اطلقها ولا اخاف علي مستقبل ابني

[alexaway]

نفس المنطق الذكوري والدفن فى التراب , ردود عنترية وتصرفات ذكورية علشان الراجل يحس انه راجل وبس , الاعضاء اللي بيقولوا لازم العافية والشدة وبيقولوا علي الراجل اللي بيتصرف بحكمه انه ضعيف او خرونج مفكرين انهم لما يعملوا عنتر وزوجاتهم تخاف منهم وتكش انه كسب ميعرفش انها بتعلن سلسلفينه من وراه وفي ضهره وبتعمل كمان اللي هي عيزاه من غير ما هو يعرف وهو مفكر نفسه عنتر زمانه وعلي فكرة الكلام دا حالات شفتها بعنيه , كتيير اوي ستات ادام جوزها تترعش وتسمع كلامه وتكش ولكن تعالي بقي هو مش موجود فحدث ولا حرج .
بقول لكل راجل مفكر نفسه عنتر علشان شكم مراته وبقي سبع الرجال , انت سبع الرجال ادام نفسك بس , انما ورا ضهرك انت خرونج بس متعرفش .

[bmw3m007]

نفس المنطق الذكوري والدفن فى التراب , ردود عنترية وتصرفات ذكورية علشان الراجل يحس انه راجل وبس , الاعضاء اللي بيقولوا لازم العافية والشدة وبيقولوا علي الراجل اللي بيتصرف بحكمه انه ضعيف او خرونج مفكرين انهم لما يعملوا عنتر وزوجاتهم تخاف منهم وتكش انه كسب ميعرفش انها بتعلن سلسلفينه من وراه وفي ضهره وبتعمل كمان اللي هي عيزاه من غير ما هو يعرف وهو مفكر نفسه عنتر زمانه وعلي فكرة الكلام دا حالات شفتها بعنيه , كتيير اوي ستات ادام جوزها تترعش وتسمع كلامه وتكش ولكن تعالي بقي هو مش موجود فحدث ولا حرج .
بقول لكل راجل مفكر نفسه عنتر علشان شكم مراته وبقي سبع الرجال , انت سبع الرجال ادام نفسك بس , انما ورا ضهرك انت خرونج بس متعرفش .

من ورا ضهره خرونج ازاي يعني
بتعمل ايه من وراه لامؤاخذه

[Ashraf_Ibrahim]

انا طبعا مقريتش ردود الاعضاء
معرفش ان كان حد هيقول اللي انا هقوله دا واللا لا
معذرة يا صديقي ربنا يعينك على ما انت فيه
زوجتك مش محتاجه تطلق
ولكنها محتاجة تطلبها في بيت الطاعة
ولو منفذتش تعملها انذار اول ولو ما نفذتش تعملها انذار تاني ولو منفذتش تبقا ناشز لا يحق ليها الزواج مطلقا :]
هي محتاجة تتأدب مش تطلقها لأن مش هتستفيد حاجة لما تطلقا بل على العكس هتدفع فلوس وقرف ومش هتشوف ابنك فعلى ايه الكلام دا
اطلبها في بيت الطاعة وابنك معاك وأدبها وعرفها ان الله حق :]

[alexaway]

من ورا ضهره خرونج ازاي يعني
بتعمل ايه من وراه لامؤاخذه

حقول لحضرتك حالة
اعرف واحد دكر وفرحان بان مراته بتسمع كلامه وانه مسيطر ومانع مراته انها تخرج الا للوازم البيت وبعدين عرفت من مصادر قريبة من زوجته انها بتروح لصحابها وبتخرج علي مزاجهاولو قفشها وهي بره تقله فى التلفون انا بشتري عيش او بشتري خضار او اي حاجة .
اللي حابب يعمل دكر ويبقي مسيطر ميزعلش بقي علي اللي بيحصل من ورا ضهره واللي متهيأله ان مراته مستحيل تعمله زي صاحبنا اللي انا حكيت عليه مخموم اوي ومفكر نفسه صح وانا مراته من البيت للسوق ومن السوق للبيت .
والنبي محدش يقول ان الست دي مش محترمه انما انا مراتي حاجة تانية , علشان برضوا صحابنا اللي مراته مستغفلاه فى المثال دا مفكر نفسه كدا

