::::: الكــــــــــــــرش ::::::::

[onlystar]

ازيكم يا رجاله عاملين ايه..انا عندى مشكله وياريت تشاركونى حلها....وهى مشكله تؤرق اغلب شباب مصر وهى الكرش
فى البدايه انا طولى 190 وزنى 105 ...الوزن مش باين عليا بسبب طولى ولكن وللاسف عندى كرش مخلينى مش قادر البس اى تيشيرت ولا البس اللى انا عايزة ....وبكون محرج جدا....ومعنديش اى دهون الا فى منطقه البطن.....روحت لدكتور تخسيس قالى متقلقش دى حاجه بسيطه وهنزل الكرش بالاجهزة....ووصفلى نظام غذائى وجبت ادوية ...وقالى لازم نتابع على اجهزة بشتغل بموجات فوق صوتيه بتخسس البطن...وتابعت معاه ودفعت فى كل جلسه مبلغ وقدره غير تمن الكشف الخيالى والادوية لكن للاسف مفيش نتيجه فى اول اسبوع فقررت مكملش....وبقى عندى كابوس اسمه الكرش
فياريت تساعدونى وتقوليلى ايه افضل وسيله لازاله الكرش
وشكرا لكم

[Mo.Kareem]

ممكن ابوس ايدك لو لقيت حل تبلغنى بيه

[Land_Cruiser]

هما مش بيقولوا الراجل من غير كرش زي جوجل من غير سيرش
متابع ...

[أحمد الجندى]

ازيكم يا رجاله عاملين ايه..انا عندى مشكله وياريت تشاركونى حلها....وهى مشكله تؤرق اغلب شباب مصر :copy of majd(4): وهى الكرش
فى البدايه انا طولى 190 وزنى 105 ...الوزن مش باين عليا بسبب طولى ولكن وللاسف عندى كرش مخلينى مش قادر البس اى تيشيرت ولا البس اللى انا عايزة ....وبكون محرج جدا....ومعنديش اى دهون الا فى منطقه البطن.....روحت لدكتور تخسيس قالى متقلقش دى حاجه بسيطه وهنزل الكرش بالاجهزة....ووصفلى نظام غذائى وجبت ادوية ...وقالى لازم نتابع على اجهزة بشتغل بموجات فوق صوتيه بتخسس البطن...وتابعت معاه ودفعت فى كل جلسه مبلغ وقدره غير تمن الكشف الخيالى والادوية لكن للاسف مفيش نتيجه فى اول اسبوع فقررت مكملش....وبقى عندى كابوس اسمه الكرش
فياريت تساعدونى وتقوليلى ايه افضل وسيله لازاله الكرش
وشكرا لكم

كان حقتك تصبر على الدكتور والنظام اللى عملهولك شوف الكرش ده اتكون فى وقت قد ايه مش معقول فى لحظة حايختفى

[onlystar]

كان حقتك تصبر على الدكتور والنظام اللى عملهولك شوف الكرش ده اتكون فى وقت قد ايه مش معقول فى لحظة حايختفى

كنت هعمل كده لكن للاسف حسيت ان الموضوع مادى مش اكتر علشان ياخد منك تمن الجلسه ومفيش اى تاثير يذكر

[aboamina]

الجيم احسن علاج للكرش...ولو معندكش وقت تروح الجيم واظب على تمارين البطن يوميا
الكلام ده عن تجربة على فكرة

[dedi]

ايدى على كتفك لو عرفت حل قل لى
لو لعبت تمارين لازم تستمر عليها لانك مجرد تركها سوف تعود كما كنت و اسوء

[masterzmind]

يا جماعة مش مستهلة خالص ذهاب الى دكتور والكلام دة انت مش وزنك عالى يعنى انت 105 مش 130 يعنى عشان تروح للدكتور يا باشا روح الجيم وخفف فى الاكل لمدة شهر هتلاقى نفسك كويس يعنى روح اى نادى وانزل حمام السباحة ثلاث ايام فى الاسبوع او روح الجيم الرياضة هى الحل الوحيد للجسم المتناسق

[Dr.Mostafa Anwar]

حضرتك الكرش ليه أسباب متعددة

منها تراكم الدهون تحت الجلد في منطقة البطن وده حله الوحيد الرياضة وتمرينات البطن مع نظام غذائي عادي ولكن يستبدل العشاء بكوب او اثنين من الزبادي فقط بدون اي مأكولات اخرى وذلك حتى اختفاء الكرش

السبب الآخر قد يكون إرتخاء عضلات الحاجز البطني ودي نقدر نعرفها بإنك تقف قدام المراية وبطنك مكشوفة ثم تشد "تشفط" بطنك فإذا أختفى الكرش فهنا يكون العلاج عن طريق التمرينات المكثفة لعضلات البطن بدون اي تغيير في النظام الغذائي

