بتدفعوا كام للبواب ع العربية ؟؟

[hazemhany]

كنت عايز اعرف يا جماعة بتدفعوا كام للبواب شهريا نظير مسح العربية وتغطيتها يوميا .....

[beshomilan]

اعتقد تطويق العربيه 2جنيه

[emad_2020]

اما يبقا عندنا بواب هبقا اقولك

[misry]

30 جنيه شامل المسح كل يوم والغسيل مرة في الاسبوع

[marsguy]

30 جنيه للمسح فقط كل يوم

[Ahmed_Adham]

50 جنيه في الشهر لغسيل مرتين في الاسبوع.

[wahba87]

30 جنيه للمسح فقط كل يوم

[ahmedteam]

لما كنت فى فيصل 25 فى الشهر

دلوقتى فى اكتوبر 50 فى الشهر

[mahmoudfawzypr]

بواب العمارة اللي انا فييها 35 جنيه يسمحها بس واي كلام ..... بواب العمارة اللي قدامي وده انا بتعامل معاه ب 50 ...بيمسحها الصبح كويس وليك في الاسبوع يغسلها بالكامل من جوه وبره وينضفها جدا

[zangry]

بديله 60 وبيغسلها مرة في الاسبوع وساعات مبيغسلهاش !! بس بعد الكلام ده انا هخليه يلحسها مش يغسلها بس :d

[ashraf122]

على كدة انا المفروض اعمل تمثال للبواب دة بياخذ عشرين جنية فقط و بينضفها كل يوم الصبح و بيغسلها من برة لما تكون راكنة قريب من البيت

الصراحة هو غلبان و مؤدب و بيكسف يطلب زيادة

[gebreel]

30 جنيه

[hazemhany]

ده انا طلعت مغفل اوي ...انا اديت البواب اول شهر اللي هوا الشهر اللي فات 70 جنية وكنت عارف انه زيادة بس قلت مش مشكلة ده هيبقي نظير اهتمام زيادة بالعربية ويحافظلي ع الركنة ...المفاجأة ان البيه مبقاش يحافظ ع الركنة وساعات كتير اجي الاقي المكان مشغول ويقولي اركن في العمارة اللي قدامنا مش مشكلة دي تبعنا برضه فطبعا بواب العمارة اللي قدامنا عايز يسترزق مني برضه وقلهالي صراحة ..طبعا انا كده مش هخلص من دفع الفلوس ..المهم الشهر ده اديته 50 بس طبعا اتصدم وقالي ازاي ومش ازاي قلتله انا كنت بديك 70 نظير حجز مكان وانت مبتجزش وانا كده كمان مديك اكتر من حقك ..المهم هو دلوقتي سايق العوج وانا برضه مش هديله غير ال 50 دول مع العلم اني اساسا ايدي فرطة معاه و كل يوم والتاني بجيبله حاجة لله يعني بس طبعا ده مبيطمرش فيه ...مع العلم اني ليا جار واحد اللي معاه عربية ابن صاحب العمارة وبيديلوا 40 جنيه مع جميع المميزات بتاعتي وحاطط جزمة في بقه وساكت!

[gebreel]

ده انا طلعت مغفل اوي ...انا اديت البواب اول شهر اللي هوا الشهر اللي فات 70 جنية وكنت عارف انه زيادة بس قلت مش مشكلة ده هيبقي نظير اهتمام زيادة بالعربية ويحافظلي ع الركنة ...المفاجأة ان البيه مبقاش يحافظ ع الركنة وساعات كتير اجي الاقي المكان مشغول ويقولي اركن في العمارة اللي قدامنا مش مشكلة دي تبعنا برضه فطبعا بواب العمارة اللي قدامنا عايز يسترزق مني برضه وقلهالي صراحة ..طبعا انا كده مش هخلص من دفع الفلوس ..المهم الشهر ده اديته 50 بس طبعا اتصدم وقالي ازاي ومش ازاي قلتله انا كنت بديك 70 نظير حجز مكان وانت مبتجزش وانا كده كمان مديك اكتر من حقك ..المهم هو دلوقتي سايق العوج وانا برضه مش هديله غير ال 50 دول مع العلم اني اساسا ايدي فرطة معاه و كل يوم والتاني بجيبله حاجة لله يعني بس طبعا ده مبيطمرش فيه ...مع العلم اني ليا جار واحد اللي معاه عربية ابن صاحب العمارة وبيديلوا 40 جنيه مع جميع المميزات بتاعتي وحاطط جزمة في بقه وساكت!

النوع ده علاجه انك تقله انا مش عاوز منك حاجة و تروح لبواب العمارة اللي قدامك و تظبط معاه و خلاص

و الاحسن من ده و ده تشوفلك جراج تركن فيه

[a_arazik]

25 جنية شامل المسح والغسيل