موقف غريب جداااااا إتضايقت منه شخصيا

[miceg]

السلام عليكم ورحمه الله وبركاته
إمبارح كنت سهران في كافيه مشهور في الحي السابع م نصر
وكان فيه 4 قاعدين ظباط وفرحانين باللاسلكي اللي معاهم
المهم كانو بيهزرو مع الجرسون والجرسون بطبيعته لازم يهزر ويعمل علاقة كويسه عشان انت متحسش ان المكان تقليدي
المهم فجأة راحو شاتمين الجرسون عشان طوّل معاهم في المكان بحجة انه قال كلمة دايقتهم
وهاتك ياستعراض فالواد والفاظ بالاب وألام أوسخ ما ممكن تسمع ودانك
المهم الواد جه عشان يتأسف قالو مش عاوز أشوف وش أمك غور من قدامي
جه المفروض مدير المكان عشان يراضيهم ويافندم وكده وبيقولو حقك عليا ياحبيبي وكده
بحكم إن الظابط سنه صغير قاله حبيبك ! المهم يعني ولا كإنه الرئيس
والله لو الرئيس مش هيبقا بالقذارة والسفالة دي
عنجهية مالهاش مثيل

المهم ياريت سكت على كدة
ده طلبله عربية النجدة وجم خدو الواد من مكان شغله والمدير قعد يتفرج
ولما روحت سألت المدير لاني مكنتش متأكد إنهم خدوه ولا سابوه
خاصة ان اصحابه كانو بيتحايلو على الظابط إنهم يسيبوه
قاللي اه خدوه عشان هو غلط معاهم
يعني ماشاء الله الناس مشغلين المكان فبدل ماتحميهم من ديكتاتورية الجهاز العقيم اللي عمره ماينضف لا ده إنت بتزايد على الاصطف بتاعك .. المفروض انهم بياكلو عيش وبيكسبوك
هل النتيجة انه مايلاقيش حد يحميه من بلطجة الداخلية
الموقف ده لما حصل قدامي والله والله قولت يستاهلو اللي حصل معاهم في أحداث يناير الف مرة ومرة
لما كانو بيتفتشو فاللجان الشعبية زيهم زي المواطنين
منكرش إن فيهم محترمين إلا مارحم ربي
إنما معظمهم عاوزين يتولع فيهم بجاز
عرفتو ليه مافيش أمن فالبلد
عشان يطلعو يقعدو فالقهاوي
عشان هما عاوزينها فوضى عشان الناس تتمسح فيهم ويقولو حقنا برقبتنا
ويرجعو يملو الفراغ النفسي اللي عاشوه
انا اخدت موقف ساعتها انا واصحابي وقومنا من عالكافيه ده واتفقنا ان محدش هيقعد عليه تاني
ووصلت رسالة لمدير المكان بإختصارها ان انت راجل .............. :d

[adelghanem]

يا ابن الحلال مافيش فايده اللى فيه طبع مايغيرهوش هما هما راضعين الكلام ده فى الكليه بل بالعكس الثوره خلتهم ناقمين اكتر على الشعب..والله كل ماأفكر فى طريقه ازاى يتعدل حالهم ملاقيش.........مفيش فايده

[ابو لؤى]

زمااااااان اوى كنت شغال فى فندق 5 نجوم كانو بيقولولنا بلاش تهرج حتى لو العميل بيهرج يدوب تبتسم وبلاش كوره وسياسه المفروض الولد ده مكانش قعد يهرج مع الزبائن كده

[blazer]

فيه ضباط وأمناء قمة فى الادب الاخلاق والانضباط و لما بشوف حد منهم فى لجنه بيتعامل بإحترام مبمشيش غير لما اشكره و ادعى له كمان واقله ربنا يعينكم
انما كتير اوى اوى امناء وضباط قمه القذاره فى التعامل وقله ادب ملهاش مثيل وتبقى عاوز تنزل تضربه بلجزمه على دماغة عشان مش متربى وجاى يعمل فيها لواء على الناس الغلابه وهو بيبقى زى الصرصار مع الرتب الكبيره

