خوفي الزيادة على العربية

[reda elgohary]

الله عليكم هو ده الكلام ،،وزي ما قال أحد الآعضاء الحذر لا يمنع القدر

[طارق _عبد السلام]

اللى يركن على العربيه عادى جدا دى بقت حاجه طبيعيه

ومن جهه الخوف طبعا الغربال الجديد له شده

انا مابيفرق معايا غير الاغبيه بتوع المسمار ويجيب جنب العربيه ويرسم خرايط
ده انا استويت منهم ده من فجرهم كان معايا بولو فبريكه واترسمت كبوت واجناب وسقف شوفت الافتراء ولاد الك..................

وكان معايا ايه فايف واحد كاتب اسمه واسم حبيبته على الكبوت بمسمار غير شويه تحابيش حاجه فضيحه وتحرق الدم
والفانتازيا ممكن بس اسيبها خمس دقايق الاقى عليها سحبه جديده بمسمار العربيه جديده والخربوش الجديد بيظهر فى ثانيه ولعلمك كل العربيات اللى انا ذكرتها فبريكه كلها
لما كنت راكب عربيات رشه بره كانوا بيحافظوا عليها :) ومحدش بيقرب لها
باشا كبر دماغك واتمتع بعربيتك نصيبك هيصيبك

[mahmoudysf]

بيع العربية وريح نفسك

[ayman_kamal]

كلنا هذا الرجل والله انا باركن العربيه فى اماكن امنة وممكن الف لغاية ما المكان المناسب يفضى ورغم عن ذلك العربيه بتتخبط وبتجرح و بتتخربش و حاجة تقرف صعب جدا ان الواحد يحافظ على عربيته نظيفة لامعة 100 % في هذه البلد امبارح نازل رايح مشوار لاقيت العربية مردومة مونة و اسمنت كنت ناوي اعمل بليكة بس ملاقيتش اللي عمل كده قلت حسبي الله و نعم الوكيل الناس في مصر مافيش اخلاق و لا ضمير و انها املاك ناس و يمكن شقيانين فيها

[ahmedteam]

كل الناس اللى تعبانه فى الفلوس هتلاقيهم خايفين على العربيات و ده شعور طبيعى و انسانى و انا كمان بخاف عليها بس بلاش الخوف ده يتحول لخوف مرضى انا جايب العربيه علشان تريحنى مش انا اللى اريحها

و زى ما قال كل الناس الحذر لا يمنع القدر ممكن تبقى راكن فى مكان و شجره تقع العربيه او اى حاجه تحصل

اعمل اللى عليك و خد احتياطاتك و اسبابك و سيبها على ربنا اللى نصيبك فيه هتشوفه لو كنت فين

و لا تنسى قرأه الاذكار و ربنا هو الحافظ

[amnpop]

اعتمد علي الله
و الحذر لا يمنع قدر

[S O P H O S]

ده طبيعي وربنا يستر علينا جميعا فالايام دي

[Ahmedezz2000]

كل الناس اللى تعبانه فى الفلوس هتلاقيهم خايفين على العربيات و ده شعور طبيعى و انسانى و انا كمان بخاف عليها بس بلاش الخوف ده يتحول لخوف مرضى انا جايب العربيه علشان تريحنى مش انا اللى اريحها

و زى ما قال كل الناس الحذر لا يمنع القدر ممكن تبقى راكن فى مكان و شجره تقع العربيه او اى حاجه تحصل

اعمل اللى عليك و خد احتياطاتك و اسبابك و سيبها على ربنا اللى نصيبك فيه هتشوفه لو كنت فين

و لا تنسى قرأه الاذكار و ربنا هو الحافظ

أتفق مع حضرتك جدا
لان العربية مش بتيجي بالساهل والاسعار عربيات الجديدة خصوصا في زيادة كبيرة
فالواحد يتعور في مبلغ وقدره
لكن احنا بنعمل اللى علينا ونسبها على ربنا
ممكن لاقدر الله تكون مشكلة في الركنة وحد يكسر الزجراج او وواحد بيركن ويحكها ويطلع يجري
الحذر لا يمنع القدر

[hany121]

اهلا بالزميل :)

انا زيك كده بالزبط وزياده شويه عربيتي ما تتركنش غير في جراج ولازم تبقي متغطيه وميتحطش عليها فوطه زفره...

ده انا كنت بدفع جراج عند البيت وجراج عند الشغل ضعف ايجار الشقه اللي ساكن فيها وده بعد وسايط علشان يتخصصلي مكان وتناكة سياس مفيش بعد كده تقولش احنا اللي شغالين عندهم وده كمان كان قبل الثوره وانتشار سرقة العربيات...

بعد الثوره ومع صعوبة السير بالعربيه والزحام المميت وسرقة السيارات خصوصا وان نوع عربيتي كان رقم واحد في السرقه ومع امتلاء الجراجات ونقص البنزين لاقيت انها بتمثل ضغط عصبي عليا وبما اني قريب من المترو بعتها وهي عامله 13 الف كم وارتحت من الضغوط ده وبقيت استعمل المترو اسهل واسرع واوفر ولما يكون معايا الولاد باخد تاكسي