شعورك ايه وانت بتتفرج على مجلس الشورى وهوا بيتحرق؟

[Goodle]

[COLOR=darkred]
مش عارفه ليه حاسه بعد فتره هسمع الخبر التالى (( تمت هدم و ازاله انقاض مجلس الشورى المنكوب ))
ويدخل الوليـــــــــــد بن طلال يشترى الارض وهـــــــــــوب تلاقى فندق 500 نجمه
او السفاره الامريكيه او غيرها

وممكن تبقى السفارة الإسرائيلية كمان !!!
واحنا كلنا فاكرين من سنة فاتت القصة بتاعة المبني بتاع الجامعة الأمريكية اللي كان في كلام إن السفارة ناوية تشريه عشان تبقى متربعة في ميدان "التحرير"
ويالها من مفارقة بين اسم الميدان وقاطنته الجديدة (سفارة أبناء العم)

[Goodle]

يا جماعة آراءكم كلها لها احترامها و تعكس مدى وطنيتكم ¤¤¤

الثانية : الناس اللي اتكلموا عن الجيش _ _ _ ما يصحش أبدا اللي انتوا قلتوه خاصة إن الجيش هو أكثر مؤسسة في الدولة انضباطا و كفاءة و حتى لو كان كلامكم صحيح (مع إني ما اعتقدش إنه صحيح) برضو ما ينفعش نقول كده _ _ _ دي من أساسيات الوعي الأمني و الحرب النفسية _ _ _

ما هو الجيش عبارة عن مين : أنا و انت و فلان و فلان كل المصريين _ _ _ لما نبقى مش واثقين كده نبقى مش واثقين في نفسنا و ما ننساش إن جيش مصر هو الجيش الوحيد اللي مدحه النبي صلى الله عليه و سلم

لو هاتتكلم عن الناس اللي مش واثقة من نفسها ومش واخدة بالها من اساسيات الوعي الأمني والحرب النفسية.. يبقى حضرتك المفروض تفتكر إن في حاجة برضه اسمه الشؤون المعنوية
ودي اللي من همومها ترفع من همة الناس
وتدور إيه اسباب عدم ثقة الناس بالبلد وتحلها وتحسن من احساس الناس وشعورهم بالبلد
لو انا غلطان في اللي بقوله (من بقية أساسيات الوعي الأمني والحرب النفسية) يبقى اكيد
الغلط ده وصل ليا ولغيري
يا سيدي الفاضل لما الناس حاسة كده.. إيه اللي وصل الناس للحالة دي
واللي بيتابع كده من المسؤلين عملوا إيه عشان يغيروا من الإحساس العام ده

تقبل خالص احترامي لمداخلتك
وشكرا على سعة صدرك

[جمال]

مساعد الشرطة اللى مات فى الحريق ( الله يرحمه و يصبر اهله ) ماحدش قال كان بيعمل ايه فى الدور الثالث اللى فيه المكتبة اللى فيها المستندات المهمة و التى قيل انها تضم قضايا فساد كبرى ضد بعض الكبار و الواصلين
وكان لوحده ياترى كان بيعمل ايه , وكان فى ايده بشبورى مطافى لوحده , ولا عود ......
علما بان فيه وحدة اطفاء خاصة بالمجلس و موجودة داخل المجلس
وكان فين زمايله علشان ينقذوه او حتى يسحبوه برا الانهيار
علما برضه ان ماكانش حد عارف مكانه لغاية مالقوه بعد 7 ايام
اسئلة كثيرة خطرت ببالى تحتاج لاجابات واضحة وشفافة و الاهم مقنعة
مش زى ان اللى كان عايز يحرق كان يحرق من تحت !!
لأ اللى بيحرق يحرق المهم و المطلوب حرقه