تكييفات بتكنولوجيا انفيرتر

[ENG\AHMED]

static inverter converts from DC to AC

[prince91720]

الانفيرتر يعني بيولد كهربا من حركة مروحته شخصيا وبالتاي بيوفر في الكهربا فقط لا اكثر ولا اقل

وفي غسالات انفيرتر وللتاكد لف حوض الغساله بايدك كم لفه وشغل هتنور العدادات مع اان الفيشه مفصوله....


تحياتي

Sent from my tab using Forum Runner

اسمحلي أقول بس ان المعلومات دي مش دقيقة أوي

انفرتر - ده معناه انه بيحول التيار 220 فولت المتردد ac (فولت ثابت 220 وتيار متغير)- - الي بيدخل البيوت عندنا - لتيار ثابت dc متغير الجهد - وبيقدر يزود ويقلل جهد dc بسهولة - فيقدر يتحكم في سرعة دورة التبريد

وده بيخله موفر جدا في الطاقة

فى الاول اقتنعت بوجهة نظر د حازم علشان كده شكرته على المشاركه
بعد كده لما قرأت كلامك اقتنعت بوجهة نظرك اكتر
متابع معاكم ومنكم نستفيد

[MoMohsen]

بس انا مفهمتش يعني ده نازل في عربيات فعلا ولا فكره جديده؟!؟!؟!؟

الكلام على تكييفات والله اعلم :)

ايوا يا فندم دة موجود فى اغلب العربيات الالمانى و كمان فى الدايو ..و هو مش فكرة جديدة فى تكييفات المنازل. بس للاسف وصلت مصر متأخر اوى يعنى فى اليابان نسبة التكييفات الانفرتر 100 % ودة لان نسبة توفيرة للكهرباء عن التكييف العادى 30-40%....و دة مع اداء احسن بس هو عيبة ان تمنه اعلى شويه من التكييف العادى.

[hazemhany]

بص يا باشا فكرة الأنفرتر زي ما حضرتك تفضلت وشرحت بالظبط وهي انه بدل مبيشتغل اون و اوف بس ..لأ هوا شغال علطول بس بسرعات مختلفة تعتمد ع الحمل الحراري الواقع ع جهاز التكييف واللي بيتم تحديده بناءا ع حساسات موجودة ف الوحدة الداخلية والخارجية ..وطبعا انه يشتغل ع سرعات مختلفة ده بيوفر جامد جدا في استهلاك الكهربا..

طريقة عمله بقي ان الجهاز ده بيقوم بتحويل التيار المتردد اللي جايله AC الي تيار مستمر DC وده بيديله القدرة انه يغير من تردده وبالتالي تتغير فولتيته ع حسب الحمل الحراري وبناءا عليه تتغير سرعة دوران ال Rotor بتاع الكباس.. طبعا السيستم ده معقد جدا ومختلف تماما عن كنترول الأجهزة التقليدية وده طبعا مسمع في سعر الجهاز اللي بتلاقيه اغلي بكتير من نظيره التقليدي بس في المقابل انت بتوفر في استهلاك الكهربا بشكل كبير مش اي كلام يعني ..يكفي اني اقولك انك لو بنتكلم عن جهاز 1.5 حصان عادي هتلاقيه متوسط استهلاكه حوالي 230 كيلو وات ساعة شهريا ع متوسط تشغيل 6 ساعات يوميا بينما ع جهاز 1.5 انفرتر هتلاقيه بيستهلك 180 كيلو وات ساعة شهريا بس يعني انت بتتكلم ع توفير حوالي 25% من فاتورتك الشهرية ...لما حسبوا ال Payback period بتاعت الجهاز ده لقوها سنتين بس يعني حضرتك هتسترد قيمة جهازك بالكامل بعد سنتين فقط من ناتج توفيرك في فاتورة الكهربا ..فالفكرة انت بتدفع كتير دلوقتي بس هتوفر كتير اوي في المستقبل.

الجهاز موجود في السوق المصري من كاريير باسم Xpower وواحد تاني ميديا مش فاكر اسم موديله والأتنين بضمان ميراكو ...

