كنت هتثبت فى عز الزحمه

[Abo Yasso]

مش اغلبها ولا حاجه ممكن ببساطه جدا الكل يلتزم ولكن محتاجين نتعب شويه والحكومه تتعب كتير انما للاسف محدش عاوز يتعب خالص
هقولك على حاجه فى عز الايام السودا اللى احنا فيها دى جالى عرض سفر وعرض ممتاز
ولكن رفضته لسبب واحد انى مش هشوف ابويا وامى وهما مش هيشوفو اولادى فهل جزاتهم بعد كل اللى عملوه علشانى انى احرمهم من انهم يشوفو احفادهم غير مره او اتنين فى السنه بصراحه هما مايستاهلوش كده

[mado83]

الحمد لله علي سلامتك يا صديقي
و ربنا يريحينا من الاشكال الضاله دي بقي
و اجدع حاجه انك بلغت و لو ان الامل شبه معدوم انهم يعملوا حاجه

و اتعود متحطش حاجه مهمة في مكان مكشوف
ولاد التييييت مش عاتقين حد

الله يسلمك يازعيم وبصراحه انا قولت ابلغ يمكن ولو بنسبه واحد فى المليون ان حاجه تحصل وحد يروح هناك يعملهم كمين ويظبطهم زى مابنقرا فى الجرايد ان الشرطه عملت كمين لمش عارف مين وظبطتهم

[محمود السيد]

بجد موضوع مفيد واحسن درس نتعلم منه انك تكون قارى كل الى حوالك وانت فى عربيتك مش قاعد تسب وتلعن من الحر وتفكر فى مديرك والللللللللللللللللل وعلى رائ الى قال عذيزى قائد السيارة لا تنشغل بغير الى حواليلك من .........ولاد التتتتتتتتتتتتتتتتتتتتتتتتتتتتتتتتتتتتتتيت واللهم احرصنا بعينك التى لا تنام واحفظنا بذكرك الزى لا يضان

[mado83]

بجد موضوع مفيد واحسن درس نتعلم منه انك تكون قارى كل الى حوالك وانت فى عربيتك مش قاعد تسب وتلعن من الحر وتفكر فى مديرك والللللللللللللللللل وعلى رائ الى قال عذيزى قائد السيارة لا تنشغل بغير الى حواليلك من .........ولاد التتتتتتتتتتتتتتتتتتتتتتتتتتتتتتتتتتتتتتيت واللهم احرصنا بعينك التى لا تنام واحفظنا بذكرك الزى لا يضان

على فكره هيا مش فهلوه ده ستر من ربنا ودعاء الوالدين مش اكتر

[friendship7897]

كفاية الخضة
أنا حصل لي التثبيت دا إمبارح
ولاغية دلوقتي متوترة من الموقف
وحاسة إن قلبي بيدق لاغية دلوقتي
كنت على الطريق الدائري الساعة 9 تقريباً من المعادي إلى مدينة نصر
وجالي تليفون من أبني الصغير ودا بالذات لو أتصل برد عليه حتى وانا سايقة
فأضطريت أعمل فلاشر وهديت السرعة وأخدت اليمين
لاقيت عربية عاليه مش عارفة جيب أو أيه ( مميزتهاش علشان الضلمة ونوره العالي )
فيها شباب وكسروا عليا اليمين ، ولاقيت الباب اللي ورا أتفتحت عندهم
وكان رد فعلي الغير متوقع لأني جبانه بطبعي
لما حسيت أنهم هيجو أدامي رميت الموبايل من إيدي وفرملت فرملة جامدة ورجعت مرشيدير حته صغيرة وروحت مهوشاهم كأني هخبط الراجل اللي نزل من الباب اللي ورا أو أخبط عربيتهم .
وحد منهم زعق بس ما سمعتش قال أيه : من غيظه ( تقريباً شتمني )
وعلى فكرة رد فعلي دا كان من موضوع عمله أحد الأعضاء هنا في المنتدى
كان بعنوان هتعمل أيه لو حد حاول يثبتك ( أنا أسفة لصاحب الموضوع لأني مش فاكرة أسمه ) بس لو لاقيت الموضوع هرفقه في مشاركة قادمة لأن الموضوع دا بجد أثر على قراري ، وكنت ممكن أتوقع أن حد عايز يسأل على شارع وآخد الموضوع بصفي نيه
( فعلاً ولاد الحرام مخلوش للولاد الحلال حاجة )
صحيح مقولتناش يا أ/ مادو ( رميت كيس الزبالة ) اللي على الكرسي - ههههه
حمد الله على سلامتك
والحمد لله

