5ساعات قطع للنور فى اليوم ؟؟؟؟؟؟؟؟!

[Walid_M]

الحمد لله .. عدت هذه الايام المظلمة على خير ومنذ ثلاث ايام لم ينقطع التيار الكهربي تماماً .. وإن شاء الله على طول ..

تحياتي ...

[ashouhdy]

اولا بخصوص ان موضوع الكهرباء لم يتخذ فيه إجراء ، فطبعا حضرتك عارف ان بناء محطة جديدة يحتاج من ٢-٣ سنين للانتهاء منها أما المحطات التي بدء البناء بها قبل الثورة كمحطة بنها و العين السخنة على سبيل المثال فلم ينتهى البناء بهما حتى الآن رغم ان موعد دخول هما الخدمة كان مخطط له مايو ٢٠١٣ و لكن حضرتك أبناء شعبنا الطيب قاموا بإيقاف العمل مرتين بالمحطات لتعيين أبنائهم و الآخرين رفضوا زرع أبراج الكهرباء للربط بالشبكة الموحدة بأراضيهم بعد الثورة و طلبوا مبالغ مالية عالية جدا يعني في الحالتين حدث تأخير في دخول المحطات الجديدة للخدمة و يضاف اليه الاستهلاك الغير مخطط له بدخول آلاف الأبراج المخالفة و سرقات الوصلات و الا كشاك برضه من أبناء شعبنا الطيبين فحدثت الفجوة بين الإنتاج و الاستهلاك بواقع ٤٠٠٠ ميجا وآت. حاليا المحطات الجديدة في سبيل التسليم و ستخفف تلك الفجوة بإذن الله. هذا مثال لوضع مستجد بعد الثورة و تحرر أبناء شعبنا الطيب من ضغط امن الدولة و مفهومهم الخاطئ للحرية و ما سببه ذلك من مشاكل للبلد كلها. أسهل حاجة تحميل المسؤولية للغير و خلاص دون تحديد الأسباب.

ثانيا موضوع رفع الدعم عن ذوي الدخل المرتفع فلم افهم سبب إثارة هذه الجزئية تحديدا في موضوع انقطاع الكهرباء و لكن إذا طلبت رأي فطبعا مطلوب مرفوض التعامل مع تلك الفئة بنظام العقاب لمجرد ارتفاع الدخل لان إحصائيات الضرائب على سبيل المثال تؤكد ان تلك الفئة تحديدا تسدد ٨٠ ٪ من إجمالي الحصيلة الضريبية للبلد مع فئة الموظفين الحكوميين و الباقي من المجتمع يتهرب من الضرائب بالاقتصاد غير الرسمي زي الأستاذ الجراح المحترم ممن يرفض إصدار فاتورة ضريبية للمريض للهروب من الضرائب و بعدين يشتم مرسي بالليل. تحفظي الوحيد هو التعامل مع تلك الفئة انهم لا يستحقوا دعم البنزين رغم ان جمارك السيارات مسددة ٢٠٠-٢٥٠ ٪ لو جديدة تحت مسمى دعم إيراد الدولة ثم ٢ ٪ ضريبة ترخيص سنوية تحت مسمى دعم البنزين بمعنى ان تلك الفئة التي تقصدها قد سددت الدعم مسبقا و مرتين فإذا رفعت عنها الدعم بعد كل تلك المبالغ المسددة للدولة يبقى على الأقل لها الحق كمواطنين مصريين حتى في إلغاء ٢٪ رسم التنمية السنوي أو حتى تخفيضها الى ١٪ لمنع ازدواج المحاسبة تحقيقا للعدالة بين الناس.

اعتذر للإطالة و أكرر انه ليس كل من يدافع عن د مرسي و الشرعية و الاستقرار ضروري يكون اخوان مسلمين و هذا غير حقيقي بدليل الإعداد الضئيلة الآن التي تنزل في المئويآت المسماة إعلاميا كذبا بالمليونيات و استطيع ان أزعم من الآن ان ٣٠-٦ القادم سيحمل نفس المفاجأة لمخططي تمرد و من ورائهم ممن يتوهمون ان كل من وقع لهم سينزل للتظاهر.

تحياتى لك اقتنعت بكلامك وتحفظت على نقط سرقة الكهربا والابراج المخالفة ﻷن دى برضوا مسئولية الحي والحكومة ولا تعفى منها اى حكومة سواء اخوان او غيرها

Sent from my GT-N7100 using Forum Runner

[ashouhdy]

وفعلا القطع قل الايام دى بسبب دخول شحنات سولار من قطر وليبيا (مديونيات برضوا)

Sent from my GT-N7100 using Forum Runner

[ديمو]

الاعتراض من اجل اهداف سياسية وليس من منطلق حب الوطن

نفسى نحب مصر اكتر ما نكرهه او نحب قيادة سياسية مصر فعلا على حافة الخطر لاننا وصلنا الى كرهه شخصى لا يحتمل معة اى نهضة او مستقبل مشرقب حتى ولو كانت مصر دولة عظمى

[ashouhdy]

النور رجع يقطع تانى
والمشكلة ان اللى عندهم خزانات مياة فى الحر دة بتخلص فى ساعة وطبيعى المياة تقطع دة غير اللى بتقطع عندهم تلقائي

وطبعا مع الحر فميش تكييفات ولا مراوح دة غير ان برضوا الايام دى عشان اجيب بنزين بقف فى طابور مش اقل من 10 عربيات ومش باخد غير 20لتر


يعنى الناس عملت ثورة على ظروف اقتصادية تعتبر احسن من الحالية بمراحل ! دة عقاب سماوى دة ولا اية !

