اطلقها ولا اخاف علي مستقبل ابني

[M.ABDOU]

بص يا استاذ

العبد لله متزوج والحمد لله وعندى اقتناع انى بفهم على قدى فى اصنااف النساااء

من الاخر السيده زوجتك دى اللى فيها ده طبع والطبع بيغلب التطبع صعب جدا جدا جدا جدااااااااا تتغير


من الاخر مراتك محتاجه تتكسر

واللى حيكسرها مش شخطك فيها ولا نجيبلها واحد من العيله كبير والكلام ده

اللى يكسرها واحده ست تانيه حضرتك تتجوزها
او توصلها او يوصلها من حد قريب جدااااااااا انك بقيت فعلا على مساافه قريبه تانيه من الجواز فعلا

وخلى بالك انها لو لاحظت عليها تحسس طفيف فى سلوكها لما عرفت واتعدلت شويه لاازم مطبتلش العلاج ده يعنى طووول عيشتك معاها لازم تكون انها حاسه منك انك ممكن تبيعها فى ثانيه وتتجوز عليها
ده لو عاوز متطلقش وتفضل هيا مراتك علشان الطفل


اما بقى لو عاوز حل عملى سيبك من اللى انا قولته ده كله وطلقها وروح اتجوز واحده بنت اصووول

ابنك راجل حتخاف عليه من ايه؟؟؟؟؟؟؟؟؟؟

دى نصيحتى

[محمود السيد]

يا اخى اتقى الله اه يعنى ان مخلف منها ولد وميخفش عليه عشان ولد ومش مشكلة ولاد الاس التانية وبعدين قلى حضرتك لو هى مهمهاش انه يتجوز عليه لانها عنيدة
يبقا عند امام عند يساوى خراب بيت وهدم اسرة و ضياع حق طفل فى العيشة الاسرية الامنة كل زنبه انو محدش قدر يقف ويفكر ويقرر باى ذنب

[superb]

انا احب اقول حاجه و ياريت بس حضرتك تكون هادئ نفسيا قبل اى شىء و الأكيد ان مستحيل حد مننا يحس بيك.. مهما حاولنا نتخيل .. انت اللى ايديك فى الناس .. انا كنت سمعت احد الشيوخ العظام فى لقاء بيقول ان قوامة الرجل على المرأه لا تأتى فى الأمر و النهى و لكن فى الصبر و الحيله الواسعه و التفاهم و الأحتواء .. يعنى احنا كرجاله ربنا لما كملنا بعقلنا دا عشان نستحمل و خلانا اقوم منهن عشان نسيطر بالعقل و الحكمه و الرزانه و فى الأخر كلهن اناث . فتحلى بالصبر دائما و ادعوا الله ان يهديها لك .. صلى و استخير ربنا و روحلها و خدها باللين و العقل و قلها صلى ركعتين و تعالى نتكلم و نتفاهم . خليك انت القائد للحوار . قلها ان الطلاق كلمه لكن اللى بعد الطلاق ندم و تعب و عدم راحه .. انا شايف انها اكيد فى عوامل كتير حواليها بتأثر فى نفسيتها .. بس اؤكدلك انها هتتعقل فيما بعد مع صبرك و هتكون الزوجه الفوق ممتازه انشاء الله .. و انشاء الله الخير قادم .. و متنساش القوامه فى احتواءك و صبرك عليها :)

الطلاق مش سهل .. و هات اخرك عشان ميجيش يوم تقول ياريتنى حاولت كمان شويه :)

[KemozTanta]

يا اخى اتقى الله اه يعنى ان مخلف منها ولد وميخفش عليه عشان ولد ومش مشكلة ولاد الاس التانية وبعدين قلى حضرتك لو هى مهمهاش انه يتجوز عليه لانها عنيدة
يبقا عند امام عند يساوى خراب بيت وهدم اسرة و ضياع حق طفل فى العيشة الاسرية الامنة كل زنبه انو محدش قدر يقف ويفكر ويقرر باى ذنب