[miceg]

انا طبعا مقريتش ردود الاعضاء
معرفش ان كان حد هيقول اللي انا هقوله دا واللا لا
معذرة يا صديقي ربنا يعينك على ما انت فيه
زوجتك مش محتاجه تطلق
ولكنها محتاجة تطلبها في بيت الطاعة
ولو منفذتش تعملها انذار اول ولو ما نفذتش تعملها انذار تاني ولو منفذتش تبقا ناشز لا يحق ليها الزواج مطلقا :]
هي محتاجة تتأدب مش تطلقها لأن مش هتستفيد حاجة لما تطلقا بل على العكس هتدفع فلوس وقرف ومش هتشوف ابنك فعلى ايه الكلام دا
اطلبها في بيت الطاعة وابنك معاك وأدبها وعرفها ان الله حق :]

فين ياباشا الكلام ده دلوقتي
اطلبها براحتك وهتروح المحكمه هتدعي عليك بأي حاجة
دي ممكن تفضحك كمان وتقول انك ضعيف ج
او إنك عاوز تخليها تعمل حاجة تغضب ربنا
وترفع عليك دعوة بالطلاق للأسباب دي وفي الحالة دي لو كسبت الدعوة وجابت قرار من المحكمة بالطلاق ساعتها حقها مضمون 100% هو والمؤخر بالنفقة بكل حاجة
دعوة طلاق غير قضية الخلع كمان واللي سهل ان المرأة تكسبها
للأسف قانون المراة بسب منها لله سوزان بقا في حق المرأة 24 قراط

[wael30003]

الطلاق هو الحل

قبل تجيلك امراض السكر والضغط

وبعدين مش هتقف جنبك

وبعدين انت بتقول انت بتتخانق كل اسبوع

طب انت شايف ايه تانى كويس فى عيشتك ده

طلق

انا معايا ابنى برده وبحبه جدا

لكن لو مراتى كده

كان يبقى بالسلامة من زمان

والولد مش هيحصله حاجة

طلق ﻷن ده هو الحل

[ams]

نفس المنطق الذكوري والدفن فى التراب , ردود عنترية وتصرفات ذكورية علشان الراجل يحس انه راجل وبس , الاعضاء اللي بيقولوا لازم العافية والشدة وبيقولوا علي الراجل اللي بيتصرف بحكمه انه ضعيف او خرونج مفكرين انهم لما يعملوا عنتر وزوجاتهم تخاف منهم وتكش انه كسب ميعرفش انها بتعلن سلسلفينه من وراه وفي ضهره وبتعمل كمان اللي هي عيزاه من غير ما هو يعرف وهو مفكر نفسه عنتر زمانه وعلي فكرة الكلام دا حالات شفتها بعنيه , كتيير اوي ستات ادام جوزها تترعش وتسمع كلامه وتكش ولكن تعالي بقي هو مش موجود فحدث ولا حرج .
بقول لكل راجل مفكر نفسه عنتر علشان شكم مراته وبقي سبع الرجال , انت سبع الرجال ادام نفسك بس , انما ورا ضهرك انت خرونج بس متعرفش .

