اطلقها ولا اخاف علي مستقبل ابني

[alexaway]

كلامك صح جدا بس مش فى موضعه
بمعنى انه الراجل اللى بيحتوي بيته فعلا مش هو اللى بيزعق و عامل فيها عنتر و كل حاجة بؤامره و انما هو اللى بيعرف ازاى يتعامل مع نصه التانى بحيث انه يحفظ ليه و لزوجته أبسط الاساسيات من مودة و رحمة و تفاهم و احترام و عيشة كريمة و تضحية ان لزم الامر
لكن
الموضوع اللى بنتكلم عنه ان الزوج هنا فرط فى وضع الاساسات و انه دلعها بحيث ان الاحترام نفسه بقى مش موجود فعشان يرجعه لازم تكون اجراءاته قاسية لأن مفيش حل تانى واقعي و الفعل صوته اعلى من أى كلام

و النقطة اللى حضرتك ذكرتها بان الست فعلا باقية على الزواج و هى انها رجعت البيت و مقعدتش عند اهلها صحيحة جدا ، هى صحيح كسرت كلام جوزها عن تعمد و اثبات موقف لكنها رجعت و ده بيقول انها عاوزة تعيش معاه بس بقوانينها هى ، فهم لازم عشان يعيشوا يتفقوا على قوانين جديدة تنظم حياتهم و هى مش هترضى الا بالشدة ... لأنه عودها على اللين بس

انا عارف ان الكلام دا مش بخصوص حالة العضو ولكن في اعضاء استفزوني بكلامهم العنتري وبذكورتهم , فحبيت افوقهم من الغيبوبة اللي عايشين فيها وانهم فاهمين ان الرجولة بالشخط والنطر والضرب بالجذم ميعرفوش ان الست لو عايزه تعمل حاجة لو ايه بالزي مش حيمنعها .

[wael30003]

رأيي إنك تصبر شوية وتستحمل عشان ابنك

خدلك يومين ابعد عن الموضوع وبعد كدا اتصل بالمدام مباشرة بدون وسيط وأطلب مقابلتها في أي حتة برة لوحدكم وأقعدوا مع بعض وحاولوا تتفاهموا وتعرفها بردوا أهم النقط إلي غلطت فيها وتسمع منها أنت كمان

معلش أنت هتتعب وتيجي علي نفسك شوية عشان الموقف يعدي بس عشان ابنك يتربي بين أبوة وأمة وربنا يصلح حالك ويوفقكم للخير

انا رأى انك فعلا لازم تاخح يومين وتكلمها

بس مش عشان الصلح

ﻷ عشان تتفقوا على تفاصيل الطلاق

التغيير مع هذه النوعية

عايز نبى او رسول

واحتمالات تغييرها بالشكل اللى انت بتحكى عليه صعبة

انا بحب لك الخير


بس كل واحد شايف ان الخير فى الاستمرار

طب ايه الامارة

يعنى احرق دمى واجيب لنفسى الامراض

فى مقابل احتمال واحد فى المائة انها تتصلح

انا مش هاقدر اقيم سلوكها اكتر منك

بس مواقف ما يختلفش عليها اتنين

وانت نفسك بتقول بتتخانقوا اسبوعيا

انا عارف ام الاضرار كتير بس معظمها اضرار مادية

لكن فى المستقبل

هتكون اضرار صحية
نفسية
اجتماعية
ادبية

وانت الوحيد اﻷى تقدر تقيم الموقف

خاصة ان واضح ان مفيش حد عاقل من اهلها

استخير ربنا قبل اى ح

وشوف انت بتميل لاى القرار

لان دايما اللى بر عوام

[zkralla]

للأسف إحنا كشعب مصري لا نعرف معنى كلمة " سياسة "