[friendship7897]

لاقيت الموضوع

http://www.nilemotors.net/Nile/335930-a.html

[mado83]

صحيح مقولتناش يا أ/ مادو ( رميت كيس الزبالة ) اللي على الكرسي - ههههه
حمد الله على سلامتك
والحمد لله

الله يسلمك
انتى عملتى زى يحيى الفخرانى لما كان بيقول لمحمود عبد العزيز
انته جاى تعزى ولا جاى تهرج قاله لا انا جاى اهرج

[Ahmed_selmy]

ربنا يستر علينا ......البلد فعلا بقت كلها حرميه.....امال فين الشعب.

[tota_ys]

على فكرة المنطقه دى كلها حرميه اتسرقت هناك ايام ما كنت فى الجيش

[miceg]

الحمد لله ان ربنا سترها معاك
اول حاجه بعملها فعلا اني اقفل الزجاج والابواب
وابقا حر نفسي جوة العربية

[Khaled Online]

حمدا لله على سلامتك وشكرا للتنبيه
ياريت كلنا أول ما نركب العربية بعد ما نهويها نفتكر نقفل السنتر والإزاز اللي ورا واللي جمب السواق واللي معاه حاجة مايحطهاش على الكرسي لأ خليها في الglove box أوعلى الأرض أحسن أهي مستخبية شوية
اللي عجبني إنك قلتله فداك المراية! هههههه لعيب والله!

[mado83]

استمرار لعدم وجود اى شئ فى البلد
وانا راجع فى نفس اليوم اللى حصل فيه الموضوع بس بالليل الساعه 10.30
على طريق مسطرد عند مخزن بيبسى المكان ده كان بيتعم فيه كمين زمان
معدى لقيت على شمالى اتنين او تلاته مقنعين والالى فى ايديهم والضرب زى مايكون بومب العيد على عربيه او على العربيات واللى يطولوه ياخدوه طبعا انا كنت بقول يافكيك
بس لقيت حاجه حلوه اوى ان فى عربيات ركنت واللى فيها نزلو اى نعم كانو نازلين اللى بمفك واللى باللوك بتاع الدريكسيون واللى اخدو منه العربيه انا سامعه عمال يقول ياحكومممممممممممممممه بالظبط اللى بحكيه ده شوفته بينى وبينهم متر واحد اللى هو الحاجز اللى فى نص الطريق فى مده 3 ثوانى

لك الله يامصر

[Khaled Online]

بس لقيت حاجه حلوه اوى ان فى عربيات ركنت واللى فيها نزلو اى نعم كانو نازلين اللى بمفك واللى باللوك بتاع الدريكسيون

يعني نازلين يضربوا اللي معاهم آلي؟ كويس بس مفك قدام آلي؟!

[mado83]

يعني نازلين يضربوا اللي معاهم آلي؟ كويس بس مفك قدام آلي؟!

خد بالك من حاجه مش مهم نازل معاه ايه المهم انه كان ايجابى ونزل
عارف لو بس العربيات ركنت كانو العيال دول هيجرو ومش هياخدو عربيه الراجل

[Khaled Online]

خد بالك من حاجه مش مهم نازل معاه ايه المهم انه كان ايجابى ونزل
عارف لو بس العربيات ركنت كانو العيال دول هيجرو ومش هياخدو عربيه الراجل

أكيد بس ده مش حل جذري ولا شغلة المدني. ياريت الشرطة والداخلية تفوق بقه ولا لسه واخدين على خاطرهم من الثورة! مرتباتهم زادت والداخلية بيجيلها مساعدات مالية مش قليلة خالص ده غير ميزانية الوزارة اللي يمكن أكبر ميزانية في البلد بعد الجيش سواء قبل أو بعد الثورة ومع كل ده متلاقيش ضابط في الشارع. كل اللي موجودين أمناء وعساكر لا بيهشوا ولا بينشوا. الداخلية ملهمش عذر ولا حجة.
ومحدش يقولي مهو خايفين من البلطجية ومن السلاح اللي اتسرق! حضرة الضابط اللي خايف، يبقى قبل ما يروح من شغله يعدي على محل عبايات وطرح يجيبله طقم يلبسه ويقعد في بيتهم أريح. أففف