كلامك صح جدا بس مش فى موضعه
بمعنى انه الراجل اللى بيحتوي بيته فعلا مش هو اللى بيزعق و عامل فيها عنتر و كل حاجة بؤامره و انما هو اللى بيعرف ازاى يتعامل مع نصه التانى بحيث انه يحفظ ليه و لزوجته أبسط الاساسيات من مودة و رحمة و تفاهم و احترام و عيشة كريمة و تضحية ان لزم الامر
لكن
الموضوع اللى بنتكلم عنه ان الزوج هنا فرط فى وضع الاساسات و انه دلعها بحيث ان الاحترام نفسه بقى مش موجود فعشان يرجعه لازم تكون اجراءاته قاسية لأن مفيش حل تانى واقعي و الفعل صوته اعلى من أى كلام

و النقطة اللى حضرتك ذكرتها بان الست فعلا باقية على الزواج و هى انها رجعت البيت و مقعدتش عند اهلها صحيحة جدا ، هى صحيح كسرت كلام جوزها عن تعمد و اثبات موقف لكنها رجعت و ده بيقول انها عاوزة تعيش معاه بس بقوانينها هى ، فهم لازم عشان يعيشوا يتفقوا على قوانين جديدة تنظم حياتهم و هى مش هترضى الا بالشدة ... لأنه عودها على اللين بس

[أبو ياسين]

ارى ان تتحدث الى زوجتك فى التليفون
تحاول تاخد شقة لمده شهر فى مكان بعيد عن اهلها و بعيد عن ضغوط الحياه
و حاولو للمرة الاخيرة تتاقلموا و تعيشو سوا
اتفقو على قواعد جديده بينكو و حاولو تلتزمو بيها
كلمها فى موضوع الانفصال

[ESO101]

بارك الله فيك يا عزيزي أنت الآن بدأت تعمل صوت العقل والحكمة داخلك
ميولك للصلح يدل على أنك باقي على الزوجة إذَا نحي فكرة الطلاق من رأسك وإتجه للصلح بالطريقة المناسبة لزوجتك
ولدي نصيحة لك
لا تحاول كسرها أو تهديدها بالزواج من أخرى حتى تحضى بشيء , لأنك ستدخل نفسك في مشاكل لن تنتهي ( ولن تحضى بذلك الشيء )
فالنساء الآن قادرات على الإستقلال الكامل لم يعدن كما في السابق ولم يعد بيت الزوج بالنسبة لها ( إيواء )
ولا تنسى أن الهدف من الزواج هو أن يسعد كل طرف الآخر لا يكسره أو يعيش معه تحت التهديد أو الإرغام أو الكسر
تلك الأمور لم تعد مُجدية في ظل وصول المرأة لشهادة وقوانين تحميها من هذا البطش النفسي
أترك عنك كل تلك الأمور فقط ( لاطفها ... داعبها...تحدث معها ) حتى تسعدها وتسعد أنت لا سبيل لك سوى هذا مع أي إمرأة متعلمة إذا كنت تسعى حقًا لبيت قائم على الإحترام والود والسعادة
للأسف لدينا جيل يعيش بقانون الغابة حتى الآن ولكن خرج له جيل من النساء فرضن قوانين البشر ليصطدم مع واقع لم يتربى عليه لذلك ستسمع كثيرًا كلمات من هؤلاء الأشخاص تشعرك بأنك في معركة لأنه يشعر بقلة الحيلة لا أكثر ولم يتعلم سلوك سوى هذا ليتبعه
ستجده دائمًا يبحث عن إمرأة منكسرة خاضعة ليشعر معها بتلك الرجولة الوهمية
الحوار والنقاش والإحترام هو السبيل الوحيد لك وإذا حدث بينكم خلاف لديك الكثير من التصرفات التي توصل بها غضبك دون أن تعرض بيتك للخراب
قضايا , كسر , ضرب , تهديد لن ينتج عنه سوى خسارة لك ولبيتك قبل أن تكون لها -و مع أي إمرأة من هذا الجيل - لأنه ليس من حقك أصلًا إستخدام تلك الأساليب
ماحدث هو فقط جيل تربى على تلك الممارسات وفي المقابل جيل حصن نفسه من تلك الممارسات غير المشروعة فنتج الصدام وإرتفعت نسب الطلاق
الحل الوحيد للتعايش مع بعض هو الإحترام المتبادل وأن يلبي كل طرف رغبات الآخر وأن يستمع كل طرف للآخر
إذا وجدت إنسان يفرض شيء كالإحترام بالتهديد أو القوة أو ينصحك بفرض شيء من هذا القبيل إعلم أنه فاقد له ويسعى لإنتزاعه من شخص لا يحترمه أساسًا
وفقك الله ويسر لك الخير

