عايز اشترى الكترك

[dsaasdsadsa]

انا بحكم ظروف شغلى وعائلتى

بسافر تقريبا يوميا

اولا انا شغلى فى مدينة نصر وعائلتى فى طنطا

طبعا بحاول على قد ما اقدر انى اروحلهم زيارة

دا غير انى كل يوم فى حتة شكل بحكم شغلى يعنى

يعنى انا على الطريق كل يوم وفى اى وقت اوقات حتى بسافر الفجر غصب عنى والله

من كتر ما سمعت عن سرقة السيارات وفى عز النهار

قلقت اكتر ففكرت انى اشترى الكترك وبعدين انا سمعت ان فى حدود 200 =700

انا معايا دلوقتى عصاية بيسبول كدا حططها تحت الكرسى حماية

بس اكيد مش هتعمل حاجة فى الزمن دا

المهم يعنى عندى سؤال ممكن اى حد يجيبة يعنى

يعنى زى الاسلحة كدا ولا اية اصلى بشوف عيال صغيرة ماشية بية فى الشارع

ازاى دا مش المفروض يتباع للى معاهم بطايق على الاقل !

المهم يعنى اللى يعرف حد بيبيعة فى طنطا او مدينة نصر ياريت ميبخلش عليا بالمعلومة

ويا ريت يقولى اية افضل سعر انا اعرف هو بيختلف عن الفولت بس يعنى 10 الاف وفى 50 الف

اية انسب حاجة ليا يتحط فى العربية يعنى

وفى الاول والاخر الحارس هو ربنا بس احنا برضوا لازم ناخد احياطتنا

وشكرا مقدما.

[youssef_u]

شوف حضرتك في american stick + electric مع بعض ده اللي ممكن ينفع ، بس لو حضرتك عرفت ترخص سلاح زي مسدس يبقا احسن طبعا لان الاكترك مش هيفيد اوي في المواقف الصعبه

[dsaasdsadsa]

شوف حضرتك في american stick + electric مع بعض ده اللي ممكن ينفع ، بس لو حضرتك عرفت ترخص سلاح زي مسدس يبقا احسن طبعا لان الاكترك مش هيفيد اوي في المواقف الصعبه

للأسف حكاية ترخيص المسدس دى لقيتها هتطول والاسعار غالية

وكمان محتاج واسطة عشان تمشى

هو الالكترك بيحتاج ترخيص ولا اية !!

انا اعرف ان ممكن اى حد يشترية حتى من غير بطاقة

انا شايف ان الالكترك انسب حاجة ليا او حتى فى الفترة دى

متعرفش حضرتك الاسعار فى حدود كام وتعرف حد بيبيعة؟

[ramymechanics]

انا معرفش شخصيا بس فى شركة عالفيسبوك عاملة اعلانات ليها

http://www.facebook.com/pages/%D8%AC%D9%85%D9%8A%D8%B9-%D9%88%D8%B3%D8%A7%D8%A6%D9%84-%D8%A7%D9%84%D8%AD%D9%85%D8%A7%D9%8A%D9%87-%D8%A7%D9%84%D8%B4%D8%AE%D8%B5%D9%8A%D9%87-%D8%A8%D8%A7%D8%B1%D8%AE%D8%B5-%D8%A7%D9%84%D8%A7%D8%B3%D8%B9%D8%A7%D8%B1/410382958984773?ref=stream

[prof2013]

انا التاني كنت بفكر فيها بس لقيتها ملهاش لزمه لان البلطجيه معاهم اسلحه من كل الانواع ومعاهم مسدسات بدون صوت يعني قبل ما تطلع العصايه هو هيتك على الزرار انت هتتك بعدها على طول هههههههه

[dsaasdsadsa]

انا معرفش شخصيا بس فى شركة عالفيسبوك عاملة اعلانات ليها

http://www.facebook.com/pages/%d8%ac%d9%85%d9%8a%d8%b9-%d9%88%d8%b3%d8%a7%d8%a6%d9%84-%d8%a7%d9%84%d8%ad%d9%85%d8%a7%d9%8a%d9%87-%d8%a7%d9%84%d8%b4%d8%ae%d8%b5%d9%8a%d9%87-%d8%a8%d8%a7%d8%b1%d8%ae%d8%b5-%d8%a7%d9%84%d8%a7%d8%b3%d8%b9%d8%a7%d8%b1/410382958984773?ref=stream

بس دا بيوصل انا كنت بسأل لو فى حد ااروحلة !

انا التاني كنت بفكر فيها بس لقيتها ملهاش لزمه لان البلطجيه معاهم اسلحه من كل الانواع ومعاهم مسدسات بدون صوت يعني قبل ما تطلع العصايه هو هيتك على الزرار انت هتتك بعدها على طول هههههههه

اكيد يعنى ل هو معاة مسدس مش هيقى عامل زى شبشب بلاستيك

هو كلوا قضاء اللة وقدر بس الفكرة ان مش كل عيل معاة مطوة هيثبتنى !