لا في حواراتنا ومشاكلنا العامة ولا في مواقفنا داخل البيوت وخارجها



فيه واد صايع ممكن يضحك على بنت محترمة بكلام معسول لغاية ما يلف عقلها ويوقعها في الحرام وبعدين يخلع ويسيبها لمصير مجهول بعد ما تكتشف إنه كان منومها مغناطيسي

وما يكونش صرف عليها قد ما هي صرفت عليه


وإحنا الواحد يبقى متزوج في الحلال واحدة بنت حلال ومش قادر يحاول يعمل زي الواد الصايع ده لكن مع مراته وبالحلال
ويكون صارف في جوازته وحياته بعد الجواز تحويشه عمره وكل ما يملك وممكن يكون مديون بسبب الزواج



واحد مراته يبقى نفسها في فستان وهو مش معاه

- ممكن يقلب معاها خناقة ويقولها انتي إيه ما عندكيش دم مش شايفاني مفلس أجيبلك منين حسي ده الغريب بيحس - وأصواتهم تعلى وتجريح متبادل وإهانات متبادلة لا تنسى


- وممكن يقولك أنا عيني ليكي لكن والله مش معايا - انتي عارفه انا عمري ما أبخل عليكي بحاجة وأول ما ربنا يسهل هأشتريلك اللي نفسك فيه قبل ما أشتري لنفسي ولا حتى للعيال بس ساعديني واتحمليني شوية أنا مش مقصر والله بس ما باليد حيلة - ولا انتي يرضيكي أستلف ولا أمد إيدي للحرام

- وممكن يقولها بس كده انتي تؤمري يا حبيبة قلبي إحنا نطلع النهاردة ونشوف أحلى فستان لأحلى بنوتة في الدنيا

وياخدها يلفلفها دكاكين البلد كلها وكل ما تمسك فستان حلو يقولها هو شكله حلو لكن لونه مش قوي أو الحتة دي شكلها مش ماشي مع الحتة دي أو يشاورلها على أي عيب - وبعد كده يقولها خلاص لو عاجبك أجيبهولك وخلاص مش مشكلة سيبك من رأيي المهم رأيك

طبعا هترفض بشدة إنها تشتري فستان جوزها عيبلها فيه

أو تلاقيه يمسك في فستان شكلة وحش قوي ويقولها إيه رأيك في ده هيكون عليكي تحفة - طبعا هترفض

وبعد ما يلفلفها كعب داير ياخدها على مطعم حلويات شرقية وطبقين حلو بكام جنيه وترجع البيت وهي في قمة السعادة وتبقى مصممة إنها ما تشتريش لأن السوق كله ما فيهوش حاجة عليها العين ولما تنزل موضه جديدة نبقى ننزل تاني



وكفى الله المؤمنين القتال



لكن كل حاجة عاوزينها بالعافية ولازم الزوجة تبقى محترمة وتسمع كلام زوجها وكلام زوجها أوامر ولو ناقشت ولا ردت تبقى بنت ..... وأطلقها ولا أستمر ؟


على فكرة تقريبا كلنا كده إلا من رحم ربي


ربنا يرحمنا جميعا ويهدينا سواء السبيل


لكن خلاص طالما الواحد اتجوز واحدة عاجباه من الأول سواء عن حب أو إقتناع وإعجاب وخلف منها يبقى يحط في دماغه إن أي صفة مش عاجباه فيها يعتبرها صفة في بنته وبيحاول يعالجها

حد فينا يقدر يتخلى عن بنته بسهولة لمجرد إن فيها صفات وحشة - أكيد لا

وكذلك زوجتك اللي متجوزها عن إقتناع وعشت معها لغاية ما خلفت منها - هي دلوقتي مسؤليتك وزي بنتك ومن الخطأ إنك تتخلى عنها وعن إصلاح عيوبها لمجرد إنها بتتغير بصعوبة

