تجربتى مع تكييف سامسونج 3ح ماكس

[topfield]

الفترة اللي فاتت وعشان الحر الشديد قوي اللي عندنا ومش عندكم عقبال عندكم كنت عمال ادور واطقس علي جهاز تكييف الن حلال انا اصلا عندي تكييف بور امريكاني ٥ ح خلي بالكم خمسة (في عين اللي مايصلي علي النبي )
عشان يغطي الاستقبال والسفرة والمطبخ
وكمان واحد ظغنن في الغرفة الصغيرة
بس كنت عايز اجيب جهاز في الماستر رووم سالت كتير وكتيير ووضعت معايير في الاختيار الاول وعليها هيكون الاختيار
١_ الجهاز قدرة ٣ ح عشان مساحة الغرفة ٤،٢٠* ٥،٥ م٢ يعني حوالي ٢٣ م٢
٢_ يكون بيشتغل علي جهد قليل يعني بيشتغل علي ١٦٠ فولت عشان انتم سيد العارفين اني الكهربا في بلادنا عمرها ما بتنزل عن ٢٢٠ فولت ....... طبعا اللي عدت دي تريقة أكيد
٣_ الكباس يعمل في تحت دوجات حرارة عالية ٥٥ درجة عشان عقبال عندكم الجو عندنا نار يا حبيبي ناااار
٤_ الجهاز مايكنش صوته عالي ومزعج عشان دي بقه الماستر رووم يعني النوم والهدووء وعدم الازعاج وخدلي بالك من عدم الازعاج دي
وتحت هذه الشروط بدأت خطة البحث والتنقيب والمقارنات
التي انتهت بي الي ان هناك جهازين اثنين يتحقق فيهم شروطي الاربعة مجتمعين هما ال چي و سامسونج
ووقع الاختيار علي سامسونج ماكس ٣ ح والان ركبته
تكييف سامسونج ٣ح ماكس
الجهاز اداؤه رائع بيثلج الغرفة عندي ابعادها ٤*٥،٥م يعني تقريبا ٢٣ م ٢
هواء نقي يعمل بكفائه وفي صمت تام
انصح من هو مقدم علي شراء تكييف سامسونج الا يتردد عن تجربة
الجهاز مكوناته كلها من سامسونج كوريا
المكباس كوري من نوع تروبيكال تبريد سريع مع تحمل اقصي درجات الحرارة
الصراحة ١٠/١٠ والاجمل صوته ناعم جدا وتسقيع ثلج
وهواء نقي وهو بذلك حقق لي متطلباتي تماما
تكيف سامسونج بهذا الاداء يدخل مع مربع الكبار
شارب - ال چي - كارير - سامسونج
فهو منافس قوي جدا وبجدارة
وزي ما قلتلكم
ال چي وسامسونج بيعملوا تحت جهد قليل يصل الي ١٦٠ فولت وهذا غير متوفر في أجهزة اخري غير انهم بيعملوا في صمت مع قمة في الاداء ووقع الاختيار علي سامسونج ماكس ٣ح
وفى انتظار تعليقاتكم

[El Prince]

شكراً لمشاركتنا تجربتك

تحياتى

[ahmedteam]

مبرووووك على الجهاز و صيف سعيد عليك

[mo3tazanas]

how much?

[aboomar22]

شكرا عن نقل التجربة لكن كارير اصبح غير منافس كاريبر كان زمان دلوقتى الجهاز كله صينى وبلاستيك ضعيف واداء مش مرضى واستهلاك كهرباء عالى

[S O P H O S]

مشكوررر علي نقل التجربة

[tarekzein]

شكرا لنقل التجربه بس زميل جابه وبعد سنه بالظبط مبقاش يحقق التبريد المطلوب
وبرده سايلنت

بس سؤال من فضلك :

ليه كل شويه الجور ناااااار عقبال عندكم ......ليه عقبال عندنا مش فاهم

[طارق _عبد السلام]

شكرا على نقل التجربه
لكن عندى شارب 2.25 حصان جايبه من خمس سنين
شغال فى غرفه 5 ×5.5 يعنى مساحه اكبر وصوت ماشاء الله وبشغله غالبا على 27 ولو العمليه زادت قوى على 26 ومبستحمل التبريد
شارب فائق الاحترام انا لم اجرب غير الشارب وعندى كاريور 5 حصان مابشغله اصلا لان المساحه اكبر من قدرته

[chicobon]

بصراحة اي تكييف بيسقع و كلهم نفس الحاجة و يونيون اير كمان كويسو شغاال 24 ساعة الحاجة مش شرط تبقي غاليه عشان تكون كويسه و شكرا لنقل التجربه

[abdulhafeez]