[Most_H]

مبدأيا مش هنتكلم عن اللى فات وأختيار اللى بيت، لان بقى واقع دلوقت


ثانيا الطلاق مش هيآثر فيها ، لانه من الواضح ان بيتها متعود ع الكلام دة، وهتتجوز تانى (ممكن ساعتها تاخد منها الحضانة لو اتجوزت)

والزواج الثانى حل فى مخاطر كبيرة ومش مضمون


انا لاحظت من كلام انها مستوقيه وبتتكلم واكنها مش محتاجه لك، اية السبب اللى مخليها بتتصرف كدة

وواضح انك مش عاوز تسيب ابنك، ودة هيخليك تضحى علشانه (لان الحل التانى انك تطلق، وكدة انت مضحتش)

فى رآئي انك متخلفش منها تانى، وتخليكوا متجوزين (على الورق)، وتحاول تحبب الطفل فيك، لحد ما يكبر كدة ويبقى واعى، ساعتها اقدر اقول لك طلقها وانت مستريح لأنه:

1- أبنك هيكون كبر وهيبقى بيحبك
2- هتكون هى كبرت وفرص وجوزها تانى قلت بل ممكن تكون اتعدمت
3- ممكن انت تشوف حياتك من تانى

هى خطة انتقامية، او البديل انك ترضى بالنصيب وتعيش وتتعايش

[wael30003]

مبدأيا مش هنتكلم عن اللى فات وأختيار اللى بيت، لان بقى واقع دلوقت


ثانيا الطلاق مش هيآثر فيها ، لانه من الواضح ان بيتها متعود ع الكلام دة، وهتتجوز تانى (ممكن ساعتها تاخد منها الحضانة لو اتجوزت)

والزواج الثانى حل فى مخاطر كبيرة ومش مضمون


انا لاحظت من كلام انها مستوقيه وبتتكلم واكنها مش محتاجه لك، اية السبب اللى مخليها بتتصرف كدة

وواضح انك مش عاوز تسيب ابنك، ودة هيخليك تضحى علشانه (لان الحل التانى انك تطلق، وكدة انت مضحتش)

فى رآئي انك متخلفش منها تانى، وتخليكوا متجوزين (على الورق)، وتحاول تحبب الطفل فيك، لحد ما يكبر كدة ويبقى واعى، ساعتها اقدر اقول لك طلقها وانت مستريح لأنه:

1- أبنك هيكون كبر وهيبقى بيحبك
2- هتكون هى كبرت وفرص وجوزها تانى قلت بل ممكن تكون اتعدمت
3- ممكن انت تشوف حياتك من تانى

هى خطة انتقامية، او البديل انك ترضى بالنصيب وتعيش وتتعايش

كده هيبقى عمل زى السلحفاة اللى فضلت مستخبية 120 سنة ورا الشجرة عشان تشوف الارنب هيسرقها ولا ﻷ

[lonedoctor]