لكن لو واحد ربنا رزقه بزوجة منحرفة بصورة ما - يبقى في هذه الحالة ننصحه كما نصح رسول الله صلوات الله وسلامه عليه الرجل الذي جاء يقول له : يا رسول الله زوجتي لا ترد يد لامس - فقال له نبينا الحبيب " طلقها " - فأجابه الرجل يا رسول الله لا أستطيع - فرد عليه الروسل صلى الله عليه وسلم " إذا فأمسكها "

( هذا ما أتذكره من القصة وهذا ليس متن الحديث )







أحلى حاجة إننا ساعات نتخير من الدين ما نتشدد به ونقول طاعة الزوج وعدم الخروج إلا بأمره

وننسى باقي أوامر الدين من حسن العشرة والعفو عند المقدرة والصبر على أذى الزوجة وعلى تقلباتها وعلى أخطاءها وسوء سلوكها أحيانا في علاقتها وحديثها مع زوجها


وننسى ذلك الرجل الذي جاء يشكو زوجته لأمير المؤمنين سيدنا عمر فلما اقترب من باب بيته سمع زوجة عمر ترفع صوتها عليه فانصرف - فلما خرج إليه سيدنا عمر ودعاه وسمع منه قال له مالنا لا نصبر عليهن وهن من يلدون لنا أبناءنا ويرعوننا ويرعوهم ( مش فاكر النص )

الدين دائما تكون أوامر الرحمة والسماحة أولى وأقرب من أوامر النهر والعقاب

.

ههههههه
اهو عشان اسلوب الاخوان - زى اخى يوسف - انا بأيد مرسى ووائق أنه هيصلح حال البلد وهيوصل فى الاخر للى هو عاوزه

أخى الكريم صاحب الموضوع
اسال الله العظيم إن يصلح لك زوجك ويهديها لك ويصلح لك شأنك كله
احنا ما سمعناش الا من حضرتك وطبعا فى طرف تانى ممكن يكون شايف الكلام من زاوية تانية فعشان كده اى حد هيديك حكم - حتى وإن كان قاضى القضاه واحكم الحكماء - هيكون فى الاخر حكم منقوص لهذا يجب إن تأخذ اى نصحية على ان احتمال الخطأ فى هذه النصيحة وارد بشده

ما تقوله - وفقا لوجهة نظرى -هو جانب قد يكون موجود بدرجة ما عند كثير من النساء
وهو محاولة فى السيطرة ( لو رجعت بتوع علم النفس هيقولك على عقدة الكترا والكلام بتاعهم بس احنا هنقول حب سيطرة ابسط )
يزيد غالبا بعد الخلفه - بتحس إنها هتقدر تسيطر عن طريق الطفل والكلام ده
يا ريت حضرتك تديها انطباع إن لا الولد يهمك ولا يفرق معاك - تجاهل الولد تماما وحط على قلبك حجر - إنا اب وعارف صعوبة الموضوع بس ملعش - بحيث يوصلها فكرة - أكيد مش صحيحة - أن الولد مش فارق معاك خالص
استمر فى ارسال مصاريفها والولد عادى خالص
خلى اتصال بينك ويبن البواب بتاع عمارة شقتك عشان لو حاولت تنزل العفش - إنا اسف لأنى معرفش دماغها بتفكر ازاى وممكن طبعا تكون مش بتاعة الكلام ده لكن بالتأكيد فى ناس بتفكر فى انها تأخذ العفش الى أنت ماضى عليه عشان تعملك تبديد فلو حضرتك شايفه ا من النوع ده الى بيميل الى تصعيد العناد لهذه الدرجة ( طبعا النوعية ديه فى الغالب مش هتستقم الحياه معاها ) )
بعد كده - مش دلوقتى عشان الوقت بيلين الدماغ - اعمل قاعده وجيب حد من عندها ( ياريت لو ليها كبير تحاول تتصل بيه بعد شوية - من التجاهل - مش دلوقتى برضه ) مع حد من عندك
المهم فكرة أنك ما تقدرش تستغنى عنها وعن ابنك الى غالبا مسيطره عليها تكون راحت يعنى من الاخر تكسرها شويه
الى بتغضب لو حاولت تصلح معاها بعد اسبوع بتلاقى رد فى حين بيكون فى رد تانى خالص بعد 3 شهور الوقت عامل مهم جد فى الامور ديه

