اشتراك نادى وادي دجله

[Dr/ P.K.Sh]

انا دلوقتى محتار جدا و عايزكم تساعدونى
انا متزوج و عندى طفله و التانى فى السكه ان شاء الله وانا و زوجتى صيادله و معروض عليا اشترك فى وادى دجله ب ٦٥٠٠٠ جنيه خمسه و ستين الف جنيه كاش او فى تقسيط تبع كذا بنك من البنوك الخاصه مثل سوسيتيه جنرال و انا محتار مستخسر المبلغ وفى نفس الوقت بقول دى حاجه هاتفيد الاولاد بعدين
انا اساسا بحوش عشان الاولاد و واحد صاحبى قاللى ما الاشتراك ده هايفيد الاولاد والقسط الشهرى هايبقى فى حدود ١٤٠٠ جنيه لمده ٥ سنين ومقدم ٨٠٠٠ جنيه
ولا ادفع مقدم اكبر واصغر مده التقسيط تبقي ٣ سنين
انصحونى لوجه الله
اخوكوا محتاج النصيحه

[masterzmind]

والله يا باشا انا شاب عندى 23 والحمد لله ولسه مشترك من سنة كدة فى وادى دجلة ومشترك ايضاً فى الاهلى مش عاوز اقولك الجيم عامل ازاى ولا حمام السباحة ولا السونة ولا البخار والله حاجة فى منتهى الجمال وفى جيم احسن من جولدز جيم الاشتراك فى 300 جنية فى السنة ثمن رمزى وفى جيم ببلاش الكلام دة فى فرع المعادى فرع اكتوبر فى جيم ببلاش زى جولدز كدة .... المشكلة هبقى ابعتهالك على الخاص

[Mohamed Elnagar]

انا عضو فيه من 2009
-نادي كويس وجميل دايما بروح فرع المعادي واكتوبر والتجمع وبنزل الجاكوزي في فرع المعادي متعه

-ورحت مره الكافيه بتاعهم الخاص بالاعضاء اللي في صلاح سالم جميل جدا وفي حمام سباحه

-الصراحه الاشترك ولا حاجه بالنسبه لاهتمام الجميل منهم بعد كده غير ان العضويه تورث

-مشكله فرع المعادي العيال بتوع اعدادي مش عارف تحس انهم اشكال ضاله وبتوع مشاكل بس للامانه الامن مش بيرحم

[speed_magnum]

هي الخدمات من ساونا وجاكوزي وحمامات سباحه بتقدم مجانا للاعضاء ولا ليها اشتراكات اضافيه

[Dr/ P.K.Sh]

شكرا للاعضاء اللى ردوا عليا
بس انا محتاج اراء اكتر
ياريت تنصحونى بجد محتار

[Dr/ P.K.Sh]

هي الخدمات من ساونا وجاكوزي وحمامات سباحه بتقدم مجانا للاعضاء ولا ليها اشتراكات اضافيه

ليها اشتراكات تانيه

[Dr/ P.K.Sh]

للرفع

[ahmed_gamal]

الموضوع ده مهم للأطفال. طبعا.بذل ما ينزلوا يلعبوا في الشارع. يبقي في نادي بيلعبوا فيه و يتدربوا فيه أي ررياضة. تنفعهم

[ahmedhilmy]

ليها اشتراكات تانيه

مع احترامي حمامات السباحه الجيم الجاكوزي الساونا الستيم كله مجانا للاعضاء

اللي ليه اشتراكات الجيم الكبير في المعادي و ده ب 300 في السنه و لو طلبت تتمرن تحت اشراف مدرب خلاف ذلك مفيش

[ahmedhilmy]

الموضوع ده ممكن يساعد حضرتك

http://www.nilemotors.net/Nile/343575-a.html

[ahmedhilmy]

وده كمان

http://www.nilemotors.net/Nile/356132-a.html

[Dr/ P.K.Sh]

وده كمان

http://www.nilemotors.net/Nile/356132-a.html

شكرا يا باشا

[Amr Axel]

بصراحة نادي اكثر من رائع و يستحق
و انا كنت لسه هناك بسأل ع الاشتراك و هو عرض لفترة محدودة بالسعر ده و بعد كده هيرجع 75 او 79 الف مش فاكر

و اللي عاجبني فيه غير المستوي في الخدمات و توافر العاب رياضية كتييير فروعه المنتشرة في كل مكان سواء معادي او تجمع اول او خامس ان شاء الله و شيراتون و غيرها

[sama_Sama]

أنا لسه مشترك في وادي دجلة 67 ألف كاش

[Dr/ P.K.Sh]

انا اشتركت الحمد لله يا جماعه