المقدمات تؤدي الي النتائج
ابنه لو خايف عليه اما يكبر يبقي والدة لازم يظبط الدنيا من دلوقتي .. عشان الولد ميطلعش وسط نار قايدة وتراكمات سنين تعقدة و اى خلاف بسيط البيت يولع فيه بسبب الاثنين عايشين مع بعض ومشحونين وكله عشان الولد ، الولد اللي لما يكبر هيكره اليوم اللي خلفتوه فيه وسط الجو دا
الست العنيدة فعلا مش هيكسرها ويرعبها غير ست تانية.. لانها وقتها هتكلم نفسها ميت مرة وتصلح من نفسها دا لو هي اساسا عندها احساس لسه ، لان اغلب الستات العنيدة تدوس علي اى حاجة في سبيل محدش ينتصر عليها حتي لو لحساب ابنها وجوزها.. و مش لازم تعرف واحدة وخيانة وبتاع .. حسسها انك بتدور علي زوجة تانية و اتكلم قدامها في التليفون انك بتدور علي زوجة..

[م.محمد علاء]

فرصه أخرى..
أحضرتك لم تذكر إن كان حصل خلاف كبير زي اللي حاصل اليومين دول من قبل و لا دي أول مره,
لو دي أول مره...
يبقى حاول تصلح بس بوجود رجل كبير من طرفها..
اللي لا تتنقاش معاها ولا تكلمها تاني أبداااااااا لو حصل صلح إن شاء الله..هي أخت زوجتك..
ولا تدخلها بيت ابدا..
لو مكنشي فيه طفل..كنت نصحتك بالطلاق الفوري وتجنب المعاناه دي.
__________________________________
بس وجود طفل ..يخليك تستحمل وتيجي على نفسك مره و إتنين..و عشره..
....بس فيه نقطه هتغنينا عن كل ده..
هل أنت متقبل عودة زوجتك ليك مره تانيه؟؟؟
هل لو رجعت هيكون فيه حب و مشاعر..ولا هتكونوا أغراب؟!
إجابة السؤال ده هتحدد قرارك بغض النظر عن كلامي السابق!

[M.ABDOU]

يا اخى اتقى الله اه يعنى ان مخلف منها ولد وميخفش عليه عشان ولد ومش مشكلة ولاد الاس التانية وبعدين قلى حضرتك لو هى مهمهاش انه يتجوز عليه لانها عنيدة
يبقا عند امام عند يساوى خراب بيت وهدم اسرة و ضياع حق طفل فى العيشة الاسرية الامنة كل زنبه انو محدش قدر يقف ويفكر ويقرر باى ذنب

اللهم اجعلنا من المتقين

انا مش فاهم اللى فى كلامى مش عاجب حضرتك

اولا ربنا وضعلنا الطلاق حل من ضمن الحلول لان فى اوقات بيكون فعلا هوا ده الحل المظبوط

ثانيا ساعات كتير احنا نفسنا بنضحى بحاجات علشان الاهم والجزء الاكبر فينا يعيش

يا فرحتى انه ميطلقش مراته ويعيش طول عمره فى نكد بالاضافه الى شخصيه غير سويه للابن والابناء القادمين
احنا مش بنربى فرااااااااخ ده بنى ادم ولازم يعيش فى بيئه صالحه

[محمود السيد]

اما حضرتك غريب مش انت كاتب
ثانيا ساعات كتير احنا نفسنا بنضحى بحاجات علشان الاهم والجزء الاكبر فينا يعيش
ميضحى عشان خاطر ابنه يعيش وممكن اثناء التضحية يصلح من ذوجته ولو ماتصلحش حاله هيؤجر على تحمل البلاء ولو طلقها هيبلى غيره يبقى يضحى هو عشان غيره يعيش وربنا يكتبلوا الاجر فى ميزان حسناته

[subhimust]

ما حضرتك غريب مش انت كاتب
ثانيا ساعات كتير احنا نفسنا بنضحى بحاجات علشان الاهم والجزء الاكبر فينا يعيش
ميضحى عشان خاطر ابنه يعيش وممكن اثناء التضحية يصلح من ذوجته ولو ماتصلحش حاله هيؤجر على تحمل البلاء ولو طلقها هيبلى غيره يبقى يضحى هو عشان غيره يعيش وربنا يكتبلوا الاجر فى ميزان حسناته
__________________