الطلاق - رغم إنه احيانا يكون الحل الوحيد - قرار صعب ما تخدوش الا لما كل الطرق تتسد ادامك
اول سنتين ثلاثة هما سنين مليانة مشاكل والله أنى شفت حالات كتير زى حالة حضرتك بالظبط وميكن بنفس التعبيرات والجمل - 37 سنة - وبعد شوية الزوجة حالها اتصلح وعرفت انها ملهاش غير بيتها وجوزها فلا تتعجل نهائيا قرار خطير مدمر مثل الطلاق

اخير اذكرك - أخى الكريم - ونفسى بتقوى الله والتقرب إليه - افترضت إن حضرتك مسلم - والاكثار من الاستغفار والعمل الصالح فقد قال احد الصالحين " ارى اثر معصيتى فى خلق زوجتى ودابتى "
قال تعالى "وَمَا أَصَابَكُمْ مِنْ مُصِيبَةٍ فَبِمَا كَسَبَتْ أَيْدِيكُمْ وَيَعْفُو عَنْ كَثِيرٍ " فلربما ما جعلك الله فى هذه الأزمة رغبة منه سبحانه فى أن يقربك منه اكثر

[amr011111]

ويعنى هوه الراجل اللى يبقى خايف على بيته علشان ولاده
وهما الستات مش بيفكروا بالطريقه ديه
حسبى الله ونعم الوكيل

[moha4tec]

