مقارنة غريبة شوية بس محتاج رأيكم

[Ashraf_Ibrahim]

من اقل من شهر كدة كنت ببحث عن موبايل والحمد لله جبت
LG L5 Dual E516
موبايل رائع الحقيقة

المهم فيه فرصة ان هيجيلي موبايل من السعودية
انا محتار ما بين اتنين
طبعا مش هيجيلي ببلاش يعني هدفع فلوسه بس اعتقد ان فرق السعر بين مصر والسعودية يشجع ان الواحد يفكر يغير موبايله ويبيع ال LG دا :D
دلوقتي فيه السامسونج جراند
دا هيكون عامل تقريبا 2150 مصري وهو هنا بيعمل 3000 تقريبا
وفيه السامسونج اس 3
ودا هيكون عامل 2700 تقريبا وهو هنا بيعمل تقريبا 3700
الميزة الوحيدة في الجراند انه خطين
فهل اجيب الجراند واللا اجيب الاس 3 واجيب موبايل تاني اي كلام احط فيه الخط التاني ؟!
ما رايكم دام فضلكم !

[adelghanem]

لوبتتكلم اوبتستقبل مكالمات كتير على الخطين خليك فى ال جى ,لوخط واحد مهم والتانى مش كتير هات السامسونج

[Ashraf_Ibrahim]

فيه فارق كبير في الامكانيات بين الال جي والسامسونج :]
انا خلاص تقريبا قررت اغير من الال جي عشان السامسونج امكانياته اعلى كتير الحقيقة
بس هي الفكرة انهي سامسونج فيهم ؟!
الجراند واللا الاس 3 !
الحيرة هنا بقا !

[mr_green]

أنا ماشوفتش الجراند قبل كده بس لو بصيت على مواصفاته فى اللينك ده
Samsung Galaxy Grand I9080 vs. Samsung I9300 Galaxy S III - GSMArena.com

و ركزت على الشاشة أعتقد إن ماينفعش تقارنه خالص بال S3 عصر الشاشات ال TFT مات و إنتهى من زمان

نصيحة أخوية لو عايز تغير هات ال S3 or S4 not grand

[blazer]

متعرفش ال s advance, s2 , s2 plus يعملو كام فى السعوديه ؟
لان انا كمان عاوز اشترى موبايل و مش عارف اسعارهم كام هناك

[beshomilan]

بلاش ال lg شاشته سيئه جدا عكس ما انت متوقع وبيهنج كتير كذلك
ال s3 افضل بكتييير

[Ashraf_Ibrahim]

يعني حضراتكم اتجاهكم للاس 3
طيب نشوف رأي باقي الاعضاء ويا مسهل الحال :d

[hazoom2006]

دة حاجة ودة حاجة ال s3 اعلى فى البروسيسور وفى جودة الشاشة ورزليوشن الشاشة وحجمة معقول جداا
الجراند مميز فى انة خطين

عموما ماتستعجلش سامسونج هتنزل حجات كتير الفتره الجاية اختار مابينهم طالما ال LG شغال معاك تمام حاليا

[Ashraf_Ibrahim]

دة حاجة ودة حاجة ال s3 اعلى فى البروسيسور وفى جودة الشاشة ورزليوشن الشاشة وحجمة معقول جداا
الجراند مميز فى انة خطين

عموما ماتستعجلش سامسونج هتنزل حجات كتير الفتره الجاية اختار مابينهم طالما ال lg شغال معاك تمام حاليا

ممكن المقارنة متكونش متكافئة فعلا
مممممممممممممممممم
يعني اديها اس ثري وخلاص واللا اعمل ايه :d

[wael30003]

انا اختى متزوجة ووساكنة فى جدة

وجابت الجراند

وبتشكر فيه

بس انا لسه ما شفتوش

لانها لسه ما نزلتش

[sayed911]

انا شايف انه الـ s3 :)

[moudy88]

انا كنت محتار زيك كده ...بس فرق الشاشه tft هيفرق جامد ..وعلشان قررت اجيب ال s3 من السعوديه برضه بس المشكله ان الريال بقى ب 2 جنيه تقريبا