في حاجات بتفرق كتير في تبريد التكييف اكتر من النوع
واهم حاجة الحمل الحراري على المكيف
يعني مكيف شغال في درجة حرارة 45 مش زي 40 مثلا ولا زي 35

ثانيا ودي مهمة برضو ... وهو وضع الغرفة يعني غرفة في الدور الأخير والسقف مش معزول ضد الحرارة وكمان الغرفة غربية يعني الشمس بتخبط فيها من الساعة 2 الظهر لحد المغرب دي برضو بتفرق كتير

ثالثا ودي برضو مهمة مكان الكباس الخارجي ... لو الكباس محطوط في الشمس اكيد هيتاثر ومش هيبرد كويس وهياخد وقت كتير علشان يدي تأثير ... مقارنة بكباس محطوط في الظل طول اليوم اللي في الظل هيكون تبريده احسن واسرع وكمان استهلاكه في الكهرباء هيكون اقل من التاني اللي في الشمس

وبرضو الكباس ما يتحطش في مكان مكتوم علشان حرارة الجهاز ماتردش عليه فتبريده يقل

في ناس بتحط الكباس فوق السطح ... دا بقى بيدبح المكيف بالشمس طول اليوم .....
طبعا في ناس هتقول ان الشمس مش هتفرق في قوة المكيف .. هرد عليهم رد بسيط اوي ....... هو الجو اصلا بيكون حر علشان الشمس هي اللي بتسخن الجو ... فاكيد لازم التكييف يتأثر ........

يعني لو درجة الحرارة 45 والكباس في الشمس دا معناه ان درجة حرارة الكباس حوالي 60 الى 65 .... ومعظم الكباسات بتفصل عند درجة حرارة 60 لحماية الجهاز من الضغط العالي ........ يعني مش هتستفيد بالتكييف لو الحر شديد قوي ........ المروحة اللي جوة الغرفة هتجيب هوا بس مش هيكون بارد

طيب احنا نعمل ايه بقى لما نركب الجهاز .........
1- اختيار جهاز مناسب لحجم الغرفة الحصان تقريبا يكافئ 10 متر مربع يعني 3 حصان يكفي لحد 30 متر مربع
2- لو الغرفة فيها حمل حراري عالي زي ما تم ذكره فوق يبقى تختار سعة حصانية اكبر يعني لو الغرفة 22 م تختار 3 حصان مش 2.25 حصان

3- وضع الكباس في الظل قدر المستطاع وان صعب الموضوع يبقى يتحط في الجهة الشرقية مش الغربية وما تحطش الجهاز فوق السطح (( احسن مكان انك تحطه في البلكونة ))

4- منع الشمس من الدخول للغرفة بوضع الستائر او تفييم زجاج الشبابيك

5- حاول ما تجبش 1.5 حصان لانه بيتعب بسرعة بعد فترة ولما الحر بيشد جامد مش بيبقى فعال قوي


وشكرا

[dadapharma]

مبروك التكييف. .. كنت لسه بركب تكييف 1.5 فى أودة 16 متر و أستقريت على سامسونج كريستال. . المشكلة عدم توفره عند الشراء + السعر العالى طبعا. . تم تغيير الخطة ليونين أير 2.25 بارد بلازما و أداءه جيد جدا مع العلم ان الأودة قبلى غربى و الكباس فى الشمس. . الأودة التانية كنت مركب فيها شارب 1.5 و كان أداءه سيئ جدا. . تم تعديل مكان الوحدة الداخلية و إعادة الشحن و غسيل الوحدة الخارجية (مهمه جدا جدا) و الأداء تحسن جدا مع إن الأودة 16 قبلى و الشمس ضاربة فيها أكتر..
أتمنى تجربة تكييف باناسونيك بتكنولجيا الإنفرتر الى بتوفر الكهربة 30% فعليا.. بس سعر ال1.5 تقريبا 6000 جنيه!!

[dramir1]

ربنا يباركلك في الجهاز

[max_ziro]

شكرا لنقلك التجربة وفعلا سامسونج من الاجهزة المحترمة كارير بقى زبالة تبريدة حلو اما الخامات و الصوت و الكهرباء و الاهتزازات قرف

[Ahmed_selmy]

شكرا عن نقل التجربة لكن كارير اصبح غير منافس كاريبر كان زمان دلوقتى الجهاز كله صينى وبلاستيك ضعيف واداء مش مرضى واستهلاك كهرباء عالى

+11111111

[أحمد كمال]

٥ ح خلي بالكم خمسة (في عين اللي مايصلي علي النبي )

لو حضرتك خايف على حاجتك من الحسد مننا يبقى جاي تقول لنا عليها ليه؟


اسلوب مستفز للغاية بصراحة