشركات كلها سواء رسوم لستخدام البنيته التحتيه دي او رسوم تبادل مكالمات بين الارضي والمحمول وخدمات الانترنت بس هيه كمان شريك بالاسهم في شركه فودافون.

                    أنا شايف انهم يخليهم في شغل المطبخ ويسيبو الصالون والوجاهه للشركات الحاليه ولكن على رأيك لو مش معجب بمستوى خدماتهم وهتكمل مع شركتك الحاليه (زي مانا هعمل برضه) فبشكل عام سعر الدقيقه هينزل بدخول شركه رابعه زي ما نزل لما اتصالات دخلت السوق وبالتالي كل مستخدمين جميع الشبكات هيستفيدو وكل واحد يفضل مع شركته المفضله من غير زعل...
                    مصر أنت أغلى دره ... فــوق جبين الدهـر غرَّة

                    يا بلادي عيشي حره ... واسلـمي رغـم الأعــادي

                    Comment


                    • #11
                      المشاركة الأصلية كتبت بواسطة Ahmed_Adham مشاهدة المشاركة
                      المصريه للاتصالات بالفعل تمتلك معظم البنيه التحتيه للاتصالات وخصوصا جزء الانترنت منها وبالرسوم اللي بتحصلها من الشركات كلها سواء رسوم لستخدام البنيته التحتيه دي او رسوم تبادل مكالمات بين الارضي والمحمول وخدمات الانترنت بس هيه كمان شريك بالاسهم في شركه فودافون.

                      أنا شايف انهم يخليهم في شغل المطبخ ويسيبو الصالون والوجاهه للشركات الحاليه ولكن على رأيك لو مش معجب بمستوى خدماتهم وهتكمل مع شركتك الحاليه (زي مانا هعمل برضه) فبشكل عام سعر الدقيقه هينزل بدخول شركه رابعه زي ما نزل لما اتصالات دخلت السوق وبالتالي كل مستخدمين جميع الشبكات هيستفيدو وكل واحد يفضل مع شركته المفضله من غير زعل...
                      و ياريتهم شاطرين حتى فى شغل المطبخ الا كل اكلهم محروق :-) طبعا التنافسية كويسة و لصالح المشترك فى النهاية اللى ميهموش غير الخدمة اللى متقدماله و سعرها بدون حتى تفضيلات لشركات بعينها. . . لكن الحكاية مش ناقصة ظروطة. . . المصرية للاتصالات داخلة بنظام mvno يعنى مجرد سنكحة على الشركات العاملة حاليا. . . هتاخد منهم ترددات و تعيد بيعها بأسمها. . . يعنى انت بدل ما بتتعامل مع شركة x فى منطقة ما هتتعامل مع المصرية للاتصالات. . . تخيل بقى لما يبقى عندك مشكلة. . . عايز تحلها. . . تكلم المصرية للاتصالات. . . يكلمولك الشركة الاصلية. . . و يرجعولك. . . و لسه المشكلة متحلتش. . . يكلموهم. . . و يرجعولك. . . و خد عندك من ده لغاية ما تزهق من البنج بونج ده و غالبا ترمى الشريحة دى :-)

                      Comment


                      • #12
                        المشاركة الأصلية كتبت بواسطة imhotep مشاهدة المشاركة
                        و ياريتهم شاطرين حتى فى شغل المطبخ الا كل اكلهم محروق :-) طبعا التنافسية كويسة و لصالح المشترك فى النهاية اللى ميهموش غير الخدمة اللى متقدماله و سعرها بدون حتى تفضيلات لشركات بعينها. . . لكن الحكاية مش ناقصة ظروطة. . . المصرية للاتصالات داخلة بنظام mvno يعنى مجرد سنكحة على الشركات العاملة حاليا. . . هتاخد منهم ترددات و تعيد بيعها بأسمها. . . يعنى انت بدل ما بتتعامل مع شركة x فى منطقة ما هتتعامل مع المصرية للاتصالات. . . تخيل بقى لما يبقى عندك مشكلة. . . عايز تحلها. . . تكلم المصرية للاتصالات. . . يكلمولك الشركة الاصلية. . . و يرجعولك. . . و لسه المشكلة متحلتش. . . يكلموهم. . . و يرجعولك. . . و خد عندك من ده لغاية ما تزهق من البنج بونج ده و غالبا ترمى الشريحة دى :-)
                        عادي ماهو أي شبكه جديده بتعمل كده في الاول. فودافون أول ما بدأت خدت من موبينيل لفتره وكانو الاتنين بيشتغلو على بعض عشان مكنتش التغطيه في الاتنين واصله للجمهوريه كلها زي دلوقتي واتصالات برضه أول ما بدأت خدت منهم الاتنين فعادي ان المصريه تاخد من الموجودين لحد ما تعمل لنفسها شبكه خاصه بيها.
                        مصر أنت أغلى دره ... فــوق جبين الدهـر غرَّة

                        يا بلادي عيشي حره ... واسلـمي رغـم الأعــادي

                        Comment


                        • #13
                          المشاركة الأصلية كتبت بواسطة ahmed_adham مشاهدة المشاركة
                          عادي ماهو أي شبكه جديده بتعمل كده في الاول. فودافون أول ما بدأت خدت من موبينيل لفتره وكانو الاتنين بيشتغلو على بعض عشان مكنتش التغطيه في الاتنين واصله للجمهوريه كلها زي دلوقتي واتصالات برضه أول ما بدأت خدت منهم الاتنين فعادي ان المصريه تاخد من الموجودين لحد ما تعمل لنفسها شبكه خاصه بيها.
                          لا يا باشا. . . الشبكة الافتراضية اللى هتعملها المصرية للاتصالات هتشتغل بالنظام ده على طول. . . اعادة بيع ترددات الشبكات التانية. . . و مش هتعمل بنية تحتية لشبكة جديدة

                          Comment

                          Working...
                          X