[Imhotep]

النور رجع يقطع تانى
والمشكلة ان اللى عندهم خزانات مياة فى الحر دة بتخلص فى ساعة وطبيعى المياة تقطع دة غير اللى بتقطع عندهم تلقائي

وطبعا مع الحر فميش تكييفات ولا مراوح دة غير ان برضوا الايام دى عشان اجيب بنزين بقف فى طابور مش اقل من 10 عربيات ومش باخد غير 20لتر


يعنى الناس عملت ثورة على ظروف اقتصادية تعتبر احسن من الحالية بمراحل ! دة عقاب سماوى دة ولا اية !

مش عندك بس. . . الحالة الاولانية ابتدت ترجع تانى فى مناطق مختلفة بالتدريج

[dede_dodo88]

النور قطع النهاردة عندي في الشغل حوالي 4 ساعات متقسمة على 3 مرات..
بس يقطع في الشغل أحسن ما يقطع في البيت lol

[lanos2004]

تقريبا علشان انا ميال للاخوان-----------النور لا بيقطع عندى فى بيت ولا شغل

[eslamrace]

مش حينفع كده والله انهارده المياه مقطوعه طول النهار ولحد دلوقتى جت بس من الساعه 4 الى الساعه 5.30 وبعد كده يا مقطوعه يا خيط رفيع والكهرباء رجعت تقطع تانى من امبارح والنهارده قطعت من 4-6.45 نتصرف ازاى اجيب موتور مياه وابقى انانى ولا اجيب مولد كهرباء واعرض العماره للخطر .
حقيقه انا مستاء جدا وبفكر جديا امشى فى اجرائات السفر وارجع امريكا بالرغم انى كنت رافض الموضوع ده نهائى بس ضغوط الناس عليا مع ضغط سوء الاحوال خلتنى ارجع افكر تانى .

[horas3000]

دي بقت سفاله و قله ادب
يعني معروف من بدري ان النهارده هيكون حر فوق الطبيعي
اعمل حسابك يا اخي

الكهرباء قطعت عندي 4 مرات كل مره ساعة و نص
و اخر مره قطعت و جت 7 مرات في ظرف نص ساعة منهم مرات تيجي ثواني و تقطع
زي ما يكونوا قاصدين يبوظوا الاجهزه
و كان في تركيز علي الناحيه اللي انا فيها و الناحيه التانيه من الشارع مقطعش و لا مره و جه علي غير العاده

ده غير اني كنت طالب دلفري و الكهربا قطعت و الراجل في الاسانسير و جاتله هستيريا و قعد يخبط جامد علي الباب و اغمي عليه و كان هيروح في شربة ميه و هنبتلي بمصيبه

منهم لله
منهم لله
منهم لله

[Ahmed_Adham]

نفس الكلام النهارده. قطع مدد طويله متكرر وخلال القطع ييجي ثانيه أو اتنين ويقطع تاني. الغلاسه كمان انه قاطع في محطات البنزين ومش عارف أمون واللمبه بتاع البنزين منوره. ربنا يستر وألاقي الصبح في أقرب محطه عشان مش هقدر أمشي كتير.

[dede_dodo88]

الحمد لله لحد دلوقتي النور مقطعش عندي في البيت ولا مرة.. دمها نعمة يا رب lol
بس المياة قطعت من يومين شوية بليل..
و النور قطع عندي في الشغل النهاردة 4 ساعات بس مقطعش في البيت على الرغم أن البيت على بعد شارعين من الشغل.. يللا مصلحة برضه lol

ربنا يكون في عون الناس الصراحة خصوصاً في الحر الشنيع ده.. ده الواحد قاعد مولع التكييف و المروحة و لسة فطسان برضه :(

[طارق _عبد السلام]

الكهرباء لسه راجعه حالا
قطعت 3 مرات النهارده مرتين كل مره ساعه ونصف
والاخيره 3 ساعات
وتقريبا من اسبوع قطع يومى

[Egyzizo]

الكهرباء قطعت عندنا النهارده برضه 3 مرات بإجمالى حوالى 5 ساعات ..
جبت مولد للشغل لتقليص الخسائر الناتجة عن قطع الكهرباء والحمد لله فادنى انهارده كتير ، بالرغم من ان تمنه فى حد ذاته خسارة ماكانش لها لازمة ، بس للضرورة أحكام.

المشكلة فى البيت ، الحر بيضايق والدتى جداً ، فجبت لها مروحة بتتشحن علشان تشتغل والكهرباء مقطوعة ، واستفادت منها جداً النهارده وامبارح ، وكانت فرحانة بيها لأنها أنقذتها أثناء قطع الكهرباء فى عز الحر ..

للإفادة ، أنا جبت المروحة + كشاف المعلن عنها هنا :

كشاف الطواريء والمروحه 2*1 مصر | سوق

كل ده والجماعة لسه بيسرحوا بأهالينا :

"الحرية والعدالة": أزمة الكهرباء انتهت تماماً على مستوى الجمهورية

[youssef_u]

قطعت يجي ٤ ساعات النهرده !