انا صراحة لا اقبل ان زوجة تهين زوجها ابدا و يسكت لا بره البيت ولا جوه البيت
هو لو رضى بكده يبقى يستحمل طول عمره
و اعتقد ان حضرتك لا تقبل للاخ المحترم بكده
اما حوار ابنك ومش ابنك فده حوار رجالة كتير يستخبوه وراه عشان خاطر الخوف من الطلاق و مبرر لتحمل الاهانة
وغالبا تجده في كل شئون حياته باحث عن المبررات
الراجل ان لم يكسر الست كسرته واصبحت هو هي لرجل وهوه الست
هذا الكلام عن خبره وزواج من عنديه وانتهى الامر بسيطرتي الكامبة على البيتت لاني لم اتنازل بأذن الله
ابنك محتاج يكبر يلاقي ابوه راجل مش خرونج

الذي يتحجج بالنبي صلى الله عليه وسلم النبي صلى الله عليه وسلم هجر زوجاته خارج البيت شهر كاملا ثم حيرهم بين الاستمرار معه على طريقته صلى الله عليه وسلم او الطلاق فاهم كلامي

[dr.hazem]

اخي طالب النصيحة لازلت عند رأيي وقناعتي الشخصية بانك اخطأت أكثر من خطأ حتى لو انك سامحت قبل كده لكنك المرادي مخطئ...
وانت اعترفت بانك عصبي ومن الواضح انك اتصرفت في الموقف ده بالعصبيه وعدم الحكمه..
يا اخي الكريم متتوهمش اني او اي من الاخوة متحامل عليك ببساطة لاننا حكمنا من كلامك انت وتردود افعالك انت...
اما بالنسبة لموضوع الكرامه فاحب ااكدلك انه مابين الأزواج مينفعش تفكر بالشكل ده لان المفروض كل منكم يكمل الآخر ومفيش اعتبارات للكرامه هنا لانها مش حد غريب عنك يا اخي....
يا غالي بيوتنا مليانه وحصل وبيحصل اكتر من اللي انت حكيته والامور بترجع لمجاريها وكله بيتصلح ويرجع احسن من الأول....
أتمنى انك تقرب من ربنا وتدعي يفرج همك وكربتك...
وهذكرك بان أكثر ما يسعد ابليس هو التفريق بين الزوجين....
وأتمنى منك انك تطول بالك لان النساء عموما يفتقروا الى الحكمه وعاطفتهم بتغلب عقلهم ولهذا السبب كانت العصمه والقرارات في يد الرجل....
اسال الله العظيم ان يفرج عنك وعن اسرتك وان ييسر لكم الإصلاح....
آمين
تحياتي

Sent from my LT18i using Forum Runner

[bmw3m007]

بخصوص تعليقك علي مشاركتي والاقتباس يبقي كدا احنا متفقين طالما مفيش اختلاف في معاملتك بين الولد والبنت وانك بتتخذ اسلوب النقاش وساعات بتاخد رأي اختك الصغيرة وهو دا الصح وهو دا مفهوم التربية الصحيح اللي انا بقول عليه , كدا احنا مختلفناش
اما بقي مفهومك للفكر الغربي ان البنت هناك بترجع بتها حامل والبوي فريند بتاعها بيبات معاها فدا مش قاعدة اساسية هناك او تربية ,واضح ان حضرتك بتتفرج علي افلام اجنبي كتير , انا ليا اصدقاء في الخارج كتير بحكم شغلي كمان علي الانترنت وفي بيوت عندها تقاليد وعادات وزي عندنا كمان هنا في مصر يعني مش زي ما انت فاكر .
وعلي فكرة هنا عندنا فى الشرق البنت عندها بوي فريند بس ابوها واخوها ميعرفوش
للاسف احنا دايما بندفن راسنا فى التراب , انت شايف المجتمع الغربي فاسد في حين انك عندك فساد اكتر منه ولكنه مداري .