السلام عليكم
حضرتك زكرت اسوأ ما فى زوجتك و عائلتها و لم تتذكر محاسنها و الاسباب اللتى دفعتك الى زواجها
بالاضافه انك لم تتكلم عن نفسك و تذكر مساوىء شخصيتك و عيوبك
كل بنى ادم لهم عيوب و مميزات
انت معندكش غير مشكله وحده فقط .
لو حلتها يبقى خلاص معندكش اى مشاكل و هتعيش حياه كريمه و سعيده جدا باذن الله .
و لو معرفتش تحلها يبقى العيب فيك و انك بتهرب من المشكله . و انهزامى .
مشكلتك ان مراتك عندها شخصيه قويه جدا و انت راجل عندك حدود فى التفكير مع المشاكل .بمعنى :
اى مشكله تواجهك لازم تحلها طبعا و متهربش .(متفقين )بس مش لازم تخبطوا فى بعض عشان تبقى راجل و سبع .
الستات بيدحك عليهم بكلمه و الله .و ياما شفت ستات كتير بتعمل زى مراتك .فى اول الجواز و بعد كده اتظبطوا و اتعدلوا و بقوا زى الفل
دى مهمتك بقى انك تحول تفكير مراتك و عقلها .بحيث انها تشوف اى حاجه انت بتعملها تعجبها .
لازم تملى عقلها و قلبها .باى طريقه و متزهقش .الموضوع هياخد وقت طبعا .
اول شىء انت مستهتر .و انت سبب اخر مشكله .و مقضى حياتك بالعرض و سايبها فى البيت وشها فى الحيط .
انت غلطت انك اتاخرت عليها و رحت اسكندريه .و دا من تكرار كذا موقف خلاها تبقى ترد عليك و تعلى صوتها لانها كانت مكبوته .+انها متربيه فى بيت كله ستات و الكبير فيه ست .+اخواتها مطلقات +فمش فارقه معاها الطلاق انت اللى هتخسر من كل النواحى .
لازم انت اللى تبقى الكبير بتاعها .حببها فيك .اصبر عليها.متزعقش فيها .هاتلها ورد و شيكولاته و خرجها خروجه حلوه
و اهم من دا كله قولها كلام حلو من قلبك فعلا و لو متعرفش اتعلم .متخربش بيتك بايدك .
متتوقعش بعد ما تعمل دا كله انه هيجيب نتيجه سريعه .لا طبعا الموضوع هيطول شويه .لازم هى تطمنلك انك بتحبها و تخاف عليها .
علقها بيك لدرجه انها متقدرش تستغنى عنك .و اى حد يقول كلمه عليك فى غيابك هترد عليه و لو حتى اختها او صحبتها .حسسها ان كرامتها من كرامتك
ركز اوى فى الحته دى (( متهنهاش قدام اهلها و اصحابها و جيرانها )) الحركه دى بتكره الست فى العيشه اصلا .
يعنى ابعد عن اى شىء يزعلها .و اعمل اى شىء تحبه .
النبى عليه الصلاة و السلام قال .رفقا بالقوارير .
يعنى عاملهلهم كويس بما يرضى الله .و حاول تحسسها بين الناس انها حاجه خصوصا قدام اهلها .
من الاخر كل عقلها لمده كام شهر و انت هتاكل شهد لاخر حياتك يا اخى .
لازم طبعا :
1- انت تلبس كويس و تتشيك كل ما تخرج معاها و يبقى عطرك سبقك . و هدوءك و اعصابك فى تلاجه .و بين لها انك بتخاف عليها من الهوا .و حسسها بعطفك و حنانك .حسسها انك بتخاف على مصلحتها .
انت لو عاوز تصلح حالك هتصلحه .
لكن انت بتستسهل و عاوز تخرب بيتك بنفسك و عامل الموضوع دا عزر .
انت كنت ممكن تصلح بطاريه عربيتها هتجيب بطاريه جديده من الالف جنيه اللى ادتهالها و انت رايح اسكندريه .هى راحت اشترت بطاريه و مشيت بالعربيه .عشان عارفه انك قاصد انك تحبسها و تدايقها
يا سلام لو كانت جت منك .و غيرتلها البطاريه و قلتلها يا حبيبتى استحملى معايا شويه لاخر الشهر و تجبلها ورده ب 5 جنيه . اكيد مكنتش هتنزل من البيت اصلا و هتقولك روح مشوارك و ربنا يرجعك بالسلامه .
حاول تكبر فوق المشكله و تشغل مخك و انت هتكسبها

[yousef1978]

ههههههه

اخير اذكرك - أخى الكريم - ونفسى بتقوى الله والتقرب إليه - افترضت إن حضرتك مسلم - والاكثار من الاستغفار والعمل الصالح فقد قال احد الصالحين " ارى اثر معصيتى فى خلق زوجتى ودابتى "
قال تعالى "وَمَا أَصَابَكُمْ مِنْ مُصِيبَةٍ فَبِمَا كَسَبَتْ أَيْدِيكُمْ وَيَعْفُو عَنْ كَثِيرٍ " فلربما ما جعلك الله فى هذه الأزمة رغبة منه سبحانه فى أن يقربك منه اكثر

حاول تكبر فوق المشكله و تشغل مخك و انت هتكسبها

نقلت الكلمتين دول فقط من كلامكم علشان صفحة الحوار ما تكبرش

والمفروض كنت نقلت كلامك كله علشان أكتبلكم بعده +++++++ 1

[prince91720]

فى بعض الردود بتخلينى اتحول

يعنى برجع ابص على خانة النوع يا ترى الكلام ده طالع من ذكر ولا من انثى؟؟

وفى بعض الردود بتخلينى احس ان الست فى مصر من حقها تعمل كده



او الرجاله ترضى بالامر الواقع وتتنازل عن كرامتها ورجولتها لغاية اما يتعمل فيهم كده


