كنت هتثبت فى عز الزحمه

[Khaled Online]

خد بالك من حاجه مش مهم نازل معاه ايه المهم انه كان ايجابى ونزل
عارف لو بس العربيات ركنت كانو العيال دول هيجرو ومش هياخدو عربيه الراجل

كويس بس ده مش حل جذري ولا شغلة المدني. ياريت الشرطة والداخلية تفوق ولا لسه واخدين على خاطرهم من الثورة! مرتباتهم زادت وميزانية الداخلية يمكن أكبر ميزانية في البلد بعد الجيش سواء قبل أو بعد الثورة، فملهمش حجة ولا عذر. ومحدش يقول أصل خايفين من البلطجية والسلاح. سعادة الضابط اللي خايف، وهو مروح من شغله يبقى يعدي على محل عبايات وطرح يجيبله طقم يلبسه ويقعد في البيت أريحله وأوفرلنا. والناس بقه تتصرف. أفففففففف

[mado83]

كويس بس ده مش حل جذري ولا شغلة المدني. ياريت الشرطة والداخلية تفوق ولا لسه واخدين على خاطرهم من الثورة! مرتباتهم زادت وميزانية الداخلية يمكن أكبر ميزانية في البلد بعد الجيش سواء قبل أو بعد الثورة، فملهمش حجة ولا عذر. ومحدش يقول أصل خايفين من البلطجية والسلاح. سعادة الضابط اللي خايف، وهو مروح من شغله يبقى يعدي على محل عبايات وطرح يجيبله طقم يلبسه ويقعد في البيت أريحله وأوفرلنا. والناس بقه تتصرف. أفففففففف

انا مش ضد الكلام ده بالعكس ياريت جدا نفسى ارجع اسهر زى زمان بره البيت وامشى فى الشارع على رجلى والفجر بيأذن والمواصلات شغاله ومافيش خوف من حاجه
دلوقتى بعد الساعه 12 تحس انك هتبقى عامل زى فيلم Iam Legendبتاع ويلثميث وان الوحوش هيطلعو عليك
الامن مش شغال ومش عارف امتى هيشتغل ولا مش هيشتغل اساسا

[rahmanboud]

الحمد لله إنك بخير وربنا يسترها على الجميع

[Magoda]

ربنا يسترها عليك يا مادو بس على مين بقى انت مادو الاكسلاوى الاصيل

[mado83]

ربنا يسترها عليك يا مادو بس على مين بقى انت مادو الاكسلاوى الاصيل

والله ياولدى مابيفرقو ربنا يسترها علينا كلنا من الايام اللى احنا فيها دى

[chicobon]

كل ده بيحصل بسبب الجوع ربنا يستر طريقنا شكرا للتنبيه

[horas3000]

كل ده بيحصل بسبب الجوع ربنا يستر طريقنا شكرا للتنبيه

لا يا باشا
الجوع مبيعملش كده
كل ده بسبب سوء الاخلاق و التربيه و انعدام الامن و النظام

[nona_yaris]

الحمد لله على سلامتك
بس كدة سرقة او خطف مش تثبيت
انا اللي فهمته من الناس التثبيت ده سرقة بالاكراة
بيهددك بسلاح ويسرقك
ولا انا فهمت غلط
اصل اللغة اختلفت اليومين دول

[mado83]

كل ده بيحصل بسبب الجوع ربنا يستر طريقنا شكرا للتنبيه

على فكره انته مفكر ان اللى بيسرق ده بيروح يشترى اكل بالفلوس لا طبعا
مافيش غير المخدرات والبرشام والكيف
ممكن اى حد فينا يكون بيتعاطى مخدرات ولكن لو المخدرات مش موجوده خلاص مش هتفرق معاه
انما المدمن هو اللى بتفرق معاه وعلشان يجيبها هيعمل اى حاجه ممكن تتخيلها

[mado83]