و الله ده يرجع لابوها و اخوها دول بقا و مازلت على يقين انها نسبة قليلة و ايا كان ربنا يهدي
يعني في الغرب الغالب هو الي في الافلام .. اعتقد يعني و العكس عندنا الغالب هو الجانب المحترم
و برده ربنا الهادي

[haroun707]

الطبع يغلب التطبع ... ومن شب على سئ شاب عليه

سيدى الفاضل عمرها ما حتتغير ومن الواضح كمان من حكاية حضرتك ان الاخت كمان بنفس الطبع

وكما ذكرت فى اول الموضوع ان لها 5 اخوات تم تطليقهم فا من الواضح ان العيلة دى كلها رايحة فى داهيه

دلوقتى بقى تقدر تتأقلم وتستحمل اللى بيحصل ده من اسلوب وطريقة تعامل يبقى تمام ..... مش حتقدر

يبقى فضها سيرة دلوقتى حالاً لأن ببساطة انت عندك والحمد لله ولد مش بنت يعنى كده كده حيتربى وقبل ما يكون فى غيرة

[alexaway]

علي فكرة زوجه العضو يجي منها وبتخاف علي بيتها والدليل فى كلام العضو
اولا لما رزعت الباب ولما سألها انتي رزعتها الباب خافت وقالت لا انت اللي رزعته ودا دليل انها خايفه للمشكلة تكبر والموضوع يتطور .
تانيا لما اتصلت بيه وقلتله انا عندي اختي وقالها خليكي عندك ومترجعيش واحده تانية كانت مرجعتش فعلا وكبرت الموضوع ولكنه رجع لاقاها فى البيت يعني دي عايزة تعيش .
ياريت يا استاذ تراجع نفسك وتراجع النقطتين دول كويس حتلاقي فعلا ان مراتك باقية عليك وعلي البيت
تحياتي

[yousef1978]

ربنا يعينك ويهديك


الواضح ( من كلامك والله أعلم الطرف الآخر عنده كلام مختلف ولا لأ ) إن زوجتك عندها مشاكل نفسية وسلوك ومزاج عصبي متربية عليه

وإن حضرتك برضو عصبي وما عندكش الخبرة الكافية لاحتواء وهضم زوجتك


أغلب النساء المصريات عصبيات المزاج والأجيال الجديدة بتتميز بالرجولية شوية وخصوصا إنهم اتعودن إنهن يطلعوا للحياة العامة ويتحملوا مسؤلية الأولاد وهم أطفال أو وهم بنات قبل الزواج

وانت بتقول إن أبوها متوفي وما عندهاش إخوة رجال وده معناه إنها اتربت وتمرست على تحمل المسؤلية لدرجة خليتها تتعامل بالندية معك

ده ميزة وعيب

ميزته إنك ممكن تعتمد على زوجتك وتحس إنها قد المسؤلية مش هتلوص بيها وتتلخم

وعيبه إنها كل شوية تحط راسها براسك


أنا عاوزك بس ما تعتقدش إنك لو طلقتها واتجوزت واحدة تانية هتلاقي التانية ملاك ومشاكلك منها تتحل - ممكن تكتشف في التانية مشاكل بس من نوع مختلف


حاول تفكر بمكر شوية إزاي تسيطر على زوجتك - بحنية أو بتركها في بيت أهلها فترة ( لي بالك البنت ما بتطيقش تعيش في بيت أهلها بعد الزواج - ممكن تتحمل شهر لكن صعب تتحمل التاني من غير ما تنهار لكن الواضح إن إخواتها البنات ممكن يشعللوها ويشجعوها أكتر على التحمل والتصعيد وده دورك انك تتحمل اكتر منها ) - أو إنك توصلها إنك هتتجوز عليها أو إنك توفرلها هدايا واهتمام أكبر


يعني من الآخر تدور على الطريقة الأمثل للسيطرة الصحيحة عليها علشان الخلافات تقل وهي تبدأ نفسيتها تهدأ علشان تتقبل التغيير للأفضل