[amagroup]

منكم نستفيد
وشكرا جزيلا للإيضاح

[lonedoctor]

ايوا يا فندم دة موجود فى اغلب العربيات الالمانى و كمان فى الدايو ..و هو مش فكرة جديدة فى تكييفات المنازل. بس للاسف وصلت مصر متأخر اوى يعنى فى اليابان نسبة التكييفات الانفرتر 100 % ودة لان نسبة توفيرة للكهرباء عن التكييف العادى 30-40%....و دة مع اداء احسن بس هو عيبة ان تمنه اعلى شويه من التكييف العادى.

معلش اخى الكريم ممكن تستوثق من المعلومة لان شركة دايو افلست عام 2002 وضحكوا علينا بموديلات اخرها 2007 فى مصر

[Sh_sunsea]

سامسونج برضه تكييفاتها بنظام الانفرتر على ما أتذكر - دي كانت اول مرة اساسا اسمع عن حد مستخدم التكنولوجيا دي في مصر

وأعتقد lg هاتبقى نفس النظام - بس مش متأكد

[MoMohsen]

معلش اخى الكريم ممكن تستوثق من المعلومة لان شركة دايو افلست عام 2002 وضحكوا علينا بموديلات اخرها 2007 فى مصر

يا فندم حوار شركة دايو ملوش علاقه بالتكنولوجيا بتاعة الكومبريسور لان دة موجود فى كل اللانوس و النوبيرا من عام 1998 و بعدين هو تم بيع دايو لجنرال موتورز و الموديلات من بعد 2002 موجود عليها علامة دايو لانها كلها تجميع مصرى.
فكرة استخدام جنرال موتورز لعلامة دايو بيعتمد على البلد اللى بيبعو فيها عربياتهم . يعنى على سبيل المثال شيفروليه كروز بتنزل بعلامة دايو لحد دلوقتى فى بلاد معينه.

[MoMohsen]

بص يا باشا فكرة الأنفرتر زي ما حضرتك تفضلت وشرحت بالظبط وهي انه بدل مبيشتغل اون و اوف بس ..لأ هوا شغال علطول بس بسرعات مختلفة تعتمد ع الحمل الحراري الواقع ع جهاز التكييف واللي بيتم تحديده بناءا ع حساسات موجودة ف الوحدة الداخلية والخارجية ..وطبعا انه يشتغل ع سرعات مختلفة ده بيوفر جامد جدا في استهلاك الكهربا..

طريقة عمله بقي ان الجهاز ده بيقوم بتحويل التيار المتردد اللي جايله ac الي تيار مستمر dc وده بيديله القدرة انه يغير من تردده وبالتالي تتغير فولتيته ع حسب الحمل الحراري وبناءا عليه تتغير سرعة دوران ال rotor بتاع الكباس.. طبعا السيستم ده معقد جدا ومختلف تماما عن كنترول الأجهزة التقليدية وده طبعا مسمع في سعر الجهاز اللي بتلاقيه اغلي بكتير من نظيره التقليدي بس في المقابل انت بتوفر في استهلاك الكهربا بشكل كبير مش اي كلام يعني ..يكفي اني اقولك انك لو بنتكلم عن جهاز 1.5 حصان عادي هتلاقيه متوسط استهلاكه حوالي 230 كيلو وات ساعة شهريا ع متوسط تشغيل 6 ساعات يوميا بينما ع جهاز 1.5 انفرتر هتلاقيه بيستهلك 180 كيلو وات ساعة شهريا بس يعني انت بتتكلم ع توفير حوالي 25% من فاتورتك الشهرية ...لما حسبوا ال payback period بتاعت الجهاز ده لقوها سنتين بس يعني حضرتك هتسترد قيمة جهازك بالكامل بعد سنتين فقط من ناتج توفيرك في فاتورة الكهربا ..فالفكرة انت بتدفع كتير دلوقتي بس هتوفر كتير اوي في المستقبل.

الجهاز موجود في السوق المصري من كاريير باسم xpower وواحد تاني ميديا مش فاكر اسم موديله والأتنين بضمان ميراكو ...

الله ينور عليك انت كده وضحت كل اللى كنت بحاول اقوله.
على العموم انا كلمت كاريير اسأل على السعر لقيته فى موديل واحد من ميديا و اخرة 2.25 حصان و تمنه 7300 بجد بيستهبلوا.
و كمان كلمت باناسونيك و سألتهم لقيته بـ 6600 و طبعا اكيد باناسونيك افضل بكتير و فرق تمنه كدة عن الشارب اعلى موديل 1000 جنيه اللى يعتبر من وجهة نظرى فرق مقبول مقابل تكنولوجيا افضل و توفير كهرباء.