وساعات بحس انهم شغالين مع المجلس القومى لحقوق المرأة وبيعملو كده


و الستات أكيد لما بتقرأ الردود بتاعتهم بتضحك على خيبتهم وتبقى عامله كده


المهم علشان منخرجش بره سياق الموضوع
الأخ طالب النصيحة جاتلك ردود كتيره على موضوعك شوف اللى يناسبك ويناسب ظروفك واعمله وابقى عرفنا وصلت لأيه
و ربنا يهدينا ويهديك للحق
وصلى و الجأ لربك لأنه هو (سبحانه وتعالى) القادر على تفريج ما انت فيه
وماتنسوش يا جماعه ان الاختلاف فى الرأى لا يفسد للود قضيه
و احنا فى الاخر اخوات مهما اختلفت ارائنا حول موضوع معين

[artyboy]

بص ياباشا أنا هرد على نقطة أنك خايف على الولد
الولد ده كده أو كده ضااايع بمعنى أن الولد ده هيرضع كراهية ليك ولعيلتك فا لو كملت و قبلت بالحال ده هتبقى أبوه إللى هو مش طايقه و بيكسر كلامه و بيتعمد يسخر منه ومالوش قيمة ولا وزن و هتحس بأنه مغلول من عيلتك وأهلك و مراتك هتبقى فرحانه جدا بكده لأنه فى النهاية هيقف فى صفها و لو طلقت هيتعمل نفس الحوار حتى لو كنت بتعمل إيه علشانه بس الفرق أنك مش هتبقى عايش معاه فامن الأخر كده المدام حسب كلامك عنها أتربيت فى بيت ما فيهوش راجل وعلشان كده هى مش فاهمة أصلا الراجل ده بيتعامل أزاى و أخوتها شرحه فابص ياباشا أنت تسيبها خالص ولا تسأل فيها ولا فى الواد (مش محتاج أوضح أن ده دراعك إللى بيتلوى ولو سمحت أنه يتلوى مره هيفضل طول عمرك بيوجعك) و تعمل المحضر إللى الأخ قال عليه أحتياطى لما يبعتوا حد يتكلم معاك تحط شروطك بقا إللى أهمها أن فى حاجة أسمها راجل وفى حاجة أسمها ست و الست إللى عايزة تسترجل ما تلزمنيش و أختها إللى عايزه تخرب البيت دى ما شوفش وشها تانى غير كده تبقى مش هتنفع عيشه ساعتها بقا عرفت غلطتها ورجعت أهلا و سهلا ( وده غالبا مش هيحصل بس مافيش ما يمنع محاولة أخيرة ) ما رجعتش بقا يبقى الحمد لله و كفاية خساير أوى لحد كده و دى غلطه و هدفع ثمنها فلوس بسسسس شوفى يابنت الناس حقك إيه و هدفعهولك خلى بالك أن المهم أنهم يحسوا أنك بايع كل حاجة وأخرهم معاك الفلوس إللى هتديهالهم بمزاجك غصب عنك لا و إلا هيحطوك تحت ضرسهم ومش هتخلص بقية عمرك وبرضوا مافيش ما يمنع من صلاة أستخارة و سؤال فى دار الأفتاء و ربنا يكتبلك إللى فيه الخير

[ESO101]

؟

وفى بعض الردود بتخلينى احس ان الست فى مصر من حقها تعمل كده



او الرجاله ترضى بالامر الواقع وتتنازل عن كرامتها ورجولتها لغاية اما يتعمل فيهم كده

المشكلة بس إنك واخدها دراع والقوي يغلب !
ليه لازم حد يضرب التاني بالجزمة وليه لازم حد يدوس على التاني ؟!
لا دا مقبول ولا دا مقبول
ليه متكونش العلاقة تكاملية وكل واحد يحافظ على مشاعر التاني ؟



طب بزمتك وحده لسه مديها ورده هتزعلني ليه




وطبعًا كل ما الطرفين زادت ثقافتهم بتقل خلافاتهم ومشاكلهم لإن عقولهم بتكبر !

