موضوع للنقاش: ايهم اكثر اهمية الشهادات المهنية ام الاكايمية

[egyboy]

السلام عليكم

موضوع للنقاش ياريت الجميع يتفاعل معاه

الشهادات الاكاديمية والشهادات المهنية

كثير كورسات بنسمع عن

mba
cma
cpa
pmp
itil

::

ccna
ccnp
mcitp


تفتكروا ايهم اكثر اهمية شخص لديه ماجستير وربما دكتوراة ام شخص حاصل على ccnp او ccie

يعنى ممكن توصل لماجستير وتعمل دكتوراة وكل ده ربما يستغرق 10 سنوات مثلا !!

هيكون الجانب الاخر ربما قد امتلى ء شهادات قيمة جدا وربما تكون وصلت ccie

الواقع بيقول ايه :)

[beshomilan]

بص..هحكيلك تجربه انا شفتها شخصيا

كان معايا فى المدرسه فى اعدادى ولد كان مبهدل وكان فاشل وكل اصحابنا بيتريقوا عليه وكان يغش مننا فى الامتحانات وكانوا مسميينه بأسماء معفنه وهكذا

المهم مرت الايام وانا دخلت كليه تربيه عين شمس رغم انى بعشق الكمبيوتر جدا بس مجموعى مجابش حاجه كمبيوتر حكومه وكان الخاص على ايامى قليل وغالى نار

المهم اتخرجت وملقتش شغل وقلت اروح للمجال اللى حبيته وابتديت بال n+ وده كورس شبكات تمهيدى لكورسات MCITP و MCSE بتوع مايكروسوفت

واذ افوجأ ان اللى بيدرسلى الكورس هو الولد ده!!!!

فوجئت بمنظره والبلدله واللباقه فى الكلام والشياكه والشطاره فى المجال والانجلش الممتاز والشخصيه اللى بقت ممتازة والثقه بالنفس وحاجات كتير استغربتلها جدا

واتاريه كمان مشهور جدا فى مجال الشبكات وبيدرس فى اماكن مشهوره جدا وبيروح لشركات الاتصالات بالطلب
وبيدى دروس لمهندسين الشبكات الكبار بتوع الشركات الكبيره!!!!
كل ده وهو فى سن 22 سنه!! تخيل كل ده لواحد عنده 22 سنه!!
كان معاه A + و N+ و MCSE و MCITP و Win Server وكورسات تانى كتير اوى وكله بالشهاده الدولى وال ID بتاع مايكروسوفت

تخيله تناديله ب مستر بعد ماكنت بتتريق عليه!!!!

عرفت بعد ذلك ان اخوه صاحب المركز اللى رحت اخد فيه الكورس ده واخوه ده مهندس شبكات كبير وهو اللى علمه كل ده

نسيت اقولك كان خريج حقوق عين شمس وكانت على ايامى وايامه بتاخد ب 65%

[egyboy]

سبحان الله

لكل مجتهد نصيب وفعلا كل انسان عند قدراته الخاصة

وكل ما بيجتهد ربنا اكيد هيكرمه

والشهادات فعلا ليها ثقلها خصوصا لما بتكون عن فهم :)

ربنا يكرم الجميع

[prof2013]

بص..هحكيلك تجربه انا شفتها شخصيا

كان معايا فى المدرسه فى اعدادى ولد كان مبهدل وكان فاشل وكل اصحابنا بيتريقوا عليه وكان يغش مننا فى الامتحانات وكانوا مسميينه بأسماء معفنه وهكذا

المهم مرت الايام وانا دخلت كليه تربيه عين شمس رغم انى بعشق الكمبيوتر جدا بس مجموعى مجابش حاجه كمبيوتر حكومه وكان الخاص على ايامى قليل وغالى نار

المهم اتخرجت وملقتش شغل وقلت اروح للمجال اللى حبيته وابتديت بال n+ وده كورس شبكات تمهيدى لكورسات mcitp و mcse بتوع مايكروسوفت

واذ افوجأ ان اللى بيدرسلى الكورس هو الولد ده!!!!

فوجئت بمنظره والبلدله واللباقه فى الكلام والشياكه والشطاره فى المجال والانجلش الممتاز والشخصيه اللى بقت ممتازة والثقه بالنفس وحاجات كتير استغربتلها جدا

واتاريه كمان مشهور جدا فى مجال الشبكات وبيدرس فى اماكن مشهوره جدا وبيروح لشركات الاتصالات بالطلب
وبيدى دروس لمهندسين الشبكات الكبار بتوع الشركات الكبيره!!!!
كل ده وهو فى سن 22 سنه!! تخيل كل ده لواحد عنده 22 سنه!!
كان معاه a + و n+ و mcse و mcitp و win server وكورسات تانى كتير اوى وكله بالشهاده الدولى وال id بتاع مايكروسوفت

تخيله تناديله ب مستر بعد ماكنت بتتريق عليه!!!!

