هل أنا مجرم

[reda elgohary]

الموضوع باختصار كنت ماشى بالموتوسيكل من طريق فيه كمين للمرور وأنا داخل عالمرور أفتكرت أن انا رايح الشارع اللى قبل الكمين لآن ده هيوصلنى أسرع ،وقفت ورجعت لقيت أمين شرطة بينادي عليا وقفت وبعدين رحت له بالموتوسيكل ،المهم شاف الرخص والبطاقة وكارنيه الشغل،،لحد كدة مفيش مشكلة ،،المشكلة أنه عاوز يفتش الشنطة ولما أعترضت قال لى طب تعالى للظابط قلت الموضوع هياخد وقت وأنا مستعجل ،قلت له طب هات الرخص والبطاقة وبعدين خد الشنطة،المهم فتش الشنطة وقال لى مع السلامة : أنا عاوز أعرف هل يحق له تفتيش الشنطة ولا لأ ؟؟ بالله عليكم أفيدونى لآنى محروق دمى فعلا .

[Dr.Mostafa Anwar]

للأسف تصرفك خلاه يشك فيك خاصة إن اليومين دول الدنيا لبش ومعظم اللي راكبين موتسكيلات "الصيني بالذات"مسجلين خطر وبلطجية وديلرز .. لكن قانونيا أظن مش من حقه يفتشك إلا بإذن من النيابة

[reda elgohary]

عندك حق

للأسف تصرفك خلاه يشك فيك خاصة إن اليومين دول الدنيا لبش ومعظم اللي راكبين موتسكيلات "الصيني بالذات"مسجلين خطر وبلطجية وديلرز .. لكن قانونيا أظن مش من حقه يفتشك إلا بإذن من النيابة

أنا معايا رخصة قيادة موتوسيكل ومرخص الموتوسيكل بتاعى وكل ورقى سليم ،،أنا متضايق عشان موضوع تفتتيش متعلقاتى .هل ده يجوز؟؟؟

[Ahmed_selmy]

هو فعلا تصرفك اللى خلاه يشك فيك.......بدليل انه لما ملقاش حاجه وكله تمام خلاك تمشى علطول, بس قانون بصراحه معرفش.

[graffittiii]

بص ياباشا حط نفسك مكانه ...

واحد كان داخل علي الكمين وفجأة وقف ولف يدخل من الشارع اللي قبله .

يبقي يإما مش معاه رخص يإما معاه حاجة خايف يدخل بيها الكمين .

هو لو معملش كده يبقي وقفته زي عدمها .

وأنا عن نفسي مش شايف أن في مشكلة أن ضابط يفتش الشنطة طالما أنا عملت حاجة مثيرة للإشتباه

ماتخدش الموضوع بحساسية المفروض تفرح أنه أهتم يعرف في إيه .
.

[reda elgohary]

والله يا جماعه أنا معنديش مشكلة أنه شاف الرخص ،،بس بصراحة حسيت أن أنا مجرم وبتفتش،،ع فكرة أنا كنت ظابط ف الجيش برتبة ملازم أول .

[KemozTanta]

طبعا تصرفك يتفهم انه هروب من الكمين ! يبقي خايف من حاجة فاوقفك.
وعموما قانوناً مش من حقة يفتشك شخصياً او يفتش الشنطة لكن من حقة يحتجزك لصدور أذن النيابة
يعني كان ممكن تتمسك برفضك تفتيش الشنطة وهو يتمسك باحتجازك للأشتباه لحد صدور اذن نيابة.. ايهما اقرب بقي يفتشك وتطمنة ونخلص ولا نستني اذن نيابة ونفضل في القسم يوم ولا اتنين
قول الحمد لله ان في كماين ومفتحة عينيها.

[graffittiii]

،،بس بصراحة حسيت أن أنا مجرم وبتفتش

ياباشا طيب ماهو الناس كلها بتتفتش في المطار ... معني كده أن كلهم مجرمين !!! .

[reda elgohary]

عندك حق أقنعتنى .

[hussein]

طبعا مش من حقه يفتشك ولا يحتجزك
ولو احتجزك دى جريمة

[mahmoud_afifi]

طالما انت ماشي صح واتفتشت مافيش مشاكل. انا كل يوم بتفتش والعربيه بتتفتش في نفس الكمين :d
مره بهزر مع الظابط بقوله هو كل يوم تفتشوني ومش بتلاقوا حاجه :d
قالي ما يمكن النهارده نلاقي :d
بهزار والموقف عدى وماكملش تفتيش اساسا ومشاني. عادي كبر دماغك

[m_elkhishin]

انا شخصيا معنديش أي مشكلة اني اتفتش خصوصا في الظروف اللي بتمر بيها البلد۔
اللي يفرق معايا جدا اسلوب طلبه للتفتيش۔ لو محترم وبيطلب مني بذوق اديله عيني۔ لو قل ادبه او احترامه اديله بالجزمة۔

[dedi]

عادى ياباشا الموضوع بسيط و كويس انة فى وعى

[tamertamer]

قانونا لا يجوز الا فى حالة التلبس فقط بس فى محاضر بتتظبط
يعنى بيكتب فى المحضر مثلا وانت بتطلع البطاقة من المحفظة وقعت حاجة الحيل كتير بس وكيل النيابة مش اهبل وبيطلعك منها هى غلاسة سلطة تنفيزية ومتنساش انة بيفرض السواء حتى يثبت العكس

[wawamoha]

ياباشا ماتخدهاش بحساسيه ...اعذره من اللي الداخليه بتشوفه لازم يعملم كده
عموما كنت وضحتله النقطه دي للظابط علشان يبقى فاهم و ماتبقاش انت واقف زعلان
كمان الاهم بقى حصل منهم اي تجاوز لفظي ؟ لو لا يبقى الناس بتادي عملها و لهم مننا التحيه
لو اه يبقى موضوع تاني