سبينس الغردقة

[abokoko]

اليوم الجمعه كنا فى سبينس وكان سحب يومى و الفائز ياخذ مشتريات ب250 جنيه
ومساءا اعلنوا انهم سيبداوا السحب
المفاجأه
تم جمع اوراق بونات السحب من الوعاء الزجاجى
وجمعه فى كيس بلاستيك من اكياس سبينس
وذهب به موظف سبينس للداخل وهو يخبر الجميع انه سيتم اذاعه الاسماء الفائزه خلال 10 دقائق
؟؟؟؟؟؟؟؟؟؟!!!!!!!!!!!!!!!!!!
ده معناه ان السحب ليس علنى
ده معناه كلامه سمعته وانكرته ولكنه طلع صح
ده معناه انهم ممكن يرجحوا بالفعل اشخاص معيين
لو صح ظنى فهل يحق لهم ذلك
الا توجد جهة محاسبه فى هذه الحالات التى اعتبرها نصب على المستهلك

[Ahmed_Adham]

الل أعرفه ان أي مسابقه أو سحب في أي مكان لازم يتم تحت اشراف الشؤون الاجتماعيه وفيه مندوب يحضر الفرز والسحب بيطلعله ترخيص أصلا مش بيتعمل جهجهوني كده. ونفس الكلام بالنسبه للأوكازيونات والخصومات للتأكد من جديتها.

[abokoko]

علشان كده انا باستغرب من اللى حصل

[dedi]

طبعا و اضح كل شئ متظبط مافيش شفافية

[prof2013]

مفيهاش كلام طبعا الفائز مختار قبل المسابقه لا ترهق نفسك

[abokoko]

ان شاء الله هيجى يوم وتتعدل فيه كل الامور المعوجه
اللى زى كده مفروض يتلاحق اعلاميا ويتفضح اخلاقيا
وكمان قضايا ب غرامات وتعويضات بتكون رادعه

[abokoko]

كان فى قصة زمان بيحكوها - مش مهم التفاصيل والاماكن لانها قابلة للتكرار -
يحكى ان هههههههه
مواطن فاز ب سيارة وهو مش بيعرف يسوق عربيات
وهو مقيم بعيد عن القاهره
والجائزه مكان استلامها القاهره
المواطن الغلبان حسن النيه
استاجر سائق وذهبا معا لاستلام الجائزه
واستلمها بالفعل
سيارة لعبه


ههههههههههههه

بس يا ترى الحكاية تضحك ولا ...

[adelghanem]

سبينس الغردقه كده
ياما اشتركت فى مسابقات ولا فى اعلان عن نتيجه السحب
ولا مين فاز ولا شكله ايه
انا من قنا وبروح الغردقه كل شهر او اتنين اشترى كميات واخد كوبون المسابقه
وبعدين ولا اى خبر فى الموقع الرسمى ولا الجرايد
اعتقد كله نصب

[أبو صلاح]

اا حضرت سحب قبل كده في كارفور العبور كان لما تعمل بالفيزا اكتر من 300 ج بتدخل السحب
وكنت بالصدفة متواجد هناك
طبعا كان في لجنة فيها ناس كتيرة وفيها امن من المول وبعدين اختارو طفل كان ماشي مع والدته وخلوه هو اللي يسحب عشوائي من الصندوق المكشوف اللي بقاله اسبوع محطوط ويتم تفريغه بعد كل سحب
وبعد لما طلع كارت الفائز راح واحد من الناس اللي واقفة اتصل بالفائز فورا على الموبايل

بس بالوضع اللي انت بتحكي عليه ده واضح انها متظبطة لشخص معين واللعبة دي اكيد إدارة سبينس ماتعرفش حاجة عنها لان اكيد هي مش هتضحك على الناس في مكسب 250ج

[dedi]

ماتبعت شكوى للادارة فى القاهرة و الشركة الام موش علشان الجائزة او قيمتها و لكن شغل الاستعباط بتاعهم
تحياتى

[abokoko]

ماتبعت شكوى للادارة فى القاهرة و الشركة الام موش علشان الجائزة او قيمتها و لكن شغل الاستعباط بتاعهم
تحياتى

فعلا هو ده الحل

ولقيت عنوانهم
info@spinneys-egypt.com
وهبعت لهم شكوى