داخل كليه الطب - عندك حد داخل طب خش و اسال اللي انت عاوزه

[Nile_Storm]

السلام عليكم
بما اننا علي اعتاب سنه دراسيه جديده
فانا فتحت الموضوع ده للاجابه عن اي استفسارات لاي واحد داخل طب
و اي خدمه متترددوش
علشان خاطر عيون نايل موتورز و اعضاءه الجمال

اي خدمه اامروني

[Ahmed Samy]

هاتقوللهم ايه يا محمد ؟؟؟

هاتقول ايه وللا ايه

بص انت ممكن تحكي تجربتك مع الكلية وأهو تبقى عبرة للي عايز يدخلها

ربنا معاك و يوفقك و يوفقنا نلحق لنا كام سنة نعيشهم

[Nile_Storm]

اصل الاسئله الايام دي بتجيلي كتير
اصلي كنت رئيس اتحاد طلاب كليتنا من سنتين
و لسه رئيس واحده من اكبر الاسر في الكليه
فقلت مادام اقدر افيد يبقي اعضاء نايل اولي بالنصيحه
عامه لو حد عاوز اي حاجه يتفضل و يسال

[Chicco]

فكرة هايلة يا دكترة ....و زاي ما أحمد باشا قال ...ممكن تحكي تجربتك لزيادة الأستفادة كمان

[ehab]

نايل ستورم انت من طب عين شمس ؟

[Nile_Storm]

لا القاهره

[Dr Zezo]

فكرة ممتازة يادكتور ربنا يوفقك لما فيه الخير
ياااه دا الواحد اول مادخل الكلية دي فضل ضايع فتره طويلة وكنت بأدور علي خبرات السابقين في كل مكان و الحمد لله

[M_ashraf]

و انا معاكم يا رجالة
انا في امتياز وخريج طب المنصورة
اي خدمة في طب المنصورة

[Dr_Smart]

طيب ندفع كام للعيانين في امتحان الباطنه ???

ال long case wel short case ???

سؤال مهم وخصوصا اني دايما العيانين بيقلبوني عايز اعرف بقى التسعيره في حدود كام

بلد العجايب

[Chicco]

طيب ندفع كام للعيانين في امتحان الباطنه ???

ال long case wel short case ???

سؤال مهم وخصوصا اني دايما العيانين بيقلبوني عايز اعرف بقى التسعيره في حدود كام

بلد العجايب

بص يا دكترة هي بتبقى حسب العيان ...محترف و لا لا و المرض اللي عنده نادر و لا لا و حسب الحالة أنت متمكن منها و لا لا........ ما فيش تسعيرة ثابتة

أيامي أنا (بكالوريس ٩٥ )كان الرانج من ٢٠ جنيه و لغاية ١٠٠

و كان فيه عيانين بجحين ممكن يطلبوا الساعة أو المجوهرات من البنات
عشان كده دايما كانوا ينصحونا ما نلبسش ساعات غالية

لو متمكن و أعصابك حديد ممكن تهددهم بانك تشتكي و ساعتها بيخافوا "عيشهم" يتقطع و بيتعدلوا .....أي حاجة تانية يبقي مشي حالك و أهي علقة تفوت

[Dr_Smart]

بص يا دكترة هي بتبقى حسب العيان ...محترف و لا لا و المرض اللي عنده نادر و لا لا و حسب الحالة أنت متمكن منها و لا لا........ ما فيش تسعيرة ثابتة

أيامي أنا (بكالوريس ٩٥ )كان الرانج من ٢٠ جنيه و لغاية ١٠٠

و كان فيه عيانين بجحين ممكن يطلبوا الساعة أو المجوهرات من البنات
عشان كده دايما كانوا ينصحونا ما نلبسش ساعات غالية

لو متمكن و أعصابك حديد ممكن تهددهم بانك تشتكي و ساعتها بيخافوا "عيشهم" يتقطع و بيتعدلوا .....أي حاجة تانية يبقي مشي حالك و أهي علقة تفوت

الف شكر يا دكتور على ردك

اتمنى ان حضرتك تحكيلنا عن تجربتك في الدراسه بره مصر وليه جاتلك الفكرة دي والمميزات والعيوب

فعلا هيبقى موضوع رائع وهيفيدنا كلنا

[Chicco]

الف شكر يا دكتور على ردك

اتمنى ان حضرتك تحكيلنا عن تجربتك في الدراسه بره مصر وليه جاتلك الفكرة دي والمميزات والعيوب

فعلا هيبقى موضوع رائع وهيفيدنا كلنا

العفو يا باشا و بالتوفيق إن شاء الله ....أنا نازل مصر أخر رمضان إن شاء الله و تحت أمر أي حد في أي استفسار .....و إن شاء الله اكتب موضوع عن دراسة الطب في كندا قريب أول ما أفضى شوية بس

[zAzU]

العفو يا باشا و بالتوفيق إن شاء الله ....أنا نازل مصر أخر رمضان إن شاء الله و تحت أمر أي حد في أي استفسار .....و إن شاء الله اكتب موضوع عن دراسة الطب في كندا قريب أول ما أفضى شوية بس

انا فى 4 طب المنصوره وكنت ناوى اسافر كندا ان شاءالله لو ربنا طول فى عمرنا يعنى ههههه فكنت عايز اعرف من حضرتك سافرت ازاى و ايه النظام هناك انا عندى قريب هناك و معاه جنسيه طبعا لما ترجع بالسلامه وتكون فاضى

[Chicco]

انا فى 4 طب المنصوره وكنت ناوى اسافر كندا ان شاءالله لو ربنا طول فى عمرنا يعنى ههههه فكنت عايز اعرف من حضرتك سافرت ازاى و ايه النظام هناك انا عندى قريب هناك و معاه جنسيه طبعا لما ترجع بالسلامه وتكون فاضى

مبدئيا طبعا ....خلص الكلية و الأمتياز بالسلامة ....و لنا لقاء إن شاء الله في القاهرة ...تحت أمرك يا دكترة

[Nile_Storm]

بالظبط
اول ماترجع يا باشا ننظم المقابله الطبيه الاولي بالمنتدي :)