لو انت شايف في زوجتك صفات كويسه محتاجها يبقى هتتعب نفسك في البحث عن طريقة لتغييرها

لو انت خلاص ندمان على الزواج منها وشايف إن البيعة كلها خسرانة وما فيش فيها ميزة تصبرك يبقى من جواك هتتلكك على أي حاجة وهتبحث عن ما يشجع تفكيرك في الهروب من هذه الزيجة



أقولك قول سيدنا عثمان بن عفان رضي الله عنه وأرضاه عندما بعث نفر ليصلحوا بين رجل وزوجته فقال : إن رأيتم التفريق ففرقوا فإن في بعض التفريق إصلاح


وطفل يعيش بين زوجين مطلقين قد " قد " يكون أفضل له من طفل يعيش بين زوجين متناحرين


بس الطلاق مش لعبة ولا هو الحل السحري زي ما انت فاكر


والأهم من ده كله إنك تراجع نفسك هل انت عصبي وفيك عيوب أيضا لا تساعدها على تحمل تبعات الحياة الزوجية أم لا

وتسأل نفسك هل هتقدر تغير من صفاتك الغير صحية كما تطالب زوجتك بتغيير صفاتها


بالطبع قد تكون صفاتك الغير صحية تستطيع أن تتعايش بها مع إمرأة أخرى وتكونوا سعداء

وقد تكون صفاتك أو صفاتها الغير صحية تستطيعوا تغييرها بأسهل مما تتخيل

وقد تكون صفاتكم الجميلة الرائعة لن تجدونها في أي بشر آخرين

وفي النهاية

الموضوع عاوز حساب دقيق وحازم مع نفسك من غير ضغوط أهلية ولا حسية ولا مادية ولا " جنسية " - لكي تحدد ما الذي تحتاجه أنت أولا ثم ما يحتاجه طفلك وما تحتاجه زوجتك أيضا لأن حرصك على مصلحتها سيجازيك الله عنه خيرا في الدنيا قبل الآخرة

واعلم أن ما يناسب غيرك من حلول قد لا يتناسب معك إطلاقا


عفوا للإطالة





.

[prince91720]

انا صراحة لا اقبل ان زوجة تهين زوجها ابدا و يسكت لا بره البيت ولا جوه البيت
هو لو رضى بكده يبقى يستحمل طول عمره
و اعتقد ان حضرتك لا تقبل للاخ المحترم بكده
اما حوار ابنك ومش ابنك فده حوار رجالة كتير يستخبوه وراه عشان خاطر الخوف من الطلاق و مبرر لتحمل الاهانة
وغالبا تجده في كل شئون حياته باحث عن المبررات
الراجل ان لم يكسر الست كسرته واصبحت هو هي لرجل وهوه الست
هذا الكلام عن خبره وزواج من عنديه وانتهى الامر بسيطرتي الكامبة على البيتت لاني لم اتنازل بأذن الله
ابنك محتاج يكبر يلاقي ابوه راجل مش خرونج

الذي يتحجج بالنبي صلى الله عليه وسلم النبي صلى الله عليه وسلم هجر زوجاته خارج البيت شهر كاملا ثم حيرهم بين الاستمرار معه على طريقته صلى الله عليه وسلم او الطلاق فاهم كلامي

ايوه كده يا زعيم
انا بعد ما قريت شويت ردود ناعمه هنا ؛ كنت خلاص هافقد الامل انو لسه فى رجاله بيعرفو يسيطرو على مراتاتهم

[ams]

يا رب يكون كلامى خفيف عليك او يكون سبب فى تفريج همك

يا سيدي الفاضل الاحداث دى نمط متكرر شوفته قدام عينى مع حالتين واحدة انفصلو و واحدة كملوا و انا نفسى عيشت جزء منها قبل ما أخد قرار حاسم بفسخ الخطوبة قبل الدخلة بايام