[eslamrace]

فى حلول كتير منها مثلا يتم تاهيل الاربع دفعات اللى فى الكليه دلوقتى بطريقه سليمه ويدرسوا مناهج محترمه واولها حقوق الانسان وبعد كده فى خلال السنه اللى جايه هيبقى فى كم كويس من الظباط الشباب المحترمين ويتم تصفيه القيادات المعروفه بعنجهيتها بالتدريج فى خلال 3 سنوات ويتم تقليل صلاحياتهم خصوصا الادارات زى المرور وتبقى زى الموظفين فى الدوله زى الدول المحترمه انه يثبت المخالفه وبقدر الامكان تكون متصوره ويحولها للقضاء ويتم اخطار صاحب المخالفه بالجلسه ويتحاسب على غلطته بالدلائل بما لا يدع مجالا للاعتراض وتتشدد الرقابه عليهم من جهاز شعبى غير حكومى ويتحقق فى تعليقاتهم .

على فكره الشرطه مش اختراع ممكن نبص للاجهزه الشرطيه بره مصر وناخد اللى يناسبنا ونطبقه عندنا.

[beshomilan]

هما كده ومش هيتغيروا
مع العلم فعلا ان فيه منهم محترمين وبيراعوا ربنا
بس الاغلبيه سيئه وبالذات الجيل الجديد بتاعهم والجيل الكبير اوى فى السن
انما الوسط فى السن معتدلين

[rahmanboud]

معظم الضباط الجدد داخلين الكليه أصلا بالواسطة أو الفلوس يعنى من البداية معندهمش مبدأ وأخدوا حق فيه غيرهم أحق منهم به من الكفاءة واللياقه البدنيه والذكاء الى آخره وهى دى عينة ضباطنا
من الآخر بلاش تستغرب من اللى حصل لأنه طبيعى بالنسبه لأمثالهم - كل ما فى الأمر إنهم مش عارفين يمارسو سلطاتهم على البلطجيه والمجرمين فبيحاولوا يشبعوا النقص اللى فيهم مع الغلابه

[horas3000]

معلش
بغض النظر عن الموقف نفسه و استفزازه و ان الجرسون فعلا غلطان لانه هزر مع الزباين خصوصا انهم ظباط زي ما بتقول
بس انت كنت متوقع صاحب المكان يعمل ايه
و هو عمل ايه اكتر من اللي انت و صحابك عملتوه

احنا في بلد مفيهاش قانون و الحقوق ضايعه
فمتلومش حد علي سلبيته

[m7med_dola]

هما بيشوفو الرتب الكبيرة بتعمل كده انا اعرف ضابط بيروح توكيل مقار بتاع اوبل و بيصلح العربية ببلاش و يمشي عااااااااااااادي عشان هوه في المرور تخيل بقي الملازم هيعمل اية

[blazer]

الجارسون ممكن يكون هو الى غلطان
وصاحب المحل خايف على نفسه و الجبن سيد الاخلاق
انما المشكله فى تصرف الضابط الى المفروض هو يكون اكتر واحد ماسك اعصابه وعارف بيتصرف ازى

[RAPID]

ديل الـ dog

[miceg]

معلش
بغض النظر عن الموقف نفسه و استفزازه و ان الجرسون فعلا غلطان لانه هزر مع الزباين خصوصا انهم ظباط زي ما بتقول
بس انت كنت متوقع صاحب المكان يعمل ايه
و هو عمل ايه اكتر من اللي انت و صحابك عملتوه

