سؤال عن مولد كهربا مركزي لعمارة؟؟؟

[ecybrarian]

السادة مهندسي المنتدى الكرام.... هو ينفع عمارة فيها 10 شقق تجيب مولد كهربا كبير علشان يشغل الاساسيات (لمبتين تلاتة موفرة..مروحة..شاحن موبايل) لكل شقة...المولد دا بكام ومواصفاته ايه؟؟
وربنا يعدي الصيف دا على خير...انا حاسس إننا عايشين في الهند

[AHMED12345678]

نصيحة منى وعن تجيربة هاتلك مولد هوندا واحد كيلو لشقتك يشغلك التلفزيون والريسيفر والمروحة والنور
بلا وجع دماغ مع الجيران

[hossam_elwani]

نصيحة منى وعن تجيربة هاتلك مولد هوندا واحد كيلو لشقتك يشغلك التلفزيون والريسيفر والمروحة والنور
بلا وجع دماغ مع الجيران

+1111111111111

[adelghanem]

حتلاقى 9شقق حتشغل التكييف فى الخباسه...............والماتور يولع

[KemozTanta]

فعلا ، مش هتعرف تسيطر علي استخدام الشقق و المولد هيبوظ بسبب حد و تبدأ مشاكل التصليح علي مين ومين السبب و في الاخر مش هيتصلح وهيترمي.
هاتلك حاجة لشقتك فقط

[Ahmed_Ramadan]

الرجالة قالت المفيد .... و الدليل على كده المواضيع اللى هنا فى المنتدى اللى بتتكلم على المولدات تلاقى الناس كلها عاوزة مولد يشغل تلاجة و غسالة و تكييف !!!! مع إن ده وقت طوارئ المفروض يبقى أخرك لمبتين و مروحة و رسيفر و تلفزيون و شكرا على كده

مش تكييف وتطلب مع الناس غسيل و الكهربا قاطعة

[M.Osama]

بالظبط كدا الشعب المصري ناصح بطبعه وهيشغل التكييف والغساله والتلاجه عشان الاكل ميبوظش اول ما المولد يشتغل

[M.Elwan]

بص فى الشغل لما كنا بنركب مولدات cummins كان المولد بيشيل احمال طوارىء فقط عن طريق عمل خطوط تغذية منفصلة للاحمال دى وشركةSHNIDER ELECTRIC عملت الموضوع كله وطبعاً بيبقى فيه وسائل حماية كتير للمولد عشان لو الاحمال زادت عليه فلو بتفكر فى حاجة زى كده لازم تجيب شركة تدرس الاحمال فى كل شقة وتعرفك حتحتاج مولد قدرته قد ايه والتوصيلات تتم ازاى وازاى تواجه مشكلة زيادة الاحمال فى الشقق عن الحد المسموح بيه

[drmsadek1979]

نصيحة منى وعن تجيربة هاتلك مولد هوندا واحد كيلو لشقتك يشغلك التلفزيون والريسيفر والمروحة والنور
بلا وجع دماغ مع الجيران

الاقيه فين وسعره كام؟

[ahmed1981]

عمارة فيها عشر شقق

كل شقة محتاجة مثلاً2 كيلو وات طوارئ (لمبة ثلاجة مروحة) يبقى كله 20 كيلو

إنت محتاج مولد حوالي من 25 إلى 30 كيلو فولت أمبير (kva)

سعره زمان كان حوالي 25 ألف جنيه (من الذاكرة من زمان وطبعاً الكلام إتغير)

هتحتاج مكان تحطه فيه
هتحتاج كهربائي يوصله على لوحة طوارئ فيها سكينة قلاب يدوي

لما الكهربا تقطع قبل ما نشغل المولد كله يطفي كل حاجة ما عدا مروحة وتلاجة ولمبتين (مش عارف هتنفذوا الكلام ده إزاي)

مش عارف أسعار اليومين دول كام

-

[mohammadrashee]

يا جماعة سؤال وممكن مهندسين الكهرباء يقولوا
في حلين للموضوع ده
اولا : يتعمل خط منفصل عشان مش كله يشتغل عليه
ثانيا : كل شقه تركب قلاب خاص بيها وقبل القلاب يركب حاجه زي فيوز يعني نقول كل شقه هتاخد 10 امبير يركب فيوز 10 امبير وبكده محدش يقدر يزود حمل
وطبعا الفيوز بره الشقه ومفتاحه مع واحد بس في العماره
ايه رايكو ؟؟؟؟

[M_Marwan]

نصيحة منى وعن تجيربة هاتلك مولد هوندا واحد كيلو لشقتك يشغلك التلفزيون والريسيفر والمروحة والنور
بلا وجع دماغ مع الجيران

بكام المولد ده يا أحمد بيه ؟؟

[AHMED12345678]

بكام المولد ده يا أحمد بيه ؟؟

شوف يا زعيم
انا لمل كنت بسأل عن المولدات فى شهر 11/ 2012 كان المولد الهوندا اليابانى 2 كيلو بكاتم صوت سعره 6000 جنية بضريبة المبيعات والضمان من توكيلة تريدكوا الصياد بشارع شريف

اما الواحد الكيلو كان تقريبا بحوالى 3000 جنية

بس الاسعار دى من شهر 11 /2012 انما دلوقتى اكيد غليت ونصيحة منى دة مش وقت شرا مولدات الى عايز يشترى يستنى مولد لازم يشترية فى الشتا علشان مفيش اقبال عليهم فى الشتا واسعارهم بتنزل جامد والمعروض بيبكون كتير