عايز أشتري طربيزة تنس طاولة ( بينج بونج ) :)

[mohammedgido]

السلام عليكم ورحمة الله

كنت عايز اشتري طربيزة تنس طاولة ومش عارف اجيبها منين ولا ايه الاسعار والانواع الكويسة
ياريت لو حد عندة معلومة يفيدني وجزاكم الله خير

[mr_green]

وعليكم السلام ورحمة الله وبركاته

موجودة فى التوحيد و النور

بس مش متأكد من السعر أعتقد فى حدود 2000 جنيه الأنواع صراحة معنديش فكرة

[mohammedgido]

متشكر جدا علي الرد والاهتمام
بس مش 2000 جــ مبلغ كبير عليها
وغالبا اسعار التوحيد والنور مأفورة حبتيين

لو حد يعرف اماكن واسعا تانية يا ريت يساعدني

[mr_green]

للأمانة أنا مش متأكد من السعر و لمعلوماتك التوحيد و النور من أفضل الأسعار فى مصر بس مش فى كل حاجة الحاجات إللى بتتباع عنده كثير بيجيب بها كميات فبياخد خصم و بيبيع أرخص

ممكن تلاقى عنده أرخص و أغلى

ممكن تشوف فى كارفور - أو فيه أمام جينية مول محل للأدوات الرياضية بس أعتقد هاتلاقى أغلى من التوحيد و النور

الرقم مش كثير لو جودتها حلوة

[beshomilan]

فى محلات الادوات الرياضيه اللى فى وسط البلد فى شارع شريف وعماد الدين وطلعت حرب
واعتقد انها بتبتدى من 800 حسب جوده الطرابيزة

[mohammedgido]

متشكر جدا علي الردود .. ربنا يكرمكم

[أحمد الجندى]

عندى فى الشغل جابوا 3 طرابيزات لل 3 فروع من بابا صالح اللى فى الجيزة الواحدة عاملة 1750 أنا مش فاكر نوعها بس طرابيزات محترمة وفيه حاجات اقل من كده وفيه حاجات اكتر بكتير من كده وعلى حسب ميزانيتك

[mohammedgido]

عندى فى الشغل جابوا 3 طرابيزات لل 3 فروع من بابا صالح اللى فى الجيزة الواحدة عاملة 1750 أنا مش فاكر نوعها بس طرابيزات محترمة وفيه حاجات اقل من كده وفيه حاجات اكتر بكتير من كده وعلى حسب ميزانيتك

متشكر جدا لرد حضرتك .. وبإذن الله هعمل جولة كدا واشوف بابا صالح

[3mr Farrag]

انضفهم هتلاقيها ذي ما قالوا الرجاله في حدود 2000 جنيه نوع الماني
وفيه حاجات اقل
كانت موجوده في سبينز من فتره

بس بلاش تسترخص و تجيب الخشب اللي 500 جنيه بتبقي مش قد كده لو انت غاوي بينج و فاهم في اللعب

[dedi]

انضفهم هتلاقيها ذي ما قالوا الرجاله ف

بس بلاش تسترخص و تجيب الخشب اللي 500 جنيه بتبقي مش قد كده لو انت غاوي بينج و فاهم في اللعب

هى 2000 خامتها اية موش خشب بردة
تحياتى

[3mr Farrag]

هى 2000 خامتها اية موش خشب بردة
تحياتى

بتبقي خامه تانيه انعم و افضل في اللعب غير الخشب العادي
مش عارف الخامه بتبقي ايه البظبط بس عماتا بتبقي افضل

[Dr.Mostafa Anwar]

انا كنت شاري ترابيزة كتلر ألماني من حوالي 4 سنين ب1500 جنيه
خامات ممتازة وفيها ميزة إنها ببتقفل وبعجلات عشان تعرف تخزنها
لو عاوز ابعتلك رقم مهندس في التوكيل تتصل بيه تشوف الاسعار دلوقتي وصلت فين
Kettler

[3mr Farrag]

انا كنت شاري ترابيزة كتلر ألماني من حوالي 4 سنين ب1500 جنيه
خامات ممتازة وفيها ميزة إنها ببتقفل وبعجلات عشان تعرف تخزنها
لو عاوز ابعتلك رقم مهندس في التوكيل تتصل بيه تشوف الاسعار دلوقتي وصلت فين
kettler

ياريت مكان التوكيل فين و نمره تليفون ليهم

[ياسر مصطفي]

ممكن واحد نجار يعملهالك عموله . وشفتها بعيني جميله بجد

مش هتكلفك 500ج

[O.M.S]

السلام عليكم

الطرابيزات تبدا من 300 جنيه لغايه 15 الف جنيه وانواعها كتير مصري وصيني والماني واطالي وماركات زي استيجا و كيتلر دانلوب وبتتباع في التوحيد و النور و كارفور وهايب وحلات الادوات الرياضيه في شارع عماد الدين وشارع محمد فريد بس المهم فيها انت عاوزها داخليه ولا خارجيه علشان فيه حجات مصنع للاستعمال الداخلي وفي للخارجي ودي مصنعه غير وتستحمل الشغل العالي والبهدله ولو عاوز حاجه كويسه وسعرها خفيف فاعملها في البيت او عند حداد هتكلفك 600 تقريبا وهتبقى في متانه وشكل ال 2000 واعلى وعن تجربه

انا عامل واحد بعجل وبتتطبق شاسيه حديد مكلفتني 600 تقريبا وكويسه جدا ,بالنسبه للشاسيه مش مكلف الي غالي الخشب انا مش فاكر اسعار قوي لاني عاملها من 3 سنين بس الخشب mdf 18m وطبعا كل ما تكبر السمك كل ما رده الكوره تبقى احسن والنوع ده احسن من الكونتر والانواع كلها ومتصنع منوا طربيزات عالميه بس المهم الدهان الي عليه كون مط مط يعني علشان انعكاس الضوء