مع احترامى لجميع الاعضاء انا شايف انه كل واحد بيعرض وجهة نظره الشخصية دون ان يتطرق الى ذلك فى ضوء احكام الشريعة على الاطلاق بالرغم ان العلاقة الزوجية هى علاقة شرعية فى الاساس ينبغى ان يلتزم فيها كل من الزوجين بحدود الله ورسوله فى كل تعامل ومن يتعدى اى من هذه الحدود يكون الحكم على افعاله من خلال ذلك انما الالراء تكون بوجهات نظر شخصية وفيها بعض المغالاة فى الناحيتين اما انه يضربها بالجزمة او اما انه عايز يمارس عليها ذكوريته وهى ملاك طاهر ما هذه العشوائية يا سادة اين القانون الالهى فى مثل هذه المواقف؟
الا يعلم من خلق وهو اللطيف الخبير؟
يا اخى امساك بمعروف او تسريح باحسان وخلص الكلام
عموما ما فعلته الزوجة فى ضوء الشريعة هو جريمة شرعية خلقية بكل المقاييس وخاصة موضوع عدم طاعتها وخروجها من البيت بغير رضاه
لو زوجتى عملت معايا كدة بصراحة ده يكون اخر يوم لها كزوجة لى اساسا فضلا عن تطاولها وعدم احترامها وصوتها العالى امام الناس بالنسبة لى دى كارثة نووية فى الحياة الزوجية لكن لا يصح الا الصحيح وهناك فارق بين ان يكون هذا طبع ام انه موقف عابر انفعالى ومن وصف الاخ انه هذا طبع واسلوب حياة
لكن اعطاء فرصة اخيرة هو الاولى باختيار حكم من اهله وحكم من اهلها ان يريدا اصلاحا يوفق الله بينهما
والله المستعان

[sammor_28]

بما انها مش هتتغير لأن ده واضح جدا من كلامك

وبما ان مافيش راجل تلجأله ويقف معاك ويحل ويكون له كلمه عليها

من وجهه نظري مش هينفع غير الطلاق لأن حياتك هتكون جحيم واحمد ربنا ان عندك ولد مش بنت وان شاء الله مسيره هيكون ليك وهيعيش معاك

بس اياك تسيبه يتربي في هذا الوسط عشان ماتخسرهوش

ومعلش الخطأ خطأك من البدايه لأن دخلت بيت مافيهوش راجل والكلمه للمرأء وخمس اخوات مطلقات بجد حرام عليك نفسك

وربنا يعملك اللي فيه الخير ان شاء الله

[yousef1978]

للأسف إحنا كشعب مصري لا نعرف معنى كلمة " سياسة "

لا في حواراتنا ومشاكلنا العامة ولا في مواقفنا داخل البيوت وخارجها



فيه واد صايع ممكن يضحك على بنت محترمة بكلام معسول لغاية ما يلف عقلها ويوقعها في الحرام وبعدين يخلع ويسيبها لمصير مجهول بعد ما تكتشف إنه كان منومها مغناطيسي

وما يكونش صرف عليها قد ما هي صرفت عليه


وإحنا الواحد يبقى متزوج في الحلال واحدة بنت حلال ومش قادر يحاول يعمل زي الواد الصايع ده لكن مع مراته وبالحلال
ويكون صارف في جوازته وحياته بعد الجواز تحويشه عمره وكل ما يملك وممكن يكون مديون بسبب الزواج



واحد مراته يبقى نفسها في فستان وهو مش معاه

- ممكن يقلب معاها خناقة ويقولها انتي إيه ما عندكيش دم مش شايفاني مفلس أجيبلك منين حسي ده الغريب بيحس - وأصواتهم تعلى وتجريح متبادل وإهانات متبادلة لا تنسى


- وممكن يقولك أنا عيني ليكي لكن والله مش معايا - انتي عارفه انا عمري ما أبخل عليكي بحاجة وأول ما ربنا يسهل هأشتريلك اللي نفسك فيه قبل ما أشتري لنفسي ولا حتى للعيال بس ساعديني واتحمليني شوية أنا مش مقصر والله بس ما باليد حيلة - ولا انتي يرضيكي أستلف ولا أمد إيدي للحرام

- وممكن يقولها بس كده انتي تؤمري يا حبيبة قلبي إحنا نطلع النهاردة ونشوف أحلى فستان لأحلى بنوتة في الدنيا

وياخدها يلفلفها دكاكين البلد كلها وكل ما تمسك فستان حلو يقولها هو شكله حلو لكن لونه مش قوي أو الحتة دي شكلها مش ماشي مع الحتة دي أو يشاورلها على أي عيب - وبعد كده يقولها خلاص لو عاجبك أجيبهولك وخلاص مش مشكلة سيبك من رأيي المهم رأيك