اولا : المواقف اللى ذكرت ملهاش أى ثقل او اهمية و انما هى مجرد عرض للمرض و اللى هو ان اساسات البيت مش محطوطة صح : الاحترام و القوامة (طريقة التعامل و مين الراجل و الندية)

تحليلي للى حصل انك راجل كريم جدا (سيبت فلوس و انت مقهور و غضبان) و مؤدب و محترم جدا (لم تهن زوجتك او اهلها على الرغم من اهانتهم ليك) و واضح و صريح و مش بتاع لف و دوران (فى كلامك عن الموقف مع صاحبك) و قليل الخبرة فى التعامل مع الجنس الأخر و عنيد و بتحب المثالية
انت غمرتها بمشاعرك و اهتمامك و فلوسك و عملتلها كل حاجة هى عاوزاها و مش بتقولها لأ حتى لو انت متضرر عشان تبقى هى مبسوطة و راضية و بالتالى بيتك يقوم على المحبة و الود و تسعدك ، و للأسف يا سيدى الفاضل الكلام ده غلط لأنه بالظبط زى ما تدلع طفل فتفسده ، فانا شايف طريقة تعاملك كانت غلط و ان زوجتك مش سيئة ابدا لكن طريقتك هى اللى خليتها كده

و عشان كده الحل:
أولا : انك لازم تعرف تتعامل و تعرف امتى تشد و امتى ترخى و ايه اللى تقوله و ايه اللى ماتقولوش و ازاى توصل اللى انت عاوزه و بأى نبرة و ازاى تأسس البيت بحيث يكون واضح دور كل واحد و ان فى قائد واحد و احترام و انك لم تعمل حاجة تبقى هى مقدرة ده و ممتنه له و زى ما ترضيها هى كمان لازم تسعى عشان ترضيك
لو معملتش كده - فلو انفصلت بالاضافة الى المآساة اللى هيعيشها الطفل و الضرر النفسي و المادى البالغ عليك بعد الانفصال ، فالزواج التانى هيبقى تكرار لتفس القصة ، - أما لو كملت الزواج على نفس المنوال و فوت و عديت فانت لا هتبقى ليك كرامة و لا كلمة فى بيتك و ده امر قاتل

ثانيا : بعد ما ترسى على اولا بينك و بين نفسك و تشوف غلطاتك فين و تصلحها ، انت بين امرين أحلاهما مر بس ربك بيسهلها
1- الانفصال : الوحش فيه هو الحياة الغير سوية للطفل و الضرر النفسي و المادى البالغ الواقع عليك ، أما الحلو هو انه هيبقى فيه فرصة تانية عشان تكون بيت و اسرة صح (اللى شوقته كده لسه مطلق و لسه بيظبط حاله عشان يبدأ من جديد و اتأخر فى شغله و حياته شبه وقفت سنتين)
2- الاصلاح و تكملة الزواج : و ده يستلزم قطعا انك تكسرها و تعرفها ازاى ان الحياة عشان تمشى لازم تكون زى ما تقول لانك الراع و القائد و المسئول المحاسب امام ربنا ، الحلو انك هتقدر تكمل حياتك و تنقذ ابنك من عيشة صعبة و الوحش انه بيبقى فى شرخ فى العلاقة لازم يتداوي و انه احيانا لازم تبقى قاسى و شديد (بالكرباج) عشان مترجعش الامور أسوء من الاول و دى حاجة مش حلوة (اللى شوفتهم كده وصل مع مراته للطلاق بانها لما راحت عند بيت اهلها غضبانه عشان سبب تافه برضه رماها عندهم و اتخانق مع اهلها اللى كان قبل كده مش بيكسر لهم كلمة و من الاخر كده حطهم تحت جزمته فبقوا هم يتحايلوا عليه و هى عيطت عشان ترجع و دلوقتي عايشين كويس مع الطفل الصغير و لما بتحب ترجع زى زمان بيشد عليها فتبقى كويسة و هو اللى مكانش عمره بيقولها كلمة تضايقها)

نسأل الله أن يكشف همك وغمك .. ويبدلك به فرحاً وســرورا
استعن بالله و كل حاجة ان شاء الله هتتعدل