خوفي الزيادة على العربية

[eng/ahmed_go]

يا جماعة انا عندي مشكلة او بمعنى اصح مش عارف اذا كانت مشكلة لا لاء
المشكلة اني بخاف جدا جدا على العربية يعني مثلا ممكن اروح مشوار مشي عشان خايف ان العربية تتخبط او حاجة وممكن كمان اركن بعيد عن المكان اللي انا ريحه بكام شارع بمجرد اني الاقي ركنة كويسة وامنة على العربية ومثلا بخاف ان اي حد يسند على العربية وفي نفس الوقت لو اخدت مطب او العربية اتحكت ازعل جامد وتعكنن عليا طول اليوم
المطلوب : نفسي اتعامل عادي مع العربية اروح اي حته واركن في اي حتة والعربية متكونش ضغط عليه بالعكس تكون وسيلة مش اكتر ،،،،، يعني مثلا انا كنت رايح الساحل مع واحد صاحبي وعربيته اتحكت حكة بطول العربية بسبب سلك طالع من عمود وصاحبي ده كمل المشوار عادر وسافرنا وكان بيضحك ولا كأن حاجة حصلت ولو الكلام ده حصل معاية كنت فضلت طول المصيف قرفان و زعلان على اللي حصل

فدلوقتي الفوضى اللي في الشارغ زودت الضغط العصبي اللي عليا بالذات الموتسيكلات والتكاتك ........ وبصراحة كرهتني في السواقة .....دلوقتي اعمل ايههههههه اريد حلا :d

[hugan]

كلنا هذا الرجل
طبيعي ان اي حد يخاف علي عربيته لانك ماشتريتهاش بالساهل
في ناس كتير العربيه لاتعني لهم شيء مهما ارتفع سعرها
لانه ببساطه ممكن يشتري غيرها بسهوله

[aboamina]

انا زيك في الخوف على العربية وممكن اروح اي مشوار من غيرها لو عارف انه مشوار غلس وبرضه بدور على الركنة الافضل والآمن حتى لو كانت بعيدة .... لكن بصراحة مش زيك خالص في موضوع الزعل على اي حاجة تحصل في العربية والله وقتها بقول الحمد لله وقدر الله ما شاء فعل .

[horas3000]

للاسف انا زيك تقريبا
و بيبقي هاين عليا اركن العربيه و اروح مشاويري مع اي حد

البلد بقت فوضي و حقك مش هتعرف تاخده

ربنا يسترها من عنده لان الواحد جاب اخره

[dede_dodo88]

اعتقد مفيش حد مبيخافش على عربيته بس بتبقى بنسب مختلفة من شخص للتاني.. يمكن أنت بزيادة شوية..

أنا مبتحركش بالعربية غير في الأماكن اللي عارفها كويس و متأكد انها منطقة كويسة مفيش قلق فيها و أبقى عارف أني هلاقي ركنة كويسة.. غير كده بركب تاكسي أحسن ما أبهدل العربية على الفاضي..
بس على الرغم من كده مقدرش أمنع أن العربية تتخربش أو تتخبط حتى و بتحصل عادي و العربية مركونة في مكانها.. بزعل شوية أه بس مباخدش وقت كتير عشان أنسى الموضوع..

[حاتم سليم]

دلوقتي اعمل ايههههههه اريد حلا !

هاجر

و ابعت لنا ...

[Rsarabia]

عادى جدا انك تخاف تعرف انى من ساعة ما جبت العربية من شهر 9 اللى فات مبتقفش فى شارع ابدا ؟؟
اما فى الجراج اما فى باركنج النادى اما بنزل خمس دقايق اجيب حاجة من الصيدلية مثلا غير دا مبوقفهاش فى الشارع اطلاقا و عمرى ما ركنتها قدام بيتى ابدا :d
دا بقا مش خوف دا وسوسة

[adelghanem]

فعلا الواحد لازم يخاف على عربيته
بس مش للدرجه انه ياخد تاكسى وميركبهاش
اى نعم فى اماكن الواحد ميروحهاش بالعربيه
بس مش تبقى دى السمه الغالبه
الواحد المقدر له حيشوفه
والله انا باركن العربيه فى اماكن مختارها بعنايه
وممكن استنى لغاية ما المكان المناسب يفضى
ورغم عن ذلك العربيه بتتخبط
وبشوف ناس راكنه فى وضع تقول تعالوا أخبطونى
ورغم عن ذلك مابيحصلهاش حاجه!!!!
انا بقول لايمنع حذر من قدر
بس الواحد يعمل اللى عليه والباقى على الله,
لا يهمل ولايكتف نفسه

[reda elgohary]

أختلف معك

[
في ناس كتير العربيه لاتعني لهم شيء مهما ارتفع سعرها
لانه ببساطه ممكن يشتري غيرها بسهوله[/quote]

أنا مختلف معك لآن فيه ناس أشترت عربية بطلوع الروح ورغم كدة بتتعامل معاها عادي جدا زيها زي الموبايل والساعه والجزمة كمان ،،مش شرط علشان أنا معايا فلوس يبق مش تفرق معايا والعكس صحيح .

[reda elgohary]

ربنا يبارك لك ف عربيتك وربنا يسترها معانا جميعا .

[mazagngi2010]

انا عكسك تماما
وفيه اوقات بانسى انا كنت راكنها فين اصلا
من الاخر العربيه جايه علشان تشيل عنى هموم المواصلات مش جايبها علشان تكدرنى وتزعلنى وتقلقنى على الفاضى

[ehab]

ياه دا انا مطلعتش الوحيد الي كدا
انا بعمل زيك تمام
ابويا بيقولي دي العربية دي عندك زي ابنك كدا

[Land_Cruiser]

علشان تريح نفسك تخيل ان اي حاجه لو لاقدر الله باظت فيها انك تقدر تصلحها و ترجعها زي ما كانت بالضبط و انت هتلاقي الشعور ده حدته خفت كتير عندك و طبعا لازم قبل كده تبقي حاطط في دماغك ان كل شيء مقدر و مكتوب سواء خير او شر و اننا فقط بناخد بالأسباب لما بندور علي ركنه كويسه او في مكان آمن علشان تبعد عن نفسك شبهه الإهمال يعني مش عيب لما تركن بعيد شويه بس في مكان كويس او انك لو رايح مشوار في مكان زحمه او قلق انك تروح بتاكسي لو ده هيريحك لكن براحتك و في ناس كتير بتعمل كده المهم تبقي مرتاح نفسيا و خلاص

[KoKyKa]

شكلها أول عربية تجبها

كلنا كدة فئ أول عربية لدرجة انى. كنت بغطيها.

بس مع أول حدثة قلبك حيجمد

بعد الشر طبعا

ومع الوقت 3 4 سنين

حيبقى تركنها صف عاشر

[minicooper20]

ايه يا جدعان انتو جيبين عربيه تتمتعو بيها ولا تبقا لود عليك
نصيبك هيصيبك
حوطها فى جراج ممكن جراج يولع
العربيه واسيله مش غايه
اركب و اتمتع و سيب الباقى على الله هو الحافظ
الحذر لا يمنع قدر
و فى الاخر العربيه دى بفلوس و انتا الجايب الفلوس و زى مجبتها تقدر بفضل الله تجيب تانى
استمتع يا كبير