أما إذا لم يختفي الكرش بعد شفط البطن فهنا يكون التدخل الجراحي هو الحل وجراحات التجميل الآن تطورت بشكل مذهل ولم يعد هناك مشكلات او اعراض جانبية تذكر بعد هذه العمليات ونتائجها تكون باتة ولا تعود مرة أخرى إلا بصعوبة كبيرة ولأسباب متعددة سيخبرك بها طبيب التجميل كمحاذير يجب تجنبها بعد العملية

[mohamed_selim]

انا زيك بس طولى ١٩٢ و كنت ١٣٥ و برضه الكرش هو اللى باين
قللت الاكل للنص و مبقيتش اكل من الشارع و اخر اكلى قبل النوم ب ٤ ساعات على الاقل و خسيت وصلت ١٢٠ بعد حوالى ٣ شهور و هبلت ٥ شهور بس زدت فيهم ٥ كيلو و حاليا رجعت اظبط تانى... طبعا مشى و شوية بطن. سويدى حوالى ٤٠ دقيقه يوم و يوم
عملت الجلسات دى و كانت بتفرق فى محيط الكرش شويه و حسيت كان مع النظام اللى عامله الجلسات بتوجه الخسسان للمنطقه دى بس بطلت بعد ال٣ شهور
حاليا بعمل بطن شديد شويه و حاسس ان فعلا لما العضلات بتشد و حجم معدتك بيصغر اللى بيفضل شوية شحوم و دى محتاجه بطن اكتر او جلسات تانى تفتتها بس انا ناوى على الرياضه

[SAMEH_FOUAD]

المشى ثم المشى ثم المشى ( وتكون ساعة يوميا بسرعة عالية نسبيا ) , وتحاول وانت ماشى تشد بطنك وتشد ظهرك

اخر اكل يكون الساعة السادسة مساءا , لان معدل الحرق بيكون بدأ يقل بصورة عالية شوية

لازم تاكل زبادى ويفضل light قبل ماتنام فقط لاغير

شوف مش عايز اقولك تمارين لانك ممكن تتكاسل بعد كدة ولو تكاسلت هيحصل ارتخاء فى عضلات البطن وهتكون شحوم وهتلاقى نفسك رجعت اسوء من الاول

فخليك فى الوصفة اللى فوق وان شاء الله تبقى تمام

[abogogo]

للأسف 175 طول 85 وزن الحمد لله معقول بس للأسف طلع لي كرش هو مش كبير اوي بس يعتبر كرش مبوظ الشكل خصوصاً لما الشتاء مشي ولبست التيشرتات

‫انا عندي كرش كبير اغنية مضحكة جدااااااااا‬‎ - YouTube

[kok3]

فعلا مأساه موضوع الكرش دا انا برده عندي المشكله دي ولو انها مش كبيره قوي عندي بسبب اني مش طخين قوي انا طويل تقريبا ٢ متر والكرش عندي اعتقد سببه الأنتخه وبلاحظ إن ناس كتير قوي عندهم نفس المشكله للاسف مفيش في ثقافتنا الاهتمام بجسم الراجل للاسف المفهوم المتخلف بتاع ميعبش الراجل غير جيبه دا ودانا ف داهيه ما علينا كنت لعبت في الجيم السنه اللي فاتت وكان الكرش فعلا بدأ يختفي أو علي الاقل حسيت بتحسن ملحوظ قوي في صحتي عموما فضلت لمدة ٣ شهور تقريبا لحد رمضان وجه رمضان وطبعا مقلوكوش علي رمضان ١٠ أيام في رمضان كنت في الجيم وبعدها إستسلمت وبطلت جيم وكنت بمشي وبجري ساعات ع البحر بعد التدريب كنت بروح مزاجي عنب وحاسس إن صحتي الحمد لله زي البمب وبعد مبطلت جسمي مزادش قوي بس نفسيا مزاجي مش حلو وحاسس اني جسمي فك تاني وبقيت أي شويه هوا يجيبولي برد وطبعا الكرش إرتخي تاني،. بفكر أرجع جيم تاني بس مشكلتي ف رمضان اللي كمان شهر مش عارف هعمل فيه ايه مينفعش العب شهر وابطل وف نفس الوقت صعب التمرينات ف رمضان وخصوصا اختلاف مواعيد الاكل والنوم وكل حاجه أنا محتاررررر

[El Prince]

كرشى متابع و هو مرعوب و مزعور :)

[prof2013]

الجيم احسن علاج للكرش...ولو معندكش وقت تروح الجيم واظب على تمارين البطن يوميا
الكلام ده عن تجربة على فكرة

اصلا الجيم بيجيب الكرش لو لعبته فترة وبعدين بطلته