الحمد لله على سلامتك
بس كدة سرقة او خطف مش تثبيت
انا اللي فهمته من الناس التثبيت ده سرقة بالاكراة
بيهددك بسلاح ويسرقك
ولا انا فهمت غلط
اصل اللغة اختلفت اليومين دول

والله مابقت فارقه المسميات سميها زى ماتسميها انشالله تسميها نانسى

[mgheam]

كل ده بيحصل بسبب الجوع ربنا يستر طريقنا شكرا للتنبيه

مفيش حد بيسرق في مصر عشان الجوع
الحرامية في مصر بيسرقوا عشان اتربوا في اوساط قذره مفيش في حد بيشتغل اي مهنه معينه
فلما يكبر ويلاقي كل اللى حوله حرامية وبلطجية وبيشربوا مخدرات بينشأ البلطجي وفاكر ان كده الطبيعي
لكن الجعان مش بيسرق ولو سرق مش بيسرق عربية
طبعاً الاشكال دي مش بتخاف من السجن
كانوا قبل الثورة بيخافوا من اللى بيتعمل معاه في القسم وكلنا فاكرين عماد الكبير
دلوقتي مفيش تعذيب فببساطة مفيش بلطجي او حرامي بيخاف لأن السجن بالنسبة له شئ مش مخيف

[singary2010]

ماشى فى امان الله واذ فجأه الطريق هدى اوى علشان زحمه البنزينه وعلى شمالى اوتوبيس والطريق يادوب واخد عربيتين
فاتح الشباك بتاعى نص واللى جنبى يادوب صوباعين اتنين وعلى الكرسى اللى جنبى تليفونى ومحفظتى ومتدارين بكيس كان فيه زباله فى العربيه علشان ارميه
وهوب واحد معدى من قدام الاوتوبيس والبديهى انه يعدى من قدامى انا كمان
لا لقيته قام ماشى بينى وبين الاوتوبيس وقام مصفر (طبعا علشان الرجاله اللى معاه يفهمو ان كده فى زبون) طبعا كان اول حاجه اعملها انى اقفل الزجاج
وبتابعه فى المرايه عارف انه هيعمل حاجه وراح راجع تانى ووقع نفسه وخبط نفسه فى المرايه وراح قايم يقولى لموأخذه ياباشاوايد على المرايه والتانيه فين................
على اوكره بابى بيفتحها شوفتو الفجر بتاع الناس ومارديتش تفتح قال بيجرب تانى وتالت ولو كانت فتحت كان هيقولى انى خبطه ويطلعنى من العربيه علشان اتخانق والرجاله يعملو الصح من الناحيه التانيه والحمد لله انى بققفل اللوك اول مابركب العربيه غير طبعا توكلت على الله قبل كل شئ وهنا الطريق بدأ يمشى وقولتله اهم حاجه انك كويس فداك المرايا وطبعا انا قريت الليله كده والحمد لله انها جت سليمه
على فكره دى مش اول مره فى المكان ده انا شوفت المنظر ده قبل كده بيتعمل مع واحد ومراته
المكان بقه فين للناس اللى عاوزه تعرف
الساعه 8 صباحا (طبعا ساعه البدريه منسيه ورزقها واسع)طريق مسطرد من نزله الدائرى عند بنزينه التعاون اللى قبل الشارع الجديد وقبل كوبرى مسطرد مباشره
ربنا يسترها علينا وعليكم
نسيت اقولكم على حاجه انى اتصلت بالشرطه علشان اعمل بلاغ يمكن يروحو هناك ويلمو الاشكال دى ولو انى عارف ان ماحدش هيعمل حاجه بس اهو الواحد بيعمل اللى عليه

حمدلله على السلامه وخد بالك من نفسك ومن العربيه كمان الاكسل دى غاليه علينا كلنا مش انت بس
وقول الحمد لله على كل شىء

[Khaled Lanos]

حمد لله على سلامتك ياباشا وكويس انك هرشت الموضوع بسرعة.
انا والله لو الطريق فاضي والأشكال دي اعترضتني هدوسهم بالعربية واللي يحصل يحصل بقى معديتش فارقة!