بفكر آشترى كلب .

[Eq3la]

السلام عليكم ورحمة الله وبركاتة

الموضوع يمكن غريب شوية ..

بس بفكر اجيب كلب , جيرمان او روت , واكبره لسببين

الاول إنى بحب الكلاب .
الثآنى : تجآرة ..

بس المشكلة فى الاسعار الوهمية اللى بسمعها :(

محدش يعرف متوسط سعر كويس ؟ ويكون موصفاته كويسة

والروت افضل ولا الجيرمان . :d

[windofchange]

بيع وشراء الكلب فيه حرمانية والحبيب عليه الصلاة والسلام نهي عن بيعه

[masterzmind]

بيع وشراء الكلب فيه حرمانية والحبيب عليه الصلاة والسلام نهي عن بيعه

لو عاوز تربى انت مع نفس ماشى بس يكون لغرض الحراسة عموماً انا احسن كلب بحبه الروت .. لوعاوز تجيب كلب كويس باسعار كويسة بس حاسب احسن تتخم انزل سوق الكلاب الى فى السيدة عائشة بس المشكلة ان النصب كتيراوووى لازم نكون فاهم او انزلمع حد يكون فاهم هتلاقى الروت من بين 800 الى 3000 والجيرمن من 200 الى 2000 دة اللى بكسحة كمان

[Eq3la]

بصو يا رجالة تعالو نفتح موضوع للنقاش ,, كل اللى بيحرم الكلاب احاديث فقط ,, ولكن لا يوجد آى آية قرآئنية تحرم اقتناء الكلاب !! . طـيب دلوقتى فى حديث بيقول ينقصة كل يوم قيرآط , وحديث آخر بيقول ينقصة كل يوم قيرطان ! آيهما آصح ؟ طيب آيه صحة الاحاديث دى ؟

على فكرة انا الحمدلله مسلم . عشان محدش يقول حاجة يعنى :d

[Ahmed A Rahman]

بقول حضرتك ايه ابوس ايدك
الحرام بين والحلال بين

عايز تشتري كلب اشتري
مش عايز متشتريش

انما نفتح موضوع احنا اللي مش متخصصين عشان نشكك في احاديث عشان ناخد مزية الشك وتروح تشتري الكلب بناء على اننا شاكين في الاحاديث

يبقى الله يكرمك بلاش
من فترة بقينا بنشكك في العلماء ونجيب اخطائهم
وبعد كده بنشكك في اللي ماشيين وراهم
وبعدين حنشكك في الاحاديث عشان نعمل اللي احنا عايزينه

استحلفكم بالله كفاية

[ramyhekal]

انا كمان والله عايز اقتنى حيوان ولكن غير الكلب بسبب الحرمانيه بس لسه مش عارف اجيب ايه

[canner]

انا عاوز برضه اجيب كلب صغير و اربيه بس المشكلة انى مش قاعد على طول فى البيت علشان اخللى بالى منه

[mo7eb elrasol]

تفضل اخى الحبيب ولو محتاج مناقشة فى اى نقطة انا تحت امرك
موقع الإسلام سؤال وجواب - تحريم اقتناء الكلاب إلا ما استثناه الشرع

[mo7eb elrasol]

بصو يا رجالة تعالو نفتح موضوع للنقاش ,, كل اللى بيحرم الكلاب احاديث فقط ,, ولكن لا يوجد آى آية قرآئنية تحرم اقتناء الكلاب !! . طـيب دلوقتى فى حديث بيقول ينقصة كل يوم قيرآط , وحديث آخر بيقول ينقصة كل يوم قيرطان ! آيهما آصح ؟ طيب آيه صحة الاحاديث دى ؟