[mr_green]

ولا ليها لازمة

تركب عربيتك تقفل الشبابيك و السنتر - حد حاول يوقفك دوسه حد خبطك ماتقفش و إتوكل على الله غير كده لا إليكترك ولا غيره هاينفع لو وقفت لأن السلاح عادى و آلى مع الأشكال دى كثير حتى لو إنضرب عليك نار ماتقفش و سيبها على الله

[Eq3la]

بـص هقول لحضرتك على حـآجة ,, اولا سعر 700 دة كتير جدآ ,, هو مبيدعيش الـ 300 وفى بـ 390 ودة بيكون عصاية ,, المهم صدقنى مرمى عندى فى العربية ملوش اى لازمة ,,معظم البلطجية والحرامية معاهم اسلحة نـارية وهتلاقى إن الالكتريك ملوش اى لازمة :) .. ولو عايز وآحد انا ممكن آجبلك معنديش مـآنع . بس انا نصحتك الاول .

[reda elgohary]

معاك ف رأإيك

بـص هقول لحضرتك على حـآجة ,, اولا سعر 700 دة كتير جدآ ,, هو مبيدعيش الـ 300 وفى بـ 390 ودة بيكون عصاية ,, المهم صدقنى مرمى عندى فى العربية ملوش اى لازمة ,,معظم البلطجية والحرامية معاهم اسلحة نـارية وهتلاقى إن الالكتريك ملوش اى لازمة :) .. ولو عايز وآحد انا ممكن آجبلك معنديش مـآنع . بس انا نصحتك الاول .

جزاكم الله خيرا ،،أنا معجب جدا برأيك وردك وجزاكم الله خيرا ،،وربنا يوفق صاحب الموضوع ويبعد وعنا وعن الملسمن أجمعين كل الشر .

[ramyhekal]

انا عندى واحد هنا فى البيت وهو مش عملى خالص وممكن اللى يكهربه بيه بعد ثوانى يقوم ويكمل عليك مفيش غير سلاح نارى هو ده اللى يناسبك

[ehabpopo]

طيب ما تشترى جهاذ gps tracker ( جهاذ تتبع ) بعض الزملاء هنا فى المنتدى مركبين الجهاذ ده ... وبيشكرو فية جدا ...
الجهاذ فيه اوبشن كتير جدا ... وسهل متابعت العربية بتاعتك عن طريق النت وانك تديها وتستقبل منها الاوامر اللى انت عايزها عن طريق الموبايل ... يعنى ممكن تبعت رسالة للجهاذ توقف بيها العربية ... او ارسال 5 رسائل استغاثة بمجرد الدوس على زرار صغير موصول بالجهاذ ... وفية حوالى 20 اوبشن كتير كمان ممكن تستفيد منهم *

[dsaasdsadsa]

ولا ليها لازمة

تركب عربيتك تقفل الشبابيك و السنتر - حد حاول يوقفك دوسه حد خبطك ماتقفش و إتوكل على الله غير كده لا إليكترك ولا غيره هاينفع لو وقفت لأن السلاح عادى و آلى مع الأشكال دى كثير حتى لو إنضرب عليك نار ماتقفش و سيبها على الله

بـص هقول لحضرتك على حـآجة ,, اولا سعر 700 دة كتير جدآ ,, هو مبيدعيش الـ 300 وفى بـ 390 ودة بيكون عصاية ,, المهم صدقنى مرمى عندى فى العربية ملوش اى لازمة ,,معظم البلطجية والحرامية معاهم اسلحة نـارية وهتلاقى إن الالكتريك ملوش اى لازمة :) .. ولو عايز وآحد انا ممكن آجبلك معنديش مـآنع . بس انا نصحتك الاول .

انا عندى واحد هنا فى البيت وهو مش عملى خالص وممكن اللى يكهربه بيه بعد ثوانى يقوم ويكمل عليك مفيش غير سلاح نارى هو ده اللى يناسبك

واضح ان فى اجماع على انى اجيب سلاح نارى

هيا المشكلة انة بياخد وقت فى ترخيصة

خلاص اشوف كدا وربنا يكفينا ويكفيكم شر الثبيت

وشكرا ليكم كلكم

[dsaasdsadsa]

طيب ما تشترى جهاذ gps tracker ( جهاذ تتبع ) بعض الزملاء هنا فى المنتدى مركبين الجهاذ ده ... وبيشكرو فية جدا ...
الجهاذ فيه اوبشن كتير جدا ... وسهل متابعت العربية بتاعتك عن طريق النت وانك تديها وتستقبل منها الاوامر اللى انت عايزها عن طريق الموبايل ... يعنى ممكن تبعت رسالة للجهاذ توقف بيها العربية ... او ارسال 5 رسائل استغاثة بمجرد الدوس على زرار صغير موصول بالجهاذ ... وفية حوالى 20 اوبشن كتير كمان ممكن تستفيد منهم *

الوقاية خير من العلاج يا باشا

عامة هفكر فى الموضوع دا اهو يفيدنى لو اتسرقت من تحت البيت