طبعا هترفض بشدة إنها تشتري فستان جوزها عيبلها فيه

أو تلاقيه يمسك في فستان شكلة وحش قوي ويقولها إيه رأيك في ده هيكون عليكي تحفة - طبعا هترفض

وبعد ما يلفلفها كعب داير ياخدها على مطعم حلويات شرقية وطبقين حلو بكام جنيه وترجع البيت وهي في قمة السعادة وتبقى مصممة إنها ما تشتريش لأن السوق كله ما فيهوش حاجة عليها العين ولما تنزل موضه جديدة نبقى ننزل تاني



وكفى الله المؤمنين القتال



لكن كل حاجة عاوزينها بالعافية ولازم الزوجة تبقى محترمة وتسمع كلام زوجها وكلام زوجها أوامر ولو ناقشت ولا ردت تبقى بنت ..... وأطلقها ولا أستمر ؟


على فكرة تقريبا كلنا كده إلا من رحم ربي


ربنا يرحمنا جميعا ويهدينا سواء السبيل


لكن خلاص طالما الواحد اتجوز واحدة عاجباه من الأول سواء عن حب أو إقتناع وإعجاب وخلف منها يبقى يحط في دماغه إن أي صفة مش عاجباه فيها يعتبرها صفة في بنته وبيحاول يعالجها

حد فينا يقدر يتخلى عن بنته بسهولة لمجرد إن فيها صفات وحشة - أكيد لا

وكذلك زوجتك اللي متجوزها عن إقتناع وعشت معها لغاية ما خلفت منها - هي دلوقتي مسؤليتك وزي بنتك ومن الخطأ إنك تتخلى عنها وعن إصلاح عيوبها لمجرد إنها بتتغير بصعوبة

لكن لو واحد ربنا رزقه بزوجة منحرفة بصورة ما - يبقى في هذه الحالة ننصحه كما نصح رسول الله صلوات الله وسلامه عليه الرجل الذي جاء يقول له : يا رسول الله زوجتي لا ترد يد لامس - فقال له نبينا الحبيب " طلقها " - فأجابه الرجل يا رسول الله لا أستطيع - فرد عليه الروسل صلى الله عليه وسلم " إذا فأمسكها "

( هذا ما أتذكره من القصة وهذا ليس متن الحديث )







أحلى حاجة إننا ساعات نتخير من الدين ما نتشدد به ونقول طاعة الزوج وعدم الخروج إلا بأمره

وننسى باقي أوامر الدين من حسن العشرة والعفو عند المقدرة والصبر على أذى الزوجة وعلى تقلباتها وعلى أخطاءها وسوء سلوكها أحيانا في علاقتها وحديثها مع زوجها


وننسى ذلك الرجل الذي جاء يشكو زوجته لأمير المؤمنين سيدنا عمر فلما اقترب من باب بيته سمع زوجة عمر ترفع صوتها عليه فانصرف - فلما خرج إليه سيدنا عمر ودعاه وسمع منه قال له مالنا لا نصبر عليهن وهن من يلدون لنا أبناءنا ويرعوننا ويرعوهم ( مش فاكر النص )

الدين دائما تكون أوامر الرحمة والسماحة أولى وأقرب من أوامر النهر والعقاب




.

[wallace]

رأيي إنك تصبر شوية وتستحمل عشان ابنك

خدلك يومين ابعد عن الموضوع وبعد كدا اتصل بالمدام مباشرة بدون وسيط وأطلب مقابلتها في أي حتة برة لوحدكم وأقعدوا مع بعض وحاولوا تتفاهموا وتعرفها بردوا أهم النقط إلي غلطت فيها وتسمع منها أنت كمان

معلش أنت هتتعب وتيجي علي نفسك شوية عشان الموقف يعدي بس عشان ابنك يتربي بين أبوة وأمة وربنا يصلح حالك ويوفقكم للخير