عرفت بعد ذلك ان اخوه صاحب المركز اللى رحت اخد فيه الكورس ده واخوه ده مهندس شبكات كبير وهو اللى علمه كل ده

نسيت اقولك كان خريج حقوق عين شمس وكانت على ايامى وايامه بتاخد ب 65%

ما شاء الله قصه جميله تعطي نوع من التفاؤل
ودايما تخلي المقوله دي في ذهنك لا تعير الناس بما ليس فيك فيعافيهم الله ويبتليك

[mohamed_selim]

المهم انك تعرف تطبق اللى بتدرسه سواء عملى او نظرى

[wawamoha]

بتهيالي المقارنه ظالمه
ده ليه مجاله. وده ليه مجاله
الاتنين هايوصلوك للنجاح بس المهم انت بتحب تعمل ايه وقادر عل ايه

[AhMeD EzZ]

الشهادة المهنية بدون تفكير ، اي تعليم تبع الحكومة سواء دراسة اكاديمية عادي او عُليّة بيقلك انساها اول ما تمسك اي شغل !

[Ahmed_Rahem]

بتهيالي المقارنه ظالمه
ده ليه مجاله. وده ليه مجاله
الاتنين هايوصلوك للنجاح بس المهم انت بتحب تعمل ايه وقادر عل ايه

فعلاً، كل شهادة ليها مجالها

وخصوصاً مجال العمل، فية تخصصات الشهادة الاكاديمية بتكون احسن وفية تخصصات تانية الشهادات المهنية احسن.
الفيصل مجالك اية، ومهنتك بتحتاج اية.

لو على المحاسبة والتجارة يبقى الشهادات المهنية على طول، والاكاديمية لو انت عايز تكون خبير اكتر. الشهادة المهنية بتخليك تعرف الموجود حالياً فى معايير المحاسبة مثلاً ولكن الشهادة الاكاديمية هتخليك تعرف لية المعيار اتحط كدة.

والى عايز يسأل على شهادات التجارة عموماً يتفضل يسأل

[egyboy]

فعلاً، كل شهادة ليها مجالها

وخصوصاً مجال العمل، فية تخصصات الشهادة الاكاديمية بتكون احسن وفية تخصصات تانية الشهادات المهنية احسن.
الفيصل مجالك اية، ومهنتك بتحتاج اية.

لو على المحاسبة والتجارة يبقى الشهادات المهنية على طول، والاكاديمية لو انت عايز تكون خبير اكتر. الشهادة المهنية بتخليك تعرف الموجود حالياً فى معايير المحاسبة مثلاً ولكن الشهادة الاكاديمية هتخليك تعرف لية المعيار اتحط كدة.

والى عايز يسأل على شهادات التجارة عموماً يتفضل يسأل

السلام عليكم

جزاك الله خيرااا

طيب انا لسه محدش جاوبنى انا تقدير جيد
هدخل دبلومة سنتين
ولا تمهيدى ما جستير سنة

وايه احسن مكان احضر فيه بسرعة ؟؟
القاهرة ولا عين شمس ولا حلوان

وكام مادة والتفاصيل دى يعنى وتقسيمها

شكرا ليك

[Shocky]

رأى إن الإتنين مهمين .. سواء الشهادات الأكاديمية أو الشهادات المهنية
مينفعش تستغنى عن العلم الأكاديمي وفى نفس الوقت لازم كورسات وشهادات مهنية

الفرق بين الإتنين من خلال تجربتى:
الأكاديمى: هو أصل العلم وهو المفهوم اللى اتبنى علية العلم المهنى .. بعضة مفيد فى الحياة العملية والباقى معلومات مهمة انك تكون عارفها كأساس

المهنى: مهم جداً للوظائف .. لازم شهادة مهنية حتى لو معاك ماجستير لإن الماجستير لا يعنى قدرتك على التعامل مهنياً مع مجال معين

حاول توفق بين الإتنين .. الأكاديمى مع المهنى هيخلوك مؤهل تشتغل فى شركات فى مصر وبرة مصر وفى وظائف كويسة .. ولكن لا تنسى فى وسط الإتنين دول .. الخبرة

وبالتوفيق إن شاء الله

[ams]

سواء فى الشهادات الاكاديمية او المهنية
هو انت هتدفع وقت و جهد و فلوس و هناخد علم و مركز اجتماعي و مادي و تسريع لمسارك الوظيفي و شبكة علاقات و خبرة حياتية فى الاحتكاك مع الناس

طبعا تاخد اى شهادة احسن ما تقعد فاضى

و انت اللى تعرف مجال شغلك هل هو فنى او بحثى او اكاديمى فأحسن لك الشهادات الاكاديمية (ماجستير و دكتوراة)و لا هو عملى تطبيقى فاحسن لك المهني (دبلومات او كورسات)

و ممكن مثلا يبقى شغلك عملى بس ظروفك مش سامحة بالشهادات المهنية فبدل ما تقف تاخد شهادة أكاديمية عقبال ما توفر اللى يخليك تقدر تاخد الشهادات المهنية الخاصة بشغلك

و طبعا اهم من اى شهادة هى الخبرة العملية من الشغل

المهم تسعى و ربنا يوفقك

[maka]

الشهادات الاكاديمية دائما وقتها يتعارض مع من هم يعملون فى مواقع او اعمال غير اكاديميية