استغلال العربيه ف الشغل

[calipha3]

السلام عليكم يا شباب قولت اخد رايئكم ف الموضوع ده

شغال ف شركة و احيانا الموضوع يتطلب تنقلات بالعربيه الراجل اتفق معايا ان 500 جنيه شهريا للعربيه.
بس طبعا بعد ما الدنيا غليت و البنزين اختفي بفضل ديما اخد مواصلات اريحلي

المهم لقيت الراجل بتاع الشغل عاوزني اروح المنوفيه الف فيها و لازم بعربيتي و زعلان ازاي يديني فلوس ليها و مشغلني عشانها و انا مش بستخدمها و كلام ملوش لزمة.

قولتله يا عم خليلك الفلوس بتوع المواصلات و اعتبرني معنديش عربيه.

الصراحة اتخنقت منهم و عاوز اسبهم

[dedi]

اصبر فى الايام الغبرة دى و بعدين هو الراجل دغرى معاك و ساعة مااشتغلت واضح انة كان الاتفاق انك بالعربية فهو كدة اكيد حاسس انة حضرتك سورى موش دغرى حاول تشرح لة بهدوء موضوع البنزين و اكيد انت ادرى واحد تقدر تقرر انة المشواير بالسيارةتغطيها ال500 جنية و لا لا
اصبر و لو جاتك فرصة افضل روح لها
تحياتى

[hossam_elwani]

اشرح له وفهمه

[Abdm]

هو ما لوش دعوة بعربيتك أهم حاجة المصلحة تنقضى وخلاص سواء مواصلات ودة أريحلك وأوفرلك كمان فى صحتك ووقتك وفلوسك .. لو هو مصمم على العربية بتاعتك فهو المفروض يدفعلك ثمن البنزين والزيت والصيانة والمجهود العصبى فى السواقة فى الزحمة وكمان الخبطات والحكات وقطع الغيار وأهم حاجة التعويض عن المخاطر الشخصية للسواقة يعنى أقل حاجة ضعف المبلغ دة مرتين وممكن أحيانا ما يكونش كفاية .....

يأما ما لوش دعوة بالعربية والفلوس دة تكون للموصلات فقط بدون العربية وكمان لو المشاوير يومية فبردة الفلوس دية قليلة قوى سواء جوة المدينة أو خارج المدينة وهتكون قليلة قوى لو سفريات خارج المدينة ومواصلات ....

طالب بتعديل الآجر سواء للمواصلات أو العربية الخاصة .... يأما يجيب لك عربية خاصة بية وتكون للشغل ويسلمها لك تقضى بيها الشغل وليك أجرك بردة ..

والله الموفق والمستعان

[canner]

اصبر فى الايام اللى احنا فيها دى علشان انت لو حطيت العقدة فى المنشار ح يقولك مع السلامة و يجيب الف بدالك و ده تفكير كل رجال الاعمال دلوقتى ان دى فرصتهم يتحكموا فى الموظفين اللى عندهم علشان الدنيا واقفة فبلاش تديلة الفرصة دى و اصبر و ان شاء الله الدنيا تبقى كويسة و يعوضك ربنا خير

[prof2013]

انت ممكن تعمل حركه حلوة تاخد ال 500 جنيه عادي وتركب العربيه على اساس انك رايح المشوار المكلف بيه وتحط العربيه في بيتك وتركب مواصلات وانت راجع نفس الحكايه وبكده تكون اخدت 500 جنيه + مرتبك ههههههههههههههههه بهزر طبعا

[calipha3]

انت ممكن تعمل حركه حلوة تاخد ال 500 جنيه عادي وتركب العربيه على اساس انك رايح المشوار المكلف بيه وتحط العربيه في بيتك وتركب مواصلات وانت راجع نفس الحكايه وبكده تكون اخدت 500 جنيه + مرتبك ههههههههههههههههه بهزر طبعا

ما هو ده الي انا بعمله فعلا و اصلا الفلوس ده بدفعها مواصلات مش بحطها بجيبي يعني و اساسا انا معرفش اي طريق بالقاهره فمش همشي بالعربيه اتوه يعني و موصلش مشاويري