توكيل عام القضايا

[Omar.Shawki]

السلام عليكم

ممكن حد يقولى لو عملت توكيل عام للقضايا لمحامى فى مشكلة فى كده ؟؟
وده بيتلغى ازاى بعد كده ؟؟

وشكراا جداا

[أبو صلاح]

خلي معاك صورة من التوكيل
وبعد كده بتروح الشهر العقاري اللي عملت منه التوكيل وتطلب الغائه والمفروض انهم بيبعتوله على مكتبه اخطار بالغاء التوكيل

[Abdm]

طيب لو فى حد مش لغى التوكيل بعد أنتهاء القضية لعدم أخذ صورة مسبقة أو مر زمن كتير بعد التوكيل دة هل ممكن المحامى يسىء أستخدام التوكيل بدون علم صاحب التوكيل أو الموكل فى أى قضايا أخرى .

وجزاكم الله خيرا

[banboty]

السادة,

من الممكن اساءة الاستخدام لهذا التوكيل !! لانه بموجب هذا التوكيل هوا يمثلك قانونا في اي قضية حتى لو بدون علمك - طالما ان التوكيل لم يلغى ..

يعنى , ممكن يكون فيه خصومة بينه وبين شخص او عاوز يجامل حد سواء بمقابل او بدون ,

فيعمل إإإإيه مثلا

يقوم رافع جنحة شيك بإسمك وبصفته موكلك ويقعد يبتز في الطرف الثاني لغاية اما الراجل يقول حقي برقبتي وكل ده وانت مش عارف و لا الطرف الثاني عارف يوصلك لانو ميعرفش عنك حاجة لان كل المعلومات عند المحامي و اللى طبعا هيخبيها عنه ...

من البداية - كان لازم يتعمل توكيل خاص برقم قضية محدد وليس توكيل قضايا عام لاكثر من قضية - ولكن لو تطلب الامر توكيل عام قضايا ووجود اكثر من قضية - يجب بعد الانتهاء من القضايا المرفوعة الغاء التوكيل - الا اذا كان المحامي ثقة

اما طريقة الالغاء - اول خطوة :هتروح الشهر العقاري ويكون معاك صورة من التوكيل القديم او تاريخه وهتطلب الغاؤه .
ثاني خطوة: تبعت له مذكرة او انذار بالغاء التوكيل وترفق ايضا شهادة الالغاء اللى اتعملت في الشهر العقاري عن طريق مُحضر من المحكمة من ساعته وتاريخه - وده اسمه اعلان له - علشان لو استخدم توكيلك بعد الالغاء والاعلان - يبقى وقع تحت طائلة القانون لانه لايكفي ان تلغيه فقط ولكن - لازم المحامي يعلن رسمي.

[A.Saad]

لو مش معاك صورة والمكتب فيه كمبيوتر ممكن تطلع صورته بالاسم

[AHMED12345678]

وممكن تبعتلة الاخطار بالغاء التوكيل على نقابة المحامين

[Omar.Shawki]

شكرا ياجماعة على الردود المفيدة

طيب هو ينفع يرفع القضية واخد رقمها واعمل توكيل بالقضية دى بس؟؟؟؟

[A.Saad]

شكرا ياجماعة على الردود المفيدة

طيب هو ينفع يرفع القضية واخد رقمها واعمل توكيل بالقضية دى بس؟؟؟؟

اى نعم
اسمه توكيل خاص قضايا

ولو مش عارف رقمها
فى السجل العقارى قول الموظف لسه مش اترفعت
المحامى هيرفعها
بس تكتب موضوع القضية

[Omar.Shawki]

[QUOTE=A.Saad;3875042137]اى نعم
اسمه توكيل خاص قضايا

ولو مش عارف رقمها
فى السجل العقارى قول الموظف لسه مش اترفعت
المحامى هيرفعها
بس تكتب موضوع القضية[/QUO
شكرا يافندم