على فكرة انا الحمدلله مسلم . عشان محدش يقول حاجة يعنى :d

من خلال الرابط ال فى المشاركة ال فاتت عرفنا ازاى نجمع بين الحديثين وان الحديثين صحيحين
فى المشاركة دى هانتكلم عن عبارة كل اللى بيحرم الكلاب احاديث فقط ,, ولكن لا يوجد آى آية قرآئنية تحرم اقتناء الكلاب !!
ها اذكر لحضرتك فائدة انا بعتبرها من اجمل ماتعلمت فى حياتى
قال ابن القيم رحمه الله:
والسنة مع القرءان على ثلاثة اوجه:الاول ان تكون السنة موافقة لما جاء به القرءان،الثانى:ان تكون السنة مبينة لما اجمله القرءان،الثالث،ان تكون السنة محللة او محرمة لما سكت عنه القراءن.
الشرح
الوجه الاول ان تكون السنة موافقة لما جاء به القرءان،بمعنى ان القران يامر بالصلاة مثلا والسنة ايضا تامر بالصلاة وهكذا،وده العلماء بيسموه باب تعدد الادلة فى المسألة الواحدة.
الوجه الثانى ان تكون السنة مبينة لما اجمله القراءن،فمثلا القراءان يقول(واقيموا الصلاة)لكنه لم يوضح كم عدد الصلوات فى اليوم؟ ولم يوضح كم عدد ركعات كل صلاة،وفى القراءن(واتوا الزكاة) ولم يوضح كم هو نصاب الزكاة؟ وكم مقدارها؟ فتاتى السنة توضح وتبين وتشرح ذلك المجمل.
الوجه الثالث ان تكون السنة محللة او محرمة لما سكت عنه القرءان،وهذا الباب لايعرفه كثير من الناس وهو ان السنة تشرع وتحلل وتحرم كالقرءان تماما،وفى هذا الباب يقول النبى صلى الله عليه وسلم( الا ان ماحرم رسول الله كما حرم الله)وقال صلى الله عليه وسلم(الا انى اوتيت القرءان ومثله معه) يعنى السنة،ومن الامثلة العملية على ذلك (تحريم اكل للحم الحمار الاهلى) فلقد كان الصحابة رضوان الله عليه يذبحون الحمار ويأكلونه،وعند رجوعهم من غزوة خيبر ذبحوا الحمير وسلخوها ووضعوها فى الاقدار(اوانى الطهى)فقال النبى صلى الله عليه وسلم (ألا لايحل لكم الحمار الأهلى)فحرم اكل للحم الحمار الاهلى وظل اكل للحم الحمار الوحشى على الاباحة،ولم يتم ذكر ذلك فى القرءان.

اسال الله لنا ولكم التوفيق والسداد

[amdd]

فى ايه بس يعنى لو مجبتش سند من القران ولو لقيت السند صحيح فى السنه اقول لا القران مفيهوش
ايوه القران مفيهوش بس السنه فيها اقتناءه لسببين الصيد او الحراسه
وعلى فكره انا كان عندى كلب وكنت جايبه للحراسه ومشيته بعد 6 شهور لانى بقيت اتعلق بيه واحبه بجد وبدأت انسى الهدف الاساسى من اقتنائه
وسأل كويس فى مسألة التجارة فى الكلاب

[ahhazem]

بقول حضرتك ايه ابوس ايدك
الحرام بين والحلال بين

عايز تشتري كلب اشتري
مش عايز متشتريش

انما نفتح موضوع احنا اللي مش متخصصين عشان نشكك في احاديث عشان ناخد مزية الشك وتروح تشتري الكلب بناء على اننا شاكين في الاحاديث

يبقى الله يكرمك بلاش
من فترة بقينا بنشكك في العلماء ونجيب اخطائهم
وبعد كده بنشكك في اللي ماشيين وراهم
وبعدين حنشكك في الاحاديث عشان نعمل اللي احنا عايزينه

استحلفكم بالله كفاية

:b4_388::b4_388::b4_388::b4_388:

والله عندك حق
ربنا يرحمنا برحمته

[3mr Farrag]

انا عندي كلب روت عنده حوالي سنتين واحتمال ابيعه لأني ما بقتش اعرف اهتم بيه كويس
و محدش مهتم بيه غيري في البيت
لو محتاجه كلمني علي الخاص

[Eq3la]

آلمحب للرسول .. :) آلف شكر على التوضيح .