احنا في بلد مفيهاش قانون و الحقوق ضايعه
فمتلومش حد علي سلبيته

ماهو ياريس الموضوع كان الساعه 1.30 صباحا
الاصطف بتاع المكان كبير يعني حوالي 8 رجاله
ولو كان في بوادر منهم تقف قصاد الظابط
كان أكيد الواحد هيقف معاهم
انما المشكلة فالسلبية الخطيرة
لو مدير المكان كان شد فالكلام كان الاصطف هيتحامى بيه
لكن حصل العكس
وبصراحة من السلبية الخطيرة الواحد معرفش يعمل إيه
لو كان الموضوع قبل الساعة 12 فعز الزحمة انا متأكد ان الظباط دول كانو هيتعلمو الادب من الزبائن
إنما المشكلة ان الكايه كان فاضي
فعشان كدة كانو سايقين دلالهم

[horas3000]

ماهو ياريس الموضوع كان الساعه 1.30 صباحا
الاصطف بتاع المكان كبير يعني حوالي 8 رجاله
ولو كان في بوادر منهم تقف قصاد الظابط
كان أكيد الواحد هيقف معاهم
انما المشكلة فالسلبية الخطيرة
لو مدير المكان كان شد فالكلام كان الاصطف هيتحامى بيه
لكن حصل العكس
وبصراحة من السلبية الخطيرة الواحد معرفش يعمل إيه
لو كان الموضوع قبل الساعة 12 فعز الزحمة انا متأكد ان الظباط دول كانو هيتعلمو الادب من الزبائن
إنما المشكلة ان الكايه كان فاضي
فعشان كدة كانو سايقين دلالهم

تمام يا باشا
طب ليه ميبقاش العكس
لو كنت و صحابك و قفتوا ليهم كان ممكن باقي الناس و المدير بالصطاف يقفوا وراكم
و وحياتك لو الساعة 9 و الكافيه علي اخره محدش كان هيعمل حاجه
الناس خلاص فقدت روح التعاون و الانسانيه الا من رحم ربي

انا مش بلومك علي فكره انا في الاغلب كنت هعمل زيك بالظبط
بس انا بوضح ان المنظومة كلها بايظه
و محدش دلوقتي عايز يوجع دماغه و يدخل في حوارات ملهاش لازمه

كمان المهم الواد قال للظباط ايه حتي و لو بيهزر

و عموما اراهنك لو رحت الكافيه هتلاقي الواد الجرسون موجود
هتلاقيه بس خد علقة و اتهزق و طلع
ما هو ده اخرهم

[dedi]

ماتلومش المدير اكيد موش عاوز و جع راس و صداع انت عارف لو طول فى الكلام كانت سوف تنزل علية محاضر تموين و صحة و حضرتك عارف المحضر بكام غرامتة 10000 ايوة 10000 جنية مصرى و حبسسسسسسسسسسسسسسسسسسس 6 شهور لو حضرتك مكانة او انا كنا سوف نولع فى الجارسون بجاز و سخ و سوف نقول خلينا جنب الحيطة كفاية مشاكل و خلينا ناكل عيش عارف كام جهة تفتش على الكافية 17 جهة تقريبا و يبقى لم فى المحاضر
عرفت لية المدير باعة صدقنى اى و احد مكانة كان هايعمل كدة و علمونا لا تسال الزبون عن سنة و ديانتة ولا تهزر و ترفع التكليف معة دى قواعد عمل الجارسون

[samyyousef]

واضح أن عامل المقهى أخطأ خطأ كبير و الا ما تركه صاحب المكان و ما كان ليعتذر ...بالعكس الناس حاليا اتجرأت جدا حتى لو هم المخطئين...فمن خلال عرض صاحب البوست اعتقد أن هناك امر غير مفهوم بدر من العامل

اما بالنسبة لما جاء في البوست من أن حلال ما حصل للشرطة اثناء الثورة ..فللأسف الذي دفع فاتورة ما تعرضوا له هو المواطن..اما هم فزادت مرتباتهم

المضحك في هذا الأمر أن سيارة النجدة وصلت في ميعادها