[hazemhany]

يا استاذي الفاضل مهو ال 700 جنيه الفرق ما بين باناسونيك وكاريير ده نظير انت واخد براند موجودة في السوق المصري من سنين وليهم مراكز خدمة وقطع غيار متوفرة انما تقدر تقولي في كام جهاز تكييف باناسونيك في مصر ؟! وكام جهاز انفرتر ؟! ..هو ده المعيار بالنسبة لك ..ده رأي بصراحة

[dedi]

يا استاذي الفاضل مهو ال 700 جنيه الفرق ما بين باناسونيك وكاريير ده نظير انت واخد براند موجودة في السوق المصري من سنين وليهم مراكز خدمة وقطع غيار متوفرة انما تقدر تقولي في كام جهاز تكييف باناسونيك في مصر ؟! وكام جهاز انفرتر ؟! ..هو ده المعيار بالنسبة لك ..ده رأي بصراحة

انا اختلف معك ماتنساش كارير مابقيش زى زمان
باناسونيك كاسم و براند نيم اقوى بكتير و جهاز مستورد

[Sh_sunsea]

طيب ماهو سامسونج اسم بيجمع بين الميزتين - متواجد بقاله فترة في مصر - كوري - ومازال بيزرع اسمه ومركنش زي كاريير

[MoMohsen]

يا استاذي الفاضل مهو ال 700 جنيه الفرق ما بين باناسونيك وكاريير ده نظير انت واخد براند موجودة في السوق المصري من سنين وليهم مراكز خدمة وقطع غيار متوفرة انما تقدر تقولي في كام جهاز تكييف باناسونيك في مصر ؟! وكام جهاز انفرتر ؟! ..هو ده المعيار بالنسبة لك ..ده رأي بصراحة

يا فندم هو اصلا مش كاريير دة ميراكو ميديا و ميراكو اصلا واخدة اكتر من توكيل منهم كاريير و ميديا و توشيبا و ميديا كنوع ولا ليه اى اسم و كمان خدمتهم بقت سيئه جدا و الخامات مش قد كدةو كمان متجمع فى مصر.
الباناسونيك بقى دة مستورد بالكامل و كمان اسم عالمى ممتاز و الجهاز عليه ضمان 5 سنين ضمان شامل.

[MoMohsen]

طيب ماهو سامسونج اسم بيجمع بين الميزتين - متواجد بقاله فترة في مصر - كوري - ومازال بيزرع اسمه ومركنش زي كاريير

طب هو حد يقدر يأكد حوار ان سامسونج انفرتر ولا عادى يعنى لو حد عندة التكييف و كمان لو حد يعرف تمنهز

[hazemhany]

يا فندم هو اصلا مش كاريير دة ميراكو ميديا و ميراكو اصلا واخدة اكتر من توكيل منهم كاريير و ميديا و توشيبا و ميديا كنوع ولا ليه اى اسم و كمان خدمتهم بقت سيئه جدا و الخامات مش قد كدةو كمان متجمع فى مصر.
الباناسونيك بقى دة مستورد بالكامل و كمان اسم عالمى ممتاز و الجهاز عليه ضمان 5 سنين ضمان شامل.

بص يا فندم ميراكو وكيل كاريير وميديا ..وميديا اينعم ملوش اسم في مصر بس هو اكبر مصدر للأجهزة الكهربائية في الصين ومعروف في دول كتير بس هو لسه بيبني اسمه في مصر فلسه مش معروف ..لو بتتكلم عن التجميع فالجهاز الأنفرتر بالتحديد بيجي من بره جاهز ومبيتجمعش في مصانع ميراكو اللي هنا في مصر وده معلومة مؤكدة 100% ..ففي النهاية انا مش بقنعك ببراند ع حساب براند تانية بس انا بنصحك بما اني في المجال يعني ..وانا بقلك خد حاجة كاريير عشان لو باظت عندك حاجة في المستقبل متحتسش لأن في وكيل كبير للبراند موجود بقاله اكتر من 30 سنة في السوق ..