حد اشترى لاب توب من اعلان التليفزيون

[ابو لؤى]

سلام عليكم ورحمة الله وبركاتة
عاوز اشترى لاب توب مش شرط يكون حديث اهم حاجه يفتح الفيس والميل والكلام العادى ده فابالصدفه فى التليفزيون بيجى اعلان عن لاب توب ب 1111 جنيه حد جربه قبل كده او يعرف مثلا مواصفاته او كويس ولا لا علما بأنه تقريبا استيراد والشركه اسمها فيوتشر بس انا حاسس ان السعر قليل اوى خايف يكون البطاريه تعبانه او كده يارب تساعدونى قبل ماتصل بيهم واشترى

[amdd]

حاسب وفتح كويس
اوعى تقرب من الاعلانات دى
اقولك متتفرجش على التليفزيون تانى

[ابو لؤى]

حاسب وفتح كويس
اوعى تقرب من الاعلانات دى
اقولك متتفرجش على التليفزيون تانى

ههههههههههههه انا مابتفرجش والله نادر لمه اقعد اتفرج على التليفزيون بس انا بصراحه بدور على لاب قبل ماتفرج ولمه لاقيت ده قولت كويس وبالمره يوفرو علينا موضوع النزول والتدوير ومعاك حق فعلا اغلب الاعلانات دى بتكون مضروبه بس مش جايز ده يكون مناسب لسعره ؟

[Ahmed_Ramadan]

منصحكش بالحاجات ديه ......... أنت عاوز حاجة فى حدود كام ؟؟

[ابو لؤى]

منصحكش بالحاجات ديه ......... أنت عاوز حاجة فى حدود كام ؟؟

1200 مثلا ولا قليل اصل انا عايزه للمدام لان الجهاز القديم واخد مساحه انما اللاب هيكون اسهل لو المبلغ قليل قولى ازود كام واجيب نوع ايه حتى لو مستعمل

[KemozTanta]

1500 ممكن تجيب جهاز مستعمل ديل او اتش بي ويكون نضيف كمان
اعلانات التلفزيون نصب * نصب .. البطارية زي ماقولت هتبوظ الاسبوع التاني عالطول غير مكوناتة اللي هتتحرق مع الوقت والحر اللي احنا فيه دا .. دا لابات اتش بي احيانا بتتحرق من السخونه ايش حال اللابات اللي بتتعرض ب1000 جنية ؟
انا بشوف الاعلانات دي وبضحك والله وبيصعب عليا الي يتصل ويشتري منهم .. انا كنت واقف في محل صديق لي بيبع موبايلات صيني .. بيبيع الحاجة وبعد مايمشي الزبون يقولي الموبايل دا في ناس بتاخده علي ماتروح يكون باظ .. اقوله طب بتبيعه ليه .. يقولي ماهو انا بقول للزبون ملوش ضمان وبجربهولة وبيشتغل تمام قدامة يبقي عداني العيب !!
دا نفس اللي بيحصل في اللابات ام ربع التمن دي وضمانها وهمي لان الشركة اساسا مش وكيل.

[aboomar22]

بص ياباشا لو عايز توب من الاجهزة الاستيراد والسعر بداية من 1000 جنية سيبك من التليفزيون عليك وعلى الوليد احسن مكان فيه اجهزة مستوردة وناس محترمة جدا فى الاستبدال والصيانة والتعامل عندك شارع ترعة عبد العال اول فيصل يعنى وانت نازل من الكوبرى تاخد اول يمين وبعد ماتخلص احمد ماهر بتاخد يمين 300 متر هو مشهور قوى هناك او فرع شارع العشرين فيصل او مول البستان

[ابو لؤى]