ربنا يهدي ويصلح الحال

[prince91720]

المشكلة بس إنك واخدها دراع والقوي يغلب !
مافيش مشكله ولا حاجه يا باشا
ده رأيك وانت حر فيه
طب بزمتك وحده لسه مديها ورده هتزعلني ليه
مش لما نلاقى اللى تستاهل الورده الأول نبقى نديهلها
البنات اللى تستحق الورده و المعامله الطيبة دى بقوا قله قليله جدا فى هذا الزمان وهذا المكان(أقصد مصر)
وطبعًا كل ما الطرفين زادت ثقافتهم بتقل خلافاتهم ومشاكلهم لإن عقولهم بتكبر!
طيب اتفضل أقرأ الموضوع ده علشان تشوف ثقافة بنات بلادنا عامله ازاى

http://www.nilemotors.net/nile/179893-a.html

انا كنت ناوى اجيب منه بعض المشاركات لأنه طويل وكبير اوى ما شاء الله 224 مشاركه
بس مارضيتش علشان ما نخرجش عن سياق الموضع بتاع اخونا طالب النصيحه
ونحول الموضوع لنقاشات جانبية بين الاعضاء بعيده عن صلب الموضوع الاساسى
ربنا يهدي ويصلح الحال
اميــــــــــــــــــــــــــــــــــــــن

[moha4tec]

انا قريت لينك الموضوع بتاع البنت اللى عاوزه تجوز و تخلف و تطلق و تاخد فلوس جوزها 8هههههههه بجد مش لاقى اى حاجه اقولها
بس صوابعك مش زى بعضها
البنت دى ممكن تعمل عقده للرجاله و تكرههم فى الجواز
حسبى الله و نعم الوكيل
ربنا يسترها علينا كلنا و لقيت تعليقات قويه جدا عليها ههههههه

[moha4tec]

نقلت الكلمتين دول فقط من كلامكم علشان صفحة الحوار ما تكبرش

والمفروض كنت نقلت كلامك كله علشان أكتبلكم بعده +++++++ 1


:10d5c8w1107::10d5c8w1107::10d5c8w1107:

:s_thum1[1]::b4_388::b4_388::b4_388:

مشكور جدا
كل بيت مليان مشاكل
و الراجل لازم يبقى حكيم على اد ما يقدر

[nona_yaris]

اولا الكلام ده بافتراض ان حكاية حضرتك محايدة ودقيقة
يعني ممكن اوي لو سمعنا الطرف الآخر نلاقي رؤية تانية مختلفة 180 درجة
وده طبيعي لان محدش بيشوف عيوبه
ولو شافها بيداريها
*
في حالة الخلافات الجوهرية دي ربنا اعطانا الحلول
ومنها الطلاق الذي قد يكون رحمة لكما ولطفلكما
والطلاق مش معناه قطع الحبل
بل يمكن ان يكون الطلاق الاول والثاني ابقاء على العلاقة بين الطرفين
اعمل زي ربنا ما قال حكم وحكم وان يريدا اصلاحا
لو مفيش توافق يبقي الطلاق الاول ومراجعة النفس للطرفين لمدة 3 شهور
وتشوفو هل حياتكم افضل بعيد عن بعض احسن ولا البعد اوجد نوع من الحنين ممكن يقرب الطرفين من بعض
لو مفيش فايدة يبقي الطلاق ومعاكم طفل خير من الطلاق ومعاكم اكتر من طفل
ولا تنسو الفضل بينكما
وارجع وأأكد تاني اننا سمعنا طرف واحد مش الطرفين
ممكن اوي لو سمعنا رأيها يبقي الوضع مختلف
اخيرا انوه اني قرأت المشاركة الاولى فقط لان الموضوع طويل ونظري ضعيف

[amr011111]

ياريت صاحب الموضوع يطمنا الى ما وصل ايه الوضع حاليا

[lanos2004]

طالما كانت اختيارك فى الاول تطلق ليه
استحمل ما صنعته يداك