بص ياباشا لو عايز توب من الاجهزة الاستيراد والسعر بداية من 1000 جنية سيبك من التليفزيون عليك وعلى الوليد احسن مكان فيه اجهزة مستوردة وناس محترمة جدا فى الاستبدال والصيانة والتعامل عندك شارع ترعة عبد العال اول فيصل يعنى وانت نازل من الكوبرى تاخد اول يمين وبعد ماتخلص احمد ماهر بتاخد يمين 300 متر هو مشهور قوى هناك او فرع شارع العشرين فيصل او مول البستان

مشكور يا باشا والله هروح النهارده اللى فى موال البستان تسلم ايدك

[alking_2006]

ابعددددددددد عن اى بيع فى التلفزيون
كله نصب فى نصب

[ابو لؤى]

ابعددددددددد عن اى بيع فى التلفزيون
كله نصب فى نصب

مشكور ياباشا واضح ان الناس كلها اجمعت انى ابعد

[mo7eb elrasol]

انا عاندى محل كمبيوتر ومتوفر عاندى كل حاجة واتمنى انى اخدم حضرتك او اى حد من الاعضاء لكن للاسف انا فى العاشر من رمضان
ياريت بلاااااااااااش البستان 95% من الاجهزة هناك مضروبة ومتجمعة من الاجهزة التقطيع،لو فى حد تثق فيه كويس ومعروف انه عانده ضمير لو اشتريته منه بزيادة 50 جنيه افضل من انك تشترى من البستان او الاماكن ال زى كده

[ابو لؤى]

انا عاندى محل كمبيوتر ومتوفر عاندى كل حاجة واتمنى انى اخدم حضرتك او اى حد من الاعضاء لكن للاسف انا فى العاشر من رمضان
ياريت بلاااااااااااش البستان 95% من الاجهزة هناك مضروبة ومتجمعة من الاجهزة التقطيع،لو فى حد تثق فيه كويس ومعروف انه عانده ضمير لو اشتريته منه بزيادة 50 جنيه افضل من انك تشترى من البستان او الاماكن ال زى كده

طب خير ياريس اجيلك حتى لو فى الصين كفايه ان حضرتك من نايل موتورز ودى لوحدها ضمان قولى بقى مافيش لاب عندك فى الرنج ده ؟

[mando800]

طيب ما تشوف هنا في المنتدى قسم خاص بالبيع و الشراء لكل ما هو لا يخص السيارات - نايل موتورز - NileMotors.net

[ابو لؤى]

طيب ما تشوف هنا في المنتدى قسم خاص بالبيع و الشراء لكل ما هو لا يخص السيارات - نايل موتورز - NileMotors.net

مشكور ياريس دخلت ولاقيت اعلان لاب بس للاسف اتباع وربنا يبارك للى اشترى

http://www.nilemotors.net/Nile/357571-l300.html

[mo7eb elrasol]

طب خير ياريس اجيلك حتى لو فى الصين كفايه ان حضرتك من نايل موتورز ودى لوحدها ضمان قولى بقى مافيش لاب عندك فى الرنج ده ؟

ربنا يكرمك،و انا تحت امرك والله،ولو كده ممكن اقابلك ع الدائرى
بص انا لسة منزل بضاعة جديدة امبارح
الحاجات ال اسعارها فى الحدود دى ال موجودة دلوقتى
- thinkpad برام 1 جيجا وهارد ديسك 40 جيجا
ده جهاز P4 عملى ويشتغل ع النت زى الفل،بس عيبه ان الهارد بتاع ID مش sata
فلو الهارد باظ او حصل له اى شىء صعب انك تلاقى مكانه ولو لاقيت بيكون غالى.
ده سعره علشان خاطر حضرتك 925 ج

- HP 6910
ده بقا اكتر من ممتاز وحمار شغل ومفيش فيه اى مشاكل مع الاستخدام مفيش اى عميل اشتكى منه.
المواصفة
CPU:2/2 core 2 Duo
RAM 2G
H.D 80G sata
ده سعره 1375 ج

جميع الانواع حالتها العامة ممتازة والشكل الخارجى فابريكة،والبطارية اقل شىء ساعة.